ARYNews.tv | Urdu – Har Lamha Bakhabar

Tag: پاکستان بمقابلہ بھارت

  • پاکستان بمقابلہ بھارت: کامران اکمل کے کپتان بابر اعظم اور کھلاڑیوں کو اہم مشورے

    پاکستان بمقابلہ بھارت: کامران اکمل کے کپتان بابر اعظم اور کھلاڑیوں کو اہم مشورے

    ٹی ٹوینٹی ورلڈ کپ میں پاکستان اور بھارت کے مابین سنسنی خیز ٹکراؤ سے قبل کرکٹر کامران اکمل نے کپتان بابر اعظم اور کھلاڑیوں کو اہم مشورے دیے ہیں۔

    اے آر وائی نیوز کے خصوصی پروگرام میں کامران اکمل نے کھلاڑیوں کو مشوروں کے ساتھ ساتھ یہ بھی بتایا کہ بھارتی ٹیم کی کمزوری کیا ہے؟

    کامران اکمل نے کہا نیوزی لینڈ میں سیریز جیتنے پر پاکستان ٹیم میں یقیناً اعتماد آیا ہوگا، اور وہاں کی کنڈیشن کی بھی عادت ہوئی ہوگی، تو اس اہم ترین میچ کو بھی اُسی پلیئنگ الیون کے ساتھ کھیلنا چاہیے، اور ہمیں وہی ٹیم انڈیا کے خلاف اتارنی چاہیے۔

    تاہم کامران نے یہ بھی کہا کہ بیٹسٹمینوں کو مزید ذمہ داری لینی پڑے گی، ٹیم کب تک بابر اعظم اور محمد رضوان پر انحصار کرتی رہے گی، یہ بڑا اور پریشر والا میچ ہے، اس لیے اگر بہ طور ٹیم پرفارم کریں گے تو اچھا نتیجہ نکلے گا۔

    کامران اکمل نے بتایا کہ بھارتی ٹیم کی کمزوریاں سب کو معلوم ہیں، جسپریت بومرا ٹیم کو میسر نہیں ہے، اور بالنگ ان کا کمزور پوائنٹ ہے، تو اس کو اور پاکستان ٹیم کے پلس پوائنٹ کو سامنے رکھ کر گیم پلان ہونا چاہیے۔

    انھوں نے کہا میں یہ بھی بتانا چاہتا ہوں کہ وہاں پر باؤنڈری لمبی ہوگی، رنز کے لیے بھاگنا بھی پڑے گا، اس لیے وہاں فٹنس دکھانی پڑے گی، ایک رنز کو دو بھی کرنے پڑیں گے، گیپ میں بڑی ہٹ مارنی پڑے گی، پھر جا کر کامیاب ہوں گے۔

    کامران اکمل نے مزید کہا کہ یہ بڑا پریشر والا میچ ہے، یہ ایسے میچ ہوتے ہیں کہ اسٹار بننے کا ٹائم ہوتا ہے، تو پاکستان ٹیم کے کھلاڑیوں کے پاس اسٹار بننے کا چانس ہے، اعتماد ہے، سہ فریقی سیریز بھی جیتے ہیں، اس لیے اس مومنٹم کو جاری رکھیں۔

  • پاک بھارت ٹاکرا، ٹیم سیاہ پٹیاں باندھ کر میدان میں اترے گی

    پاک بھارت ٹاکرا، ٹیم سیاہ پٹیاں باندھ کر میدان میں اترے گی

    دبئی: پاکستان کرکٹ ٹیم آج ایشیا کپ کے اپنے پہلے میچ میں سیاہ پٹیاں باندھ کر میدان میں اترے گی۔

    تفصیلات کے مطابق دبئی انٹرنیشنل اسٹیڈیم میں ایشیا کپ 2022 میں آج پاکستان اور بھارت ٹکرائیں گے، پاکستان ٹیم سیاہ پٹیاں باندھ کر میدان میں اترے گی۔

    سیاہ پٹیاں باندھنے کا مقصد پاکستان میں سیلاب متاثرین کے ساتھ اظہار یک جہتی کرنا ہے، قومی کرکٹ ٹیم کے کپتان بابر اعظم نے بھی گزشتہ روز پریس کانفرنس میں سیلاب متاثرین کی امداد کا اعلان کیا تھا۔

    بابر اعظم نے تمام افراد سے متاثرین کی مدد کی اپیل بھی کی تھی، ایشیا کپ کے پہلے میچ میں کھلاڑیوں اور منیجمنٹ کا سیاہ پٹیاں باندھنا بھی اسی کی ایک کڑی ہے۔

    ایشیا کپ میں افغانستان کا فاتحانہ آغاز

    ٹیم منیجر منصور رانا نے اپیل کی ہے کہ مخیر حضرات سے درخواست ہے کہ وہ پرائم منسٹر ریلیف فنڈ میں عطیات جمع کروائیں۔

    پی سی بی سیلاب متاثرین کی مدد کیلئے میدان میں آگیا

    خیال رہے کہ متحدہ عرب امارات میں ایشیا کپ کا کل سے آغاز ہو چکا ہے، پہلے میں افغانستان نے سری لنکا کی ٹیم کا بہادری سے سامنا کیا، اور بولنگ اور بلے بازی میں شان دار کارکردگی کا مظاہرہ کرتے ہوئے بہ آسانی میچ جیت لیا۔ افغان ٹیم نے سری لنکا کی جانب سے دیے گئے 105 رنز کا ہدف دو وکٹوں کے نقصان پر پورا کیا۔

