پاکستانی ادارہ یمنیٰ زیدی کے بارے میں آپ یہ جان کر حیران رہ جائیں گے کہ وہ ہر سال 5 سے 6 کلو گرام وزن کرنے میں کامیاب ہو جاتی ہیں۔
ماڈل اور اداکارہ یمنیٰ زیدی نے اس سلسلے میں بتایا کہ انھوں نے 2018 میں 10 کلو وزن کم کیا تھا، اور ہر سال وہ پانچ سے چھ کلو گرام وزن بہ آسانی کم کر لیتی ہیں۔
یمنیٰ زیدی جس طرح اپنے اندر بڑی تبدیلیاں لے کر آتی ہیں، اس کے حوالے سے ان کےمداح خاصے حیران رہتے ہیں، وہ امریکا اور پاکستان میں الگ الگ ڈائٹ پلان پر عمل کرتی ہیں، جسے انھوں نے مداحوں سے بھی شیئر کیا۔
آپ کو یہ جان کر بھی حیرت ہوگی کہ یمنیٰ زیدی کے امریکا میں ڈائٹ پلان میں پراٹھا مرکزی حیثیت رکھتا ہے، انھوں نے بتایا جب ہر سال وہ 6 ماہ کے لیے چھٹیوں میں اپنے گھر امریکا جاتی ہیں تو وہاں ان کا ناشتہ 2 پراٹھوں اور فرائی انڈے پر مشتمل ہوتا ہے۔
پاکستانی اداکارہ یمنیٰ زیدی کا خوشی منانے کا انوکھا انداز، ویڈیو دیکھیں
یمنیٰ کا کہنا ہے کہ دوپہر میں بھی وہ پراٹھا اور سالن کھاتی ہیں، شام میں چنا چاٹ، دہی بڑے اور گرین ٹی جب کہ رات میں چاول لیتی ہیں۔
پاکستان میں جس ڈائٹ پلان پر وہ عمل کرتی ہیں، وہ امریکی پلان سے بالکل مختلف ہے، یمنیٰ صبح اٹھ کر سب سے پہلے لیموں ملا ایک گلاس گرم پانی پیتی ہیں اور پھر آدھا گھنٹہ فل باڈی ورک آؤٹ کرتی ہیں۔
پاکستان میں یمنیٰ زیدی کا ناشتہ ایک سیب اور 5 بادام پر مشتمل ہے، دوپہر میں دال اور چکن، شام میں گریپ فروٹ، چکن تکہ اور کباب کھاتی ہیں۔
یمنیٰ زیدی کا کہنا ہے کہ وہ دن بھر میں 3 کپ گرین ٹی ضرور لیتی ہیں۔
