ٹی ٹوئنٹی سیریز میں کیویز کو شکست دینے کے بعد قومی ویمن کرکٹرز نیوزی لینڈ میں سیر سپاٹے کے لیے نکل کھڑی ہوئیں۔
پی سی بی کی جانب سے سوشل میڈیا پلیٹ فارم پر پاکستانی خواتین کرکٹرز کی تصاویر شیئر کرتے ہوئے بتایا گیا کہ پلیئرز نے اسکائی لائن کوئنز ٹاؤن کی سیر کی اور وہاں چیئر لفٹ سے بھی لطف اندوز ہوئیں۔
دورۂ نیوزی لینڈ کے دوران فرصت کے لمحات سے فائدہ اٹھاتے ہوئے پاکستان ویمن کرکٹرز نے مقامی مال سے شاپنگ بھی کرڈالی۔
A visit to Skyline Queenstown with a scenic view at the top 🌥️🚡#NZWvPAKW | #BackOurGirls pic.twitter.com/NEb5XONGAF
— Pakistan Cricket (@TheRealPCB) December 7, 2023
پاکستان ویمن کرکٹ ٹیم کل کوئنز ٹاؤن میں ٹریننگ سیشن کرے گی جس کے بعد پاکستان اور نیوزی لینڈ کے درمیان تیسرا اور آخری ٹی ٹوئنٹی میچ 9 دسمبر کو کھیلا جائے گا۔
واضح رہے کہ پاکستان ویمن ٹیم نے شاندار پرفارمنس دیتے ہوئے سیریز کے ابتدائی 2 ٹی ٹوئنٹی میچز میں کیویز ویمنز کو شکست دی ہے۔