اسلام آباد : بیرون ملک تعلیم حاصل کرنے کے خواہشمند پاکستانی طلبا کے لئے بڑا اعلان کردیا گیا۔

تفصیلات کے مطابق اعلیٰ تعلیمی کمیشن (ایچ ای سی) پاکستان نے عمان اسکالرشپ پروگرام 2025-26 کے تحت پاکستانی طلبا کے لیے مکمل فنڈڈ انڈرگریجویٹ اسکالرشپس کے لیے درخواستیں طلب کر لی ہیں۔

اس پروگرام کے تحت پاکستانی طلبا عمان کی منتخب جامعات میں انجینئرنگ، ہیومینٹیز، انفارمیشن ٹیکنالوجی اور سائنسز (طب کے شعبے کے علاوہ) میں بیچلرز ڈگری حاصل کر سکیں گے۔

ایچ ای سی کا کہنا تھا کہ اس اقدام کا مقصد پاکستان اور عمان کے درمیان تعلیمی و ثقافتی تعلقات کو فروغ دینا اور ہونہار طلبا کو عالمی معیار کی تعلیمی سہولیات تک رسائی فراہم کرنا ہے۔

مزید پڑھیں : ہر ماہ 1,20,000 روپے وظیفہ : طلباء کے لیے سنہری موقع، کون اہل ہوگاِ؟

اہم مراعات میں 100 فیصد ٹیوشن فیس معافی ، ماہانہ وظیفہ: 200 عمانی ریال (بغیر رہائش) یا 140 عمانی ریال (رہائش کے ساتھ) اور سال میں ایک مرتبہ آنے اور جانے کا ہوائی ٹکٹ ملے گا۔

درخواست جمع کرانے کی آخری تاریخ 23 ستمبر 2025 ہے۔ دلچسپی رکھنے والے امیدوار درخواستیں درج ذیل لنک کے ذریعے جمع کرا سکتے ہیں: https://tinyurl.com/studyinoman

بشکیک : کرغزستان کے دارلحکومت بشکیک میں کرغز بلوائیوں نے پاکستانی طلبا کو ملک چھوڑنے کا الٹی میٹم دے دیا، طلبا کا کہنا ہے کہ مقامی ہمیں جہاں دیکھ رہےہیں مار رہے ہیں۔

تفصیلات کے مطابق کرغزستان کے دارلحکومت بشکیک میں موجود پاکستانی طلبہ پرحملوں کا خطرہ نہ ٹل سکا، بلوائیوں نے ملک چھوڑنے کا الٹی میٹم دے دیا۔

پاکستانی طلبہ نے ویڈٰیو پیغام کے ذریعے صورتحال سے آگاہ کرتے ہوئے کہا کہ حالات اب بھی کشیدہ ہیں،، طلبہ پردوبارہ حملہ کیا گیا اور طالبات پربھی تشدد کیا گیا۔

طلبا کا کہنا تھا کہ مقامی ہمیں جہاں دیکھ رہےہیں مار رہےہیں ، سومیٹر دورکینٹین بھی نہیں جاپا رہے، کھانا پینا ختم ہوگیا ، لائٹیں بند کرکے گھروں میں چھپ کر بیٹھے ہیں۔

انھوں نے بتایا کہ سفارتخانے کی طرف کوئی مدد نہیں مل رہی ، کوئی کال اٹھا رہا ہےنہ میسج کا جواب دے رہا ہے، محفوظ مقامات پر منتقلی کے لیے بھی ایک دوسرے کی مدد کر رہے ہیں،اپنی مدد آپ کے تحت پاکستان جانے کی کوشش کر رہے ہیں۔

لاہور : سعودی سفیر نواف بن سعید احمد المالکی کا کہنا ہے کہ سعودی عرب پاکستانی طلبا کو اسکالرشپس دے رہا ہے، اسٹوڈنٹس ایکسچینج پروگرام کو مزید بڑھایا جائے گا۔

تفصیلات کے مطابق گورنر پنجاب محمد بلیغ الرحمان سے سعودی سفیر نواف بن سعید احمد المالکی کی ملاقات ہوئی ، ملاقات میں دو طرفہ تعلقات اور باہمی تعاون کے فروغ پر تبادلہ خیال کیا گیا۔

