Tag: پاکستانی طلبہ

  • حکومت کرغزستان نے بشکیک شہر کی صورت حال کے حوالے سے اہم بیان جاری کر دیا

    حکومت کرغزستان نے بشکیک شہر کی صورت حال کے حوالے سے اہم بیان جاری کر دیا

    بشکیک: حکومت کرغزستان نے بشکیک شہر کی صورت حال کے حوالے سے بیان جاری کرتے ہوئے کہا ہے کہ شہر کی صورت حال اس وقت مستحکم ہے۔

    کرغزستان وزارت داخلہ نے کہا ہے کہ علاقے کی صورت حال وزارت داخلہ اور بشکیک کے مرکزی محکمہ داخلہ کے مکمل کنٹرول میں ہے، اور پولیس اہلکار سختی سے کام کر رہے ہیں۔

    غیر ملکی میڈیا کے مطابق وزارت داخلہ نے کہا ہے کہ دارالحکومت کی تمام سڑکوں پر گاڑیوں کی آمد و رفت بحال کر دی گئی ہے، جب کہ پولیس و دیگر قانون نافذ کرنے والے ادارے بہتر انداز میں امن عامہ یقینی بنا رہے ہیں۔

    واضح رہے کہ گزشتہ روز کرغزستان میں مصری اور مقامی طلبہ میں جھگڑے کے بعد ہنگامہ آرائی شروع ہو گئی، اور مقامہ طلبہ کے جھتوں نے پاکستانی طلبہ کے ہاسٹلز پر بھی حملہ کر دیا، اور اندر گھس کر توڑ پھوڑ کی، تشدد سے 5 طلبہ زخمی ہوئے، جب کہ طالبات نے چھپ کر جان بچائی۔

    پاکستانی طلبا پر تشدد : کرغزستان ناظم الامور ڈیمارچ کیلئے دفترخارجہ طلب

    پاکستان میں دفتر خارجہ نے کرغزستان کے ناظم الامور کو ڈیمارش کے لیے طلب کیا ہے، ترجمان دفتر خارجہ کا کہنا ہے کہ واقعے کی رپورٹس پر تشویش سے آگاہ کیا گیا، کرغزستان وزارت صحت کے مطابق چار پاکستانیوں کو طبی امداد فراہم کر کے فارغ کیا گیا، ایک پاکستانی جبڑے کی چوٹ کے باعث زیر علاج ہے۔

    کرغز حکام نے انکوائری کرانے اور قصور واروں کو سزا دینے کا وعدہ کیا ہے، دوسری طرف پاکستانی سفارت خانے نے ہنگامی ہیلپ لائنز کھول دی ہیں، وزارت خارجہ نے کرائسز منجمنٹ یونٹ فعال کر دیا، ای میل کے ذریعے بھی رابطہ کیا جا سکتا ہے۔

  • وزیراعظم کا کرغزستان  میں پاکستانی طلبہ کی صورتحال پر گہری تشویش کا اظہار

    وزیراعظم کا کرغزستان میں پاکستانی طلبہ کی صورتحال پر گہری تشویش کا اظہار

    اسلام آباد : وزیراعظم شہباز شریف نے کرغزستان میں پاکستانی طلبہ کی صورتحال پر گہری تشویش کا اظہار کرتے ہوئے تمام تر ضروری مدد اور تعاون فراہمی کی ہدایت کردی۔

    تفصیلات کے مطابق وزیراعظم شہباز شریف نے اپنے بیان میں میں کہا کرغزستان کے دارلحکومت بشکیک میں پاکستانی طلبہ کی صورتحال پر گہری تشویش ہے، پاکستانی سفیرکو تمام ترضروری مدداورتعاون فراہمی کی ہدایت کی ہے۔

    شہبازشریف کا کہنا تھا کہ وزیراعظم آفس پاکستانی سفارت خانے سےرابطے میں ہے اور صورتحال پرمسلسل نظر رکھے ہوئےہیں۔

