ARYNews.tv | Urdu – Har Lamha Bakhabar

Tag: پاکستانی کرکٹر

  • مائیکل وان نے کس پاکستانی کرکٹر کو بابر اعظم سے بہتر قرار دے دیا؟

    مائیکل وان نے کس پاکستانی کرکٹر کو بابر اعظم سے بہتر قرار دے دیا؟

    بابر اعظم موجودہ پاکستان کرکٹ ٹیم کے سب سے باصلاحیت کھلاڑی ہیں جو کئی عالمی ریکارڈ رکھتے ہیں لیکن سابق انگلش کپتان ایسا نہیں سمجھتے۔

    پاکستان کرکٹ ٹیم کے سابق کپتان اور سپر اسٹار بابر اعظم کی صلاحیتوں کی دنیائے کرکٹ معترف اور کئی موجودہ اور سابق کرکٹر ان کے مداح ہیں۔ انہوں نے کئی آئی سی سی ایوارڈ حاصل کرنے کے ساتھ عالمی ریکارڈ اپنے نام کر رکھے ہیں اور کئی سال تک بلاشرکت غیرے آئی سی سی رینکنگ میں نمبر ون کھلاڑی رہے ہیں۔

    تاہم ہر کھلاڑی کی طرح بابر اعظم بھی ان دنوں برے دور سے گزر رہے ہیں اور ان کی یہ خراب فارم ٹی 20 انٹرنیشنل کرکٹ کے ٹاپ اسکورر کھلاڑی کو اس فارمیٹ سے باہر کر چکی ہے۔

    تاہم سابق انگلش کرکٹر مائیکل وان نے ٹی ٹوئنٹی فارمیٹ میں بابر اعظم سے بہتر شاہین شاہ آفریدی کو بہتر کھلاڑی قرار دیا ہے۔

    مائیکل وان نے شاہین شاہ آفریدی کی تعریف کرتے ہوئے انہیں شاندار بولر قرار دیا اور کہا کہ وہ اس فارمیٹ میں پاکستان کے لیے میچ ونر کھلاڑی ہیں۔

    اپنے ایک بیان میں انہوں نے بابر اعظم کی بیٹنگ کی تعریف کرتے ہوئے کہا کہ وہ بلاشبہ ایک اچھے بیٹر ہیں لیکن وہ ٹی 20 فارمیٹ میں فٹ نہیں بیٹھتے۔

    سابق انگلش کپتان نے تو یہ بھی دعویٰ کیا کہ بابر اعظم کو اگر انگلینڈ، آسٹریلیا یا ویسٹ انڈیز جیسی ٹیموں میں دیکھا جائے تو وہاں ان کی ٹی 20 ٹیم میں جگہ بننا مشکل ہے۔

    مائیکل وان نے عماد وسیم، محمد عامر اور فخر زمان کو بھی پاکستان کے ٹی 20 اسکواڈ کے اہم اور موثر کھلاڑی قرار دیا۔ تاہم دلچسپ امر یہ ہے کہ عماد وسیم اور محمد عامر نے گزشتہ سال ٹی 20 ورلڈ کپ کے بعد انٹرنیشنل کرکٹ سے ریٹائرمنٹ کا اعلان کر دیا تھا۔

    دوسری جانب شاہین شاہ آفریدی نے اپنی قیادت میں لاہور قلندرز پاکستان سپر لیگ کے دسویں ایڈیشن میں تیسری بار چیمپئن بنوایا ہے۔

  • کون سا پاکستانی کرکٹر بھارت کیلیے خطرناک ہوگا؟ ہربھجن سنگھ نے بتا دیا

    کون سا پاکستانی کرکٹر بھارت کیلیے خطرناک ہوگا؟ ہربھجن سنگھ نے بتا دیا

    چیمپئنز ٹرافی میں کون سا پاکستانی کھلاڑی بھارت کے لیے خطرناک ہو سکتا ہے سابق بھارتی اسپنر ہربھجن سنگھ نے اپنی رائے بتا دی۔