  • ورلڈ کپ 2019: بھارت نے پاکستان کو 89 رنز سے شکست دے دی

    ورلڈ کپ 2019: بھارت نے پاکستان کو 89 رنز سے شکست دے دی

    اولڈ ٹریفورڈ: ورلڈ کپ 2019 کے 22ویں میچ میں بھارت نے پاکستان کو 89 رنز سے شکست دے دی، روہت شرما کو شاندار سنچری پر میچ کا بہترین کھلاڑی قرار دیا گیا۔

    تفصیلات کے مطابق اولڈ ٹریفورڈ میں کھیلے جانے والے میچ میں بھارت کی جانب سے دئیے جانے والے 337 رنز ہدف کے تعاقب میں قومی ٹیم کی بیٹنگ لائن بری طرح ناکام ہوئی اور 6 وکٹوں کے نقصان پر 212 رنز بناسکی، فخر زمان کی نصف سنچری بھی ٹیم کے کام نہ آسکی۔

    پاکستانی ٹیم کا اسکور 35 اوورز میں 6 وکٹوں کے نقصان پر 166 رنز تھا جب بارش کے باعث میچ روک دیا گیا تھا، میچ دوبارہ شروع ہوا تو ڈک ورتھ لوئس میتھڈ کے میچ 40 اوورز تک محدود کردیا گیا تھا، پاکستان کو 301 رنز کا ہدف ملا،  پاکستان کو جیت کے لیے 30 گیندوں پر 136 رنز درکار تھے۔

    قبل ازیں پاکستان کی پہلی وکٹ 13 رنز پر گری جب امام الحق 7 رنز بنا کر وجے شنکر کی گیند پر آؤٹ ہوکر پویلین لوٹ گئے، بابر اعظم 48 رنز بنا کر آؤٹ ہوئے۔

    فخر زمان نے 62 رنز کی ذمہ دارانہ اننگز کھیلی، محمد حفیظ 9 اور کپتان سرفراز احمد 12 رنز بنا کر آؤٹ ہوئے، شعیب ملک آج پھر ناکام ہوئے انہیں پانڈیا نے صفر پر چلتا کیا۔

    عماد وسیم 46 اور شاداب خان 20 رنز بنا کر ناٹ آؤٹ رہے، بھارت کے وجے شنکر، ہاردک پانڈیا اور کلدیپ یادیو نے دو، دو وکٹیں حاصل کیں۔

    ورلڈکپ 2019 کے سب سے بڑے اور اہم میچ میں بھارت نے روہت شرما، ویرات کوہلی اور ایل کے راہول کی شاندار بیٹنگ کی بدولت پاکستان کو جیت کے لیے 337 رنز کا ہدف دے دیا۔

     ورلڈ کپ2019 کے سب سے اہم میچ میں پاکستان نے ٹاس جیت کر پہلے فیلڈنگ کرنے کا فیصلہ کیا ہے۔ قومی کرکٹ ٹیم کے کپتان سرفراز احمد نے ٹاس جیتنے کے بعد بات چیت کرتے ہوئے کہا کہ پچ اچھی ہے، بھارت کو کم رنزپرروکیں گے، ماضی کو بھول کرپوری توجہ میچ پرہے۔

    بھارتی کرکٹ ٹیم کے کپتان ویرات کوہلی کا کہنا تھا کہ ہم بھی پہلےبولنگ کرناچاہتےتھے، جو ٹیم اعصاب پر قابو رکھے گی وہ جیتے گی۔ پاکستانی ٹیم میں شاہین آفریدی اورآصف علی کی جگہ شاداب خان اورعماد وسیم کو شامل کیا گیا۔

    پاکستان کی دعوت پر بھارت نے بیٹنگ کا آغاز کیا تو کے ایل راہول اور روہت شرما اوپننگ کے لیے میدان میں آئے، دونوں بلے بازوں نے شاندار بیٹنگ کا مظاہرہ کیا اور تمام باؤلرز کو اچھے انداز سے کھیلا، اوپنرز نے پہلی وکٹ میں 136 رنز کی شراکت داری قائم کی جس کے بعد کے ایل راہول وہاب ریاض کی گیند پر نصف سنچری اسکور کر کے آؤٹ ہوئے۔

    نئے آنے والے بیٹسمین ویرات کوہلی تھے جنہوں نے روہت شرما کے ساتھ مل کر محتاط انداز سے بیٹنگ کی اور اسکور کو 234 رنز پہنچایا، دوسری وکٹ میں 98 رنز کی شراکت داری قائم ہوئی اور اسی دوران اوپنر نے اپنی سنچری مکمل کی جس کے بعد وہ 140 رنز بنا کر 234 کے مجموعی اسکور پر آؤٹ ہوئے۔

    محمد عامر نے چوالیسویں اور 46ویں اوور میں ہاردک پانڈیا اور کوہلی کو آؤٹ کیا، پانڈیا 285 اور  دھونی 298 کے مجموعی اسکور پر پویلین روانہ ہوئے، بعدازاں کوہلی بھی 77 رنز کی اننگز کھیل کر عامر کی گیند پر آؤٹ ہوئے، یوں 314 کے مجموعی اسکور پر بھارت کے پانچ کھلاڑی آؤٹ ہوئے۔

