Tag: پاکستانی قیدی

اسلام آباد: سینیٹ اجلاس کے وقفہ سوالات میں‌ بتایا گیا کہ مختلف ملکوں میں قید پاکستانیوں کی تعداد 9 ہزار 991 ہے۔

تفصیلات کے مطابق آج منگل کو سینیٹ اجلاس میں غیر ملکی جیلوں میں پاکستانی قیدیوں سے متعلق تفصیلات پیش کی گئیں، وزارت خارجہ نے تحریری جواب ایوان بالا میں جمع کروا دیا۔

تحریری جواب میں کہا گیا کہ مختلف ممالک میں 9 ہزار 991 پاکستانی قید ہیں، سب سے زیادہ پاکستانی سعودی عرب میں قید ہیں، جن کی تعداد 2 ہزار 555 ہے۔

وزارت خارجہ کے مطابق متحدہ عرب امارات میں ایک ہزار 998 پاکستانی قید ہیں، یونان میں 884 پاکستانی، اور بھارت میں 345 پاکستانی قید کی زندگی گزار رہے ہیں۔

انڈونیشیا میں 8 پاکستانی، آئرلینڈ میں 2 پاکستانی، ایران میں 100 پاکستانی قید میں ہیں، عراق میں 109، اٹلی میں 291، اور جاپان میں 9 پاکستانی قید ہیں۔

وزارت خارجہ کے مطابق قازقستان میں ایک پاکستانی، کینیا میں 6 پاکستانی، کویت میں 65، لیبیا میں 30 پاکستانی، ملائیشیا میں 242، نیپال میں 21، عمان میں 309 پاکستانی، قطر میں 189، اسپین میں 163، جب کہ ترکی میں 263 پاکستانی قید ہیں۔

اسلام آباد: معاون خصوصی برائے سیاسی روابط شہباز گل نے وزیر اعظم عمران خان کی کوششوں سے سعودی جیلوں سے رہا ہونے والے پاکستانیوں کی تصویر ٹوئٹ کر دی۔

اے آر وائی نیوز کے مطابق وزیر اعظم کے معاون خصوصی شہباز گل نے اوورسیز پاکستانیوں کی تصاویر ٹوئٹ کی ہیں، جن کے بارے میں انھوں نے کہا کہ یہ سعودی جیلوں سے رہا ہونے والے پاکستانیوں کی ہیں۔

شہباز گل نے کہا یہ اوورسیز پاکستانی سعودی جیلوں میں قید تھے، لیکن وزیر اعظم عمران خان کی ذاتی کوششوں سے انھیں رہائی مل گئی ہے، اور یہ آج پاکستان پہنچ گئے ہیں۔

معاون خصوصی کا ٹوئٹ میں کہنا تھا کہ وزیر اعظم عمران خان چاہتے ہیں کہ یہ لوگ اپنوں میں عید کر سکیں، عمران خان ہمیشہ غریب کا سوچتے ہیں اور محنت کش ان کے دل کے بہت قریب ہیں۔

وزیراعظم عمران خان کی زاتی کوششوں سے یہ پاکستانی سعودی عربیہ کی جیلوں سے رہا ہو کر آج پاکستان پہنچے۔ وزیراعظم عمران خان چاہتے ہیں کہ یہ لوگ اپنوں میں عید کر سکیں۔ عمران خان ہمیشہ غریب کا سوچتے ہیں اور محنت کش ان کے دل کے بہت قریب ہیں۔ pic.twitter.com/i84yme1TH3

— Dr. Shahbaz GiLL (@SHABAZGIL) July 20, 2021

واضح رہے کہ آج عید الاضحیٰ کے موقع پر سعودی عرب نے جیلوں میں قید 63 پاکستانی قیدیوں کو رہا کر دیا ہے، جو وطن واپس پہنچ چکے ہیں، اوورسیز پاکستانی فاؤنڈیشن کے مطابق یہ پاکستانی قیدی منگل کو پی آئی اے کی خصوصی پرواز کے ذریعے اسلام آباد پہنچے۔

یہ پاکستانی معمولی جرائم میں قید تھے، وزیر اعظم عمران خان کی خصوصی درخواست پر سعودی فرماں روا شاہ سلمان بن عبدالعزیز نے ان کو سعودی جیلوں سے رہا کرنے کے احکامات جاری کیے تھے۔

رہا ہونے والے قیدیوں نے سعودی حکومت اور وزیر اعظم پاکستان کا خصوصی شکریہ ادا کیا۔