    آئی سی سی چیمپئنز ٹرافی کا آغاز 19 فروری سے ہو رہا ہے تاہم شائقین کرکٹ کو اصل انتظار 23 فروری کو دبئی میں ہونے والے پاک بھارت ٹاکرے کا ہے۔ اس دن دونوں ٹیموں کا گھمسان کا رن پڑنے کا امکان ہے۔

    روایتی حریف جب بھی میدان میں ہوں جیت کے لیے سر دھڑ کی بازی لگا دیتے ہیں۔ اس بار بھارت کے لیے کون سا پاکستانی کھلاڑی خطرناک ہو سکتا ہے۔ اس بارے میں سابق اسپنر ہربھجن سنگھ نے اپنی رائے بتا دی ہے۔

    اگر آپ سمجھ رہے ہیں کہ ہربھجن نے بابر اعظم، محمد رضوان، شاہین شاہ آفریدی یا نسیم شاہ کا نام لیا تو آپ غلط ہیں۔

    سابق بھارتی اسپنر کے مطابق بھارت کے لیے اگر کوئی پاکستانی کھلاڑی مشکل پیدا کر سکتا ہے تو وہ جارح مزاج اوپنر فخر زمان ہے۔

    ہربھجن کا اپنے یو ٹیوب چینل پر اس حوالے سے کہنا ہے کہ پاکستان کے اہم بلے بازوں پر نظر ڈالیں تو ان کے اسٹار بلے باز بابر اعظم کی بھارت کے خلاف اوسط 31 جب کہ محمد رضوان جو بطور کھلاڑی مجھے بہت پسند ہیں، ان کی اوسط 25 ہے جب کہ ٹاپ آرڈر میں کم از کم اوسط 50 کے قریب ہونی چاہیے۔

     

    انہوں نے کہا کہ اس صورتحال میں فخر زمان پاکستان سائئیڈ سے فُل ٹائم اوپنر ہے۔ اس کی اوسط 46 ہے اور یہ ایک اچھی ایوریج ہے اور وہ کھیل کو بھارت کے ہاتھوں سے نکالنے کی صلاحیت رکھتا ہے۔

    تاہم ہربھجن سنگھ نے یہ بھی کہا کہ پاک بھارت میچ کو ضرورت سے زیادہ ہائپ مل رہی ہے۔ انہوں نے دعویٰ کیا کہ پاکستانی کرکٹ ٹیم کے آؤٹ آف فارم ہونے کی وجہ سے کرکٹ فینز کو یکطرفہ میچ دیکھنے کو ملے گا۔

    واضح رہے کہ 2017 کے فائنل میچ کے ہیرو بھی فخر زمان تھے، جنہوں نے فیصلہ کن میچ میں شاندار سنچری اسکور کرتے ہوئے پاکستان ٹیم کی فتح کی بنیاد رکھی تھی۔

    https://urdu.arynews.tv/champions-trophy-2025-shikhar-dhawan-talk-abou-2017-tournament-final/

  • بی پی ایل کھیلنے والے پاکستانی کرکٹر محمد حارث بنگلہ دیش میں پھنس گئے

    بی پی ایل کھیلنے والے پاکستانی کرکٹر محمد حارث بنگلہ دیش میں پھنس گئے

    بنگلہ دیش پریمیئر لیگ کھیلنے کے لیے گئے پاکستانی کرکٹر محمد حارث سمیت کئی غیر ملکی کرکٹر بنگلہ دیش میں پھنس گئے ہیں۔

    اے آر وائی نیوز کو ذرائع سے ملنے والی اطلاعات کے مطابق بنگلہ دیش کی لیگ بی پی ایل کھیلنے والے پاکستانی کرکٹر محمد حارث سمیت کئی دیگر غیر ملکی کھلاڑی ایک فرنچائز مالک کے باعث بنگلہ دیش میں پھنس گئے ہیں۔

    ذرائع نے بتایا کہ بی پی ایل میں ٹیم دربار راج شاہی کی نمائندگی کرنے والے محمد حارث سمیت دیگر غیر ملکی کھلاڑیوں کو ٹیم کی جانب سے واپسی کے ٹکٹ سمیت مہمان کھلاڑیوں کو معاوضہ ادا نہیں کیا ہے۔

