Tag: پاکستان اور چین

اسلام آباد : پاکستان اور چین کا دفاعی تعاون جنگی برتری میں تبدیل ہوگیا ، فرانس، برطانیہ اور امریکا کے بڑے میڈیا اداروں بھی چینی ٹیکنالوجی اور پاکستان کی کامیابی کے معترف ہوگئے۔

تفصیلات کے مطابق پاک چین تعاون کے سامنے بھارت بے بس ہوگیا اور عالمی میڈیا نے بھی اعتراف کرلیا۔

پاکستان اور چین کا دفاعی تعاون جنگی برتری میں تبدیل ہوگیا، پاک چین دفاعی تعاون کی برتری کا واضح مظاہرہ حالیہ کشیدگی میں دیکھا گیا۔

جے ٹین سی اور پی ایل فیف ٹین میزائلوں نے بھارتی فضائیہ کے کئی جنگی طیارے مارگرائے، فرانس، برطانیہ اور امریکا کے بڑے میڈیا اداروں بھی چینی ٹیکنالوجی اور پاکستان کی کامیابی کے معترف ہوگئے۔

دی اکانومسٹ کا کہنا ہے کہ چین کے ہتھیاروں نے پاکستان کے ہاتھوں اپنی پہلی بڑی جنگی آزمائش کامیابی سے مکمل کرلی، جدید چینی ٹیکنالوجی سے لیس پاکستانی افواج نے بھارت کی عسکری منصوبہ بندی کو بری طرح ناکام بنایا۔

دی اکانومسٹ نے مزید کہا کہ اربوں ڈالرز کے بھارتی رافیل طیارے چینی ہتھیاروں کے مقابلے میں بےاثر ثابت ہوئے۔

اسلام آباد : پاکستان اور چین نے ایم ایل ون کے دونوں فیز کے الگ الگ معاہدے کرنے کا فیصلہ کرلیا۔

تفصیلات کے مطابق پاکستان اور چین نے 6.8 ارب ڈالر کا ایم ایل ون معاہدہ یکمشت نہ کرنے کا فیصلہ کرلیا۔

ذرائع نے بتایا کہ ریلوے لائن ون کیلئے فیز ون اورٹو دونوں کے الگ الگ معاہدے ہوں گے، فیزون کے تحت 3.2ارب ڈالرکا نیا معاہدہ آئندہ ماہ ہونے کا امکان ہے۔

ذرائع وزارت خزانہ کا کہنا تھا کہ فیز ٹوکیلئے معاہدےسےقبل فیزیبلٹی اسٹڈی فرسٹ فیزمکمل ہونے کےبعد ہوگی اور پہلے فیز میں کراچی سےحیدرآباد اور حیدرآباد سے ملتان ریلوے لائن کی تعمیر ہوگی۔

ایم ایل ون کے سیکنڈ فیز میں ملتان سے پشاور ریلوے لائن تعمیر کی جائے گی، رواں ماہ چینی حکام کیساتھ معاہدے کیلئے فنانسنگ ٹرم اینڈ کنڈیشنز کو فائنل کیا جائے گا۔

وزارت خزانہ نے کہا کہ فیز ون کےتحت ایم ایل ون کیلئے چین سےلانگ ٹرم فنانسنگ حاصل کی جائے گی، ایم ایل ون کیلئے پاکستان چین سے کم شرح سود پر قرض حاصل کرنے کا خواہاں ہے۔

ذرائع کے مطابق پہلے چین کیساتھ ایم ایل ون کیلئے 6.8 ارب ڈالر کی فنانسنگ پر بات ہو رہی تھی تاہم ایم ایل ون کیلئے چین کیساتھ یکمشت معاہدہ کرنےپر اتفاق نہیں ہو سکا تھا۔

اسلام آباد : پاک بحریہ میں آئندہ برس سے ہنگور کلاس آبدوزوں کی شمولیت کا آغاز ہوگا ، پاکستان کوملنے والی ہنگور کلاس سب میرینز ائیر انڈیپینڈنٹ پروپلشن سسٹم سے لیس ہیں۔

تفصیلات کے مطابق پاک بحریہ میں آئندہ برس سے ہنگورکلاس آبدوزوں کی شمولیت کا آغاز ہوگا،ذرائع نے بتایا کہ ہنگور کلاس سب میرین چائنہ شپ بلڈنگ انڈسٹری کارپوریشن میں تیار کی جا رہی ہے۔

پہلی ہنگور کلاس آبدوز اگلےبرس لانچنگ اورسی ٹرائلزمکمل ہونےکےبعدپاک بحریہ میں شامل ہوگی جبکہ 7دیگر ہنگور کلاس آبدوز یکے بعد دیگرے پاکستان نیوی میں شامل ہوں گی۔

پاکستان اور چین کے درمیان 8 ہنگور کلاس آبدوزوں کی تیاری کیلئے 2015 میں معاہدہ ہوا تھا ، جس کے تحت 4 ہنگور کلاس آبدوزیں چین اور 4 کراچی شپ یارڈ اینڈ انجینئرنگ ورکس میں تیار کی جا رہی ہیں۔

ہنگور کلاس آبدوزوں کی تیاری پاکستان کی تاریخ کے بڑے دفاعی معاہدوں میں سے ایک ہے ، پاکستان کوملنے والی ہنگور کلاس سب میرینز ائیر انڈیپینڈنٹ پروپلشن سسٹم سے لیس ہیں۔

