کراچی : پاکستان اسٹاک مارکیٹ میں بدترین مندی ریکارڈ کی گئی اور 100انڈیکس ایک لاکھ  12 ہزار کی سطح سے نیچے آگیا۔

تفصیلات کے مطابق پاک بھارت کشیدگی کے باعث پاکستان اسٹاک مارکیٹ شدید مندی کی لپیٹ میں آگئی۔

کاروباری ہفتے کے تیسرے روز 100 انڈیکس میں3445 پوائنٹس کی کمی ریکارڈ کی گئی ، جس کے بعد بینچ مارک ہنڈریڈ انڈیکس ایک لاکھ بارہ ہزار کی سطح سے نیچے آگیا۔

انڈیکس ایک لاکھ گیارہ ہزارچارسو ستائیس پوائنٹس پر ٹریڈ کررہا ہے۔۔

اسٹاک ماہرین کا کہنا ہے اسٹاک مارکیٹ میں لیوریج ساٹھ ارب روپے سے زائد پر پہنچ چکا ہے، بروکرز نے بڑے پیمانے پر ادھار پر شیئرز اٹھائے ہوئے ہیں، آج ادھار کی ادائیگیوں کا آخری دن ہے، جس کی وجہ سے مارکیٹ میں مندی دیکھی جا رہی ہے۔

گزشتہ روز پاکستان اسٹاک ایکسچینج میں  پہلے سیشن میں مندی کا رجحان رہا تھا تاہم کاروبار کا اختتام مثبت زون میں ہوا تھا۔

کاروباری ہفتے کے دوسرے دن انڈیکس میں 808پوائنٹس کااضافہ ہوا اور 100انڈیکس 1لاکھ14 ہزار872 پوائنٹس پر بند ہوا تھا۔

مارکیٹ میں 28ارب روپے مالیت کے 40کروڑحصص کے سودے ہوئے اور کاروبار کے دوران انڈیکس کی بلند سطح 115.040پوائنٹس جبکہ اتار چڑھاو کے باعث انڈیکس کی کم سطح112,935پوائنٹس رہی۔

پاکستان اسٹاک ایکسچینج میں کاروباری ہفتے کے آخری روز تیزی کا رجحان رہا، 100 انڈیکس میں 1 ہزار 49 پوائنٹس کا اضافہ ہوا۔

اے آر وائی نیوز کے مطابق پاکستان اسٹاک ایکسچینج میں کاروبار کے اختتام پر 100 انڈیکس ایک لاکھ 14 ہزار 255 پوائنٹس پر بند ہوا، بلند ترین سطح ایک لاکھ 15 ہزار 106 پوائنٹس ریکارڈ ہوئی۔

ہنڈریڈ انڈیکس کی کم ترین سطح ایک لاکھ 13 ہزار 692 پوائنتس رہی، گزشتہ روز 100 انڈیکس ایک لاکھ 13 ہزار 206 پوائنٹس پر بند ہوا تھا۔

مارکیٹ میں آج 54 کروڑ سے زائد شیئرز کا کاروبار ہوا، شیئرز کی مالیت 27 ارب 97 کروڑ سے زائد ریکارڈ ہوئی۔

مجموعی طور پر 454 کمپنیوں کے حصص کا کاروبار ہوا، 234 کمپنیوں کے حصص میں تیزی، 164 میں مندی کا رجحان رہا۔

پاکستان اسٹاک ایکسچینج میں کاروبار کا اختتام ہنڈریڈ انڈیکس میں زبردست تیزی کے ساتھ ہوا ہے۔

اے آر وائی نیوز کے مطابق کاروباری ہفتے کے چوتھے روز اسٹاک مارکیٹ میں زبردست تیزی ریکارڈ ہوئی، ہنڈریڈ انڈیکس میں 17 سو سے زائد پوائنٹس کا اضافہ ہوا ہے۔

ہنڈریڈ انڈیکس 1719 پوائنٹس کے اضافے سے ایک لاکھ 13 ہزار 206 پوائنٹس پر بند ہوا۔

دن بھر مجموعی طور پر 441 کمپنیوں کے شیئرز میں کاروبار ہوا، 272 کمپنیوں کے شیئرز کی قیمتوں میں اضافہ جبکہ 118 کے شیئرز میں کمی ہوئی۔

اسٹاک مارکیٹ میں 448 کروڑ 39 لاکھ سے زائد شیئرز کا لین دین ہوا، 26 ارب 10 کروڑ سے زائد مالیت کے شیئرز کے سودے ہوئے۔

مارکیٹ کی بلند ترین سطح 113400 جبکہ کم ترین سطح 111805 پوائنٹس رہی۔

پاکستان اسٹاک ایکسچینج میں 100 انڈیکس مسلسل چوتھے روز مندی پر بند ہوا۔

اے آر وائی نیوز کے مطابق پاکستان اسٹاک ایکسچینج میں کاروبار کے اختتام پر مارکیٹ میں مندی کے باعث 1510 پوائنٹس کی کمی ہوئی ہے۔

ہنڈریڈ انڈیکس مندی کے باعث ایک لاکھ 12 ہزار 638 پوائنٹس پر بند ہوا۔

مارکیٹ میں 1.32 فیصد کمی ہوئی ہے جبکہ مارکیٹ میں 24 ارب روپے مالیت کے 6 ارب حصص کا کاروبار ہوا، اسٹاک مارکیٹ میں 89 کمپنیوں کے حصص میں اضافہ 320 کمپنیوں کے حصص میں کمی ہوئی۔

مارکیٹ کپٹلائزیشن 159 ارب روپے کم ہوکر 14156 ارب روپے ہے۔ مارکیٹ کیپٹلائزیشن چار منفی دنوں میں 476 ارب روپے کم ہوئی ہے۔

انٹر بینک میں ڈالر 11 پیسے سستا

دوسری جانب انٹر بینک میں امریکی ڈالر 11 پیسے سستا ہوا ہے، ڈالر 278.72 روپے کم ہوکر 278.61 روپے پر بند ہوا۔

پاکستان اسٹاک ایکسچینج میں آج مندی کا رجحان رہا ہے اور ہنڈریڈ انڈیکس 15 ہزار پوائنٹس سے بھی نیچے آگیا۔

اے آر اوئی نیوز کے مطابق پاکستان اسٹاک ایکسچینج میں منفی رجحان کی وجہ سے 100 انڈیکس میں 1308 پوائنٹس کی کمی ریکارڈ کی گئی ہے۔

انڈیکس ایک لاکھ 15 ہزار پوائنٹس کی سطح سے بھی نیچے آگیا ہے۔

رپورٹ کے مطابق انڈیکس ایک لاکھ 14 ہزار 860 پوائنٹس پر بند ہوا ہے۔

کاروباری دن میں 100 انڈیکس 3 ہزار 350 پوائنٹس کے بینڈ میں رہا۔ 100 انڈیکس کی بلند ترین سطح 1 لاکھ 17 ہزار 39 رہی۔

بازار میں 1 ارب 25 کروڑ شیئرز کے سودے 62 ارب روپے میں طے ہوئے۔ مارکیٹ کیپٹلائزیشن 228  ارب روپے کم ہوکر 14583 ارب روپے ہے۔

دوسری جانب انٹر بینک میں ڈالر 10 پیسے مہنگا ہوگیا ہے، انٹر بینک میں ڈالر 278.17 روپے سے بڑھ کر 278.27 روپے پر بند ہوا ہے۔