    ذرائع نے بتایا کہ محمد حارث نے پاکستان کرکٹ بورڈ کو تمام صورتحال سے آگاہ کر دیا ہے اور پی سی بی اس حوالے سے بنگلہ دیش بورڈ سے رابطے میں ہے۔

    رپورٹ کے مطابق مذکورہ ٹیم کے کھلاڑیوں کو پہلے فراہم کردہ ریٹرن ٹکٹ ٹریول ایجنٹ نے عدم ادائیگی پر کینسل کرا دیے تھے جبکہ ٹرانسپورٹر کو بھی رقم ادا نہیں کی گئی تھی اور کچھ پلیئرز کے کِٹ بیگ ٹیم بس کے مالکان نے ادائیگی تک روک لیے ہیں۔

    https://urdu.arynews.tv/failing-in-ranji-trophy-indian-batsman-announces-retirement/

  • پاکستانی کرکٹر فاطمہ ثنا کس آسٹریلوی کھلاڑی سے متاثر ہیں؟

    پاکستانی کرکٹر فاطمہ ثنا کس آسٹریلوی کھلاڑی سے متاثر ہیں؟

    پاکستان کی ویمن کرکٹ ٹیم کی کھلاڑی فاطمہ ثنا نے کہا ہے کہ وہ آسٹریلوی آل راؤنڈر ایلیس پیری سے متاثر ہیں۔

     قومی کرکٹ ٹیم کی بولر فاطمہ ثنا نے کرکٹ کی کوریج کرنے والی ویب سائٹ کرک انفو سے بات کرتے ہوئے کہا کہ ’اگر آپ پاکستانی ٹیم کی کھلاڑی ہیں تو آپ کے پاس سب کچھ ہے لیکن اگر ٹیم کی کھلاڑی نہیں ہیں تو آپ کے پاس کچھ بھی نہیں ہے۔ ‘

    فاطمہ ثنا بچپن سے ہی آسٹریلوی آل راؤنڈر ایلیس پیری سے متاثر ہیں اور اُنہیں اپنا رول ماڈل مانتی ہیں۔

    اسی سلسلے میں انہوں نے کہا کہ ’جب میں 11 سال کی تھی تو میں نے پہلی مرتبہ پیری کو دیکھا تھا۔ وہ نیوزی لینڈ یا انگلیںڈ کے خلاف آخری اوور کروا رہی تھیں، تب میں نے سوچا کہ میں انہیں فالو کروں گی اور ان جیسا بننے کی پوری کوشش کروں گی۔ اُس کے بعد ایلیس پیری دنیا کی بہترین آل راؤنڈر بن گئیں۔‘

    کراچی سے تعلق رکھنے والی 21 سالہ کرکٹر نے مزید کہا کہ ’میں نے پچھلے ورلڈ کپ میں انہیں دیکھا تھا لیکن ان سے بات نہیں کی تھی، اب جب میں آسٹریلیا میں تھی تو ان سے کرکٹ کی بہت سی باتیں کیں اور مزیدار بات یہ ہے کہ میں نے انہیں میچ میں بالنگ بھی کروائی، میں انہیں آؤٹ کرنے کی کوشش کر رہی تھی اور اگلی مرتبہ آؤٹ کروں گی بھی۔‘

    خواتین کی کرکٹ کے معاملے پر انہوں نے کہا کہ ’آسٹریلیا میں کرکٹ کا نظام بہت اچھا ہے، وہ انڈر 19، انڈر 16 اور انڈر 15 کی کھلاڑیوں کی معاونت کرتے ہیں۔ پاکستان میں آسٹریلیا کی طرح نظام اچھا نہیں ہے۔‘

     فاطمہ ثنا نے بتایا کہ ’کراچی اور لاہور میں بہت سی لڑکیاں کرکٹ کھیلتی ہیں لیکن ہمیں ملتان اور دوسرے شہروں میں بھی کرکٹ کھیلنے کے لیے جگہوں کی ضرورت ہے۔ ایسی بہت سی لڑکیاں ہیں جو کرکٹ کھیلنا چاہتی ہیں لیکن انہیں موقع دینے کی ضرورت ہے۔‘