گورنر پنجاب بلیغ الرحمان نے کہا کہ غزہ میں رہائشی علاقوں،کیمپوں، اسپتالوں،اسکولزپربمباری سےتباہی تکلیف دہ ہے، مہذب قوموں کا اسلحہ نہتے شہریوں پراستعمال ہونا ایک المیہ ہے۔

بلیغ الرحمان کا کہنا تھا کہ پاکستان اور سعودی عرب میں دیرینہ تاریخی برادرانہ تعلقات ہیں، پاکستان،سعودی عرب مشترکہ مذہب ،ثقافت کےرشتے میں بندھے ہیں۔

انھوں نے مزید کہا کہ سیاحت کےحوالےسے سعودی حکومت بہت اچھے اقدامات کر رہی ہے، سعودی حکومت کا غیر ملکی سیاحوں کیلئے ویزہ پالیسی کو آسان بنانا خوش آئند ہے۔

گورنر پنجاب کا کہنا تھا کہ سعودی حکومت کےپاکستان میں سرمایہ کاری کےنئےاقدامات حوصلہ افزاہیں، سعودی سرمایہ کاروں کے لیے پاکستان میں ساز گار مواقع موجود ہیں۔

بلیغ الرحمٰان نے کہا کہ سعودی طلبا کو پاکستانی یونیورسٹیوں میں تعلیم کے لیے خوش آمدید کہتے ہیں، پاکستانی ڈاکٹرز سعودی عرب سمیت پوری دنیا میں پاکستان کا نام روشن کررہے ہیں۔

سعودی سفیر کا کہنا تھا کہ پاکستان میرا دوسرا گھر ہے یہاں پر بہت زیادہ عزت اور پیار ملا ہے، سعودی عرب پاکستانی طلبا کو اسکالرشپس دے رہا ہے، اسٹوڈنٹس ایکسچینج پروگرام کو مزید بڑھایا جائے گا۔

کراچی : امریکی قونصل جنرل نے پاکستانی طلبا کو ترجیح بنیادوں پر ویزے دینے کا اعلان کردیا اور کہا ساڑھے سات ہزار پاکستانی امریکا میں تعلیم حاصل کر رہے ہیں۔

تفصیلات کے مطابق پاکستانی طالب علموں کے لئے اعلی تعلیم کے وسیع تر مواقع فراہم کرنے کیلئے امریکی قونصل خانے اور یو ایس ای ایف پی کی جانب سے یونیورسٹی فیئر کا اہتمام کیا گیا۔

جس میں مختلف امریکی جامعات نے اپنے اسٹالز لگائے، پاکستانی طالب علموں نے یونیورسٹی فیر کو ایک حوصلہ افزا قدم قرار دیا۔

امریکی قونصل جنرل نے مختلف اسٹالوں کا معائنہ کیا، اس موقع پر جو پاکستانی طالب علم اعلیٰ تعلیم حاصل کرنے کے لیے بیرون ملک جانا چاہتے ہیں ان کی سہولت کے لیے امریکی جامعات نے اعلیٰ تعلیم کو مزید آسان کر نے کا فیصلہ کیا۔

امریکی قونصل جنرل کرسٹین ہاکنز نے طلبا کو ترجیح بنیادوں پر ویزے دینے کا اعلان کرتے ہوئے کہا ساڑھے سات ہزار پاکستانی امریکا میں تعلیم حاصل کر رہے ہیں۔

ان کا کہنا تھا کہ امریکا نے 6 ہزار سے زائد اسکالرزشپ پاکستانی طالب علموں کودی ہیں، تعلیم کےشعبےمیں یوایس ایکسچینج پروگرام اہم کردارادا کررہاہے، نوجوان پاکستان کی ترقی کی نمائندگی کرتے ہیں۔

ماہر تعلیم کا کہنا ہے کہ پاکستان میں باصلاحیت طالبعلموں کی کمی نہیں ہے اور امریکی یونیورسٹز چاہتی ہے کہ پاکستانی طالب علم ان کے کیمپس میں تعلیم حاصل کریں