    یاد رہے کرغزستان کےدارالحکومت بشکیک میں پاکستانی طلبہ کے ہاسٹلز پر حملے ہوئے ، جس میں پاکستانی طلبا بھی زد میں آئے۔

    پاکستانی طلبہ نے بتایا تھا کہ پاکستانی ہاسٹلز پرحملےمیں متعدد طلبا زخمی ہوئے، بلوائی بہت بڑی تعدادمیں تھے،ہاسٹلزمیں توڑپھوڑ کی۔

    طالبہ کا کہنا تھا کہ کل عرب ممالک کےطلبہ سےمقامی لوگوں کاجھگڑاہواتھا تاہم حملوں کےبعدکرغیزستان کی فوج ہوسٹلزکےباہرپہنچناشروع ہوگئے ہیں۔

    بعد ازاں کرغیزستان میں تعینات پاکستانی سفیر حسن علی ضیغم نے سوشل میڈیاپرپیغام میں ہدایت کی تھی کہ حالات معمول پر آنے تک بشکیک میں موجود پاکستانی طلبہ گھروں کے اندر ہی رہیں۔

    ان کا کہنا تھا کہ مقامی قانون نافذ کرنے والے اداروں سےرابطے میں ہیں اور طلبہ کی حفاظت یقینی بنانے کیلئے اقدامات کررہے ہیں۔

  • کرغزستان میں پاکستانی طلبہ کے ہاسٹل پر حملہ، متعدد زخمی

    کرغزستان میں پاکستانی طلبہ کے ہاسٹل پر حملہ، متعدد زخمی

    بشکیک : کرغزستان کے دارالحکومت بشکیک میں پاکستانی طلبا کے ہاسٹل پر مشتعل افراد نے حملے کیے، جس کے نتیجے میں متعدد طلباء زخمی ہوگئے۔

    تفصیلات کے مطابق کرغزستان کے دارالحکومت بشکیک میں مقامی اور غیر ملکی طلباء کے درمیان کشیدگی میں پاکستانی طلباء بھی زد میں آگئے۔

    اس حوالے سے کرغزستان میں زیر تعلیم ڈاکٹر ورشا نے روتے ہوئے اے آر وائی نیوز کو بتایا کہ ہمارے ساتھ بہت برا ہوا ہے، کل عرب ممالک کے کچھ طلبہ سے مقامی لوگوں کا جھگڑا ہوا تھا۔

    انہوں نے بتایا کہ ہاسٹل پر حملہ کرنے والے بلوائی بہت بڑی تعداد میں تھے جنہوں نے آج یہاں بہت زیادہ توڑ پھوڑ کی اور پاکستانی طلبہ و طالبات کو تشدد کا نشانہ بنایا۔

    ڈاکٹر ورشا نے بتایا کہ ہم نے باتھ روم میں چھپ کر اپنی جانیں بچائی، ہاسٹل میں 500کے قریب پاکستانی طلبہ و طالبات موجود ہیں۔

    پاکستانی طالبہ نے بتایا کہ حملوں کے بعد کرغزستان کی فوج ہاسٹل کے باہر پہنچنا شروع ہوگئی ہے، محصور طلبہ کو تھوڑی دیر پہلے ریسکیو کرنے کا کام شرع کیا گیا ہے۔

    پاکستانی سفیر کا سوشل میڈیا پر پیغام

    اس حوالے سے کرغزستان میں تعینات پاکستانی سفیر حسن علی ضیغم نے سوشل میڈیا پر پیغام جاری کیا ہے انہوں نے کہا کہ بشکیک میں موجود پاکستانی طلبہ حالات معمول پر آنے تک اپنے گھروں تک محدود رہیں۔

    پاکستانی سفیر کا کہنا ہے کہ ہم مقامی قانون نافذ کرنے والے اداروں سےرابطے میں ہیں اور طلبہ کی حفاظت یقینی بنانے کیلئے اقدامات کررہے ہیں، ایمرجنسی میں طلبہ 507567667-996پر رابطہ کریں۔

