Tag: پاکستان بمقابلہ افغانستان

پاکستان کے سابق اسپیڈ اسٹار شعیب اختر نے افغانستان کے ہاتھوں پاکستان کی شرمناک شکست پر شدید برہمی کا اظہار کرتے ہوئے ٹیم اور مینجمنٹ کو خوب لتاڑا ہے۔

راولپنڈی ایکسپریس کا شدید تنقید کرتے ہوئے کہنا تھا کہ اوسط درجے کے لوگوں کی وجہ سے ٹیم کا یہ حال ہوا، اپنی پسند کو ترجیح دینے کے نتیجے میں آج پاکستان کرکٹ اس مقام پر کھڑی ہے۔

شعیب اختر نے کہا کہ لوگ میری برانڈ بلڈنگ کو تنقید کا نشانہ بناتے ہیں لیکن برانڈ بلڈنگ دراصل انسٹیٹیوشن بلڈنگ ہے، اسی سے برانڈ بنتے ہیں۔ قومیں اچھے لوگوں کو مقام دیتی ہیں اور پھر یہی لوگ تاریخ بناتے ہیں انہی لوگوں سے ادارے تشکیل پاتے ہیں۔

سوشل میڈیا پر ایک ویڈیو میں شعیب اختر نے افسوس کا اظہا کرتے ہوئے کہا کہ پاکستان کرکٹ آج جس مقام پر کھڑی ہے وہ ان کے اپنے انتخاب کا نتیجہ ہے۔

قبل ازیں بھارتی میڈیا سے گفتگو میں شعیب اختر کا کہنا تھا کہ میں پہلے ہی کہہ چکا تھا کہ پاکستان ان ٹیموں سے شکست کھائے گا

انھوں نے کہا کہ مجھے پتا ہے کہ پاکستان ٹیم نے دل گردہ نہیں دکھانا اور افغانستان سے شکست سے بری شکست کوئی نہیں ہوسکتی لیکن اسے برداشت کرنا پڑے گا۔

1992 کا تذکرہ کرتے ہوئے شعیب اختر نے کہا کہ اس عالمی کپ میں بھی یہی حالات تھے کیا بابر اعظم، عمران خان بن سکتا ہے یہ دیکھنا ہوگا۔

کیا شاہین شاہ، وسیم اکرم، حارث رؤف، عاقب جاوید اور شاداب خان ثقلین مشتاق بن سکتا ہے؟ دوسری صورت میں 8 نومبر کو گھر واپسی ہوگی۔

پاکستان کرکٹ ٹیم کے ڈائریکٹر مکی آرتھر نے کہا ہے کہ ٹاپ 4 میں کسی ایک کا سنچری بنانا بہت ضروری ہے۔

ڈائریکٹر قومی ٹیم مکی آرتھر نے میچ سے قبل گفتگو کرتے ہوئے کہا کہ ٹاپ 4 میں کسی ایک کا سنچری بنانا ٹیم کے لیے بہت ضروری ہے، آسٹریلیا کے خلاف میچ سے بہت کچھ سیکھا ہے۔

پاکستان کرکٹ ٹیم کے ڈائریکٹر مکی آرتھر کا مزید کہنا تھا کہ شاہین آفریدی کا فارم میں آنا ٹیم کے لیے اچھی علامت ہے۔

دوسری جانب آسٹریلیا کےخلاف پانچ وکٹیں لینےوالےشاہین شاہ آفریدی افغانستان کے خلاف کامیابی کے لیے پُرعزم  ہیں، انہوں نے کہا کہ بھارتی پچز پر انگلینڈ اور آسٹریلیا جیسا سوئنگ اور باؤنس نہیں مل رہا  لیکن ایک دواچھے کیچ اور رن آؤٹ میچ کا پانسہ پلٹ سکتے ہیں۔

اوپنر امام الحق کا کہنا ہے پچھلے دو میچوں میں شکست کا تجزیہ کرلیا، آج مداحوں کو بہتر ٹیم نظر آئے گی، آج کا میچ جیت کرٹیم کودوبارہ ٹریک پر لائیں گے۔

آئی سی سی کرکٹ ورلڈکپ میں پاکستان اور افغانستان کی ٹیموں کے مابین میچ میں شائقین اپنے موبائل فونز اور کیمرے ساتھ نہیں لاسکیں گے۔

تفصیلات کے مطابق کل چنائی میں قومی کرکٹ ٹیم اور افغانستان اہم میچ میں ایک دوسرے کے مدمقابل ہونگے۔ تاہم گراؤنڈ میں آنے والے شائقین کے لیے بری خبر یہ ہے کہ ان کے کیمرہ اور فون ساتھ لانے پرپابندی عائد کردی گئی ہے۔

تمل ناڈو کرکٹ ایسوسی ایشن کی جانب سے ورلڈکپ میں مذکورہ میچ کے حوالے سے تماشائیوں کیلئے ایڈوائزری جاری کی گئی ہے۔

ٹی این سی اے نے جاری اعلامیے میں کہا کہ تماشائی ہینڈ بیگ، لیپ ٹاپ، آئی پوڈ، کیمرہ اور فون ساتھ نہ لائیں۔ چارجر، پاور بینک، لائٹر، تمباکو، بوتلیں، بینرز لانے کی اجازت بھی نہیں ہوگی۔

واضح رہے کہ افغان ٹیم کے خلاف پیر کو ہونے والے آئی سی سی ورلڈکپ کے میچ میں قومی ٹیم میں کوئی تبدیلی نہیں کی جائے گی۔

آسٹریلیا کیخلاف کھیلنے والی ٹیم کل افغانستان کیخلاف بھی میدان میں اترے گی۔ اوپنرفخر زمان نے بھی نیٹس میں بیٹنگ کرنا شروع کر دی ہے تاہم وہ میچ نہیں کھیل پائیں گے۔

پاکستان کرکٹ ٹیم کے سابق وکٹ کیپر کامران اکمل کا کہنا ہے کہ ہماری یہ حالات ہوگئی ہے کہ افغانستان کے خلاف بھی پلاننگ کرنی پڑ رہی ہے۔

اے آر وائی کے پروگرام میں اظہار خیال کرتے ہوئے انھوں نے کہا کہ قومی ٹیم نے اسٹینڈرڈ اتنا گرا دیا ہے کہ چھوٹی ٹیموں کے خلاف بھی سوچنا پڑتا ہے، افغانستان کے خلاف میچ میں 3 فاسٹ بالرز کو ٹیم میں لازمی رکھنا پڑے گا۔

کامران اکمل کا کل پاکستان اور افغانستان کے میچ کے حوالے سے مزید کہنا تھا کہ افغانستان کے خلاف آخری اوورز میں فاسٹ بولنگ کا کردار بہت اہم ہوگا۔

اس موقع پر سابق ٹیسٹ کرکٹر باسط علی نے کہا کہ سب کے ذہن میں ہے کہ افغانستان کا اسپن کا شعبہ اچھا ہے۔ افغانستان کی اسپن بالنگ کے لیے ہمیں تیاری کرنی چاہیے۔

اظہرعلی نے کہا کہ قومی ٹیم کو اسپن شعبہ کمزور ہونے کی وجہ سے فاسٹ بالنگ پربھروسہ کرنا پڑے گا۔ افغانستان کے خلاف حارث کو بھی کھلانا پڑے گا۔

انھوں نے کہا کہ اسامہ میر افغانستان کے خلاف وکٹیں لے سکتے ہیں۔ اسپن شعبے میں سعود کو بھی استعمال کرنا پڑے گا۔