Tag: پاکستان اسٹاک مارکیٹ

کراچی : پاکستان اسٹاک مارکیٹ میں بینچ مارک ہنڈریڈ انڈیکس نے ایک اور تاریخ رقم کرتے ہوئے ایک لاکھ 30 ہزار کی سطح عبور کرلی۔

تفصیلات کے مطابق پاکستان اسٹاک مارکیٹ میں مثبت رجحان آج بھی جاری ہے، بینچ مارک ہنڈریڈ انڈیکس نے ایک لاکھ 30 ہزارکی سطح عبور کرلی۔

مارکیٹ میں 1929 پوائنٹس اضافے کے ساتھ انڈیکس 30 ہزار 128 پوائنٹس پر ٹریڈ کررہا ہے۔

دوران کاروبار انڈیکس میں سترہ سو تینتالیس پوائنٹس تک کا اضافہ دیکھا گیا، اسٹاک ماہرین کا کہنا ہے ملکی معیشت میں پالیسیوں کا تسلسل جاری ہے، جس کی وجہ سے مارکیٹ میں مقامی اورغیرملکی انویسٹرز کا اعتماد دیکھا جارہا ہے۔

سابق ڈائریکٹر پاکستان اسٹاک ایکسچینج امین یوسف نے کہا کہ بجٹ میں کاروبار دوست اقدامات ۔ ملکی معیشت اورکرنسی مارکیٹ میں استحکام سے سرمایہ کار مارکیٹ میں سرگرم ہو رہے ہیں۔۔

مارکیٹ کے تجزیہ کاروں کا کہنا تھا کہ اگر موجودہ سیاسی و اقتصادی صورتحال مستحکم رہی تو بیرونی سرمایہ کاری کے امکانات بھی بڑھ سکتے ہیں، دوران کاروبار مارکیٹ میں سرمایہ کاروں کی جانب سے مختلف کلیدی شعبہ جات میں بھرپور خریداری دیکھی گئی، جن میں آٹو موبائل اسمبلرز، کمرشل بینکنگ، تیل و گیس کی تلاش کرنے والی کمپنیاں، اور بجلی پیدا کرنے والے ادارے شامل ہیں۔

https://urdu.arynews.tv/dollar-currency-rate-pakistan-today/

گذشتہ روز پاکستان اسٹاک ایکسچینج میں نئے مالی سال کے پہلے ہی روز کاروبار میں شاندار تیزی رہی تھی اور 100 انڈیکس تاریخ کی نئی بلندیوں پر پہنچ گیا تھا۔

پہلی بار ہنڈریڈ انڈیکس نے 1 لاکھ 28 ہزار کی سطح عبور کی اور مارکیٹ میں کاروبار کے اختتام پر 2572 پوائنٹس کا زبردست اضافہ ہوا۔

کراچی : نئے مالی سال کے پہلے ہی دن اسٹاک مارکیٹ نے پہلی بار ایک لاکھ 28 ہزار پوائنٹس کا سنگ میل عبور کرلیا۔

تفصیلات کے مطابق پاکستان اسٹاک مارکیٹ میں نئے مالی سال کے پہلے ہی دن زبردست تیزی ریکارڈ کی گئی اور بینچ مارک ہنڈریڈ انڈیکس تاریخ کی بلند ترین سطح پر پہنچ گیا۔

انڈیکس نے پہلی بار ایک لاکھ اٹھائیس ہزار کی سطح عبور کرلی اور 2512 پوائنٹس اضافے کے ساتھ انڈیکس ایک لاکھ اٹھائیس ہزار 140 پوائنٹس پر ٹریڈ کر رہا ہے۔

دوران کاروبار انڈیکس میں 2522 پوائنٹس تک کا اضافہ دیکھا گیا، اسٹاک ماہرین کا کہنا ہے گزشتہ مالی سال میں مارکیٹ روپے کے لحاظ سے ساٹھ فیصد جبکہ ڈالر کے لحاظ سے ستاون فیصد اوپر گئی، جس سے مقامی اور غیر ملکی سرمایہ کاروں میں اعتماد دیکھا جا رہا ہے۔

https://urdu.arynews.tv/dollar-currency-rate-pakistan-today/

یاد رہے کہ گزشتہ ہفتے اسٹاک ایکسچینج نے شاندار کارکردگی کا مظاہرہ کیا، جہاں بینچ مارک کے ایس ای-100 انڈیکس میں ہفتہ وار بنیادوں پر 4,355 پوائنٹس یا 3.6 فیصد اضافے سے 124,379 پوائنٹس کی تاریخی سطح پر بند ہوا۔