    پاکستانی طالبہ ڈاکٹر ورشا نے بھائی نے اے آر وائی نیوز کو بتایا کہ میری کچھ دوستوں سے بات ہوئی ہے، انہوں نے بتایا کہ بلوائیوں نے لڑکیوں کے کمروں میں بھی بہت زیادہ توڑ پھوڑ کی۔

  • سعودی عرب کی جانب سے پاکستانی طلبہ کیلئے بڑی خوشخبری

    سعودی عرب کی جانب سے پاکستانی طلبہ کیلئے بڑی خوشخبری

    اسلام آباد : سعودی حکومت نے پاکستانی طلباء کو خوشخبری سنادی، مملکت نے ایک بار پھر اپنی 25 یونیورسٹیوں میں اعلیٰ تعلیم کے حصول کے لیے پاکستانی طلبا و طالبات کو 700 اسکالر شپس دینے کا اعلان کردیا۔

    تفصیلات کے مطابق سعودی حکومت نے پاکستانی طلباء کے لئے اسکالر شپس کی تعداد بڑھا کر 700 کردی ہے، پاکستانی طلباء ان وظائف کیلئے “اسٹڈی ان سعودی” الیکٹرانک پورٹل کے ذریعے اپلائی کرسکتے ہیں۔

    جاری پریس ریلیز کے مطابق سعودی عرب نے پاکستانی طلباء کو 600 وظائف کی پیشکش کی تھی جنہیں بڑھا کر اب700 کردیا گیا ہے، پاکستانی طلباء ان اسکالر شپ کے لئے اپلائی کرسکتے ہیں۔

    یہ پورٹل بین الاقوامی طلباء کو سعودی عرب میں تعلیم کے لئے سیلف فنانس، جزوی اسکالرشپ اور مکمل اسکالرشپ کے لیے ایک ون ونڈو جامع گیٹ وے فراہم کرتا ہے۔

    پاکستانی طلباء اپنی مطلوبہ ڈگری کے لیے درخواست دے سکتے ہیں جس میں میڈیکل سائنس کے علاوہ تقریباً تمام مضامین شامل ہیں۔ اسکالرشپ کی تفصیلات سعودی مشن کی ویب سائیٹ
    (https://studyinsaudi.moe.gov.sa/)پر دستیاب ہیں ۔

  • ترکیہ میں زلزلے کے بعد محصور 15 پاکستانی طلبہ وطن واپس پہنچ گئے

    ترکیہ میں زلزلے کے بعد محصور 15 پاکستانی طلبہ وطن واپس پہنچ گئے

    لاہور : ترکیہ میں زلزلے کے بعد محصور 15 پاکستانی طلبہ وطن واپس پہنچ گئے، انقرہ میں پاکستانی سفارت خانے کی کاوشوں سے طلبہ کی واپسی ممکن ہوئی۔

    تفصیلات کے مطابق ترکیہ میں ہولناک زلزلے کے بعد متاثرہ علاقوں میں پھنسے ہوئے پندرہ پاکستانی طلبہ وطن واپس پہنچ گئے۔

    طلبہ قومی ائیرلائن کی پرواز پی کےسیون زیرو ایٹ کے ذریعے علی الصبح استنبول سے لاہور پہنچے ہیں۔

    انقرہ میں پاکستانی سفارت خانے کی کاوشوں سے طلبہ کی واپسی ممکن ہوئی ہے، لاہور ائیرپورٹ پہنچنے کے بعد تمام طلبہ اپنے آبائی علاقوں کو روانہ ہوگئے۔

    واضح رہے ترکیہ اور شام میں زلزلے سے اموات کی تعداد25 ہزار سے تجاوزکرگئیں اور مزید اضافے کا خدشہ ہے جبکہ 80 ہزار سے زائد زخمی ہیں۔

