ARYNews.tv | Urdu – Har Lamha Bakhabar

Tag: پاکستان اسٹاک ایکسچینج

  • پاکستان اسٹاک مارکیٹ: 100 انڈیکس 43 ہزار سے 41 ہزار پوائنٹس پر پہنچ گیا

    پاکستان اسٹاک مارکیٹ: 100 انڈیکس 43 ہزار سے 41 ہزار پوائنٹس پر پہنچ گیا

    کراچی: پاکستان اسٹاک ایکسچینج میں بدترین مندی جاری ہے، 100 انڈیکس 43 ہزار پوائنٹس سے گر کر 41 ہزار پوائنٹس کی حد پر پہنچ چکا ہے۔

    تفصیلات کے مطابق کاروباری ہفتے کے تیسرے روز 25 مئی 2022 بدھ کو اسٹاک مارکیٹ میں شدید مندی دیکھی گئی۔ دن کے آغاز پر مارکیٹ 100 انڈیکس میں 227 پوائنٹس کی کمی کے ساتھ کھلی۔

    دن کے وسط تک انڈیکس میں 312 پوائنٹس کی کمی ہوئی اور انڈیکس 41 ہزار 638 پوائنٹس پر پہنچ گیا۔

    دن کے اختتام تک انڈیکس 564 پوائنٹس کی کمی کے ساتھ 41 ہزار 386 پر پہنچ گیا۔

    یاد رہے کہ رواں ہفتے کے پہلے کاروباری روز سوموار کو مارکیٹ 43 ہزار پوائنٹس سے نیچے گر گئی تھی۔

    کاروباری ہفتے کے پہلے روز ٹریڈنگ کے ابتدائی 30 منٹ میں ہی 100 انڈیکس میں 488 پوائنٹس کی کمی ریکارڈ کی گئی تھی۔

  • پاکستان اسٹاک مارکیٹ: صرف 20 منٹ میں مارکیٹ 1 ہزار پوائنٹس گر گئی

    پاکستان اسٹاک مارکیٹ: صرف 20 منٹ میں مارکیٹ 1 ہزار پوائنٹس گر گئی

    کراچی: امریکی ڈالر ملکی تاریخ کی بلند ترین سطح پر پہنچ گیا جبکہ پاکستان اسٹاک ایکسچینج میں بھی شدید مندی جاری ہے، اسٹاک مارکیٹ 367 پوائنٹس کی کمی کے ساتھ کھلی اور صرف 20 منٹ میں 1 ہزار 111 پوائنٹس گر گئے۔

    تفصیلات کے مطابق کاروباری ہفتے کے پہلے روز 16 مئی 2022 سوموار کو اسٹاک مارکیٹ میں شدید مندی دیکھی گئی۔ دن کے آغاز پر 100 انڈیکس میں 367 پوائنٹس کی کمی ہوئی جس کے بعد انڈیکس 43 ہزار 118 پوائنٹس پر پہنچ گیا۔

    دن کے وسط تک انڈیکس 43 ہزار پوائنٹس سے نیچے گر گیا، 1 ہزار 111 پوائنٹس کی کمی کے بعد انڈیکس 42 ہزار 375 پوائنٹس پر پہنچ گیا۔

    دوسری جانب ڈالر کی قیمت بھی نئی بلندی پر پہنچ گئی، دن کے آغاز پر انٹر بینک میں ڈالر کی قیمت میں معمولی کمی ہوئی جس کے بعد ڈالر 192 روپے 38 پیسے پر پہنچ گیا۔

    دن کے اختتام تک ڈالر کی قیمت میں 1 روپے 65 پیسے اضافہ ہوا اور ڈالر 194 روپے 18 پیسے پر بند ہوا۔

    فاریکس ڈیلرز کے مطابق اوپن مارکیٹ میں ڈالر 1 روپے 50 پیسے مہنگا ہونے کے بعد 195 روپے 50 پیسے پر فروخت ہو رہا ہے۔

    خیال رہے کہ یکم اپریل سے اب تک ڈالر 10 روپے 7 پیسے مہنگا ہوچکا ہے، شہباز حکومت کی ایک ماہ کی حکومت کے دوران مارکیٹ سے تقریباً 4 ارب ڈالرز نکل گئے ہیں۔