اسلام آباد : پاک بحریہ اورچینی پیپلز لبریشن آرمی نیوی کی حربی مشق آئندہ ماہ منعقد ہوں گی، چینی وزارت دفاع کا کہنا ہے کہ اس بارسی گارڈئینز کا محور بحری خطرات سے نمٹنے کیلئے مشترکہ حکمت عملی پرہوگا۔

تفصیلات کے مطابق پاکستان اور چین کی بحری افواج مشترکہ بحری مشق ’’سی گارڈئینز ‘‘کے لئے تیار ہے، پاک بحریہ اورچینی پیپلز لبریشن آرمی نیوی کی حربی مشق آئندہ ماہ منعقد ہوں گی۔

سی گارڈئینز کے سلسلے کی تیسری مشق شمالی بحیرہ عرب میں منعقد ہوگی، اس حوالے سے چینی وزارت دفاع نے اپنے بیان میں کہا کہ اس بارسی گارڈئینزکامحوربحری خطرات سےنمٹنےکیلئےمشترکہ حکمت عملی پرہوگا۔

چینی وزارت دفاع کا کہنا تھا کہ دونوں ملک اسٹرٹیجک شراکت داری ، روایتی دوستانہ تعلقات کوفروغ دے رہے ہیں، پاکستان اور چین کے درمیان حربی تربیت کو بھی فروغ دیا جا رہا ہے۔

سی گارڈئِنش مشقوں کا آغاز 2020میں ہوا تھا ، پہلی سی گارڈینز مشق بحیرہ عرب جبکہ دوسری جولائی 2022میں شنگھائی کےقریب منعقدکی گئی تھی۔

پاکستان اور چین کی فضائی افواج نے بھی حال ہی میں شاہین 10 جنگی مشقیں منعقد کیں ، مشقوں میں پی ایل اے ایئرفورس کےجے 16 ،پاک فضائیہ کے جے 10سی ،جے ایف 17 طیار شامل تھے۔

بیجنگ: پاکستان اور چین کے درمیان 2 ارب ڈالرز برآمدات بڑھانے کا معاہدہ طے پاگیا، چینی کمپنی پاکستان سے لال مرچ اور گوشت سمیت دیگر مصنوعات درآمد کرے گی۔

تفصیلات کے مطابق نگراں وزیر تجارت گوہراعجاز نے سماجی رابطے کی ویب سائٹ ایکس پر اپنے پیغام میں کہا کہ چین کے ساتھ ایک اور بڑا معاہدہ طے پا گیا، پاکستان چین کو گوشت اور مرچوں کی برآمدات بڑھائے گا، گوشت اور مرچوں کی برآمدات 2 ارب ڈالر تک بڑھایا جائے گا۔

Alhamdullilah, we have been successful in securing another major contract with China – the export of meat and chilies are set to increase by another 2billion dollarshttps://t.co/bJNep98i5O

— Dr Gohar Ejaz (@Gohar_Ejaz1) October 19, 2023

خیال رہے پاکستان اور چین میں یہ معاہدہ نگران وزیر صنعت و تجارت گوہراعجاز کے دورہ چین کے دوران ہوا، ذرائع کے مطابق معاہدے کے تحت چینی کمپنی پاکستان کنسورشیم قائم کرے گیم، اس کے علاوہ چینی کمپنی پاکستانی کمپنیوں کے ساتھ مشترکہ منصوبہ بھی شروع کرے گی۔

اسلام آباد : پاکستان اور چین کے درمیان ایم ایل ون منصوبے پر اگست کے پہلے ہفتے میں دستخط ہونے کا امکان ہے۔

تفصیلات کے مطابق پاکستان اور چین کے درمیان ایم ایل ون منصوبے کی فنانسنگ کے معاملات طے پاگئے، ذرائع نے کہا ہے کہ ایم ایل ون منصوبے پر دستخط اگست کے پہلے ہفتے میں ہونے کا امکان ہے۔

ذرائع کا کہنا ہے کہ مجوزہ معاہدےکے تحت ایم ایل ون منصوبے پر 6ارب50 کروڑ ڈالرز لاگت آئے گی، منصوبہ کی لاگت ساڑھے 8 ارب ڈالرز سے کم کرکے ساڑھے 6 ارب ڈالرز کی گئی ہے۔

ذرائع نے کہا کہ ایم ایل ون منصوبے کی کل لاگت کا 15 فیصد پاکستان مہیا کرے گا تاہم پاکستان کی طرف سے منصوبے کی لاگت کم کرنے پر زور دیا گیا تھا۔

منصوبے کے تحت کراچی تاپشاور1733کلومیٹر ریلوے ٹریک اپ گریڈ،دورویہ کیا جائے گا اور ریلوے ٹریک کے ساتھ سگنلز اور ٹیلی کام کا جدید ترین نظام نصب کیا جائے گا۔

ذرائع کے مطابق منصوبے کے تحت پشاور تاکراچی ٹریک پر ریل گاڑیاں 140 کلومیٹر فی گھنٹہ سےچلائی جائیں گی، منصوبے کی لاگت کم کرنے کے لئے مکمل ٹریک کے گرد باڑلگانے کا پروگرام مؤخر کردیا گیا، صرف آبادی والے علاقوں میں ریلوے ٹریک کے گرد باڑ لگائی جائے گی۔

پہلےمرحلے میں صرف ایسے پھاٹک ختم کرکے اوورہیڈبرجز بنائےجائیں گے جہاں آبادی ہوگی، ایم ایل ون کے فریم ورک پر پاکستان اور چین نے مئی2017 میں دستخط کئے تھے ، جس کے بعد ایکنک نے منصوبے کے پی سی ون کی اگست2020میں منظوری دی تھی۔