Tag: پاکستانی ویمنز ٹیم

معرکہ حق میں پاکستان کی تاریخی فتح پر آج ملک بھر میں یوم تشکر منایا جا رہا ہے قومی ویمنز کرکٹرز نے میچ سے قبل پاک فوج سے اظہار یکجہتی کیا۔

اے آر وائی نیوز کے مطابق بھارتی جارحیت کے خلاف پاکستان کے آپریشن بنیان مرصوص کی شاندار کامیابی پر آج پوری قوم یوم تشکر منا رہی ہے۔ پاکستان کی ویمنز کرکٹرز نے بھی اس موقع پر پاک فوج سے اظہار یکجہتی کیا ہے۔

پاکستان کی خواتین کرکٹرز نے بھی یومِ تشکر جوش و خروش سے منا کر بہادر مسلح افواج کے ساتھ بھرپور یک جہتی کا اظہار کیا ہے۔

پاکستان میں کھیلے جا رہے قومی ویمنز ٹی 20 ٹورنامنٹ میں آج چیلنجرز اور اسٹارز کے درمیان نیشنل بینک اسٹیڈیم جبکہ اسٹرائیکرز اور انوینسبلر کے درمیان اوول اکیڈمی گراؤنڈ میں میچز سے قبل یوم تشکر سے قبل خصوصی تقریبات ہوئیں۔

قومی ویمنز کرکٹرز نے دفاع وطن کے لیے پاک فوج کے کامیاب آپریشن پر ان سے اظہار یکجہتی کیا اور بھارتی جارحیت میں شہید ہونے والے پاکستانیوں کے لیے خصوصی دعا کی۔

اس موقع پر خواتین کھلاڑیوں اور آفیشلز نے شہدائے وطن کے درجات کی بلندی کے لیے دعا کی اور شہدا کو خراجِ عقیدت پیش کرتے ہوئے کہا کہ پوری قوم سیسہ پلائی دیوار کی طرح مسلح افواج کے شانہ بشانہ ہے۔

View this post on Instagram

A post shared by Pakistan Cricket (@therealpcb)

پاکستانی ویمنز ٹیم نے رواں سال شیڈول آئی سی سی ورلڈ کپ کے لیے کوالیفائی کر کے میزبان ملک بھارت کے لیے بڑی مشکل کھڑی کر دی ہے۔

اے آر وائی نیوز کے مطابق پاکستان میں جاری آئی سی سی ورلڈ کپ کوالیفائنگ ٹورنامنٹ میں میزبان ملک نے لگاتار چار میچز جیت کر رواں سال ستمبر اکتوبر میں بھارت میں شیڈول ورلڈ کپ کے لیے کوالیفائی کر لیا ہے۔

گرین شرٹس ویمنز ٹیم کی اس کارکردگی نے جہاں پاکستانیوں کو خوشیاں بڑھا دی ہیں وہیں میزبان ملک بھارت کے لیے مشکل کھڑی کر دی ہے اور پاکستان نہ آنے کی ضد پر ہٹ دھرمی سے قائم رہنے والا اب اپنے ہی بچھائے جال میں پھنس چکا ہے۔

رواں برس پاکستان میں ہونے والی چیمپئنز ٹرافی میں بھارت نے آنے سے انکار کیا اور اپنے میچز نیوٹرل وینیو پر کھیلنے کی ضد ڈال دی۔

تاہم پاکستان کرکٹ بورڈ نے بھی آسانی سے ہار نہ مانی اور جب بھارتی ٹیم باز نہ آئی تو ایسا معاہدہ کیا جس کے تحت 2027 تک جتنے بھی کثیر الملکی ٹورنامنٹ پاکستان اور بھارت میں ہوں گے۔ ان میں دونوں ٹیمیں ایک دوسرے کے ملک کے بجائے نیوٹرل وینیو پر اپنے اپنے میچز کھیلیں گی۔

اس معاہدے کے تحت بھارت نے آئی سی سی چیمپئنز ٹرافی کے اپنے تمام میچز بشمول سیمی فائنل اور فائنل دبئی میں کھیلے اور سازگار ماحول کی بدولت چیمپئن بھی بن گیا۔

تاہم پاکستانی ویمنز ٹیم کے آئی سی سی ورلڈ کپ کے لیے کوالیفائی کرنے کے بعد بھارت اپنے ہی بچھائے جال میں پھنس چکا ہے اور اس معاہدے کے تحت پاکستان ٹیم میگا ایونٹ کے لیے بھارت نہیں جائے گی بلکہ اپنے تمام میچز نیوٹرل وینیو پر کھیلے گی۔ ان میں پاکستان اور بھارت کے درمیان ممکنہ میچ بھی شامل ہے۔

یوں بھارت میزبان ہونے کے باوجود اپنا میچ نیوٹرل وینیو پر کھیلے گا اور اسی کو کہتے ہیں جیسے کو تیسا۔