Tag: پاکستان بمقابلہ بھارت

متحدہ عرب امارات میں تین ملکی بلاٸنڈ کرکٹ سیریز کا انعقاد ہورہا ہے جس میں پاک بھارت ٹیمیں بھی مدمقابل آئیں گی۔

تفصیلا کے مطابق تین ملکی بلاٸنڈ کرکٹ سیریز کا آغاز 22 فروری سے متحدہ عرب امارات میں ہوگا جبکہ پہلا ہی مقابلہ روایتی حریفوں پاکستان اور بھارت کے مابین شیڈول ہے۔

اس کے علاوہ سیریز میں 23 فروری کو بھارت اور سری لنکا جبکہ 24 فروری کو پاکستان اور سری لنکا ایک دوسرے کے خلاف صف آرا ہوں گے۔

سہ ملکی بلائنٹ کرکٹ سیریز کا فائنل 25 فروری کو کھیلا جائے گا۔ اس سیریز کی تیاریوں کے سلسلے میں قومی بلاٸنڈ کرکٹ ٹیم کا کیمپ جاری ہے۔

چیٸرمین پاکستان بلاٸنڈ کرکٹ کونسل سید سلطان شاہ کا کہنا ہے کہ تین ملکی سیریز جیتنے کے لیے پُرامید ہیں۔ ایک بار پھر بھارت کو انٹرنیشنل ایونٹ میں شکست دیں گے۔

پاکستان بلاٸنڈ کرکٹ کونسل کے سربراہ نے بتایا کہ نثار علی کو تین ملکی سیریز میں پاکستان ٹیم کی قیادت سونپی گئی ہے۔

بھارت سے شکست کے بعد مکی آرتھر کے بیان پر سابق کرکٹرز چراغ پا ہوگئے اور انھیں بلاجواز کی توجیحات پیش کرنے پر تنقید کا نشانہ بنایا ہے۔

پاکستان کے سابق کرکٹرز کا کہنا تھا کہ قومی کرکٹ ٹیم کے ڈائریکٹر ’اِدھر اُدھر کی باتیں نہ کریں، اس کے بجائے وہ یہ بتائیں کہ ٹیم کیوں ہاری۔‘ عالمی کپ میں شکست کے بعد مکی آرتھر نے میڈیا سے بات چیت میں کہا تھا کہ یہ آئی سی سی کا نہیں بلکہ بی سی سی آئی کا ایونٹ لگ رہا تھا۔

سابق اسٹارز کا انھیں شدید تنقید کا نشانہ بناتے ہوئے کہنا تھا کہ مکی کا یہ بیان شکست سے توجہ ہٹانے کی کوشش ہے اور وہ ہار کی اصل وجہ تلاش کرنے کے بجائے اس طرح کے بیانات دے رہے ہیں۔

سوئنگ کے سلطان اور پاکستن کے سابق وسیم اکرم نے کہا کہ مکی آرتھر نے اس طرح کی بات کیوں کی مجھے اس کی بالکل سمجھ نہیں آئی۔

انھوں نے ٹیم ڈائریکٹر سے سوال کیا کہ آپ ہمیں یہ بتائیں کہ کلدیپ یادیو کے خلاف کیا منصوبہ بندی کی تھی، ہم آپ سے یہ سننا چاہتے ہیں، بیکار باتیں نہیں سننا چاہتے، آپ کیا سمجھتے ہیں کہ اس سے آپ بچ جائیں گے، ایسا نہیں ہوسکتا۔

قومی ٹیم کے ایک اور سابق کپتان معین خان نے کہا کہ مکی آرتھر اس معاملے کو جذباتی رنگ دینے کی کوشش کررہے ہیں، وہ بھارت سے شکست پر توجہ ہٹانا چاہتے ہیں۔

انھوں نے پرزور انداز میں کہا کہ میں سمجھتا ہوں کہ انھیں ادھر ادھر کی باتیں کرنے کے بجائے اپنے کام پر توجہ دینے کی ضرورت ہے، انھوں نے جو کہا ہوسکتا ہے وہ ٹھیک ہو لیکن انھیں یہ باتیں نہیں کرنی چاہئیں۔