  • جاوید میاں داد نے تاریخی ورلڈ کپ میں بھارتی کھلاڑی کی نقل کیوں‌ اتاری؟

    جاوید میاں داد نے تاریخی ورلڈ کپ میں بھارتی کھلاڑی کی نقل کیوں‌ اتاری؟

    کراچی: سابق لیجنڈ کرکٹر جاوید میاں داد نے آخر کار 28 سال بعد اُس راز سے پردہ اٹھا دیا جس نے 1992 سے اب تک شائقین کرکٹ کو حیرانی سے دوچار کیے رکھا تھا۔

    تفصیلات کے مطابق سابق مایہ ناز پاکستانی کرکٹر جاوید میاں داد نے انیس بانوے کے تاریخی ورلڈ کپ کے ایک میچ کے دوران بھارتی وکٹ کیپر کرن مورے کے سامنے اچانک اچھل کود کی وجہ خود بتا دی۔

    ایک ویڈیو پیغام میں سابق ٹیسٹ کرکٹر جاوید میاں داد نے کہا کہ کسی نے مجھ سے کرن مورے کے سامنے اچھلنے کی وجہ دریافت کی، تو اس کی وجہ یہ تھی کہ بھارتی وکٹ کیپر کرن مورے میری بیٹنگ کے دوران ہر بار اچھل اچھل کر آؤٹ کی بہت زیادہ اپیلیں کرتا تھا۔ جاوید میاں داد نے بتایا کہ انھوں نے کرن کی اسی ‘حرکت’ کی نقل اتاری۔

    آسٹریلیا میں میچ کے دوران ایک موقع پر جب بھارتی وکٹ کیپر نے جاوید میاں داد کو رن آؤٹ کرنے کی ناکام کوشش کی تو مایہ ناز بیٹسمین نے اچانک اسی طرح اچھل اچھل کر اس کی نقل اتار کر مضحکہ اڑایا۔

    جاوید میاں داد کا کہنا تھا کرن مورے اس طرح اچھل کود کرتا تھا جیسے امپائر سے آؤٹ کی بھیک مانگ رہا ہو۔ خیال رہے کہ 1992 میں اگرچہ پاکستان عالمی چیمیئن بنا مگر لیگ میچ میں بھارت کے ہاتھوں اسے شکست کا سامنا کرنا پڑا تھا۔

    لیجنڈ کرکٹر نے یہ بھی بتایا کہ پاک بھارت میچ میں انڈین کھلاڑی کیوں پاکستانی کھلاڑی کے آؤٹ ہونے پر بہت زیادہ رد عمل دکھاتے تھے، انھوں نے کہا کہ بھارتی پلیئرز کی نظر میں ہم بہت اہم تھے، اور میرے بارے میں تو یہ سمجھا جاتا تھا کہ اگر میں کریز پر کھڑا رہا تو پھر نتیجہ کیا نکلنا ہے، اس لیے سبھی یہ خواہش رکھتے تھے کہ کسی طرح جاوید آؤٹ ہو جائے۔ ہم بھی چاہتے تھے کہ آسٹریلیا اور انگلینڈ کے بڑے کرکٹرز کو کسی طرح آؤٹ کیا جائے، یہ کھلاڑیوں کا فطری رویہ ہوتا ہے۔

  • یہ کس کرکٹر کی تصویر ہے؟

    یہ کس کرکٹر کی تصویر ہے؟

    انٹرنیٹ پر آجکل فیس ایپ کے ذریعے معروف شخصیات کے بڑھاپے کی تصاویر وائرل ہورہی ہیں، اسی دوران ایک پاکستانی کرکٹر کے بچپن کی تصویر بھی سوشل میڈیا پر شیئر ہوئی جسے دیکھ کر آپ بھی حیران ہوں گے۔

    اکثر اوقات ایسا ہوتا ہے کہ معروف شخصیات اپنے بچن کی تصاویر خود ہی سوشل میڈیا پر شیئر کر کے مداحوں سے پوچھتی یا انہیں آگاہ کرتی ہیں کہ یہ کب کی تصویر ہے اور اس کا پس منظر کیا ہے۔

