Tag: پاکستان بمقابلہ جنوبی افریقہ

جنوبی افریقا کے خلاف دوسرے ٹی 20 میچ میں سنچری مکمل نہ ہونے پر صائم ایوب کا بیان آگیا ہے۔

جنوبی افریقا کے خلاف دوسرے ٹی 20 میچ میں صائم ایوب نے شاندار 98 رنز کی ناٹ آؤٹ اننگز کھیلی اور وہ صرف دو رنز کی کمی سے سنچری مکمل نہ کرسکے۔

سنچورین میں کھیلے جارہے دوسرے ٹی 20 میچ میں پاکستان نے پہلے بیٹنگ کرتے ہوئے مقررہ اوورز میں 5 وکٹوں کے نقصان پر 206 رنز بنائے اور جنوبی افریقا کو جیت کے لیے 207 رنز کا ہدف دیا جو میزبان ٹیم نے آخری اوورز میں تین وکٹوں کے نقصان پر حاصل کرلیا۔

نوجوان بیٹر نے 57 گیندوں پر 98 رنز کی ناٹ آؤٹ اننگز کھیلی، ان کی اننگ میں 11 چوکے اور 5 بلند و بالا چھکے شامل تھے۔

صائم کی سنچری دو رنز سے رہ جانے پر شائقین کرکٹ نے عباس آفریدی اور عرفان خان پر تنقید کی ہے، شائقین کہہ رہے ہیں کہ انہیں سنگل لینے چاہیے تھے۔

تاہم اب صائم ایوب نے میڈیا سے گفتگو کرتے ہوئے کہا کہ یہ کوئی آخری موقع نہیں تھا، سنچری بنانے کا موقع مل جائے گا، اگر ٹیم نہیں جیت رہی تو سنچری بنانے کا کوئی فائئدہ نہیں، سنچری قسمت میں ہوتی تو بن جاتی۔

جنوبی افریقہ کے خلاف پہلے ٹی 20 میچ کے لیے پاکستان کی ممکنہ پلیئنگ الیون سامنے آگئی۔

پاکستان اور جنوبی افریقہ کے درمیان پہلا ٹی 20 میچ آج ڈربن میں کھیلا جائے گا، میچ پاکستانی وقت کے مطابق رات 9 بجے شروع ہوگا۔

بابر اعظم اور شاہین آفریدی نے پہلے ٹی 20 میچ میں سنگ میل عبور کرنے پر نظر جمالی ہیں۔

سابق کپتان بابر اعظم 39 رنز بنا کر ٹی 20 میں سب سے زیادہ رنز بنانے والے کھلاڑی بن جائیں گے،

بابر اعظم نے 126 میچز میں 4192 رنز اسکور کررکھے ہیں جبکہ بھارت کے روہت شرما 159 میچز میں 4231 رنز کے ساتھ پہلے نمبر پر موجود ہیں، بابر کو روہت کا ریکارڈ توڑنے کے لیے 39 رنز درکار ہیں۔

شاہین آفریدی کو ٹی 20 انٹرنیشنل میں 100 وکٹیں مکمل کرنے کے لیے صرف 3 وکٹیں درکار ہیں وہ ٹی 20 میں 100 وکٹیں حاصل کرنے والے تیسرے پاکستانی بولر بن جائیں گے۔

تاہم جنوبی افریقہ کے خلاف پاکستان کی ممکنہ پلیئنگ الیون سامنے آگئی ہے۔

محمد رضوان کپتان ہوں گے دیگر ممکنہ کھلاڑیوں میں عباس آفریدی، سلمان آغا، بابر اعظم، حارث رؤف، عرفان خان، جہانداد خان، صائم ایوب، شاہین آفریدی، سفیان مقیم اور طیب طاہر شامل ہیں۔

جنوبی افریقہ نے پاکستان کے خلاف ٹی 20 سیریز کے لیے 15 رکنی اسکواڈ کا اعلان کردیا۔

جنوبی افریقہ کے دورے میں3 ٹی ٹوئنٹی، 3 ون ڈے انٹرنیشنل اور 2 ٹیسٹ میچز شامل ہیں، سیریز کا آغاز 10 دسمبر کو ڈربن میں پہلے ٹی ٹوئنٹی سے ہوگا، پہلا ون ڈے 17 دسمبر کو پارل میں ہوگا جبکہ ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹاؤن میں شروع ہوں گے۔

پاکستان کی جانب سے بھی ٹیسٹ، ٹی 20 اور ون ڈے سیریز کے لیے اسکواڈ کا اعلان کیا گیا ہے۔