    مقررہ پچاس اوورز میں بھارتی ٹیم نے پانچ وکٹوں کے نقصان پر 336 رنز بنائے، کوہلی الیون کے تین کھلاڑیوں نے 274 رنز بنائے، روہت شرما 140، ویرات کوہلی 77 اور ایل کے راہول 57 رنز بنا کر نمایاں بلے باز رہے جبکہ محمد عامر پاکستان کے سب سے کامیاب باؤلر رہے۔

    محمدعامر نے10اوورزمیں 47رنز دےکر 3وکٹیں، وہاب ریاض نے10اوورزمیں 71 رنز دیے اور ایک کھلاڑی کو پویلین کی راہ دکھائی، اسی طرح حسن علی نے9اوورزمیں84رنز  دیے اور ایک کھلاڑی کو آؤٹ کیا، پاکستان کے دونوں اسپینرز عماد وسیم اور شاداب خان خاطر خواہ کارکردگی نہیں دکھا سکے، عماد نے 10 اوورز میں 49 رنز دیے جبکہ شاداب نے 9 اوورز میں 61 رنز دیے اور کوئی وکٹ حاصل نہیں کی۔

     

    دنیا بھر کے کروڑوں لوگ براہ راست ٹی وی پر دنیائے کرکٹ کی دو بڑی ٹیموں کا میچ دیکھیں گے، میچ سے قبل شائقین کا جوش و خروش عروج پر پہنچ گیا ہے۔

    انگلینڈ میں مقیم تارکین وطن اور دیگر ملکوں سے آنے والے دونوں ٹیموں کے پرستاروں کی تیاریاں مکمل ہیں، میچ ٹکٹس کیلیے آئی سی سی کو 5 لاکھ سے زائد درخواستیں موصول ہوئی تھیں، گراؤنڈ میں محض 25 ہزار شائقین کی گنجائش ہے۔

    دنگ ونوں ممالک میں سیاسی کشیدگی کے سبب ورلڈ کپ کے منتظمین غیرمعمولی حفاظتی انتظامات کر رہے ہیں۔ ٹیم ہوٹل میں بھی سخت سیکیورٹی ہے اورسادہ لباس اہلکار آنے جانے والوں پر گہری نظر رکھے ہوئے ہیں۔

    چیمپئنزٹرافی کے فائنل میں پاکستان کی فتح کے بعد دونوں ٹیموں میں گھمسان کا رن پڑے گا۔ جو جیتے گا وہی شائقین کے دل بھی جیتے گا۔

    بھارت کےخلاف میچ میں پاکستان نے13کھلاڑیوں کا اعلان کردیا ہے، شاداب خان اورعماد وسیم تیرہ کھلاڑیوں میں شامل ہیں جبکہ آصف علی کی جگہ عماد وسیم ٹیم کا حصہ ہوسکتے ہیں، اس کے علاوہ شاہین شاہ آفریدی کی جگہ شاداب خان کی شمولیت کا امکان ہے۔

    پاک بھارت میچ کو دیکھنے کے لئے کرس گیل بھی تیار

    پاک بھارت میچ کو دیکھنے کے لئے ویسٹ انڈین بیٹسمین کرس گیل بھی تیار ہوگئے۔ یونیورس بوس کرس گیل نے پاک بھارت میچ کے لئے خصوصی لباس تیار کرالیا۔ سوٹ کے ایک طرف پاکستان کے پرچم کا رنگ اور دوسری جانب بھارت کے پرچم کا رنگ موجود ہے۔

  • ویرات کوہلی نے سچن ٹنڈولکر کا ریکارڈ توڑ دیا

    ویرات کوہلی نے سچن ٹنڈولکر کا ریکارڈ توڑ دیا

    اولڈ ٹریفورڈ: ورلڈ کپ 2019 میں پاکستان کے خلاف کھیلے جانے والے میچ میں ویرات کوہلی نے ون ڈے میں تیز ترین 11 ہزار رنز بنانے کا اعزاز حاصل کرلیا۔

    تفصیلات کے مطابق ورلڈ کپ 2019 میں پاکستان کے خلاف کھیلے جانے والے میچ میں ویرات کوہلی نے تیز ترین 11 ہزار رنز مکمل کرکے سچن ٹنڈولکر کا ریکارڈ توڑ دیا۔

    ویرات کوہلی نے 222 اننگز میں سنگ میل عبور کیا جبکہ سچن ٹنڈولکر نے 11 ہزار مکمل کرنے کے لیے 276 اننگز کھیلی تھیں۔

    آسٹریلیا کے رکی پونٹنگ 286 اننگز میں 11 ہزار رنز مکمل کرکے تیسرے نمبر پر موجود ہیں۔

    واضح رہے کہ پاکستان اور بھارت کے درمیان کھیلا جانے میچ میں ویرات کوہلی نے 77 رنز کی اننگز کھیلی انہیں محمد عامر نے آؤٹ کیا۔

    یاد رہے کہ اس سے قبل بھارتی کرکٹ ٹیم کے کپتان ویرات کوہلی نے کم ترین اننگز میں 19 ہزار انٹرنیشنل رنز مکمل کرنے کا سچن ٹنڈولکر کا ریکارڈ توڑا تھا۔

    ویرات کوہلی نے یہ اعزاز 399 اننگز کھیل کر حاصل کیا تھا، اس سے پہلے 432 اننگز کے ساتھ یہ ریکارڈ سچن ٹنڈولکر کے پاس تھا۔

