Tag: پاکستان

کیلیفورنیا: امریکی ریاست کیلیفورنیا سینیٹ میں پاکستان سے متعلق تاریخی قرارداد منظور کرلی گئی ، جس میں امریکا میں مقیم پاکستانی کمیونٹی کی قربانیوں، وقار اور استقامت کو خراج تحسین پیش کیا گیا۔

تفصیلات کے مطابق امریکی ریاست کیلیفورنیا کی سینیٹ نے پاک امریکا تعلقات اور ریاست کی معیشت، معاشرت اور ثقافت میں پاکستانی کمیونٹی کی خدمات کے اعتراف میں تاریخی قرارداد متفقہ طور پر منظور کرلی۔

یہ قرارداد سینیٹر میلیسا ہرٹاڈو نے پیش کی، جو کیلیفورنیا اسٹیٹ سینیٹ کی تاریخ میں کم عمر ترین خاتون رکن ہیں اور سینیٹ کمیٹی برائے زراعت کی چیئرپرسن بھی ہیں۔ قرارداد کو 31-0 ووٹوں کے ساتھ متفقہ طور پر منظور کیا گیا۔

سینیٹر ہورٹاڈو نے سینیٹ فلور پر پاکستانی روایتی لباس اور مہندی لگا کر قرارداد پیش کی، جو پاکستان اور امریکا کے دوستانہ تعلقات کی ثقافتی علامت تھی۔

اپنے خطاب میں انہوں نے پاکستان اور امریکا کے دیرینہ و کثیرالجہتی تعلقات کو اجاگر کیا اور پاکستانی نژاد امریکی برادری کی معیشت، ثقافت اور سماج میں نمایاں خدمات کو خراجِ تحسین پیش کیا۔

انہوں نے کہا کہ پاکستانی امریکیوں کی کہانی قربانی، وقار اور جدوجہد کی داستان ہے اور دونوں ملکوں کی شراکت داری لچک، جمہوریت اور انسانی وقار جیسی مشترکہ اقدار پر مبنی ہے۔

اس موقع پر پاکستان کے امریکا میں سفیر رضوان سعید شیخ بھی موجود تھے، جنہیں سینیٹ نے خوش آمدید کہا۔ سینیٹر ہورٹاڈو نے ان کی خدمات اور قیادت کو سراہتے ہوئے کہا کہ وہ پاک-امریکا تعلقات کو مزید مضبوط بنانے میں اہم کردار ادا کر رہے ہیں۔

سفیر رضوان سعید شیخ نے قرارداد کو سراہتے ہوئے کہا کہ یہ اقدام دونوں اقوام کے درمیان گہرے عوامی روابط اور مشترکہ اقدار کی عکاسی کرتا ہے جو رسمی سفارتکاری سے بڑھ کر کمیونٹیز تک پھیلا ہوا ہے۔

کیلیفورنیا، جو دنیا کی چوتھی بڑی معیشت ہے اور ’’گولڈن اسٹیٹ‘‘ کے نام سے مشہور ہے، ایک بڑی اور فعال پاکستانی نژاد امریکی برادری کا مسکن ہے جو ریاست کی ثقافتی اور معاشی ترقی میں مسلسل اپنا کردار ادا کر رہی ہے۔

اقوام متحدہ میں پاکستان کے مستقل مندوب عاصم افتخار نے کہا ہے کہ کالعدم ٹی ٹی پی، بی ایل اے، مجید بریگیڈ کا گٹھ جوڑ علاقائی و عالمی امن کیلئے خطرہ ہے۔

تفصیلات کت مطابق پاکستان کے سفیر عاصم افتخار نے  سلامتی کونسل کے اجلاس سے خطاب کیا، جس کا موضوع ’دہشت گردانہ کارروائیوں سے بین الاقوامی امن و سلامتی کو لاحق خطرات‘ تھا۔

اقوام متحدہ میں مستقل مندوب عاصم افتخار نے سلامتی کونسل اجلاس سے خطاب میں  سرحد پار ریاستی سرپرستی میں دہشتگردی کے خطرات پر انتباہ کیا، انہوں نے کہا کہ دہشتگردوں کے تربیتی کیمپ پاکستانی شہریوں، معیشت، اسٹریٹجک ڈھانچے کو نشانہ بنا رہے ہیں۔