    البتہ حیران کن طور پر سماجی رابطے کی ویب سائٹ پر ایک بچے کی تصویر سامنے آئی جو قومی ٹیم کی ٹیسٹ کرکٹ والی وردی پہنا ہوا ہے۔

    شایان علی نے سماجی رابطے کی ویب سائٹ پر تصویر شیئر کرتے ہوئے پاکستانی کرکٹ ٹیم کے سابق کپتان اظہر علی سے پوچھا مجھے بتائیخہ کہ کیا یہ واقعی آپ ہیں؟۔ اظہر علی نے صارف کو جواب دیا کہ تصویر میں نظر آنے والا بچہ کوئی اور کھلاڑی نہیں بلکہ وہی ہیں۔

    یاد رہے کہ اظہر علی نے گزشتہ برس نومبر 2018 میں کرکٹ سے ریٹائرمنٹ کا اعلان کیا تھا۔ اُن کا کہنا تھا کہ ٹیسٹ کرکٹ جاری رکھوں گا اپنی ریٹائرمنٹ کا اعلان کرتے ہوئے اظہر علی کا کہنا تھا کہ میری زیادہ پہچان ٹیسٹ کرکٹ ہے، وہاں ریکارڈ مزید بہتر کروں گا۔ اظہر علی کا کہنا تھا کہ ٹیسٹ کرکٹ میں میرا فوکس بیٹنگ پر ہے، ٹی 20 کرکٹ میں نے کھیلی ہی نہیں تو اس سے ریٹائرمنٹ کا اعلان کہاں سے کروں۔

    یہ بھی یاد رہے کہ کرکٹ سے ریٹائرمنٹ لینے کے بعد اظہر علی نے کاؤنٹی کرکٹ کھیلی اور انہوں نے حال ہی میں ہونے والے ورلڈکپ میں بطور کمینٹیٹر ڈیبیو بھی کیا۔

    اظہر علی کا کیریئر 

    سابق کپتان اظہر علی نے سنہ 2011 میں ون ڈے ڈیبیو کیا تھا۔ انہوں نے 53 ون ڈے میچز میں پاکستان کی نمائندگی کی۔ انہوں نے اس دوران 1 ہزار 8 سو 45 رنز بنائے جس میں تین سنچریز اور 12 نصف سنچریاں ہیں۔

  • شعیب ملک اور ثانیہ مرزا کے بیٹے کی نئی تصویر سامنے آگئی

    شعیب ملک اور ثانیہ مرزا کے بیٹے کی نئی تصویر سامنے آگئی

    ممبئی: پاکستانی کرکٹر شعیب ملک اور بھارتی ٹینس اسٹار ثانیہ مرزا کے بیٹے اذہان کی نئی تصویر سامنے آگئی۔

    تفصیلات کے مطابق پاکستانی کرکٹر شعیب ملک کی اہلیہ بھارتی ٹینس اسٹار ثانیہ مرزا نے سماجی رابطے کی ویب سائٹ ٹویٹر پر بیٹے اذہان کی نئی تصویر شیئر کی جسے مداحوں کی جانب سے خوب سراہا گیا۔

    ٹویٹر پر ثانیہ مرزا نے لکھا کہ سچے پیار کی گہرائی کا مجھے علم ہے کیونکہ اب میرا بیٹا میرے پاس ہے، اذہان ملک کیمرے کو پسند کرتے ہیں۔

    ایک ٹویٹر صارف شاہجہان ملک نے کہا کہ ماشا اللہ اب تک کی سب سے اچھی تصویر ہے۔

    ایک اور صارف نے کہا کہ اذہان ملک بالکل شعیب ملک کی طرح لگ رہے ہیں۔

    واضح رہے کہ گزشتہ سال 22 دسمبر کو شعیب ملک کے صاحب زادے کی دو ماہ کی تصویر وائرل ہوئی تھی۔

    گزشتہ سال اکتوبر میں نامور پاکستانی کرکٹر اور بھارتی ٹینس اسٹار کے گھر بیٹے کی پیدائش ہوئی تھی جس کا نام انہوں نے اذہان رکھا۔

