پاکستانی عازم حج کو مکہ مکرمہ میں راہ چلتے ہزاروں ریال اور قیمتی موبائل فون سے بھرا بیگ پڑا ملا جس کو اس نے پاکستانی حج مشن کے حوالے کر دیا۔
سیالکوٹ کے رہائشی عامر حمید جو فریضہ حج کی ادائیگی کے لیے ان دنوں مکہ مکرمہ میں موجود ہیں۔ انہیں گزشتہ دنوں شہر مکہ میں ہی راہ چلتے ایک بیگ ملا جس میں 9 ہزار سعودی ریال، ایک قیمتی آئی فون سمیت دیگر کاغذات موجود تھے۔
عامر نے یہ بیگ پاکستانی حج مشن کے حوالے کر دیا اور حج مشن کے مطابق گمشدہ بیگ کو اس میں موجود تمام چیزوں سمیت اصل مالک کو تلاش کرنے کے بعد اس کے حوالے کر دیا گیا ہے۔
اس موقع پر عامر حمید نے کہا کہ پاکستانی قوم کے بارے میں بیرون ممالک ایک برا تاثر قائم ہے، لیکن جس طرح ہاتھ کی پانچوں انگلیاں برابر نہیں ہوتیں، اسی طرح ہر قوم میں نہ سب برے ہوتے ہیں اور نہ ہی سب اچھے۔ پاکستانی قوم ایک ایماندار قوم ہے۔
https://urdu.arynews.tv/viral-video-kuwaiti-citizens-live-makkah-on-heavy-bikes-for-hajj/
انہوں نے کہا کہ انفرادی طور پر کسی یا دو لوگوں کے عمل کو پوری قوم کے کردار پر نہ ڈالا جائے۔ ہماری قوم کو برا نہ کہا جائے۔ پاکستانی قوم بری نہیں بلکہ ایک بہت اچھی قوم ہے۔