یہ پڑھیں: دورہ جنوبی افریقہ کیلیے پاکستانی اسکواڈ کا اعلان، اہم کھلاڑی شامل نہیں

تاہم اب جنوبی افریقہ نے بھی پاکستان کے خلاف ٹی 20 سیریز کے لیے 15 رکنی اسکواڈ کا اعلان کیا ہے جس کے مطابق ایڈن مرکرام کی عدم موجودگی کے باعث ہینرک کلاسن ٹیم کی قیادت کریں گے۔

مارکو جانسن، کیشو مہاراج، کاگیسو ربادا اور ٹرسٹن اسٹبس سیریز سے محروم رہیں گے کیونکہ انہیں آرام دیا جارہا ہے۔

جنوبی افریقہ کی ٹیم میں فاسٹ بولر اینرک نورکیانے اور اسپنر شمس تبریزی کی واپسی ہوئی ہے۔ فاسٹ بولر جارج لندے کو ڈومیسٹک میں شاندار کارکردگی کی وجہ سے ٹیم میں شامل کیا گیا ہے۔

پروٹیز کوچ روب والٹر نے کہا کہ ایڈن مرکرام کی غیرموجودگی میں ہینرک ٹیم کی قیادت کریں گے، وہ سینئر کھلاڑی ہیں اور ان کا وسیع تجربہ ہے، وہ ٹیم کی کامیابی میں اہم کردار ادا کریں گے۔

جنوبی افریقہ کا 15 رکنی اسکواڈ:

ہینرک کلاسن کپتان ہیں، دیگر کھلاڑیوں میں اوٹنیل بارٹمین، میتھیو بریٹزکے، ڈونووان فریریا، ریزا ہنڈرکس، پیٹرک کروگر، جارج لندے، ڈیوڈ ملر، کوینا ماپھاکا، اینرک نورکیانے، ناقابا پیٹر، ریان رکیلٹن، تبریز شمسی، اندیل سیمیلین، وین ڈر ڈوسن شامل ہیں۔

سابق کرکٹر عاقب جاوید ورلڈکپ میں پاکستان کی پرفارمنس سے بالکل بھی خوش نظر نہیں آتے، انھوں نے جنوبی افریقہ کے میچ کے حوالے سے سعود شکیل پر طنز کیا تھا۔

عاقب کی جانب سے لیفٹ آرم مڈل آرڈر بیٹر سعود شکیل پر کیا گیا طنز ان کے گلے پڑ گیا۔ شائقین انھیں تنقید کا نشانہ بنا رہے ہیں۔ کچھ روز پہلے عاقب جاوید نے سعود کے حوالے سے کہا تھا کہ جنوبی افریقہ کے پاور ہٹرز کے سامنے ہم یہ پاور ہٹر لائے ہیں۔

جنوبی افریقہ کے خلاف عمدہ بیٹنگ کرتے ہوئے سعود شکیل نے نصف سنچری اسکور کی تھی۔ وہ بابر کے علاوہ واضح بیٹر تھے جنھوں نے ففٹی بنائی تھی۔

نجی ٹی وی کے اسپورٹس پروگرام میں عاقب جاوید کا طنز سعود کی پرفارمنس کے بعد شائقین کو یاد آگیا اور وہ سابق کرکٹر کے تبصرے پر ناراض نظر آئے۔

شائقین کرکٹ کی جانب سے عاقب جاوید کے بیان پر انھیں سخت تنقید کا نشانہ بنایا جا رہا ہے، لوگوں کا کہنا ہے کہ عاقب جیسے پلیئر کو اپنے جونیئر پر ایسی تنقید نہیں کرنی چاہیے تھی۔

جنوبی افریقہ کے ہاتھوں پاکستان کرکٹ ٹیم کی شکست کے بعد سابق کپتان شاہد خان آفریدی نے سوشل میڈیا پر اپنے جذبات کا اظہار کیا ہے۔

شاہد آفریدی نے سوشل میڈیا پلیٹ فارم ایکس پر ایک جذباتی نوٹ تحریر کرتے ہوئے آئی سی سی کرکٹ ورلڈ کپ 2023 میں سنسنی خیز میچز کی ضرورت پر زور دیا اور پاکستان کی ہار پر دل شکستگی کا اظہار کیا ہے۔

سابق پاکستانی کرکٹر نے کہا کہ ورلڈکپ 2023 میں ایسے ہی سنسنی خیز میچ کا شدت سے انتظار تھا! ساتھ ہی انھون نے ہیش ٹیگ CWC23# کا بھی استعمال کیا۔