    ترک میڈیا کے مطابق ترکیہ میں مرنیوالوں کی تعداد بیس ہزار دو سو تیرہ اور زخمی ستتر ہزار سے زائد ہیں جبکہ شام میں تین ہزار پانچ سو افراد جان سے گئے اور زخمیوں کی تعداد باون ہزار سے زائد ہوگئی۔

  • سعودی عرب کا پاکستانی طلبہ کے لیے بڑا اعلان

    سعودی عرب کا پاکستانی طلبہ کے لیے بڑا اعلان

    اسلام آباد: سعودی عرب نے پاکستانی طلبہ کے لیے 25 جامعات میں وظائف کا اعلان کر دیا ہے۔

    تفصیلات کے مطابق پاکستان کے ہایئر ایجوکیشن کمیشن (ایچ ای سی) نے کہا ہے کہ سعودی عرب کی جامعات میں داخلے کے خواہش مند طلبہ و طالبات متعلقہ یونیورسٹی کی ویب سائٹ پر درخواست دے سکتے ہیں۔

    ایچ ای سی کے مطابق ڈپلومہ، بیچلرز، ماسٹرز اور پی ایچ ڈی کے اسکالر شپس پولیٹیکل سائنس، قانون، ایجوکیشن، ایڈمنسٹریشن ، معاشیات، انجنیئرنگ، کمپیوٹر سائنس، ایگریکلچر، عربی/اسلامک اسٹڈیز اور میڈیا سائنس میں دیے جا رہے ہیں۔

    اسکالر شپ کے لیے اہلیت کا معیار؟

    اسکالر شپ کے لیے درخواست گزار کا تعلق پاکستان یا پاکستان کے زیر انتظام کشمیر سے ہونا چاہیے، 75 فی صد اسکالر شپس پاکستان سے طالب علموں، جب کہ 25 فی صد سعودی عرب میں مقیم پاکستانی طلبہ کو دیے جائیں گے۔

    اسکالر شپ کے لیے مرد و خواتین دونوں درخواست دینے کے اہل ہیں، اسکالر شپ حاصل کرنے والوں کو یونیورسٹی کیمپس میں رعایتی نرخوں پر کھانا، کھیلوں اور تفریح کی سہولیات فراہم کی جائیں گی، جب کہ زیر کفالت افراد کے لیے سفری اخراجات میں معاونت بھی کی جائے گی۔

    سائنس کی تعلیم حاصل کرنے والے طلبہ کو ماہانہ 900 سعودی ریال جب کہ آرٹس والوں کو 850 سعودی ریال ماہانہ الاؤنس دیا جائے گا۔

    درخواست دینے کا طریقہ کار

    طلبہ و طالبات اسکالر شپ کے لیے متعلقہ یونیورسٹی کی ویب سائٹ پر درخواست دیں گے، ہر یونیورسٹی مجموعی داخلوں کا 5 فی صد اسکالر شپ دے گی۔

    درخواست گزار اسکالر شپ کے لیے اپلائی کرنے کے بعد اپنی درخواست پاکستانی سفارت خانے کو ای میل کرے گا، جس کے بعد سفارت خانہ درخواستوں کی منظوری کے لیے متعلقہ یونیورسٹی سے رابطہ کرے گا۔

    داخلوں کی آخری تاریخ کے وقت بیچلرز پروگرام کے لیے درخواست گزار کی عمر 17 سے 25 سال، ماسٹرز کے لیے 30 سال، اور پی ایچ ڈی کے لیے عمر 35 سال سے کم ہونی چاہیے۔

    اس حوالے مزید تفصیلات ایچ ای سی کی ویب سائٹ سے حاصل کی جا سکتی ہیں۔

  • گوگل کا پاکستانی طالب علموں کے لیے اہم قدم

    گوگل کا پاکستانی طالب علموں کے لیے اہم قدم

    کراچی: وزارتِ آئی ٹی کی کاوشوں سے گوگل نے پاکستانی طالب علموں کے لیے ایک اہم کمپیوٹر پروگرام متعارف کرا دیا ہے۔