    ایک ماہ میں اسٹاک مارکیٹ تقریباً 4 ہزار پوائنٹس گر گئی، شہباز حکومت آئی تو پاکستان اسٹاک مارکیٹ 46 ہزار 407 پوائنٹس پر تھی، ایک ماہ میں اسٹاک مارکیٹ مسلسل مندی کا شکار رہ کر 3 ہزار 596 پوائنٹس گر گئی۔

  • پاکستان اسٹاک مارکیٹ: پورا ہفتہ بدترین مندی کے بعد کاروبار میں مثبت رجحان

    پاکستان اسٹاک مارکیٹ: پورا ہفتہ بدترین مندی کے بعد کاروبار میں مثبت رجحان

    کراچی: عید الفطر کی تعطیلات کے بعد سے پاکستان اسٹاک ایکسچینج میں بدترین مندی کے بعد آج کاروبار میں معمولی طور پر مثبت رجحان دیکھا گیا، تاہم انڈیکس میں 44 ہزار پوائنٹس کی حد بحال نہ ہوسکی۔

    تفصیلات کے مطابق کاروباری ہفتے کے آخری روز جمعہ کو پاکستان اسٹاک مارکیٹ میں مثبت رجحان دیکھا گیا، دن کے آغاز پر 100 انڈیکس میں 197 پوائنٹس کا اضافہ ہوا جس کے بعد انڈیکس 43 ہزار 95 پوائنٹس پر پہنچ گیا۔

    بعد ازاں بڑھنے والی پوائنٹس کی تعداد 300 ہوگئی، دن کے وسط تک انڈیکس میں 335 پوائنٹس کا اضافہ ہوا اور انڈیکس 43 ہزار 254 پوائنٹس پر پہنچ گیا۔

    دن کے اختتام پر مجموعی طور پر انڈیکس میں 468 پوائنٹس کا اضافہ ہوا جس کے بعد انڈیکس 43 ہزار 367 پوائنٹس پر بند ہوا۔

    خیال رہے کہ عید الفطر کی تعطیلات کے بعد پاکستان اسٹاک مارکیٹ میں بدترین مندی ریکارڈ کی گئی تھی اور 100 انڈیکس 44 ہزار پوائنٹس کی سطح سے نیچے گر گیا تھا۔

    کاروباری ہفتے کے پہلے روز 9 مئی سوموار کو 14 سو 20 پوائنٹس کی کمی ہوئی اور 100 انڈیکس 43 ہزار 420 پوائنٹس پر بند ہوا تھا۔

  • ڈالر تاریخ کی بلند ترین سطح پر، اسٹاک مارکیٹ مزید گر گئی

    ڈالر تاریخ کی بلند ترین سطح پر، اسٹاک مارکیٹ مزید گر گئی

    کراچی: عید الفطر کی تعطیلات کے بعد سے کاروبار مندی کا شکار ہے، انٹر بینک میں ڈالر کی قیمت تاریخ کی بلند ترین سطح پر پہنچ گئی جبکہ پاکستان اسٹاک ایکسچینج میں انڈیکس 43 ہزار پوائنٹس کی سطح سے نیچے گر گیا۔

    تفصیلات کے مطابق کاروباری ہفتے کے تیسرے روز بدھ کو امریکی ڈالر ملکی تاریخ کی بلند ترین سطح پر پہنچ گیا، دن کے آغاز پر انٹر بینک میں ڈالر 22 پیسے مہنگا ہو کر 188 روپے 89 پیسے پر ٹریڈ کرنے لگا۔

    اوپن مارکیٹ میں ڈالر 190 روپے میں فروخت ہوتا رہا۔

    بعد ازاں ڈالر کی قدر میں مزید اضافہ ہوا، 1 روپے 18 پیسے اضافے کے بعد ڈالر 189 روپے 84 پیسے پر پہنچ گیا۔

    دن کے وسط سے قبل ہی انٹر بینک میں ڈالر کی قیمت 190 روپے پر پہنچ گئی، جبکہ اوپن مارکیٹ میں ڈالر 191 روپے 50 پیسے بھی زیادہ فروخت ہونے لگا۔