سابق بھارتی اوپنر گوتم گھمبیر بابر اعظم پر برہم ہوگئے، روایتی حریف کے خلاف ان کے کھیلنے کے انداز کو شدید تنقید کا نشانہ بنا ڈالا۔

اپنے دور کے جارح مزاج بلے باز بھارت کے ہاتھوں پاکستان کی شکست کے بعد بابر اعظم کے حوالے سے کہا کہ جب آپ اپنی ففٹی یا خود کے رنز بنانے کے لیے کھیلیں گے تو آپ کو ایسے ہی نتائج ملیں گے۔

ایک شور کے دوران گھمبیر نے کہا کہ بابراعظم اس میچ میں انتہائی ڈرپوک رہے۔ ایک پارٹنرشپ کے دوران دو بیٹرز ایک جیسی بیٹنگ نہیں کر سکتے، ان میں سے ایک کو چانس لینا پڑتا ہے۔

انھوں نے کہا کہ اگر آپ صرف ففٹی اسکور کرنے یا اپنے رنز بنانے کے لیے کھیل رہے ہیں تو آپ کو ایسے نتائج ہی ملیں گے۔ پاکستان کے پاس بہت مضبوط بلے باز ہوا کرتے تھے، اب ٹاپ آرڈر میں ان کے پاس ایک بھی ایسا بیٹر نہیں جو جارحانہ بیٹنگ کر سکے۔

انھوں نے کہا کہ بابر اعظم نے اپنے لیے بہت زیادہ رنز بنائے، پاکستان کی تاریخ رہی ہے کہ وہ شروع میں جارحانہ بیٹنگ کرنا پسند کرتے ہیں، چاہے وہ شاہد آفریدی ہو، عمران نذیر یا پھر توفیق عمر ہو۔

ان کا کہنا تھا کہ گرین شرٹس کو بھارت کی ٹاپ کوالٹی بولنگ کے خلاف شروع کے اوورز میں جارحانہ اپروچ اپنانا چاہیے تھا۔

واضح رہے کہ پاکستان کو بھارت کے ہاتھوں ورلڈکپ کے لگاتار آٹھویں میچ میں شکست کا سامنا کرنا پڑا تھا۔ بھارتی بیٹرز نے 192 رنز کا ہدف باآسانی 7 وکٹوں کے نقصان پر پورا کرلیا تھا۔

شعیب ملک ٹیم کی سپورٹ میں سامنے آگئے، سابق آل راؤنڈر نے کہا کہ ایک میچ ہارنے سے پاکستان ٹیم کے لیے دنیا ختم نہیں ہوگئی۔

اے اسپورٹس کے پروگرام میں گفتگو کرتے ہوئے پاکستان کے سابق کپتان نے اپنی رائے کا اظہار کرتے ہوئے کہا کہ پاکستان کرکٹ ٹیم کے لیے یہی وقت ہے کہ اس ہار سے سیکھے اور آگے بڑھنے کی کوشش کرے اور اب ہمیں جاگ جانا چاہیے۔

شعیب ملک نے تجزیہ کرتے ہوئے کہا کہ یہاں پر پاکستان ٹیم کے لیے دنیا میں ختم نہیں ہوگئی، ابھی بھی چھ میچز باقی ہیں، یہی 15 پلیئرز ہیں ہمارے اور ان سے ہی ہوگا۔

انھوں نے کہا کہ جب آپ ایسا میچ ہار جائیں تو آپ ڈاؤن ہوتے ہیں یہ پاکستان کرکٹ ٹیم کے لیے وقت ہے کہ وہ جاگیں جائیں اور یہاں سے آگے بڑھیں۔ اس وقت پاکستان نمبر ون ٹیم ہے، ایک میچ ہارنے سے آپ برے نہیں بن جاتے اور ایک میچ جیتنے سے آپ بہت اچھے بھی نہیں بن جاتے لیکن

