ARYNews.tv | Urdu – Har Lamha Bakhabar

Tag: پاکستان اسٹاک مارکیٹ

  • پاکستان اسٹاک مارکیٹ میں تیزی، 100 انڈیکس39ہزار پوائنٹس کی سطح عبور کرگیا

    پاکستان اسٹاک مارکیٹ میں تیزی، 100 انڈیکس39ہزار پوائنٹس کی سطح عبور کرگیا

    کراچی : پاکستان اسٹاک  مارکیٹ میں زبردست تیزی ریکارڈ کی گئی، اور 100 انڈیکس 39  ہزار19پوائنٹس کی سطح عبور کرگیا۔

    تفصیلات کے مطابق کاروباری ہفتےکے پہلے دن پاکستان اسٹاک ایکسچینج کا مثبت آغاز ہوا،  جس سے سرمایہ کاروں کا اعتماد بحال ہوگیا، دن کے آغاز پر 100 انڈیکس میں 650 پوائنٹس کا اضافہ دیکھا گیا۔

    جس کے بعد  ہنڈرڈانڈیکس میں 1035پوائنٹس کا اضافہ ریکارڈ کیا گیا اور انڈیکس39ہزار19پوائنٹس کی سطح عبور کرگیا۔

    دوسری جانب چینی اسٹاک مارکیٹس میں  بھی تیزی ریکارڈکی گئی،  ہانگ کانگ اسٹاک مارکیٹ میں196 پوائنٹس ، کورین اسٹاک مارکیٹ میں19پوائنٹس اور جاپانی اسٹاک مارکیٹ میں230پوائنٹس کااضافہ ریکارڈ کیا گیا۔

    یاد رہے گذشتہ ہفتے پاکستان اسٹاک ایکسچینج کے 100 انڈیکس میں 2265 پوائنٹس کمی ریکارڈ کی گئی، جس کے باعث  100 انڈیکس 38 ہزار کی سطح برقرار نہ رک سکا  اور  100 انڈیکس 37983کی سطح پر بند ہوا۔

    ایک ہفتے میں37 ارب روپے مالیت کے 86 کروڑ شئیرز کا کاروبار کیا گیا اور  مارکیٹ کیپٹلائزیشن 436 ارب روپے گھٹ کر 7094 ارب روپے رہ گئی جبکہ کاروباری ہفتے میں 86 کروڑ شیئرز کے سودے ہوئے ۔

  • کروناوائرس پاکستان اسٹاک مارکیٹ کو لے ڈوبا

    کروناوائرس پاکستان اسٹاک مارکیٹ کو لے ڈوبا

    کراچی: کروناوائرس نے عالمی معیشت کوہلاکر دکھ دیا ، پاکستان اسٹاک مارکیٹ میں شدید مندی ریکارڈ کی گئی ، 100 انڈیکس 38 ہزار کی سطح برقرار نہ رک سکا اور37910 کی سطح پر آگیا۔

    تفصیلات کے مطابق کرونا کے عالمی معیشت پرمنفی اثرات شدیدہوگئے، پاکستان اسٹاک مارکیٹ کاروباری ہفتے کے آخری روز بھی مندی کی لپیٹ میں ہیں ، کاروبار کے دوران 100 انڈیکس میں 180 پوائنٹس کی کمی دیکھی گئی۔

    جس کے بعد 100 انڈیکس 38 ہزار کی سطح برقرار نہ رک سکا اور انڈیکس 37910 کی سطح پر آگیا۔

    ماہرین کا کہنا ہے کہ کرونا وائرس کی تصدیق کے بعد سرمایہ بہت محتاط ہیں۔

    خیال رہے چار روز کی مسلسل مندی سے 100 انڈیکس میں 2700 سے زائد پوائنٹس کی ریکارڈ کمی ہوچکی ہے، ہفتےکے پہلے روز مارکیٹ 11سوسے زائد پوائنٹس تک گری ، دوسرے روز285 پوائنٹس اور تیسرے روز520 پوائنٹس کی کمی ہوئی۔