    کوہلی نے 19 ہزار انٹرنیشنل رنز کا ریکارڈ آسٹریلیا کے خلاف ٹیسٹ سیریز میں سڈنی کرکٹ گراؤنڈ میں مکمل کیا تھا۔

  • بلائنڈ ٹی ٹوئنٹی ورلڈ کپ، پاکستان فائنل میں پہنچ گیا

    بلائنڈ ٹی ٹوئنٹی ورلڈ کپ، پاکستان فائنل میں پہنچ گیا

    کرناٹکا : دوسرے بلائنڈ ٹی20 ورلڈ کپ کے سیمی فائنل میں پاکستان نے انگلینڈ کو 147 رنز سے شکست دے کر فائنل میں جگہ بنا لی جہاں اس کا مقابلہ روایتی حریف بھارت سے ہوگا۔

    تفصیلات کے مطابق کرناٹکا میں کھیلے جانے والے بلائنڈ ٹی ٹوئنٹی ورلڈ کپ 2017 کے دوسرے سیمی فائنل میں پاکستان اپنے مدمقابل انگلینڈ کو 147 رنز سے شکست دے کر اتوار کو کھیلے جانے والے فائنل میں جگہ بنانے میں کامیاب ہوگیا۔

    ذرائع کے مطابق پاکستان کی بلائنڈ کرکٹ ٹیم نے پہلے کھیلتے ہوئے 309 رنز کا انبار لگا دیا جس میں اسرار حسن نے 20 چوکوں کی مدد سے 140 کی ناٹ آوٹ اننگ کھیلی جب کہ بدر منیر نے 43 گیندوں پر 103 رنز کی شاندا اننگ کھیل کر خوب داد وصول کی۔

    جواب میں انگلینڈ کی بلائنڈ کرکٹ ٹیم مقررہ 20 اوورز میں 7 وکٹوں کے نقصان پر محض 162 رنز ہی بناسکی اور یوں پاکستان کو 147 رنز کے واضح فرق سے فتح نصیب ہوئی۔

    یاد رہے کہ بھارتی ٹیم پہلے ہی سری لنکا کو ہرا کر بلائنڈ ٹی ٹوئنٹی ورلڈ کپ کے فائنل میں جگہ بنا چکی ہے اس طرح روایتی حریفوں پاکستان اور بھارت کے درمیان فائنل اتوار کے روز بنگلور میں کھیلا جائے گا۔

    یہاں یہ بات بھی قابل ذکر ہے کہ پاکستانی ٹیم اپنے گروپ کے تمام 9 میچز میں کامیابی حاصل کرنے کے بعد فائنل کے لیے مضبوط ترین ٹیم کے طور پر سامنے آئی ہے تاہم امید ہے اتوار کو شائقینِ کرکٹ کو کانٹے دار مقابلہ دیکھنے کو ملے گا۔

  • ایشین ہاکی چمپننز ٹرافی، پاکستان کی فائنل تک رسائی، مقابلہ بھارت سے ہوگا

    ایشین ہاکی چمپننز ٹرافی، پاکستان کی فائنل تک رسائی، مقابلہ بھارت سے ہوگا

    کوالالمپور: ایشین ہاکی چمپننز ٹرافی کے سیمی فائنل میں پاکستان نے ملائشیاکو تین گول سے شکست دے کر فائنل کے لیے کوالیفائی کرلیا ، ایونٹ کے اختتامی میچ میں پاکستان اور بھارت کی ٹیمیں مد مقابل ہوں گی۔

    تفصیلات کے مطاق ملائشیا میں جاری ایشین ہاکی چمپننز ٹرافی کے سیمی فائنل میں پاکستان نے اپنی فتوحات کے سلسلے کو برقرار رکھتے ہوئے ہیٹ ٹرک مکمل کی تو ملائشیاء کو تین گول سے شکست دے کر فائنل کے لیے کوالیفائی کرلیا۔

    پڑھیں: ایشیئن چیمپیئز ٹرافی: پاکستان نے چین کو شکست دے دی

     میچ کے مقررہ وقت تک دونوں ٹیم ایک ایک گول سے برابر تھیں تاہم ہاکی کے قواعد و ضوابط کے مطابق دونوں ٹیموں کو  پنلٹی اسٹروک کا موقع دیا گیا جس میں پاکستان نے دو گول کر کے فتح اپنے نام کی جبکہ حریف ٹیم میچ 2 گول کرسکی۔قبل ازیں بھارت اور کوریا کے درمیان میچ کھیلا گیا جس میں بھارت نے کامیابی حاصل کی۔

    ایونٹ کا اختتامی میچ (فائنل) روایتی حریفوں پاکستان اور بھارت کی ٹیموں کے  درمیان کھیلا جائے گا۔

  • ورلڈ ٹی ٹوئنٹی ، بھارت نے پاکستان کو 6 وکٹوں سے شکست دے دی

    ورلڈ ٹی ٹوئنٹی ، بھارت نے پاکستان کو 6 وکٹوں سے شکست دے دی

    کولکتہ:ٹی ٹوئنٹی ورلڈ کپ کے اہم میچ میں بھارت نے پاکستان کو 6 وکٹوں سے شکست دے دی۔

    ٹی ٹوئنٹی ورلڈ کپ کے اہم میچ میں بھارت نے پاکستان کیخلاف ٹاس جیت کر فیلڈنگ کا فیصلہ کیا ہے ۔