    اے آر وائی نیوز کے مطابق گوگل کے تعاون سے وفاقی وزیر آئی ٹی سید امین الحق نے اہم پروگرام کا آغاز کر دیا ہے، سی ایس فرسٹ نامی اس پروگرام کے تحت اسکول کی سطح پر کمپیوٹر ٹیکنالوجی کی تعلیم دی جائے گی۔

    اس پروگرام CS First کا آغاز وزارت آئی ٹی، ٹیلی کام فاؤنڈیشن، ورچوئل یونی ورسٹی اور ٹیک ویلی کی شراکت سے کیا گیا ہے، ابتدائی طور پر ٹیلی کام فاؤنڈیشن کے 3 اسکولوں میں اس پروگرام کی شروعات کر دی گئی ہے۔

    وفاقی وزیر سید امین الحق کا کہنا ہے کہ اس پروگرام کو جلد ہی تمام اسکولوں تک توسیع دی جائے گی، پروگرام کا مقصد بچوں کو ابتدائی کلاسز ہی سے کمپیوٹر پروگرامز سے آگاہی دینا ہے۔

    انھوں نے کہا ڈیجیٹل پاکستان ویژن کے تحت یہ پروگرام پاکستانی بچوں کے لیے ایک بہترین پلیٹ فارم ثابت ہوگا، ڈیجیٹل ورلڈ کے چیلنجز کا مقابلہ کرنے کے لیے اس طرح کے پروگرامز وقت کی ضرورت ہیں۔

    وفاقی وزیر کا کہنا تھا ہماری خواہش ہے کہ اس طرز کے پروگرامز کو پس ماندہ اور دور دراز علاقوں تک توسیع دی جائے۔

    آئی ٹی وزیر کا یہ بھی کہنا تھا کہ سی ایس فرسٹ پروگرام میں کھیل ہی کھیل میں بچوں کو ٹیکنالوجی کی تعلیم دی جا سکے گی، بہتر مستقبل کے لیے ابتدا ہی سے ٹیکنالوجی اور ہنر مندی کی بنیاد ڈالنا ضروری ہے۔

  • زلفی بخاری کی چین میں پھنسے پاکستانی طلبا کے والدین سے ملاقات

    زلفی بخاری کی چین میں پھنسے پاکستانی طلبا کے والدین سے ملاقات

    اسلام آباد: وزیر اعظم کے معاونین خصوصی زلفی بخاری اور ڈاکٹر ظفر مرزا نے چین میں پھنسے پاکستانی طلبا کے والدین سے ملاقات کی اور بتایا کہ حکومت چین میں پھنسے پاکستانی طلبا کی مشکلات حل کرنا چاہتی ہے۔

    تفصیلات کے مطابق وزیر اعظم عمران خان کے معاونین خصوصی برائے اوور سیز پاکستانی زلفی بخاری اور برائے صحت ڈاکٹر ظفر مرزا نے چین میں پھنسے پاکستانی طلبا کے والدین سے ملاقات کی اور انہیں بریفنگ دی۔

    زلفی بخاری کا کہنا تھا کہ چین میں کرونا وائرس کی صورتحال بہت گھمبیر ہو چکی ہے، کرونا وائرس کی ساخت سے متعلق تاحال کچھ پتہ نہیں چل رہا۔ حکومت چین میں پھنسے پاکستانی طلبا کی مشکلات حل کرنا چاہتی ہے۔

    انہوں نے کہا کہ وائرس کا کوئی حل نہیں ہے نہ ہی اس کا کوئی ماہر موجود ہے، بہت سے ممالک مسئلے کو حل کرنے کی کوشش کر رہے ہیں لیکن کسی کو اندازہ نہیں کہ جو وہ کر رہے ہیں وہ ٹھیک ہے یا نہیں۔

    زلفی بخاری کا کہنا تھا کہ وہاں رہنے والے پاکستانی طلبا محفوظ ہاتھوں میں ہیں، سفارت خانے سے 2 افراد کو ووہان جانے کی اجازت ہے۔ کئی ممالک کو اس حوالے سے کیے گئے اقدامات پر یقین نہیں۔