    دوسری جانب کروناوائرس کے باعث عالمی حصص بازاروں میں مندی کے بادل مزیدگہرے ہوگئے ہیں ، جاپانی اسٹاک مارکیٹ میں 900 سے زائدپوائنٹس کی کمی دیکھی گئی۔

    چین کے تمام انڈیکس مندی کی لپیٹ میں نظر آئے، ہانگ کانگ انڈیکس میں بھی سات سو اکیاسی پوائنٹس کی کمی اور کورین اسٹاک مارکیٹ میں چھیاسٹھ پوائنٹس کی مندی ریکارڈ کی گئی۔

    امریکی اوریورپی حصص بازاروں میں بھی کاروبار کا اختتام بھی شدید مندی میں ہوا، ڈاؤجونزمیں 1191 پوائنٹس، نیسڈیک میں 141 پوائنٹس کی کمی ہوئی جبکہ فرانسیسی اسٹاک مارکیٹ میں 189 پوائنٹس ، جرمن مارکیٹ میں 407 پوائنٹس کی کمی دیکھی گئی۔

     

  • کرونا وائرس کے اثرات ، پاکستانیوں کے اربوں روپے ڈوب گئے

    کرونا وائرس کے اثرات ، پاکستانیوں کے اربوں روپے ڈوب گئے

    کراچی : پاکستان میں کروناوائرس کے دو کیسزسامنے آنے کے بعد پاکستان اسٹاک مارکیٹ میں شدید مندی ریکارڈ کی گئی ، جس کے باعث سرمایہ کاروں کے اربوں روپے ڈوب گئے۔

    تفصیلات کے مطابق کروناوائرس کےباعث پاکستان سیمت دنیابھر کی اسٹاک مارکیٹ مندی کی لپیٹ میں ہیں ، پاکستان اسٹاک مارکیٹ میں کاروباری ہفتے کے چوتھے روز بھی شدید مندی ریکارڈ کی گئی۔

    کاروبار کے دوران 100انڈیکس میں1300سے زائد پوائنٹس کی مندی دیکھی گئی ،جس سے سرمایہ کاروں میں پریشانی کی لہر دوڑ گئی، کاروبار کے اختتام پر 100 انڈیکس 251پوائنٹس کی کمی کے بعد 38087پوائنٹس پر بند ہوا۔

    چار روز کی مسلسل مندی سے 100 انڈیکس میں 2700 سے زائد پوائنٹس کی ریکارڈ کمی ہوچکی ہے، ہفتےکے پہلے روز مارکیٹ 11 سوسے زائد پوائنٹس تک گری ، دوسرے روز285 پوائنٹس اور تیسرے روز520 پوائنٹس کی کمی ہوئی۔

    دوسری جانب امریکی،یورپی اور ایشیائی حصص بازاروں میں بھی مندی کا رجحان برقرار رہا، جاپانی اسٹاک مارکیٹ میں پانچ سوپچیس پوائنٹس،کورین اسٹاک مارکیٹ میں ایک سوپندرہ پوائنٹس،ہانگ کانگ انڈیکس میں دوسواناسی پوائنٹس کی کمی ریکارڈ کی گئی۔

    واضح رہے پاکستان میں کرونا وائرس سے شکار ہونے والے دو افراد کی تفصیلات سامنے آئیں تھیں، کراچی میں رپورٹ ہونے والے کرونا وائرس کے شخص کی شناخت یحییٰ جعفری کے نام سے ہوئی ، جو زیارت کر کے چند روز قبل ایران سے کراچی پہنچا تھا۔

  • پاکستان پر کرونا وائرس کے خطرناک اثرات، سرمایہ کاروں کے اربوں روپے ڈوب گئے

    پاکستان پر کرونا وائرس کے خطرناک اثرات، سرمایہ کاروں کے اربوں روپے ڈوب گئے

    کراچی : پاکستان اسٹاک مارکیٹ میں شدید مندی کے باعث سرمایہ کاروں کے اربوں روپے ڈوب گئے، انڈیکس 1221 پوائنٹس کمی کے بعد 41ہزارپوائنٹس کی سطح برقرار نہ رکھ سکا۔