اس تیز رفتار تیزی کی بڑی وجہ مشرق وسطیٰ میں جغرافیائی کشیدگی میں کمی اور قومی اسمبلی میں وفاقی بجٹ کی باآسانی منظوری تھی۔

کراچی : ایران اسرائیل جنگ بندی کے بعد پاکستان اسٹاک مارکیٹ میں 5000 زائد پوائنٹس اضافے سے انڈیکس نے ایک لاکھ 21 ہزار کی سطح عبور کر لی۔

تفصیلات کے مطابق پاکستان اسٹاک مارکیٹ پر ایران اسرائیل جنگ بندی کے اثرات نمایاں ہونے لگے ، مارکیٹ کھلتے ہی زبردست تیزی ریکارڈ کی گئی۔

بینچ مارک 10 انڈیکس میں پانچ ہزار سے زائد پوائنٹس کا اضافہ ہوا اور انڈیکس نے ایک لاکھ اکیس ہزار کی سطح عبور کر گیا۔

مارکیٹ میں تین اعشاریہ آٹھ فیصدکا اضافہ ریکارڈ کیا گیا ہے اور اس وقت 5283 پوائنٹس اضافے کے ساتھ انڈیکس ایک لاکھ 21 ہزار 453 پوائنٹس پر ٹریڈ کر رہا ہے۔

اسٹاک ماہرین کا کہنا ہے ایران اسرائیل جنگ بندی کی وجہ سے اسٹاک مارکیٹ میں تیزی دیکھی جا رہی ہے۔ انویسٹرز میں اعتماد دیکھا جا رہا ہے جبکہ بڑے انسٹیٹیوشن مارکیٹ میں خریداری کیلئے کود چکے ہیں۔

کستان اسٹاک مارکیٹ میں کاروبار کا اختتام

گذشتہ روز امریکا کی جانب سے ایران پر حملے کے بعد پہلے دن مندی کے بادل چھائے رہے تھے اور ٹریڈنگ کے دوران 4 ہزار سے زائد پوائنٹس کی شدید مندی دیکھی گئی۔

کاروبار کا اختتام 3855 پوائنٹس کی کمی پر ہوا اور ہنڈریڈ انڈیکس 1 لاکھ 16 ہزار 167 پوائنٹس پر بند ہوا۔

ایک دن میں ہی چار نفسیاتی حدیں گر گئیں اور اسٹاک مارکیٹ میں سب کم ترین سطح 1 لاکھ 15 ہزار 887 پوائنٹس ریکارڈ کی گئی تھی۔

مارکیٹ میں 23 ارب روپے کے 59 کروڑ حصص کا کاروبار ریکارڈ کیا گیا اور محض 56 کمپنیوں کے حصص میں اضافہ جبکہ 385 کمپنیوں کے حصص میں کمی ہوئی۔

۔

کراچی : پاکستان اسٹاک مارکیٹ نے 2,769 پوائنٹس اضافے کے ساتھ ایک لاکھ 20 ہزار کا سنگ میل عبور کرلیا۔

تفصیلات کے مطابق پاکستان اسٹاک مارکیٹ میں گزشتہ روز کی ریکارڈ تیزی کے بعد آج بھی زبردست تیزی دیکھی گئی۔

کاروبار کے آغاز میں ہی بینچ مارک ہینڈرڈ انڈیکس میں 2,769 پوائنٹس کا اضافہ ہوا، اور مارکیٹ بت ایک لاکھ بیس ہزار پوائنٹس کی حد عبور کر لی۔

انڈیکس اس وقت ایک لاکھ سترہ ہزار چھے سو پچانوے پوائنٹس پر ٹریڈ کررہا ہے۔

ماہرین کا کہنا ہے کہ یہ تیزی مارکیٹ کے لیے ایک مضبوط واپسی کی نشاندہی کرتا ہے، جو پاکستان اور بھارت کے درمیان جنگ بندی کے باعث سرمایہ کاروں کے نئے اعتماد کی عکاسی کرتا ہے۔