    کولکتہ کے  ایڈن گارڈن اسٹیڈیم میں کھیلے جا رہے میچ میں پاکستان نے پہلے بیٹنگ کرتے ہوئے مقررہ 18 اوورز میں پانچ وکٹوں کے نقصان پر118رنز بنائے، اس سے قبل بھارت نے ٹاس جیت کر فیلڈنگ کا فیصلہ کیا  تو پاکستانی اوپنرز نے اننگز کا آغاز کیا پاکستان کے شرجیل خان 8 ویں اورر میں 38 کے مجموعی سکورپر 17 رنز بنا کر آوٹ ہوئے ۔

    احمد شہزاد 28 گیندوں پر 25 رنز بنا کر بمرا کا شکار بنے ۔ کپتان شاہد آفریدی نے ایک دفعہ پھر قوم کو مایوس کیا اور 14 گیندوں پر 8 رنز بنا کر پویلین لوٹ گئے ۔ دیگرکھلاڑیوں میں عمراکمل نے  22،شعیب ملک نے 26،سرفراز احمد  نے 8اور محمد حفیظ  نے 5رنز بنائے ۔

    بھارت کی جانب سے بمبرا ،نہرا ،جڈیجا ،پانڈیا  اور رائنا نے ایک ایک کھلاڑی کو آوٹ کیا۔

    ورلڈ ٹی ٹونٹی کے سب سے اہم میچ میں پاکستان نے بھارت کو جیت کے لیے 18اوورز میں 119رنز کا ہدف دیا تھا ۔

    ہدف کے تعاقب میں بھارت نے اننگز کا آغاز اچھا نہ کیا بھارت کی جانب سے روہت شرما صرف دس رنز بنا کر محمد عامر کی گیند پر کیچ آوٹ ہو گئے، شیکھر دھون بھی بڑی اننگز کھیلنے میں ناکام رہے اور 6 رنز بنا کر محمد سمیع کی گیند پر پر کلین بولڈ ہوگئے ،سریش رائنا کو بھی محمد سمیع نے پہلی گیند پر کلین بولڈ کر دیا، دیگر بلے بازوں میں یووراج سنگھ نے 24اور  دھونی نے13رنز سکور کیے ۔

    پاکستان کی جانب سے محمد سمیع نے 2جبکہ محمد عامر اور وہاب ریاض نے ایک ایک کھلاڑی کو آوٹ کیا ۔

    بھارت نے مقررہ ہدف سات گیندوں قبل چار وکٹوں کے نقصان پر پورا کر لیا  جبکہ ویرات کوہلی ناقابل شکست 55رنز کے ساتھ ناٹ آوٹ رہے ۔

    واضح رہے کہ کولکتہ کے اسٹیڈیم ایڈن گارڈن میں ہونے والا پاک بھارت میچ بارش کے باعث تاخیر کا شکار ہے اور آئی سی سی کی جانب سے میچ کے اوورز کم کر کے 18 کر دیا گیا تھا۔

    میچ سے قبل دونوں ٹیموں کا ترانہ گایا گیا ، پاکستان کا قومی ترانہ پاکستانی گلوکار شفقت امانت علی نے گایا جبکہ بھارت کا ترانہ بھارتی اداکار امیتابھ بچن نے گایا۔

     

    براہ راست اپڈیٹ

     

     

    بھارت اننگز

     

    اوور نمبر 16 ہدف کے تعقب میں بھارت نے 7 رنز بنائے ، بھارت کا مجموعی اسکور  119/4 ہوگیا۔ ( بالر محمد عرفان)

    اوور نمبر 15 ہدف کے تعقب میں بھارت نے 7 رنز بنائے ، بھارت کا مجموعی اسکور  106/4 ہوگیا۔ ( بالر شاہد آفریدی)

    اوور نمبر 14 ہدف کے تعقب میں بھارت نے 8 رنز بنائے ، بھارت کا مجموعی اسکور  99/4 ہوگیا۔ ( بالر محمد عامر)

    اوور نمبر 13 ہدف کے تعقب میں بھارت نے 7 رنز بنائے ، بھارت کا مجموعی اسکور  91/4 ہوگیا۔ ( بالر شاہد آفریدی)

    اوور نمبر 12 ہدف کے تعقب میں بھارت نےایک کھلاڑی کے نقصان پر 10 رنز بنائے ، بھارت کا مجموعی اسکور  84/4 ہوگیا۔ ( بالر وہاب ریاض )

    چوتھی وکٹ: بھارت کے کھلاڑی یوراج سنگھ 24 رنز بنا کر  وہاب ریاض کی گیند پر آوٹ ہوگئے ۔

    اوور نمبر 11 ہدف کے تعقب میں بھارت نے 14 رنز بنائے ، بھارت کا مجموعی اسکور  74/3 ہوگیا۔ ( بالر شعیب ملک )

    اوور نمبر 10 ہدف کے تعقب میں بھارت نے 6 رنز بنائے ، بھارت کا مجموعی اسکور  60/3 ہوگیا۔ ( بالر وہاب ریاض )

    اوور نمبر 09 ہدف کے تعقب میں بھارت نے 8 رنز بنائے ، بھارت کا مجموعی اسکور  54/3 ہوگیا۔ ( بالر شعیب ملک)

    اوور نمبر 08 ہدف کے تعقب میں بھارت نے 6 رنز بنائے ، بھارت کا مجموعی اسکور  46/3 ہوگیا۔ ( بالر شاہد آفریدی )