شعیب نے کہا کہ جن چیزوں پر کام کرنے کی ضرورت ہے وہ ٹیم کا اسپننگ ڈپارٹمنٹ ہے کیوں کہ وہ جدوجہد کا شکار نظر آتا ہے اس میں تبدیلیاں لے کر آنی چاہئیں۔

View this post on Instagram

A post shared by ASports (@asportstv.pk)

سابق آل راؤنڈر نے کہا کہ ان 11 پلیئرز سے کوئی شکایات نہیں، جو ہمارے بہترین پلیئرز تھے انھیں ہی چنا گیا ہے۔ ایک ہی میچ ہوا ہے میں اس میچ اسی طرح ہے جیسا آئی سی سی چیمپئنز ٹرافی 2017 میں ہوا تھا جب ہم لوگ پہلا میچ ہارے تھے میں اس ٹیم کا حصہ تھا وہ بھی ایسا ہی کوئی میچ تھا۔

انھوں نے کہا کہ میچ ہارنے کے بعد وہاں پر ایک میٹنگ ہوئی تھی اور اس میٹنگ کے دوران میں نے ایک ہی چیز پر زور دیا تھا کیوں کہ جب آپ ایسا میچ ہارتے ہیں تو مشکل وقت ہوتا ہے۔

شعیب ملک نے کہا کہ اتنا ہائی وولٹیج میچ ہو اور جب آپ ہار جائیں تو ہر بندہ ڈاؤن ہوتا ہے۔ جیسے کہ یہاں پر بیٹھے ہوئے ہم بھی ڈاؤن ہیں۔ بہت سارے فینز ہیں وہ بھی ڈاؤن ہیں اور مجھے یقین ہے کہ پلئرز بھی ڈاؤن ہونگے۔

انھوں نے کہا کہ یہ ایسا وقت ہوتا ہے جب کچھ سمجھ نہیں آرہا ہوتا ہے لیکن اس سے سیکھنا چاہیے اور اسطرح کی چوٹ پڑتی ہے تو آپ کے اندر والا انسان جاگتا ہے۔

پاکستان اور بھارت کے درمیان ورلڈکپ کے اہم ترین میچ کے حوالے سے ملنے والی دھمکیوں کے بعد سیکیورٹی کے لیے بھارتی پولیس کی تیاریاں سامنے آگئیں.

پولیس کمشنر گیانیندرا سنگھ ملک نے اس حوالے سے لب کشائی کرتے ہوئے بتایا کہ ای میل کے ذریعے ملے والی دھمکیوں کا جائزہ لیا جارہا ہے ، 14 اکتوبرکو شیڈول پاک بھارت میچ کے لیے پولیس نے پوری طرح تیاریاں کر رکھی ہیں۔

احمد آباد میں سیکیورٹی کے معاملے پر پولیس کمشنر کا پریس کانفرنس کرتے ہوئے کہنا تھا کہ روایتی حریفوں کے درمیان ہونے والے مقابلے کے لیے 7 ہزار سے زائد پولیس اہلکار تعینات کیے جا رہے ہیں۔

انھوں نے کہا کہ ٹریفک و دیگر معاملات کے لیے اضافی پولیس تعینات کی جا رہی ہے۔ 4 ہزار ہوم گارڈز کی بھی خدمات حاصل کی گئی ہیں، 4 ایڈیشنل اور جوائنٹ کمشنرز، 21 ڈی سی پی رینک کے افسران بھی میچ والے دن تعینات ہوں گے۔

پولیس کمشنر کے مطابق ساتھ بم ڈسپوزل اسکواڈ کے ساتھ ساتھ اینٹی ڈرون ٹیم کی خدمات بھی حاصل کی گئی ہیں، پاک بھارت میچ کے لیے ہم نے پوری طرح سے تیاری کررکھی ہے۔

انھوں نے کہا کہ کہا کہ این ڈی آر ایف، ایس ڈی آر ایف، کی ٹیمز سے بھی سیکورٹی دینے کی درخواست کی ہے، یہ ٹیمیں کیمیکل، بائیولوجیکل، ریڈیو لوجیکل اور نیوکلیئر دھمکیوں کی بھی نشاندہی کر سکتے ہیں۔

