کراچی: پاکستان اسٹیل میں گیس اور فنڈز کی عدم فراہمی کی وجہ سے پیداوار مکمل طور بند کر دی گئی، اسٹیل ملز کا ملازمین چار ماہ سے تنخواہوں سے بھی محروم ہیں۔
اسٹیل ملز کے ترجمان کا کہا ہے کہ گزشتہ ایک ہفتے سے گیس کے کم پریشر کی وجہ سے اسٹیل ملز کی پیداوار بتدریج کم ہو رہی تھی ، جو جمعہ کو مکمل بند ہو گئی ہے ۔
گیس کے پریشر کی فراہمی میں بے قاعدگی کے باعث دونوں بلاسٹ فرنسوں کے پیداواری آغاز اور تیکنیکی مسائل پیدا ہونے کی وجہ سے پیداوار معطل ہوگئی ہے جبکہ 2عدد لیڈلز کے علاوہ تمام لیڈلز قابل استعمال نہیں ہیں کیونکہ ان لیڈلز کے اندرونی حصے میں دھات جمنے کی وجہ سے قابل استعمال نہیں رہے ۔
جس سے اسٹیل ملز کو کروڑوں روپے نقصان بھی ہوگیا ہے، واضح رہے کہ اسٹیل ملز کے ملازمین کو ای سی سی سے منظوری کے باوجود چار ماہ سے تنخواہیں بھی نہیں ملی ہیں یہ صورت حال انتہائی تشویش ناک ہے۔