پاکستانی مندوب کا کہنا تا کہ افغان سرزمین سے سرگرم ٹی ٹی پی قومی سلامتی کیلئے بڑا خطرہ ہے، داعش خراسان کے 2,000 جنگجو افغانستان میں سب سے سنگین خطرہ ہیں، داعش اب بھی عراق وشام میں 3,000 جنگجوؤں کیساتھ متحرک ہے، افریقہ و مغربی افریقہ میں داعش کا دائرہ کار بڑھ رہا ہے۔

عاصنم افتخار نے کہا کہ ہمارا سب سے بڑا علاقائی حریف دہشتگردی کو اسپانسر کررہا ہے، دشمن ریاست دہشتگردوں کو مالی مدد، تربیت اور سرحد پار کارروائیوں میں ملوث ہے، بھارتی ریاستی دہشت گردی کو بے نقاب کیا جائے، بھارت نے مئی میں دانستہ عام آبادی پر حملے کیے، 54 پاکستانی شہید ہوئے، ریاستی دہشتگردی کو انسدادِ دہشتگردی کا لبادہ دینا عالمی امن کیلئے خطرہ ہے۔

پاکستانی مندوب نے اپنے خطاب میں کہا کہ سلامتی کونسل کو خاموش تماشائی نہیں بننا چاہیے، دہشت گردی کے خلاف جامع، طویل المدتی حکمت عملی اپنائی جائے، ریاستی جبر اور غیرقانونی قبضے کیخلاف عوام کی جدوجہد کو دہشتگردی نہ کہا جائے۔

پاکستان نے مقبوضہ کشمیر اور فلسطین میں انسانی حقوق کی خلاف ورزیوں کی مذمت کی، اور کہا کہ اقوام متحدہ کی دہشتگرد فہرست میں صرف مسلمان، کوئی غیر مسلم دہشتگرد شامل نہیں، یہ دہرا معیار ناقابل قبول ہے، فہرست کو انصاف کی بنیاد پر اپڈیٹ کیا جائے۔

عاصم افتخار کاکہنا تھا کہ دہشتگردی کی نئی اقسام آن لائن شدت پسندی اور ڈیجیٹل مالی معاونت ہے، نوجوانوں کو سوشل میڈیا پر شدت پسندی کے جال میں پھنسانا خطرناک رجحان ہے، انسدادِ دہشت گردی اقدامات بین الاقوامی قانون اور اتفاقِ رائے پر مبنی ہوں، ہم متحد ہو کر اور انصاف کیساتھ لڑیں تو دہشتگردی کو شکست دے سکتے ہیں۔

برطانیہ (20 اگست 2025): پاکستان میں بارشوں اور سیلاب سے ہونے والی تباہی پر شاہ برطانیہ نے افسوس اور دکھ کا اظہار کیا ہے۔

شاہی محل کی جانب سے جاری بیان میں کہا گیا ہے کہ برطانوی بادشاہ چارلس اور ملکہ کمیلا پارکر پاکستان میں بارشوں اور سیلاب سے ہونے والے جانی نقصان اور تباہی پر غمگین ہیں۔

بیان کے مطابق شاہ چارلس نے خیبر پختونخوا میں امدادی سرگرمیوں میں مصروف ہیلی کاپٹر کے تباہ ہونے کو دل دہلا دینے کا حادثہ قرار دیا اور کہا ہے کہ ہماری دعائیں اور ہمدردیاں متاثرہ خاندانوں کے ساتھ ہیں۔ اس مشکل گھڑی میں برطانیہ پاکستان کے عوام کے ساتھ کھڑا ہے۔

شاہی خاندان نے متاثرین کی جلد بحالی کے لیے دعا کرتے ہوئے کہا ہے کہ ایمرجنسی سروسز اور رضاکاروں کی بہادری کو خراج تحسین پیش کرتے ہیں۔ مقامی کمیونٹیز کی خدمات انسانیت کی اعلیٰ مثال ہیں۔

واضح رہے کہ اس سے قبل اقوام متحدہ سمیت سعودی عرب، چین، فرانس، ایران ودیگر ممالک بھی پاکستان میں سیلاب سے ہونے والی تباہی پر افسوس کا اظہار اور پاکستانی عوام سے اظہار یکجہتی کر چکے ہیں۔

سعودی عرب کی جانب سے کے پی سیلاب متاثرین کے لیے امداد

سعودی عرب کی جانب سے تو آج کے پی سیلاب متاثرین کے لیے شیلٹر اور خوراک پر مبنی بڑی امداد بھی پہنچ گئی ہے۔

https://urdu.arynews.tv/kpk-buner-flood-and-pdma-report/