سیالکوٹ : بھارتی جیل میں قیدیوں کے تشدد سے شہید ہونے والے پاکستانی شہری شاکر اللہ کی ابتدائی پوسٹ مارٹم رپورٹ جاری کردی گئی جس کے مطابق مقتول کی موت سر پر لگنے والی چوٹ سے ہوئی۔

تفصیلات کے مطابق بھارتی قیدمیں جاں بحق پاکستانی شاکراللہ کی ابتدائی پوسٹ مارٹم رپورٹ جاری کردی گئی، ایم ایس علامہ اقبال ٹیچنگ اسپتال کے مطابق مقتول کی موت سرپر چوٹ لگنے سےہوئی۔

ڈاکٹر فاروق کا کہنا تھا کہ مقتول کے جسم کے نمونے لے کر فرانزک لیب بھیج دیے گئے جس کی رپورٹ آنے کے بعد مزید تفصیلات سے آگاہ کیا جائے گا۔ اُن کا کہنا تھا کہ میڈیکل سپریٹنڈنٹ کی سربراہی میں 6 رکنی ڈاکٹروں کی ٹیم نے پوسٹ مارٹم کیا۔

پوسٹ مارٹم رپورٹ کے مطابق شاکر اللہ کے سر میں گہری چوٹ موت کی وجہ بنی، ان کا پہلے بھی ایک پوسٹ مارٹم ہوچکا تھا، شاکر اللہ کے جسم سے دماغ اور دل غائب تھے۔

مزید پڑھیں: ڈسکہ: شہید شاکراللہ کی نماز جنازہ ادا کردی گئی

قبل ازیں سیالکوٹ کی تحصیل ڈسکہ کے رہائشی شاکر اللہ کا جسد خاکی بھارتی حکام نے علی الصباح پاکستان کے حوالے کیا جس کے بعد اُسے پوسٹ مارٹم کے لیے اسپتال منتقل کیاگیا۔

شہید کا نماز جنازہ آبائی علاقے  پڑھایا گیا جس میں شہریوں کی بڑی تعداد نے شرکت کی اور پاکستان کے حق میں نعرے بلند کیے۔ شہریوں نے شاکراللہ کی میت پرپھولوں کی پتیاں نچھاورکیں جبکہ تدفین ڈسکہ میں واقع جیسروالا گاؤں کے قبرستان میں کی گئی۔

شہید کے بھائی شہزاد گلفام نے بتایا تھا کہ شاکراللہ 47 سالہ شاکراللہ ذہنی مریض تھا۔ ان کا کہنا تھا کہ وہ شکرگڑھ کے نزدیک میلہ دیکھنے گیا تھا اور 2003 میں غلطی سے سرحد عبورکرگیا تھا۔

یاد رہے کہ بھارتی ریاست راجستھان کے شہر جے پور کی جیل میں قید پاکستانی شہری شاکر اللہ کو بھارتی انتہاء پسند قیدیوں نے بد ترین تشدد کر کے 20 فروری کو شہید کردیا تھا۔

یہ بھی پڑھیں: بھارتی جیل میں قید پاکستانی قیدی ہندو انتہا پسندوں کے ہاتھوں قتل

اطلاعات کے مطابق سینٹرل جیل کے بیرک میں موجود ہندو انتہا پسندوں نے پاکستانی شہری کے سر پر وار کیے تھے جس کی وجہ سے انہیں گہرے زخم آئے تھے اور بروقت طبی امداد نہ ملنے کی وجہ سے وہ جیل میں ہی دم توڑ گئے تھے۔

غیر ملکی میڈیا نے پاکستانی قیدی کی شہادت کا ذمہ دار جے پور جیل کی انتظامیہ کو قرار دیا، قتل کے سلسلے میں تحقیقات کی جا رہی ہیں۔

بھارت میں سفارتی ذمہ داریاں انجام دینے والے سابق سفیر عبدالباسط کا کہنا تھا کہ عوام کو کچھ نہیں کہہ سکتے کیوں بھارتی حکومت کا مؤقف ہی دہشت گردی اور انتہاپسندی پر مبنی ہے۔

سابق سفیر کا کہنا تھا کہ پاکستانی حکومت کو جے پور کی جیل میں قید شکور اللہ کے قتل میں ملوث افراد کو سخت سزا دینے کا مطالبہ کرنا چاہیے اور اسلام آباد میں موجود بھارتی سفیر کو طلب کرکے واقعے پر شدید احتجاج کرنا چاہیے۔