    اسٹاک مارکیٹ مزید گر گئی

    دوسری جانب پاکستان اسٹاک مارکیٹ میں بھی مندی دیکھی گئی، دن کے آغاز پر 100 انڈیکس میں 225 پوائنٹس کی کمی ہوئی جس کے بعد انڈیکس 43 ہزار 445 پوائنٹس پر پہنچ گیا۔

    اس کے بعد پوائنٹس میں مزید کمی آئی اور انڈیکس 43 ہزار 79 پوائنٹس پر پہنچ گیا۔

    دن کے وسط سے قبل ہی انڈیکس 608 پوائنٹس کی کمی کے بعد 43 ہزار پوائنٹس کی سطح سے نیچے گر گیا اور 42 ہزار 896 پوائنٹس پر ٹریڈ کرنے لگا۔

  • تعطیلات کے بعد پہلا کاروباری روز: اسٹاک مارکیٹ میں بدترین مندی، 14 سو پوائنٹس کی کمی

    تعطیلات کے بعد پہلا کاروباری روز: اسٹاک مارکیٹ میں بدترین مندی، 14 سو پوائنٹس کی کمی

    کراچی: عید الفطر کی تعطیلات کے بعد معمول کے کاروباری ہفتے کے پہلے روز پاکستان اسٹاک ایکسچینج میں بدترین مندی ریکارڈ کی گئی، 100 انڈیکس 44 ہزار پوائنٹس کی سطح سے نیچے گر گیا۔

    تفصیلات کے مطابق تعطیلات ختم ہوجانے کے بعد معمول کے کاروباری ہفتے کے پہلے روز سوموار کو پاکستان اسٹاک مارکیٹ میں بدترین مندی دیکھی گئی۔

    دن کے آغاز پر 100 انڈیکس میں 884 پوائنٹس کی کمی ہوئی جس کے بعد انڈیکس 44 ہزار پوائنٹس کی سطح سے نیچے گر کر 43 ہزار 991 پر پہنچ گیا۔

    تھوڑی دیر بعد 1 ہزار 71 پوائنٹس کم ہوئے جو بعد میں مزید کم ہو کر 13 سو 15 ہوگئے۔

    دن کے اختتام تک کم ہونے والے پوائنٹس کی تعداد 14 سو 20 ہوگئی اور 100 انڈیکس 43 ہزار 420 پوائنٹس پر بند ہوا۔

    یاد رہے کہ عید الفطر کے ہفتے کے دوران واحد کاروباری روز جمعہ 6 مئی 2022 بھی معاشی لحاظ کچھ خاص بہتر نہ تھا، اسٹاک مارکیٹ میں 100 انڈیکس 408 پوائنٹس کمی کے ساتھ 44 ہزار 840 پوائنٹس پر بند ہوا تھا۔

    ڈالر کی قیمت میں بھی 94 پیسے اضافہ ہوا جس کے بعد ڈالر 186 روپے 63 پیسے پر بند ہوا، اوپن مارکیٹ میں ڈالر کی فروخت 187 روپے 50 پیسے میں جاری رہی۔

  • تعطیلات کے بعد پہلا کاروباری روز: ڈالر بے قابو، اسٹاک مارکیٹ میں بھی مندی

    تعطیلات کے بعد پہلا کاروباری روز: ڈالر بے قابو، اسٹاک مارکیٹ میں بھی مندی

    کراچی: عید الفطر کی تعطیلات کے بعد پہلا کاروباری روز معاشی لحاظ سے برا ثابت ہوا، ڈالر کی قیمت میں 94 پیسے اضافہ ہوا جبکہ اسٹاک ایکسچینج میں بھی مندی دیکھی گئی۔

    تفصیلات کے مطابق عید کی تعطیلات کے بعد پہلے کاروباری روز ڈالر قابو سے باہر ہوتا دکھائی دیا، دن کے آغاز پر انٹر بینک میں ڈالر 1 روپے 6 پیسے مہنگا ہوا جس کے بعد ڈالر کی قیمت 186 روپے 75 پیسے ہوگئی۔

    دن کے اختتام تک ڈالر کی قیمت میں مجموعی طور پر 94 پیسے اضافہ ہوا جس کے بعد ڈالر 186 روپے 63 پیسے پر بند ہوا، اوپن مارکیٹ میں ڈالر کی فروخت 187 روپے 50 پیسے میں جاری رہی۔