گذشتہ روز پاکستان اسٹاک مارکیٹ نے دس ہزار پوائنٹس اضافے کا نیا ریکارڈ قائم کیا تھا اور ایک دن میں ایک ہزار ارب روپے کی اسٹاک کیپٹلائزیشن بڑھ گئی تھی۔

کاروباری ہفتے کے آغاز پر ہی پاکستان اسٹاک مارکیٹ نے9929پوائنٹس کا اضافہ ریکارڈ کیا اور تاریخ کی بلند ترین سطح پر پہلی مرتبہ پہنچی ، جس کے بعد پانچ فیصد سے زائد اضافہ ہونے پر ٹریڈنگ روکنا پڑی تھی۔

اسٹاک مارکیٹ دس ہزار ایک سو تیئس پوائنٹس اضافے کیساتھ ہنڈریڈ انڈیکس ایک لاکھ 17ہزار297 پر بند ہوا اور مارکیٹ کیپٹلائزیشن بارہ سو ارب روپے سے زائد رہی۔

کراچی : پاکستان اسٹاک مارکیٹ میں بدترین مندی ریکارڈ کی گئی اور 100انڈیکس ایک لاکھ  12 ہزار کی سطح سے نیچے آگیا۔

تفصیلات کے مطابق پاک بھارت کشیدگی کے باعث پاکستان اسٹاک مارکیٹ شدید مندی کی لپیٹ میں آگئی۔

کاروباری ہفتے کے تیسرے روز 100 انڈیکس میں3445 پوائنٹس کی کمی ریکارڈ کی گئی ، جس کے بعد بینچ مارک ہنڈریڈ انڈیکس ایک لاکھ بارہ ہزار کی سطح سے نیچے آگیا۔

انڈیکس ایک لاکھ گیارہ ہزارچارسو ستائیس پوائنٹس پر ٹریڈ کررہا ہے۔۔

اسٹاک ماہرین کا کہنا ہے اسٹاک مارکیٹ میں لیوریج ساٹھ ارب روپے سے زائد پر پہنچ چکا ہے، بروکرز نے بڑے پیمانے پر ادھار پر شیئرز اٹھائے ہوئے ہیں، آج ادھار کی ادائیگیوں کا آخری دن ہے، جس کی وجہ سے مارکیٹ میں مندی دیکھی جا رہی ہے۔

گزشتہ روز پاکستان اسٹاک ایکسچینج میں  پہلے سیشن میں مندی کا رجحان رہا تھا تاہم کاروبار کا اختتام مثبت زون میں ہوا تھا۔

کاروباری ہفتے کے دوسرے دن انڈیکس میں 808پوائنٹس کااضافہ ہوا اور 100انڈیکس 1لاکھ14 ہزار872 پوائنٹس پر بند ہوا تھا۔

مارکیٹ میں 28ارب روپے مالیت کے 40کروڑحصص کے سودے ہوئے اور کاروبار کے دوران انڈیکس کی بلند سطح 115.040پوائنٹس جبکہ اتار چڑھاو کے باعث انڈیکس کی کم سطح112,935پوائنٹس رہی۔

کراچی : پاکستان اسٹاک مارکیٹ میں بدترین مندی کے بعد تیزی ریکارڈ کی گئی اور انڈیکس کی ایک لاکھ 16 ہزار 300 پوائنٹس کی سطح پر آگیا۔

تفصیلات کے مطابق پاکستان اسٹاک مارکیٹ میں گذشتہ روز تاریخی مندی کے بعد آج تیزی دیکھی جارہی ہے، ہنڈریڈ انڈیکس 1500 پوائنٹس اضافے کے ساتھ کھلا۔

کاروبار کے دوران تیرہ سو اکیانوے پوائنٹس اضافے کے ساتھ ایک لاکھ سولہ ہزار تین سو پوائنٹس پر ٹریڈ کر رہا ہے۔