    تفصیلات کے پاکستان پر بھی کرونا وائرس کے خطرناک اثرات نمایاں ہونے لگے ، پاکستان اسٹاک مارکیٹ شدید مندی کی لپیٹ میں رہا ، کاروبار کے دوران انڈیکس میں 1375پوائنٹس کی کمی دیکھی گئی۔

    اسٹاک ایکسچینج میں کاروبار کا اختتام منفی زون میں ہوا ، 100 انڈیکس 1221 پوائنٹس کمی سے 40409 پر بند ہوا ، انڈیکس میں 3.02 فیصد کی نمایاں کمی ریکارڈ کی گئی ، ایک دن میں مندی پر مارکیٹ کپیٹلائزئشن میں 185 ارب روپے کمی ہوئی۔

    ماہرین کا کہنا ہے کہ مارکیٹ میں مندی کی وجہ افراط زرمیں اضافہ کےاعداد وشمار اورایشیائی منڈیوں میں مندی ہے ، جنوری میں مہنگائی کی شرح زیادہ آنے اور چین کی اسٹاک مارکیٹ میں شدید مندی پر سرمایہ کار محتاط ہیں۔

    مزید پڑھیں : کرونا وائرس چینی اسٹاک مارکیٹ کو لے ڈوبا ، 5 سال کی کم ترین سطح پر آگئی

    یاد رہے چینی اسٹاک مارکیٹس میں زبردست مندی ریکارڈ کی گئی ، چینی حصص بازاروں میں نوفیصدکی کمی کےبعد2015 کی کم ترین سطح پرآگیا۔

    چینی مارکیٹس میں لسٹڈ 2600 کمپنیوں کےحصص کی قیمت میں نمایاں کمی ریکارڈ کی گئی جبکہ چینی مرکزی بینک معیشت اورمارکیٹس کو سہارا دینے کیلئے بینکنگ سسٹم میں ایک سوبیس ارب ڈالرفراہم کردیے، آج کاروبار کےدوران شنگھائی کمپوزٹ انڈیکس میں 242 پوائنٹس کی کمی ریکارڈ کی گئی۔

    چینی اسٹاک مارکیٹس میں کمی کےاثرات دیگرایشیائی منڈیوں میں بھی نظر آئے،جاپانی اسٹاک مارکیٹ میں 264 اورتائیوان مارکیٹ میں 174 پوائنٹس کی کمی ریکارڈ کی گئی۔

  • پاکستان اسٹاک مارکیٹ: 100 انڈیکس 43 ہزار پوائنٹس کی سطح سے گر گیا

    پاکستان اسٹاک مارکیٹ: 100 انڈیکس 43 ہزار پوائنٹس کی سطح سے گر گیا

    کراچی: کاروباری ہفتے کے تیسرے روز بدھ کو پاکستان اسٹاک ایکسچینج میں معمولی کمی ہوئی جس کے بعد 100 انڈیکس 43 ہزار پوائنٹس کی سطح سے نیچے آگیا۔

    تفصیلات کے مطابق پاکستان اسٹاک مارکیٹ میں کاروباری ہفتے کے تیسرے روز بروز بدھ 100 انڈیکس میں کمی دیکھنے میں آئی، دن کے آغاز پر انڈیکس میں 250 پوائنٹس کی کمی ہوئی جس کے بعد انڈیکس 43 ہزار پوائنٹس کی سطح سے نیچے آگیا۔

    دن کے اختتام تک 100 انڈیکس میں 214 پوائنٹس کی کمی ہوئی جس کے بعد انڈیکس 0.59 فیصد کمی سے 42 ہزار 993 پوائنٹس پر پہنچ گیا۔آج کے روز 6.12 ارب روپے مالیت کے 17.12 کروڑ شئیرز کا کاروبار بھی کیا گیا۔

    یاد رہے کہ پاکستان اسٹاک مارکیٹ میں سال گزشتہ کے آخری ماہ میں زبرست تیزی دیکھی گئی تھی۔ چند ہفتے قبل 100 انڈیکس میں 184 پوائنٹس کا اضافہ ہوا تھا جس کے بعد انڈیکس 40 ہزار 916 پوائنٹس پر بند ہوا تھا۔