    اوور نمبر 07 ہدف کے تعقب میں بھارت نے 12 رنز بنائے ، بھارت کا مجموعی اسکور  40/3 ہوگیا۔ ( بالر محمد سمی )

    اوور نمبر 06 ہدف کے تعقب میں بھارت نے 5 رنز بنائے ، بھارت کا مجموعی اسکور  28/3 ہوگیا۔ ( بالر شاہد آفریدی )

    اوور نمبر 05 ہدف کے تعقب میں بھارت نےدو کھلاڑیوں کے نقصان پر 5 رنز بنائے ، بھارت کا مجموعی اسکور  23/3 ہوگیا۔ ( بالر محمد سمی )

    تیسری وکٹ: بھارت کے کھلاڑی شریش رائنا بغیر کوئی رنز بنا کر محمد سمیکی گیند پر آوٹ ہوگئے ۔

    دوسری وکٹ: بھارت کے کھلاڑی شیکھر دھون 6 رنز بنا کر محمد سمیکی گیند پر آوٹ ہوگئے ۔

    اوور نمبر 04 ہدف کے تعقب میں بھارت نے 2 رنز بنائے ، بھارت کا مجموعی اسکور  18/1 ہوگیا۔ ( بالر محمد عرفان )

    اوور نمبر 03 ہدف کے تعقب میں ایک کھلاڑی کے نقصان پر بھارت نے 2 رنز بنائے ، بھارت کا مجموعی اسکور  16/1 ہوگیا۔ ( بالر محمد عامر )

    پہلی وکٹ: بھارت کے کھلاڑی روہت شرما 10 رنز بنا کر محمد عامر کی گیند پر آوٹ ہوگئے ۔

    اوور نمبر 02 ہدف کے تعقب میں بھارت نے 10 رنز بنائے ، بھارت کا مجموعی اسکور  14/0 ہوگیا۔ ( بالر محمد عرفان )

    اوور نمبر 01 ہدف کے تعقب میں بھارت نے 4 رنز بنائے ، بھارت کا مجموعی اسکور  4/0 ہوگیا۔ ( بالر محمد عامر )

    پاکستان اننگز

     

    اوور نمبر 18  کے اختتام پر پاکستان نے 7 رنز بنائے ، پاکستان کا مجموعی اسکور  118/5 ہوگیا۔ (محمد حفیظ اور سرفراز احمد)

    اوور نمبر 17  کے اختتام پر پاکستان نے ایک کھلاڑی کے نقصان پر 8 رنز بنائے ، پاکستان کا مجموعی اسکور  111/5 ہوگیا۔ (محمد حفیظ اور سرفراز احمد)

    پانچویں وکٹ: پاکستان کے کھلاڑی شعیب ملک 26 رنز بنا کر نہرا کی گیند پر آوٹ ہوگئے ۔

    اوور نمبر 16  کے اختتام پر پاکستان نے ایک کھلاڑی کے نقصان پر 8 رنز بنائے ، پاکستان کا مجموعی اسکور  103/4 ہوگیا۔ (شعیب ملک اور سرفراز احمد)

    چوتھی وکٹ: پاکستان کے کھلاڑی عمر اکمل 22 رنز بنا کر جدیجہ  کی گیند پر آوٹ ہوگئے ۔

    اوور نمبر 16  کے اختتام پر پاکستان نےدو چوکوں کی مدد سے 13 رنز بنائے ، پاکستان کا مجموعی اسکور  95/3 ہوگیا۔ (شعیب ملک اور عمر اکمل)

    اوور نمبر 15  کے اختتام پر پاکستان نےدو چوکوں کی مدد سے 13 رنز بنائے ، پاکستان کا مجموعی اسکور  95/3 ہوگیا۔ (شعیب ملک اور عمر اکمل)

    اوور نمبر 14  کے اختتام پر پاکستان نےدو چھکوں کی مدد سے 15 رنز بنائے ، پاکستان کا مجموعی اسکور  82/3 ہوگیا۔ (شعیب ملک اور عمر اکمل)

    اوور نمبر 13  کے اختتام پر پاکستان نے 2 رنز بنائے ، پاکستان کا مجموعی اسکور  67/3 ہوگیا۔ (شعیب ملک اور عمر اکمل)

    اوور نمبر 12  کے اختتام پر پاکستان نے ایک کھلاڑی کے نقصان پر 11 رنز بنائے ، پاکستان کا مجموعی اسکور  65/3 ہوگیا۔ (شعیب ملک اور عمر اکمل)

    تیسری وکٹ: پاکستان کے کھلاڑی شاہد آفریدی 8 رنز بنا کر پانڈیا  کی گیند پر آوٹ ہوگئے ۔

    اوور نمبر 11  کے اختتام پر پاکستان نے 3 رنز بنائے ، پاکستان کا مجموعی اسکور  54/2 ہوگیا۔ (شاہد آفریدی اور عمر اکمل)

    اوور نمبر 10  کے اختتام پر پاکستان نے ایک کھلاڑی کے نقصان پر 9 رنز بنائے ، پاکستان کا مجموعی اسکور   51/2 ہوگیا۔ (شاہد آفریدی اور عمر اکمل)

    دوسری وکٹ: پاکستان کے اوپنر  احمد شہزاد 25  رنز بنا کر جدیجہ  کی گیند پر آوٹ ہوگئے ۔