    انہوں نے کہا کہ اقدامات کے نتائج کے حوالے سے ابھی تک کسی کو نہیں پتہ، 2 افراد کو اس شرط پر جانے کی اجازت دی گئی کہ وہ بغیر چیک نہیں آسکیں گے۔ ہم نے اپنے لوگ اس لیے بھیجے تاکہ وہاں وہ بچوں کا درد دیکھ سکیں، وہ وہاں ہی رہیں گے۔

    معاون خصوصی ڈاکٹر ظفر مرزا کا کہنا تھا کہ حکومت اور کابینہ کو احساس ہے کہ ہم کوئی حکمت عملی آپ سے شیئر کریں، معاملہ اپنی اولاد کا ہو تو خواہش ہوگی کل کے بجائے آج ہی بچے واپس آجائیں۔

    انہوں نے کہا کہ ہم سب کو بھرپور اندازہ ہے کہ بچوں کے والدین بہت پریشان ہیں، والدین کے تحفظات اپنی جگہ لیکن حالات بھی دیکھیں۔

    اس سے قبل کرونا وائرس سے بچاؤ کے لئے ایمرجنسی کور گروپ کے اجلاس کے دوران ظفر مرزا نے بتایا تھا کہ اب تک قومی ادارہ صحت کو کرونا وائرس کے مشتبہ 89 نمونے موصول ہوئے ہیں، موصول ہونے والے تمام نمونے منفی ہیں، پاکستان میں اس وقت کرونا وائرس کا کوئی کیس نہیں۔

    معاون خصوصی کا کہنا تھا کہ ایئرپورٹس پر مسافروں کی اسکریننگ کو مربوط بنایا گیا ہے اور 4 لاکھ سے زائد باہر سے آنے والے مسافروں کی اسکریننگ ہوچکی ہے۔

  • چین میں محصور سیکڑوں پاکستانی طلبہ کو  کروناوائرس کا خوف، حکومت سے مدد کی اپیل

    چین میں محصور سیکڑوں پاکستانی طلبہ کو کروناوائرس کا خوف، حکومت سے مدد کی اپیل

    ووہان : چین میں کروناوائرس کے باعث سیکڑوں پاکستانی طلبہ ووہان میں پھنس گئے، اپنے ویڈیو پیغام میں طالبات نے حکومت سے وطن واپسی میں مددکرنے کی اپیل کردی ہے اور کہا کوئی پاکستانی طالب علم کروناوائرس سے متاثرنہیں ہوا۔

    تفصیلات کے مطابق کروناوائرس کے باعث سیکڑوں پاکستانی طلبہ چین میں محصور ہوکر رہ گئے ہیں ، ووہان کی بارہ جامعات میں سیکڑوں طلبہ زیرتعلیم ہیں، جہاں انھیں غذائی قلت کا سامنا ہے

    پاکستانی طالبات نے اپنےویڈیو پیغام میں حکومت سےوطن واپسی میں مددکرنے کی اپیل کردی، ووہان میں زیرتعلیم طالبہ حفصہ طیب نے اے آروائی نیوز سے گفتگو کرتے ہوئے بتایا کہ کوئی پاکستانی طالب علم کروناوائرس سے متاثرنہیں ہوا لیکن خوف ہے، کوئی ایک بھی یہاں کرونا وائرس کا شکار ہوا تو دیگر طلبا بھی زد میں آئیں گے پھر ملک واپس بھی نہیں آسکتے۔

    حفصہ طیب کا کہنا تھا کہ پاکستانی حکام تعاون تو کررہے ہیں لیکن ابھی تک ووہان سے نکالنے کی کوئی ڈیڈ لائن نہیں دی گئی۔