ماہرین کا کہنا ہے بڑے انسٹی ٹیوشنز اورسرمایہ کاروں کی جانب سے حصص کی خریداری کی جارہی ہے، جس سے مارکیٹ میں تیزی کا رجحان دیکھا جارہا ہے۔

خیال رہے امریکی صدر ڈونلڈ ٹرمپ کے حالیہ ٹیرف اقدامات سے پوری دنیا کی اسٹاک ایکسچینج مندی کی لپیٹ میں ہیں۔

گذشتہ روز پاکستان اسٹاک ایکس چنیج میں بھی تاریخ کی بد ترین مندی دیکھی گئی تھی ، 100 انڈیکس میں چھ ہزار سے زائد پوائنٹس کی کمی کے بعد ٹریڈنگ کو ایک گھنٹے کے لئے روک دیا اور ایک گھنٹے کے بعد کاروبار بحال ہونے کے بعد بھی مندی 8 ہزار پوائنٹس سے زائد ہوگئی۔

کاروبارکے آخری گھنٹے میں 100 انڈیکس 3882 پوائنٹس کی کمی کے بعد 1 لاکھ 14 ہزار 909 پر بند ہوا۔

اسٹاک ماہرین کا کہنا تھا کہ امریکی صدر کے حالیہ اقدامات کے باعث پوری دنیا کی اسٹاک مارکیٹ مندی کی لپیٹ میں ہے۔

سابق ڈائریکٹر اسٹاک ایکسچینج ظفر موتی والا نے کہا تھا کہ مارکیٹ چھ فیصد کے قریب گرنے سے سرمایہ کاروں کے دو ارب ڈالر کے قریب کا نقصان ہوا ہے، اسٹاک مارکیٹ کی کم ترین سطح ایک لاکھ دس ہزار ایک سو تین رہی مارکیٹ میں مجموعی طور پر 43 ارب مالیت کے 71 کروڑحصص کا کاروبار ہوا تھا۔

کراچی : پاکستان اسٹاک مارکیٹ میں کریش کرنے کے بعد سنبھل گئی اور شدید مندی کے بعد 4 ہزار 806 پوائنٹس کی ریکوری ہوئی۔

تفصیلات کے مطابق پاکستان اسٹاک مارکیٹ میں کریش کرنے کے بعد مستحکم ہوگئی، ٹریڈنگ کے دوبارہ آغاز ہونے کے بعد پہلے مزید مندی پھر 4 ہزار 806 پوائنٹس کی ریکوری ہوئی۔

کاروبار کا اختتام 3882 پوائنٹس کی مندی پر ہوا اور ہنڈریڈ انڈیکس 1 لاکھ 14 ہزار 909 پوائنٹس کی سطح پر بند ہوا۔

مارکیٹ میں ٹریڈنگ کے دوران 8 حدیں گنوا بیٹھا اور ہنڈریڈ انڈیکس 1 لاکھ ہزار سے 1 لاکھ 10 ہزار کی کم ترین سطح تک آگیا تھا۔

اختتام پر انڈیکس ریکور گیا، مارکیٹ میں مجموعی طور پر 43 ارب روہے مالیت کے 71 کروڑ حصص کا کاروبار ہوا۔

مزید پڑھیں : پاکستان اسٹاک مارکیٹ کریش کرگئی

ظفر موتی والا نے کہا کہ امریکی صدر کے ٹیرف عائد کئیے کے باعث مارکیٹ گراوٹ ک شکار ہوئی تاہم توقع ہے آئندہ سیشن میں مارکیٹ بہتر ہوگی ، مارکیٹ میں گراوٹ سے 2 ارب ڈالرز سرمایہ کاروں کے نکل گئے ۔

ماہرین کا کہنا ہے دنیا بھرکی اسٹاک مارکیٹیں ٹرمپ ٹیرف کے دباؤ کا شکار ہیں، جس کا پاکستان اسٹاک مارکیٹ پربھی اثر پڑ رہا ہے۔

یاد رہے صبح اسٹاک مارکیٹ کے آغاز میں تاریخ کی سب سے بڑی مندی دیکھی گئی تھی اور چھ ہزاردوسوانچاس پوانٹس کمی کے بعد کاروبار ایک گھنٹے تک معطل رہا۔