    یاد رہے کہ شعیب ملک اور ثانیہ مرزا 2010 میں شادی کے بندھن میں بندھے تھے، شادی کے بعد دونوں نے اپنے اپنے ممالک میں زیادہ وقت گزارا البتہ اس دوران ایک دوسرے کے گھر کا چکر بھی لگتا رہا۔

  • ڈگری ملنے کی خوشی، طالب علم کا حسن علی کے انداز میں جشن

    ڈگری ملنے کی خوشی، طالب علم کا حسن علی کے انداز میں جشن

    کراچی: آئی سی سی چیمپئنز ٹرافی میں اپنی شاندار کارکردگی کی بدولت دنیا بھر کی توجہ حاصل کرنے والے پاکستان کے ابھرتے ہوئے نوجوان کھلاڑی حسن علی کے جشن منانے کا انداز مقبول ہوتا جارہا ہے۔

    تفصیلات کے مطابق پاکستان کے ابھرتے ہوئے کھلاڑی حسن علی بیٹسمین کو آؤٹ کرنے کے بعد انوکھے انداز میں جشن مناتے ہیں جسے دنیا بھر کے لوگ خصوصاً پاکستانی اپنانے کی کوشش کررہے ہیں۔

    آئی سی سی نے سماجی رابطے کی ویب سائٹ پر ایک ویڈیو شیئر کی جس میں دیکھا جاسکتا ہے کہ ایک طالب علم اپنی گریجویشن کی ڈگری ملنے پر نوجوان کھلاڑی کی طرح جشن منا رہا ہے۔ مذکورہ طالب علم کی ویڈیو انٹرنیٹ پر تیزی سے وائرل ہوئی جس کے بعد آئی سی سی نے اُسے اپنے سماجی رابطے کے اکاؤنٹ سے ٹوئٹ کردیا۔

    ویڈیو دیکھیں

    واضح رہے حسن علی نے چیمپئنر ٹرافی میں عمدہ کارکردگی کا مظاہرہ کیا اور خاص طور پر بھارت کے خلاف کھیلے جانے والے فائنل میچ میں انہوں نے تین بھارتی سورماؤں کو پویلین کی راہ دکھائی تھی۔

    پڑھیں: حسن علی کا چیمپئنز ٹرافی میں نیا ریکارڈ

    پاکستانی لیجنڈ کرکٹرز حسن علی کی ٹیم میں شمولیت کو پاکستان کی کرکٹ کے لیے اچھا شگون قرار دے رہے ہیں کیونکہ نوجوان کھلاڑی کا ٹیلنٹ پی ایس ایل کے دوسرے سیزن میں سامنے آیا اور مختصر عرصے میں وہ دنیا بھر کی توجہ حاصل کرنے میں کامیاب بھی ہوگئے۔

    کرکٹر حسن علی نے ویڈیو دیکھ کر مسرت کا اظہار کیا اور ٹوئٹ میں کہا کہ ’’حسن علی کے جشن منانے کا طریقہ سب اختیار کررہے ہیں، طالب علم نے اسٹائل کاپی کیا جسے دیکھ کر مزہ آگیا‘‘۔

    ایک اور ویڈیو دیکھیں

    علاوہ ازیں حسن علی نے ایک اور ویڈیو ٹوئٹ کی ہے جس میں ایک بچی فاسٹ باؤلر کے اسٹائل کو کاپی کرنے کی اچھی کوشش کررہی ہے۔

  • کھلاڑیوں کے بکیز سے رابطے ایک قومی کرکٹر نے کرائے، انکشاف

    کھلاڑیوں کے بکیز سے رابطے ایک قومی کرکٹر نے کرائے، انکشاف

    دبئی : کرپشن کے الزام میں پی ایس ایل سے نکالے گئے دو کھلاڑیوں کے بارے میں اہم انکشاف سامنے آیا ہے، پاکستان کے ایک قومی کرکٹر نے اسلام آباد یونائیٹڈ کے ان دونوں کھلاڑیوں کے بکیز سے رابطے کرائے۔