    اس کے بعد 16 سے 20 دسمبر 2019 کے دوران 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ ہفتے کے پہلے روز انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

    23 سے 27 دسمبر 2019 کے دوران 100 انڈیکس میں صرف 16 پوائنٹس اضافہ ہوا تھا جس کے بعد انڈیکس 40 ہزار 848 پوائنٹس پر بند ہوا۔

    اس کے بعد 30 دسمبر 2019 سے 3 جنوری 2020 کے دوران 100 انڈیکس میں 14 سو 74 پوائنٹس کا اضافہ دیکھا گیا جس کے بعد 100 انڈیکس 42 ہزار 323 پوائنٹس پر پہنچ گیا۔

    6 سے 10 جنوری 2020 کے دوران 100 انڈیکس 883 پوائنٹس اضافے سے 43 ہزار کی سطح عبور کر کے 43 ہزار 207 پوائنٹس پر پہنچ گیا۔ انڈیکس کی  بلند ترین سطح 43 ہزار 237 جبکہ کم ترین سطح 41 ہزار 171 رہی۔

    گزشتہ ہفتہ ایران کے امریکی فوجی اڈوں پر حملوں کے بعد اسٹاک مارکیٹس میں شدید مندی، اور اگلے ہی روز امریکی صدر ٹرمپ کے فوجی طاقت استعمال نہ کرنے کے بیان کے بعد ریکارڈ تیزی کا حامل رہا تھا۔

  • پاکستان اسٹاک مارکیٹ: 100 انڈیکس 43 ہزار پوائنٹس کی سطح عبور کر گیا

    پاکستان اسٹاک مارکیٹ: 100 انڈیکس 43 ہزار پوائنٹس کی سطح عبور کر گیا

    کراچی: کاروباری ہفتے کے آخری روز جمعے کو پاکستان اسٹاک ایکسچینج میں زبردست تیزی رہی، 100 انڈیکس 43 ہزار پوائنٹس کی سطح عبور کر گیا۔

    تفصیلات کے مطابق پاکستان اسٹاک مارکیٹ میں کاروباری ہفتے کے آخری روز زبردست تیزی دیکھی گئی، دن کے آغاز پر 100 انڈیکس میں 638 پوائنٹس کا اضافہ دیکھا گیا۔

    638 پوائنٹس اضافے کے بعد 100 انڈیکس 43 ہزار پوائنٹس کی سطح عبور کر گیا اور انڈیکس 43 ہزار 161 پوائنٹس پر ٹریڈ کرنے لگا۔

    خیال رہے کہ رواں ہفتے بدھ کے روز جب ایران نے امریکی فوجی اڈوں پر حملے کیے تھے تو پاکستان اسٹاک مارکیٹ سمیت دنیا بھر کی اسٹاک مارکیٹس میں بدترین مندی دیکھی گئی تھی۔

    اس روز 100 انڈیکس میں 618 پوائنٹس کی کمی ہوئی جس کے بعد انڈیکس 41 ہزار 357 پوائنٹس پر بند ہوا۔

    تاہم اگلے روز امریکی صدر ٹرمپ کے فوجی طاقت استعمال نہ کرنے کے بیان پر پاکستان اسٹاک مارکیٹ سمیت ایشیائی اسٹاک مارکیٹس میں ایک بار پھر تیزی کا رحجان دیکھا جانے لگا۔

    جمعرات کے روز 100 انڈیکس میں 838 پوائنٹس کا اضافہ ہوا جس کے بعد انڈیکس 42 ہزار پوائنٹس کی سطح عبور کرگیا۔

    یاد رہے کہ پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی تھی۔ چند ہفتے قبل 100 انڈیکس میں 184 پوائنٹس کا اضافہ ہوا تھا جس کے بعد انڈیکس 40 ہزار 916 پوائنٹس پر بند ہوا تھا۔

    اس کے بعد 16 سے 20 دسمبر 2019 کے دوران 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ ہفتے کے پہلے روز انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