    خیال رہے چین کروناوائرس سےہلاکتوں کی تعداد اسی ہوگئی ہے جبکہ مختلف شہروں میں 3 ہزارسےزائدافرادمیں وائرس کی تصدیق ہوئی ہے اور وائرس پھیلنے کے خدشے کے پیش نظرووہان کا دیگر شہروں سے رابطہ منقطع ہے۔

    مزید پڑھیں : چین میں کرونا وائرس سے ہلاک افراد کی تعداد 80 ہو گئی

    چینی نئے سال کی قومی تعطیلات میں تین روز کا اضافہ کردیاگیا ہے اور چین کےمتعدد شہروں میں سفر پر پابندی عائد کردی گئی ہے، شہر ووہان میں لاک ڈاؤن ہے ، ٹرین، بسوں اورہوائی جہازوں کی آمدورفت معطل ہے۔

    چین میں تصدیق شدہ کیسز کی تعداد ستائیس سو چوالیس ہے جبکہ دنیابھرمیں کرونا وائرس سے 41 افراد متاثر ہیں، جن میں کینیڈا،آسٹریلیا،جاپان، تھائی لینڈ،جنوبی کوریا، یورپ اورامریکا شامل ہیں۔

  • سعودی عرب کا 583 پاکستانی طلبہ کو اسکالرشپس دینے کا اعلان

    سعودی عرب کا 583 پاکستانی طلبہ کو اسکالرشپس دینے کا اعلان

    اسلام آباد: مملکتِ سعودی عربیہ نے 583 پاکستانی طلبہ کو اسکالرشپس دینے کا اعلان کر دیا ہے۔

    تفصیلات کے مطابق ہائر ایجوکیشن کمیشن (ایچ ای سی) کے اشتراک کے ساتھ سعودی عرب 2019 کے لیے 583 پاکستانی طلبہ کو اسکالر شپس فراہم کرے گا۔

    [bs-quote quote=”اسکالر شپس کے لیے پروگرامز میں بیچلر، ماسٹر اور پی ایچ ڈی پروگرامز شامل ہیں۔” style=”style-7″ align=”left” color=”#dd3333″][/bs-quote]

    پروگرام کے مطابق تمام مالی اسکالر شپس رواں سال 2019 کے لیے ہوں گی۔

    مذکورہ اسکالر شپس مواقع کے تحت پروگرامز کے تین بڑے درجے ترتیب دیے گئے ہیں، ان درجوں میں بیچلر، ماسٹر اور پی ایچ ڈی پروگرامز شامل ہیں۔

    صحت اور میڈیسن کے شعبوں کے علاوہ یہ اسکالر شپ پروگرامز مخصوص علوم کے شعبوں میں ترتیب دیے گئے ہیں۔

    یاد رہے کہ پچھلے سال اگست میں بھی سعودی عرب کے سفیر نواف بن سید المالکی نے چیئرمین سینیٹ صادق سنجرانی سے ملاقات کے دوران بلوچستان کے طلبہ کو 50 وظائف دینے کا اعلان کیا تھا۔


    یہ بھی پڑھیں:  سعودی عرب کا بلوچستان کے طلبا کے لیے اسکالر شپس کا اعلان


    ترجمان کا کہنا تھا کہ بلوچستان کے گریجویٹ اور انڈر گریجویٹ سطح کے طلبہ کو وظائف دیے جائیں گے، جس کے تحت تمام تعلیمی اخراجات سعودی حکومت برداشت کرے گی، طلبہ کو ماہانہ اعزازیہ بھی دیا جائے گا۔

    خیال رہے کہ گزشتہ سال جنوری میں پاک سعودی وزارتی کمیشن (جے ایم سی) کے گیارہویں سیشن میں دونوں ممالک کے درمیان مختلف شعبوں میں باہمی تعاون کے لیے اتفاق کیا گیا تھا۔

    دونوں ممالک کے درمیان سائنٹیفک ریسرچ، اسکالر شپس کا تبادلہ، طبی تعلیم اور میڈیکل اسٹاف کے تجربات کے تبادلے اور طلبہ کے تعلیمی دوروں پر اتفاق کیا گیا تھا۔