    دوسری جانب عید کی تعطیلات کے بعد پہلے کاروباری روز اسٹاک مارکیٹ بھی مندی کا شکار رہی۔ دن کے آغاز پر 100 انڈیکس میں 117 پوائنٹس کی کمی ہوئی جس کے بعد انڈیکس 45 ہزار 131 پوائنٹس پر پہنچ گیا۔

    دن کے وسط تک 100 انڈیکس میں کم ہونے والے پوائنٹس کی تعداد 217 ہوگئی جس کے بعد انڈیکس 45 ہزار 31 پوائنٹس پر پہنچ گیا۔

    دن کے اختتام تک 100 انڈیکس 408 پوائنٹس کمی کے ساتھ 44 ہزار 840 پوائنٹس پر بند ہوا۔

    سرمایہ کاروں نے اسٹاک مارکیٹ پر عدم اعتماد کا اظہار کیا ہے، ادھر ماہرین معیشت نے عید تعطیلات کے بعد ترسیلات زر کی آمد میں بھی کمی کا خدشہ ظاہر کیا ہے۔

  • پاکستان اسٹاک مارکیٹ: 100 انڈیکس 46 ہزار پوائنٹس سے تجاوز کرگیا

    پاکستان اسٹاک مارکیٹ: 100 انڈیکس 46 ہزار پوائنٹس سے تجاوز کرگیا

    کراچی: پاکستان اسٹاک ایکسچینج میں کاروبار میں اضافہ دیکھا گیا، 100 انڈیکس 46 ہزار پوائنٹس سے تجاوز کرگیا۔

    تفصیلات کے مطابق ہفتے کے پہلے کاروباری روز سوموار کو پاکستان اسٹاک مارکیٹ میں تیزی کا رجحان دیکھا گیا، دن کے آغاز پر 100 انڈیکس میں 402 پوائنٹس کا اضافہ ہوا جس کے بعد انڈیکس 45 ہزار 955 پوائنٹس پر پہنچ گیا۔

    دن کے وسط تک 100 انڈیکس میں بڑھنے والے پوائنٹس کی تعداد 553 ہوگئی جس کے بعد انڈیکس 46 ہزار پوائنٹس سے تجاوز کرگیا۔

    دن کے اختتام تک 100 انڈیکس 520 پوائنٹس اضافے کے ساتھ 46 ہزار 73 پوائنٹس پر بند ہوا۔

    اسٹاک مارکیٹ میں دن بھر میں مجموعی طور پر 334 کمپنیوں کے شیئرز میں کاروبار ہوا، 166 کمپنیوں کے شیئرز کی قیمتوں میں اضافہ جبکہ 154 کمپنیوں کے شیئرز کی قیمتوں میں کمی ہوئی۔

    تیزی کے باعث مارکیٹ میں 1.14 فیصد کا اضافہ ریکارڈ کیا گیا، مارکیٹ کی بلند ترین سطح 46 ہزار 203 پوائنٹس جبکہ کم ترین سطح 45 ہزار 553 پوائنٹس رہی۔

  • پاکستان اسٹاک مارکیٹ میں منفی رجحان ، ایک ہفتے میں سرمایہ کاروں کے اربوں روپے ڈوب گئے

    پاکستان اسٹاک مارکیٹ میں منفی رجحان ، ایک ہفتے میں سرمایہ کاروں کے اربوں روپے ڈوب گئے

    کراچی : پاکستان اسٹاک ایکسچینج میں گذشتہ کاروباری ہفتے میں منفی رجحان رہا اور سرمایہ کاروں کے اربوں روپے ڈوب گئے۔

    تفصیلات کے مطابق پاکستان اسٹاک ایکسچینج کی ہفتہ وار رپورٹ جاری کردی گئی ، جس میں بتایا گیا کہ پاکستان اسٹاک ایکسچینج میں کاروباری ہفتے میں منفی رجحان رہا۔

    ایک ہفتے میں 100 انڈیکس میں 1048 پوائنٹس کی کمی ریکارڈ کی گئی اور انڈیکس 2.25 فیصد کمی کے بعد 45 ہزار 553 کی سطح پر بند ہوا۔