    تفصیلات کے مطابق پاکستان میں انٹرنیشنل کرکٹ کی واپسی کے دشمن پھر متحرک ہوگئے، گھر کو آگ لگ گئی گھر کے چراغ سے کے مصداق ایک پاکستانی کرکٹر نے شرجیل خان اور خالد لطیف کے بکیز سے رابطے کرائے۔

    بکیز سے رابطوں میں ملوث یہ کھلاڑی مارچ دوہزار پندرہ کے بعد سے پاکستانی ٹیم کا حصہ نہیں ہے اور نہ ہی پی ایس ایل میں شامل ہے، پی ایس ایل کا حصہ نہ ہونے کے باوجود اس کرکٹر نے اپنا حصہ ڈال دیا۔ دو کھلاڑیوں کو استعمال کرکے آگے کردیا اور خود پیچھے ہوگیا۔

    ذرائع کے مطابق خالد لطیف اور شرجیل خان نے تحقیقات میں سب کچھ اگل دیا ہے۔ دوسری جانب چیئرمین پی سی بی شہریارخان نے اے آروائی نیوز سے خصوصی گفتگو کرتے ہوئے کہا کہ پی ایس ایل ٹو کامیاب سے ہمکنار ہوگی۔

    انہوں نے واضح کہا کہ کرپشن میں ملوث کھلاڑیوں کے ساتھ انصاف کے تقاضے پورے کئے جائیں گے، ان کا کہنا تھا کہ پی ایس ایل سے پاکستان میں عالمی کرکٹ کی واپسی کی راہ ہموار ہوگی۔

    میرے بیٹے نے کوئی غلط کام نہیں کیا، والد شرجیل خان

    کرکٹرشرجیل خان کے والد سہیل خان اپنے بیٹے کے دفاع میں بول پڑے، ان کا کہنا ہے کہ میرے بیٹے نے کوئی غلط کام نہیں کیا، سچ جلد سامنے آجائے گا۔

    شرجیل خان کے والد سہیل خان نے حیدرآباد میں میڈیا سے گفتگو کرتے ہوئے کہا کہ صرف شک کی بنیاد پر پی سی بی نے اتنا بڑا ایکشن لے لیا۔

    انہوں نےکہا کہ بیٹےکےکردار میں کوئی منفی چیز نہیں دیکھی، شرجیل خان پرالزام ہے کہ انہوں نے دبئی میں بکیز سے ملاقات کی ہے۔

  • انضام الحق کا پی ایس ایل کی ٹیم خریدنے پر سلمان اقبال کیلئے نیک تمناؤں کا اظہار

    انضام الحق کا پی ایس ایل کی ٹیم خریدنے پر سلمان اقبال کیلئے نیک تمناؤں کا اظہار

    کراچی: سابق پاکستانی کرکٹر انضمام الحق نے پی ایس ایل میں کراچی کی ٹیم خریدنے پر اے آر وائی نیٹ ورک کے سی ای او اور صدر سلمان اقبال کو مبارکباد دی۔

    سابق کرکٹر انضمام الحق نے کہا ہے کہ پی ایس میں کراچی کی ٹیم کے لئے نیک خواہشات کو اظہار کیا، ان کا کہنا تھا کہ اس کرکٹ لیگ سے پاکستان کی کرکٹ مزید بہتر ہوگی۔

    واضح رہے کہ بھارتی کرکٹ اسٹارورات کوہلی نے پاکستان سپرلیگ (پی ایس ایل) میں اے آروائی کراچی فرنچائز کے لئے اپنی نیک خواہشات کا اظہارکیا ہے۔

    انہوں نے اپنے بارہ سیکنڈ کے ویڈیو پیغام میں اے آروائی نیوزکو مبارک باد دی اور کراچی کنگز کو جیت کے لئے’آل دی بیسٹ‘کہا۔

    اس سے قبل پاکستان کی قومی ٹی ٹوئنٹی ٹیم کے کپتان شاہد خان آفریدی اور لیجنڈ کرکٹرعمران خان بھی اے آروائی نیٹ ورک کے سربراہ سلمان اقبال کو پی ایس ایل کراچی فرنچائز خریدنے پر مبارک باد پیش کرچکے ہیں۔