واضح رہے کہ آئی سی سی کرکٹ ورلڈ کپ 2023 میں پاکستان اور بھارت کے ہائی وولٹیج میچ کی سیکیورٹی کے معاملے پر احمد آباد پولیس کافی الرٹ ہے۔

وہیل چیئر ٹی ٹوئنٹی ایشیا کپ میں گرین شرٹس نے عمدہ پرفارمنس دکھاتے ہوئے روایتی حریف بھارت کو شکست سے دوچار کردیا۔

تفصیلات کے مطابق وہیل چیئر ٹی ٹوئنٹی کرکٹ ایشیا کپ کے میچ میں پاکستان نے بھارت کو جیت کے لیے 242 رنز کے ہدف دیا، تاہم بھارت 8 وکٹوں کے نقصان پر 203 رنز بناسکا اور 38 رنز سے شکست کھا کر ٹورنامنٹ سے باہر ہوگیا۔

بیٹر راماوتھ کٹیشور کی سنچری بھی ٹیم کو ناکامی سے نہ بچاسکی۔ محمد فیض نے چار کھلاڑیوں کو میدان بدر کیا۔ عمر گل کو مین آف دی میچ قرار دیا گیا۔ ایشیا کپ کا فیصلہ کن معرکہ دفاعی چیمپئن پاکستان اور سری لنکا کے درمیان پیر کو کھیلا جائے گا۔

نیپال کے دارالحکومت کھٹمنڈو میں ٹی ٹوئنٹی کرکٹ ایشیا کپ میں پاک بھارت ٹاکرا ہوا۔ بھارت نے ٹاس جیت کر پاکستان کو بیٹنگ کی دعوت دی۔ پاکستان کی پہلی وکٹ 98رنز کے مجموعی اسکور پر گری۔ محمد عدنان 39 رنز بناکر معین خان کی گیند کا نشانہ بنے۔

اس موقع پر عمر گل اور محمد لطیف نے ٹیم کی پوزیشن مستحکم کرتے ہوئے ذمہ دارانہ اسٹروکس کھیلے اور ٹیم کا اسکور 201 رنز تک پہنچایا۔ محمد لطیف کو بھی معین علی نے آؤٹ کیا۔ انھوں نے 24 گیندوں پر 61 رنز بنائے۔

پاکستان کی تیسری وکٹ گری 208 رنز پر گری جب عمر گل شیوا جی کی گیند پر وکٹ کیپر محمد عدیل کو کیچ تھما بیٹھے۔ انھوں نے 53 گیندوں پر 89 رنز بنائے۔

216 کے مجموعی اسکور پر دو وکٹیں گریں۔ ساجد عباسی اورمحمد فیض دونوں ہی رن آوٴٹ ہوئے۔ ساجد 5 رنز بناسکے اور فیض صفر پر آوٴٹ ہوئے۔ مثل خان 23 اور احمد یار 4 رنز کے ساتھ ناٹ آؤٹ رہے۔ گرین شرٹس نے مقررہ اوورز میں 5 وکٹوں کے نقصان پر 241 رنز بنائے۔

ہدف کے تعاقب میں بھارتی ٹیم 8 وکٹوں پر 203 رنز بناسکی اور پاکستان کے ہاتھوں 38رنز سے شکست کھا کر ٹائٹل کی دوڑ سے باہر ہوگئی۔ گرین شرٹس نے مسلسل دوسری بار فائنل میں رسائی حاصل کی ہے۔

بیٹر راماوتھ کٹیشور کی 103 رنز کی ناقابل شکست اننگز کھیل کر بھی ٹیم کو ناکامی سے نہ بچا سکے۔ پرشورم نے 53 رنز بنائے۔ محمد فیض نے چار کھلاڑیوں کو آؤٹ کیا اور مثل خان ایک وکٹ لے سکے۔

عمر گل کو مین آف دی میچ کا ایوارڈ دیا گیا۔ ایشیا کپ کا فیصلہ کن معرکہ دفاعی چیمپئن پاکستان اور سری لنکا کے درمیان پیر کو کھیلا جائے گا۔