    رپورٹ کے مطابق ہنڈریڈ انڈیکس کی ہفتہ وار بلند ترین سطح 46969 اور ہفتہ وار کم ترین سطح 45500 رہی۔

    رپورٹ میں بتایا گیا کہ ایک ہفتے میں اسٹاک مارکیٹ میں 1 ارب 12 کروڑ شئیرز کا کاروبار کیا گیا اور ہفتہ وار کاروبار کی مالیت 37 ارب روپے رہی۔

    ایک ہفتے میں مارکیٹ کپیٹلائزیشن 149 ارب روپے کم ہوکر 7608 ارب روپے رہ گئی۔

  • پاکستان اسٹاک مارکیٹ میں کاروبار کا ملا جلا رجحان

    پاکستان اسٹاک مارکیٹ میں کاروبار کا ملا جلا رجحان

    کراچی: پاکستان اسٹاک ایکسچینج میں کاروبار کا ملا جلا رجحان دیکھا گیا، دن کے آغاز پر کاروبار میں اضافے کے بعد اختتام تک معمولی مندی دیکھنے میں آئی۔

    تفصیلات کے مطابق ہفتے کے پہلے کاروباری روز سوموار کو پاکستان اسٹاک مارکیٹ میں ملا جلا رجحان دیکھا گیا، دن کے آغاز پر 100 انڈیکس میں 342 پوائنٹس کا اضافہ ہوا جس کے بعد انڈیکس 46 ہزار 944 پوائنٹس پر پہنچ گیا۔

    دن کے اختتام تک کاروبار میں مندی دیکھی گئی اور 100 انڈیکس 61 پوائنٹس کی کمی کے ساتھ 46 ہزار 539 پوائنٹس پر بند ہوا۔

    یاد رہے کہ گزشتہ ہفتے سیاسی صورتحال اور حکومت کی تبدیلی کے بعد پاکستان اسٹاک مارکیٹ میں کاروبار کا نیا ریکارڈ قائم ہوا تھا، ایک دن میں سب سے زیادہ 1700 پوائنٹس کا ریکارڈ اضافہ ہوا تھا۔

    گزشتہ سوموار 11 اپریل کو مارکیٹ کا آغاز 44 ہزار 444 پوائنٹس پر ہوا اور چند منٹس میں ہی انڈیکس میں 1300 پوائنٹس کا اضافہ ہوا جس کے بعد انڈیکس 46 ہزار کی نفسیاتی حد عبور کر گیا تھا۔

  • پاکستان اسٹاک مارکیٹ: سیاسی اتار چڑھاؤ کاروبار پر بھی اثر انداز

    پاکستان اسٹاک مارکیٹ: سیاسی اتار چڑھاؤ کاروبار پر بھی اثر انداز

    کراچی: گزشتہ ہفتے پاکستان اسٹاک ایکسچینج میں کاروبار منفی رجحان میں رہا اور 100 انڈیکس میں 700 سے زائد پوائنٹس کی کمی ہوئی۔

    تفصیلات کے مطابق پاکستان اسٹاک مارکیٹ میں گزشتہ ایک ہفتے کے دوران 100 انڈیکس میں 707 پوائنٹس کی کمی ہوئی جس کے بعد انڈیکس 44 ہزار 444 پوائنٹس پر بند ہوا۔

    4 سے 8 اپریل 2022 کے دوران انڈیکس کی بلند ترین سطح 45 ہزار 152 پوائنٹس جبکہ کم ترین سطح 43 ہزار 749 پوائنٹس رہی۔

    گزشتہ ہفتے مارکیٹ میں 76 کروڑ شیئرز کے سودے ہوئے جبکہ مارکیٹ کیپٹلائزیشن 125 ارب روپے کم ہو کر 7474 ارب روپے ہوگئی۔

    خیال رہے کہ گزشتہ ہفتے کی مندی وزیر اعظم عمران خان کے اسمبلیاں تحلیل کرنے کے اعلان کے بعد دیکھنے میں آئی جبکہ ہفتے کے آخری روز سپریم کورٹ کے اسمبلیاں بحال کرنے کے فیصلے کے بعد کاروبار میں ایک بار پھر تیزی آئی۔