انھوں نے مزید لکھا کہ ’لڑکوں قسمت نے آپ کا ساتھ نہیں دیا، کسی اور دن، چیزیں آپ کے حق میں ہوں گی. ایک وکٹ سے ہارنا مایوس کن ہوتا ہے۔‘

‘تاہم آپ لوگوں کو اپنے حوصلے بلند رکھنے کی ضرورت ہے کیونکہ آپ نے اپنا بہترین کھیل پیش کیا اور آخر تک بہادری سے لڑے۔سات ہی انھوں نے جنوبی افریقہ کو فتح حاصل کرنے پر مبارکباد بھی دی۔‘

The thriller #CWC23 was desperately waiting for! Hard luck boys, on any other day, things would have gone in your way. One-wicket losses are devastating, but you need to keep your chins up as you gave your best and fought gallantly till the end.
Congratulations to SA for pulling…

— Shahid Afridi (@SAfridiOfficial) October 27, 2023

واضح رہے کہ جنوبی افریقہ نے ورلڈکپ کے اہم میچ میں ہدف کا تعاقب کرتے ہوئے پاکستان کو سنسنی خیز مقابلے کے بعد ایک وکٹ سے شکست دی تھی، جس کے بعد قومی ٹیم کے سیمی فائنل میں جانے کے امکانات انتہائی کم ہوچکے ہیں۔

ایک مرحلے پر حارث رؤف کی گیند پر تبریز شمسی تقریباً ایل بھی ڈبیلو آؤٹ ہوچکے تھے مگر فیلڈ امپائر کے ناٹ آؤٹ دینے پر انھیں آؤٹ نہیں دیا گیا اور بالآخر فتح پروٹیز کے حصے میں آئی۔

آئی سی سی ورلڈکپ میں پاکستان کے خلاف میچ سے قبل جنوبی افریقی کپتان ٹیمبا باوما نے خدشہ ظاہر کیا ہے کہ پاکستان نے اپنی بہترین کرکٹ کھیلی تو ہمارے لیے مشکل ہوجائے گی۔

ذرائع ابلاغ سے گفتگو کرتے ہوئے پروٹیز کپتان کا کہنا تھا کہ عین ممکن ہے کہ ہمارے خلاف پاکستان اپنی بہترین کرکٹ کھیلے کیوں کہ پاکستان ایک خطرناک ٹیم ہے۔

ٹیمبا باوما نے کہا کہ مخالف ٹیم کی مضبوطی اور کمزوریوں کا تجزیہ کیا ہے، کوشش ہو گی کہ پاکستان کی کمزوریوں کا فائدہ اٹھائیں، ہم اس میچ میں بھی ویسا ہی کھیلیں گے جیسا کھیلتے آ رہے ہیں۔

پرٹیز کپتان نے زور دیتے ہوئے کہا کہ پاکستان نے ٹورنامنٹ میں اب تک اپنی بہترین کرکٹ نہیں کھیلی، ہوسکتا ہے کل وہ اپنی بہترین کرکٹ کھیل رہے ہوں، اچھی طرح اندازہ ہے کہ پاکستان خطرناک ٹیم ہے۔

ہماری ٹیم نے پہلے بیٹنگ میں اچھی کارکردگی دکھائی ہے۔ پہلے بیٹنگ کریں یا بعد میں کوشش ہوگی کہ مائنڈ سیٹ ایک جیسا ہو۔ بھارتی کنڈیشنز میں ابتدائی بیٹنگ میں اچھا آغاز اہم ہے۔

انھوں نے کہا کہ پاکستان کو بالکل بھی کمزور نہیں سمجھتے، وہ ٹاپ چار کی ٹیم ہے۔ یہ ضرور ہے کہ پاکستان ٹیم کی بری فارم کا ہمیں فائدہ ہوگا مگر ہمیں اچھا کھیلنا ہوگا۔

ٹیمبا کا کہنا تھا کہ پاکستان ایک دن اگر خراب کھیلتی ہے تو اگلے روز بہت خطرناک بھی ہوتی ہے۔ پاکستان کے خلاف کنڈیشنز کو دیکھ کر ٹیم چنیں گے، کنڈیشنز کے مطابق ہی اسکور کے بارے میں ذہن بناتے ہیں۔ افغانستان اور پاکستان کے میچ سے اندازہ ہوا یہاں بعد میں بیٹنگ کرنا آسان ہے۔