    23 سے 27 دسمبر 2019 کے دوران 100 انڈیکس میں صرف 16 پوائنٹس اضافہ ہوا تھا جس کے بعد انڈیکس 40 ہزار 848 پوائنٹس پر بند ہوا۔

    اس کے بعد 30 دسمبر 2019 سے 3 جنوری 2020 کے دوران 100 انڈیکس میں 14 سو 74 پوائنٹس کا اضافہ دیکھا گیا جس کے بعد 100 انڈیکس 42 ہزار 323 پوائنٹس پر پہنچ گیا۔

  • امریکی صدر کا خطاب ، 100انڈیکس 42ہزار پوائنٹس کی سطح عبور کرگیا

    امریکی صدر کا خطاب ، 100انڈیکس 42ہزار پوائنٹس کی سطح عبور کرگیا

    کراچی : امریکی صدر ٹرمپ کے خطاب کے بعد پاکستان اسٹاک مارکیٹ میں انڈیکس  42 ہزار پوائنٹس کی سطح عبور کرگیا، انڈیکس میں 838 پوائنٹس کا اضافہ دیکھا گیا ہے۔

    تفصیلات کے مطابق امریکی صدر ٹرمپ کے فوجی طاقت استعمال نہ کرنے بیان پر پاکستان اسٹاک مارکیٹ سمیت ایشیائی اسٹاک مارکیٹس میں تیزی کا رحجان دیکھا جارہا ہے۔

    پاکستان اسٹاک مارکیٹ میں کاروبارکا مثبت آغاز ہوا اور 100انڈیکس میں 838 پوائنٹس کا اضافہ دیکھا گیاہے، جس کے بعد 100انڈیکس میں 42 ہزار پوائنٹس کی سطح عبور کرگیا ، 100انڈیکس 42ہزار 195پوائنٹس پر ٹریڈ کر رہا ہے۔

    دوسری جانب امریکی اسٹاک مارکیٹس کے بعد ایشیائی اسٹاک مارکیٹس میں تیزی جاری ہے ، جاپانی اسٹاک مارکیٹ میں175پوائنٹس ، ہانگ کانگ اسٹاک مارکیٹ میں42 پوائنٹس کااضافہ دیکھا گیا۔

    چینی حصص بازار ،امریکی اور یورپی اسٹاک مارکیٹس میں تیزی ریکارڈ کی گئی، امریکی ڈاؤ جونز میں30 پوائنٹس اور امریکی نیسڈیک میں 10پوائنٹس کا اضافہ ریکارڈ کیا گیا۔

    مزید پڑھیں : ایران کا امریکا پر جوابی حملہ، پاکستان اسٹاک ایکسچینج میں مندی

    جرمن ڈیکس میں37پوائنٹس ، فرانسیسی سی اےسی40میں30پوائنٹس اور برطانوی فٹسی 100میں10پوائنٹس کااضافہ دیکھا گیا۔

    گزشتہ روز ایران کے امریکا کو جوابی حملے کے بعد پاکستان سمیت دنیا بھرکی اسٹاک مارکیٹ میں مندی چھائی رہی تھی جبکہ خام تیل اور سونے کی قیمت بھی بڑھ گئی تھی۔

  • پاکستان اسٹاک مارکیٹ میں تیزی، انڈیکس میں 513 پوائنٹس کا اضافہ

    پاکستان اسٹاک مارکیٹ میں تیزی، انڈیکس میں 513 پوائنٹس کا اضافہ

    کراچی : پاکستان اسٹاک ایکسچینج میں تیزی کا رحجان جاری ہے ، 100انڈیکس میں513پوائنٹس کا اضافہ ہوا ، جس کے بعد انڈیکس41ہزار809 پوائنٹس پرٹریڈ کر رہا ہے۔

    تفصیلات کے مطابق پاکستان اسٹاک مارکیٹ میں کاروبار کے آغاز پر تیزی ریکارڈ کی گئی اور انڈیکس میں 480 پوائنٹس کا اضافہ دیکھا گیا ، جس کے بعد انڈیکس41ہزار 770 پوائنٹس پرپہنچ گیا۔