    اوور نمبر 09  کے اختتام پر پاکستان نے 3 رنز بنائے ، پاکستان کا مجموعی اسکور  ایک کھلاڑی کے نقصان پر 42/1 ہوگیا۔ (شاہد آفریدی اور احمد شہزاد)

    اوور نمبر 08  کے اختتام پر پاکستان نے ایک کھلاڑی کے نقصان پر 5 رنز بنائے ، پاکستان کا مجموعی اسکور  ایک کھلاڑی کے نقصان پر 39/1 ہوگیا۔ (شاہد آفریدی اور احمد شہزاد)

    پہلی وکٹ: پاکستان کے اوپنر  شرجیل خان 17  رنز بنا کر رائنا  کی گیند پر آوٹ ہوگئے ۔

    اوور نمبر 07  کے اختتام پر ایک چوکےکی مدد سے پاکستان نے 6 رنز بنائے ، پاکستان کا مجموعی اسکور بغیر کسی کھلاڑی کے نقصان پر 34/0 ہوگیا۔ (شرجیل خان اور احمد شہزاد)

    اوور نمبر 06  کے اختتام پر پاکستان نے 4 رنز بنائے ، پاکستان کا مجموعی اسکور بغیر کسی کھلاڑی کے نقصان پر 28/0 ہوگیا۔ (شرجیل خان اور احمد شہزاد)

    اوور نمبر 05  کے اختتام پر ایک چوکےکی مدد سے پاکستان نے 5 رنز بنائے ، پاکستان کا مجموعی اسکور بغیر کسی کھلاڑی کے نقصان پر 24/0 ہوگیا۔ (شرجیل خان اور احمد شہزاد)

    اوور نمبر 04  کے اختتام پر ایک چوکےکی مدد سے پاکستان نے 7 رنز بنائے ، پاکستان کا مجموعی اسکور بغیر کسی کھلاڑی کے نقصان پر 19/0 ہوگیا۔ (شرجیل خان اور احمد شہزاد)

    اوور نمبر 03  کے اختتام پر ایک چوکےکی مدد سے پاکستان نے 7 رنز بنائے ، پاکستان کا مجموعی اسکور بغیر کسی کھلاڑی کے نقصان پر 12/0 ہوگیا۔ (شرجیل خان اور احمد شہزاد)

    اوور نمبر 02  کے اختتام پر پاکستان نے صرف 2 رنز بنائے ، پاکستان کا مجموعی اسکور بغیر کسی کھلاڑی کے نقصان پر 5/0 ہوگیا۔ (شرجیل خان اور احمد شہزاد)

    اوور نمبر 01  کے اختتام پر پاکستان نے صرف 3 رنز بنائے ، پاکستان کا مجموعی اسکور بغیر کسی کھلاڑی کے نقصان پر 3/0 ہوگیا۔ (شرجیل خان اور احمد شہزاد)

     

    ٹاس

     

    ٹی ٹوئنٹی ورلڈ کپ کے اہم میچ میں بھارت نے پاکستان کیخلاف ٹاس جیت کر فیلڈنگ کا فیصلہ کیا ہے۔

    ایڈن گارڈن میں ٹاس کے بعد گفتگو کرتے ہوئے پاکستانی ٹیم کے کپتان شاہد آفریدی نے کہا ہے کہ احمد شہزاد اور حفیظ اچھی فارم میں ہیں، بیٹنگ لائن چل گئی تو کامیابی ہماری ہوگی، بھارت کو بڑا ہدف دینے کی کوشش کرینگے، انہوں نے کہا کہ 160سے اوپر رنز اچھا سکور ہوگا۔

    بھارتی کپتان مہندرا سنگھ دھونی نے کہا کہ پاکستان کے پاس اچھے فاسٹ باولر ہیں۔ میچ اچھا رہے گا۔ہر میچ نیا ہے اس کیلئے تیاری بھی نئی کی جاتی ہے۔انہوں نے کہا کہ ماضی میں کتنے میچ ہارے اس سے کوئی فرق نہیں پڑتا۔ٹیم میں کوئی تبدیلی نہیں کی گئی۔

     

     ٹیم

    پاکستانی سکواڈ کپتان شاہد آفریدی سمیت ، شرجیل خان، احمد شہزاد، محمد حفیظ، شعیب ملک، سرفراز احمد، عمر اکمل، ، محمد عامر، وہاب ریاض اور محمد سمیع شامل ہیں۔

    دوسری جانب بھارتی سکواڈ میں کپتان مہندرا سنگھ دھونی، روہت شرما، شیکھر دھاون، ویرات کوہلی، سریش رائنا، یوراج سنگھ ، رویندرا جدیجا، ہردک پانڈیا، روی چندرا ایشون، جسپریت بمرا، اشیش نہرا شامل ہیں۔

     

     

  • پاکستان ٹیم میں ڈسپلن کا فقدان، کھلاڑیوں کی ہیڈکوچ سے بدتمیزی

    پاکستان ٹیم میں ڈسپلن کا فقدان، کھلاڑیوں کی ہیڈکوچ سے بدتمیزی

    ویلنگٹن: پاکستان کرکٹ ٹیم پہلے ہی فٹنس مسائل سے دوچار ہے کہ اب ڈسپلن کی خلاف ورزی کا دوسرا واقعہ سامنے آگیا،فیلڈنگ کوچ سے بھڑنے کے بعد اب احمد شہزاد ہیڈکوچ وقار یونس سے لڑ پڑے۔

