Tag: پاکستان بمقابلہ آسٹریلیا

لاہور: پاکستان کرکٹ بورڈ نے آسٹریلیا کے خلاف ون ڈے اورٹی ٹوئنٹی ٹیموں کا اعلان کردیا، تجربہ کاریونس خان ٹیم میں جگہ نہ بناسکے۔

قومی سلیکشن کمیٹی کے چیئرمین معین خان نے قذافی سٹیڈیم میں پریس کانفرنس کرتے ہوئے کہا کہ ٹیم کے اعلان میں کوئی ڈیڈ لاک نہیں تھا۔ ورلڈ کپ کو مدِنظر رکھتے ہوئے نوجوان کھلاڑیوں کو زیادہ موقع دیا گیا ہے، یونس خان سمیت تمام سینئرکھلاڑیوں کےلئے دروازے بند نہیں ہوئے۔

اے آروائی نیوز نے روایت برقرار رکھتے ہوئے یونس خان کو ون ڈے ٹیم میں شامل نہ کرنے خبر سب سے پہلے بریک کی، یونس خان کا نام سلیکشن کمیٹی اور ٹیم مینجمنٹ کے درمیان بحث میں رہا، یونس کی جگہ اسد شفق کو ون ڈے اسکواڈمیں جگہ ملی، سعیداجمل کے متبادل کے طور پر بائیں ہاتھ کے اسپنر رضا حسن کو ون ڈے اور ٹی ٹوئنٹی ٹیموں میں شامل کیا گیا، اویس ضیا کی ٹی ٹوئنٹی ٹیم اورعمرامین کی دونوں ٹیموں میں واپسی میں ہوئی۔

ون ڈے ٹیم میں احمد شہزاد، محمد حفیظ، عمر اکمل، فواد عالم، صہیب مقصود، سرفراز احمد، شاہد آفریدی،محمد عرفان، انوارعلی وہاب ریاض اور جنید خان کو ٹیم میں شامل کیا گیا ہے، ٹی ٹوئنٹی میں آفریدی، احمد شہزاد، محمد حفیظ، عمر اکمل، عمر امین، صہیب مقصود، اویس ضیا، رضا حسن، وہاب ریاض، بلاول بھٹی، انور علی، محمد عرفان، سہیل تنویر اور لاہور لائنز کے سعد نسیم کو پہلی مرتبی ٹی ٹوئنٹی اسکواڈ میں جگہ دی گئ ہے، جبکہ ٹیسٹ سکواڈ کا اعلان ون ڈے سیریز کے دوران کیا جائے گا۔ ون ڈے اور ٹیسٹ ٹیم کی قیادت مصباح الحق اور ٹی ٹوینٹی کی قیادت شاہد آفریدی کریں گے۔

لاہور: آسٹریلیا کے خلاف سیریز کے لئے قومی ٹیم کا اعلان متوقع ہے۔ ٹیسٹ اسکواڈ میں سعید اجمل کے متبادل کے طور پر یاسر شاہ کو موقع دیا جاسکتا ہے۔آسٹریلیا کے خلاف سیریز کیلئے کون ہوگا ٹیم میں ان اور کون باہر اعلان منگل کو ہونے کا امکان ہے۔

تفصیلات کے مطابق سلیکشن کمیٹی اور مینجمنٹ کے درمیان ٹیم کے انتخاب کے لئے مشاورت جاری ہے، چیف سلیکٹر معین خان اور ہیڈ کوچ وقار یونس بہترین ٹیم تشکیل دینے کے لئے کھلاڑیوں کی کارکردگی کا جائزہ لے رہے ہیں۔

ٹیم کے انتخاب میں کپتان مصباح الحق کی رائے بھی بہت اہم ہے، چئیرمین پی سی بی شہریار خان کی منظوری کے بعد ٹیم کا اعلان کیا جائے گا، ذرائع کے مطابق سعید اجمل کی معطلی کے بعد اسپن بولنگ کا شعبہ مشکلات سے دوچار ہے جس کو پر کرنے کے لئے یاسر شاہ کو ٹیسٹ میں موقع دیئے جانے کا امکان ہے۔

ٹیسٹ اوپننگ کے مسئلے کو حل کرنے کے لئے احمد شہزاد کے ساتھ محمد حفیظ کو شامل کیا جاسکتا ہے، عمر اکمل کی دورہ سری لنکا میں ناقص کارکردگی کے بعد سرفراز احمد کو ٹیسٹ کے ساتھ ون ڈے میں بھی آزمایا جائے گا۔

تجربہ کار بیٹسمین یونس خان کو صرف ٹیسٹ تک محدود رکھا جائے گا جبکہ ون ڈے میں ان کی جگہ اسد شفیق کو شامل کیے جانے کا امکان ہے، پاکستان اور آسٹریلیا کے درمیان سیریز آئندہ ماہ متحدہ عرب امارات میں شیڈول ہے۔

سیریز کا واحد ٹی ٹوئنٹی میچ پانچ اکتوبر کو دبئی میں کھیلا جائے گا۔ ون ڈے سیریز کا آغاز سات اکتوبر سے ہوگا۔