    انڈیکس میں1.24فیصدکا اضافہ ریکارڈ کیا گیا ، کاروبار کے دوران 10 انڈیکس میں513پوائنٹس کا اضافہ ہوا ، اب تک انڈیکس41ہزار809 پوائنٹس پر ٹریڈکر رہا ہے۔

    دوسری جانب ایشیائی حصص بازاروں میں تیزی دیکھی جارہی ہے ، ہانگ کانگ کی ہینگ سینگ مارکیٹ میں212پوائنٹس ، جاپانی اسٹاک مارکیٹ میں338 پوائنٹس کا اضافہ ریکارڈ کیا گیا جبکہ چینی ، سعودی اورقطراسٹاک مارکیٹس میں بھی تیزی کا رحجان ہیں۔

    مزید پڑھیں : امریکا ایران کشیدگی ، پاکستان اسٹاک مارکیٹ میں 1027 پوائنٹس کی کمی

    گذشتہ روز پاکستان اسٹاک مارکیٹ میں کاروباری ہفتے کے پہلے روز زبردست مندی کا رجحان ریکارڈ کیا گیا تھا ، جس کے نتیجے میں کے ایس ای100انڈیکس کی 42ہزار کی نفسیاتی حد گرگئی اور انڈیکس 1027.06پوائنٹس کی کمی سے 41296.24پوائنٹس کی سطح پرآگیا تھا۔

    90.52 پاکستان اسٹاک مارکیٹ میں مندی کے باعث سرمایہ کاروں کو ایک کھرب 68ارب21کروڑ47لاکھ روپے کا نقصان اٹھانا پڑا ۔اور کاروباری حجم بھی گزشتہ ٹریڈنگ سیشن نسبت کی17.42فیصدکم رہا۔

  • امریکا ایران کشیدگی ، پاکستان اسٹاک مارکیٹ میں 917 پوائنٹس کی کمی

    امریکا ایران کشیدگی ، پاکستان اسٹاک مارکیٹ میں 917 پوائنٹس کی کمی

    کراچی : امریکااورایران میں بڑھتی کشیدگی کے اثرات  پاکستان اسٹاک ایکس چینج  پر بھی نمایاں ہونے لگے ، انڈیکس میں  917 پوائنٹس کی کمی ریکارڈ کی گئی ، جس کے بعد  100انڈیکس41 ہزار406 پوائنٹس پر آگیا۔

    تفصیلات کے مطابق امریکا اور ایران میں بڑھتی کشیدگی نے عالمی مارکیٹس کواپنی لپیٹ میں لےلیا، پاکستانی اسٹاک مارکیٹ میں بھی مندی دیکھی جارہی ہے، کاروباری ہفتے کے آغاز پر پاکستان اسٹاک مارکیٹ میں 820 پوائنٹس کی کمی ریکارڈ کی گئی۔

    کاروبار کے دوران انڈیکس میں 917 پوائنٹس تک گرگیا ،100انڈیکس 41 ہزار406پوائنٹس پر ٹریڈ کررہا ہے۔

    دوسری جانب کاروباری ہفتے کے آغازمیں ایشیائی حصص بازارمندی کی لپیٹ میں نظر آئے، جاپانی اسٹاک مارکیٹ میں 480 پوائنٹس، ہانگ کانگ کی مارکیٹ میں ایک سواکاسی پوائنٹس ، تائیوان اسٹاک مارکیٹ میں 130 پوائنٹس اورکورین اسٹاک مارکیٹ میں بھی مندی ریکارڈ کی گئی۔

    چینی اسٹاک مارکیٹس میں مثبت زون میں نظرآرہی ہیں جبکہ خلیجی اسٹاک مارکیٹس میں بھی مندی دیکھی جارہی ہے، سعودی اسٹاک مارکیٹ میں203 پوائنٹس،قطراسٹاک مارکیٹ میں 225 اوریواےای اسٹاک مارکیٹ میں چوراسی پوائنٹس اور ترک اسٹاک مارکیٹ میں 2248 کی کمی ریکارڈکی گئی۔