    پاکستان ٹیم ڈسپلن کی خلاف ورزی کاشکار ہوگئی ہے، پہلے فیلڈنگ کوچ گرانٹ لوڈن کو تلخ کلامی کا نشانہ بنایا گیا،نوبت یہاں تک آگئی کہ لوڈن نے مستعفی ہونے کا فیصلہ کرلیا۔

     چیئرمین پی سی بی اور دیگر افسران نے معاملہ کو رفع دفعہ کرایا، اور ذرائع کے مطابق اب ہیڈ کوچ وقار یونس کیساتھ نیٹ پریکٹس کے دوران احمد شہزاد نے بدتمیزی کرڈالی ہے۔

    ذرائع کے مطابق اوپنر کو غلط شارٹس کھیلنے پر وقار یونس نے روکنا چاہا جو تلخ کلامی کا سبب بن گیا، ہیڈ کوچ نے احمد شہزاد کو تلقین کی کہ بھارت کیخلاف غلط اسٹروکس کھیل کر وکٹ گنوا بیٹھے تھے اب پریکٹس کے دوران تو ایسے اسٹروکس نہ کھیلیں ۔

    قومی کرکٹ ٹیم کے فٹنس مسائل پہلے ہی سراٹھا رہے ہیں کہ اب ڈسپلن کی خلاف ورزی سے دیار غیر میں ملک کا نام بدنام ہونے کیساتھ ٹیم کے اندورنی اختلافات بھی منظر عام پر آرہے ہیں۔

  • پاکستان ٹیم کے کھلاڑیوں اور فیلڈنگ کوچ میں جھگٹرا

    پاکستان ٹیم کے کھلاڑیوں اور فیلڈنگ کوچ میں جھگٹرا

    سڈنی: کرائسٹ چرچ میں پاکستان ٹیم کے کھلاڑیوں اور فیلڈنگ کوچ میں تلخ کلامی، جس پر گرانٹ لوڈن نے اپنا استعفی چیئرمین پی سی بی کو بھجوادیا۔

    عالمی کپ میں شریک قومی کرکٹ ٹیم میں دراڑیں پڑنا شروع ہوگئی، بھارت سے شکست کے بعد کھلاڑیوں اور فیلڈنگ کوچ میں اختلافات جنم لینے لگ گئے، گرانٹ لوڈن نے سنئیر کھلاڑیوں کے رویہ سے دلبرداشتہ ہوکر چیئرمین پی سی بی کو اپنا استعفی بھجوادیا۔

     ذرائع کے مطابق پریکٹس کے دوران شاہد آفریدی، عمراکمل اور احمد شہزاد نے فیلڈنگ کوچ سے بدتمیزی کی، بھارت کے خلاف ایونٹ کے پہلے میچ میں گرین شرٹس نے تین کیچز ڈارپ کیے،جس کے بعدگرانٹ لوڈن نے کھلاڑیوں کی خامیاں دور کرنے کیلئے بھرپورپریکٹس کرائی تو سینرپلیئرز نے فیلڈنگ کوچ پر چڑائی شروع کردی۔

    گرانٹ لوڈن نےشہریار خان کو واقع سے آگاہ کرتے ہوئےعہدہ چھوڑنے کی پیشکش کردی ہے،غیر ملکی کوچ نے موقف اختیار کیا کہ سنیر پلیئرز نے نیٹ سیشن کے دوران نامناسب زبان استعمال کی جو کسی صورت قابل برداشت نہیں، چیئرمین پی سی بی نے نوید اکرم چیمہ کو معاملے کی تحقیقات کرنے کی ہدایت دے دی۔

  • پاکستان ٹیم میں بہترین ٹیلنٹ ہے،عمران خان کا ٹویٹ

    پاکستان ٹیم میں بہترین ٹیلنٹ ہے،عمران خان کا ٹویٹ

    اسلام آباد: سابق کپتان عمران خان کا کہنا ہے کہ بھارت سے ہار پر دلبرداشتہ نہیں ہونا چاہئے، پاکستان ٹیم میں بہترین ٹیلنٹ ہے، بہتر منصوبہ بندی سے میچ جیتا جاسکتا ہے۔

    ورلڈکپ انیس سو بانوے کے فاتح سابق کپتان عمران خان نے سماجی ویب سائٹ ٹوئٹر پر اپنے پیغام میں کہا ہے کہ پاکستانی ٹیم میں بہترین ٹیلنٹ ہے، جیت کے لیے صرف بہتر منصوبہ بندی کی ضرورت ہے۔

    ان کا کہنا تھا کہ پاکستانیوں کو بھارت سےمیچ ہارنے پر زیادہ پریشان نہیں ہونا چاہیے، کارکردگی کا درست تجزیہ کیا جائے تو آئندہ میچز میں مدد مل سکتی ہے۔

    عمران خان کا کہنا تھا کہ میگا ایونٹ کے مزید میچز میں بہتری کی ضرورت ہے، بیٹسمین اچھا اسکورکریں تو بولرز دفاع کرسکتے ہیں، عمران خان نے وکٹ کیپر بیٹسمین سرفراز احمد کو کھلانے کا مشورہ دے دیا۔

    عمران خان نے بالرز کے کم بیک کوسراہا اورامید ظاہرکی کہ ٹیم آئندہ میچوں میں کامیابی حاصل کرے گی۔