اسلام آباد : پاکستان اور چین کے درمیان معاہدہ ہوگیا ، جس سے پاکستانی انجینئرز کیلئے روزگار کے مواقع میں اضافہ ہوگا۔
تفصیلات کے مطابق پاکستان انجینئرنگ کونسل اور چین کی سوسائٹی آف انجینئرزکے درمیان تاریخی معاہدہ طے پاگیا۔
جس کے تحت دونوں ممالک کےانجینئرز کی پیشہ ورانہ اہلیت میں باہمی تعاون کا فریم ورک بنایا جائے گا۔
چین کے بیلٹ اینڈ روڈ پروگرام میں پاکستانی انجینئرز کیلئے روزگار کے مواقع میں اضافہ ہوگا۔
چیئرمین پاکستان انجینئر وسیم نذیر نے کہا کہ انجینئرنگ کونسل معاہدہ پاکستان کے انجینئرز کی صلاحیتوں پر اعتماد کا مظہر ہے اور چین کی طرف سے پاکستانی انجینئرز کی صلاحیتوں کا اعتراف اہم سنگ میل ہے۔
معاہدے سے پاکستان سروسز سیکٹر کو فروغ ملے گا اور بیرون ملک سے ترسیلات زر میں اضافہ متوقع ہے۔