    خیال رہے گزشتہ ہفتے پاکستان اسٹاک مارکیٹ میں 100 انڈیکس میں 14 سو 74 پوائنٹس کا اضافہ دیکھا گیا تھا ، جس کے بعد 100 انڈیکس 42 ہزار 323 پوائنٹس پر بند ہوا۔ اس دوران انڈیکس کی بلند ترین سطح 42 ہزار 835 پوائنٹس رہی۔

  • پاکستان اسٹاک مارکیٹ: 100 انڈیکس 42 ہزار پوائنٹس سے تجاوز کرگیا

    پاکستان اسٹاک مارکیٹ: 100 انڈیکس 42 ہزار پوائنٹس سے تجاوز کرگیا

    کراچی: گزشتہ کاروباری ہفتے کے دوران پاکستان اسٹاک ایکسچینج میں اضافہ دیکھا گیا، 100 انڈیکس 42 ہزار پوائنٹس سے تجاوز کرگیا۔

    تفصیلات کے مطابق گزشتہ ہفتے پاکستان اسٹاک مارکیٹ میں 100 انڈیکس میں 14 سو 74 پوائنٹس کا اضافہ دیکھا گیا جس کے بعد 100 انڈیکس 42 ہزار 323 پوائنٹس پر بند ہوا۔ اس دوران انڈیکس کی بلند ترین سطح 42 ہزار 835 پوائنٹس رہی۔

    گزشتہ کاروباری ہفتے (30 دسمبر 2019 سے 3 جنوری 2020) کے دوران 1 ارب 40 کروڑ شیئرز کے سودے ہوئے، شیئرز بازار میں 53 ارب روپے کا کاروبار ہوا۔ گزشتہ ہفتے مارکیٹ کیپٹلائزیشن بھی 194 ارب روپے بڑھ کر 8016 ہوگئی۔

    اس سے قبل 23 سے 27 دسمبر 2019 کے دوران 100 انڈیکس میں صرف 16 پوائنٹس اضافہ ہوا تھا جس کے بعد انڈیکس 40 ہزار 848 پوائنٹس پر بند ہوا۔

    مذکورہ ہفتے انڈیکس کی بلند ترین سطح 41 ہزار 289 پوائنٹس جبکہ کم ترین سطح 39 ہزار 454 پوائنٹس رہی۔

    خیال رہے کہ پاکستان اسٹاک مارکیٹ میں گزشتہ کچھ ہفتوں سے زبرست تیزی دیکھی جارہی تھی۔ چند ہفتے قبل 100 انڈیکس میں 184 پوائنٹس کا اضافہ ہوا تھا جس کے بعد انڈیکس 40 ہزار 916 پوائنٹس پر بند ہوا تھا۔

    ہفتہ وار رپورٹ کے مطابق 9 سے 13 دسمبر کے دوران انڈیکس کی بلند ترین سطح 41 ہزار 77 پوائنٹس جبکہ کم ترین سطح 40 ہزار 170 پوائنٹس رہی تھی۔

    اس کے بعد 16 سے 20 دسمبر 2019 کے دوران 100 انڈیکس نومبر 2018 کے بعد سے اب تک کی بلند ترین سطح پر پہنچ گیا تھا۔ ہفتے کے پہلے روز انڈیکس میں 740 پوائنٹس کا اضافہ ہوا جس کے بعد انڈیکس 41 ہزار 657 پوائنٹس پر پہنچ گیا تھا۔

    اب گزشتہ ہفتے 100 انڈیکس 42 ہزار سے بھی تجاوز کر گیا ہے۔

    ڈالر کی قیمت میں کمی

    گزشتہ ہفتے ڈالر کی قیمت میں بھی کمی دیکھی گئی، ہفتہ وار رپورٹ کے مطابق ایک ہفتے میں انٹر بینک میں ڈالر 14 پیسے سستا ہوا۔

    14 پیسے کمی کے بعد انٹر بینک میں ڈالر 155.03 سے کم ہو کر 154.89 روپے پر بند ہوا۔

    گزشتہ ہفتے میں اوپن مارکیٹ میں ڈالر 30 پیسے سستا ہوا جس کے بعد اوپن مارکیٹ میں ڈالر کی قیمت 155.40 سے کم ہو کر 155.10 ہوگئی۔