ARYNews.tv | Urdu – Har Lamha Bakhabar

Tag: پاکستان بمقابلہ سری لنکا

  • پاک سری لنکا ون ڈے: پاکستان کا ٹاس جیت کرفیلڈنگ کا فیصلہ

    پاک سری لنکا ون ڈے: پاکستان کا ٹاس جیت کرفیلڈنگ کا فیصلہ

    ہیمبینٹوٹا :پاکستان کے خلاف پہلے ایک روزہ میچ میں میزبان سری لنکا کی بیٹنگ جاری ہے۔ قومی ٹیم کے کپتان مصباح الحق کہتے ہیں آج کا میچ انتہائی اہم ہے، سعید اجمل کی کمی محسوس ہوگی۔ ہیمبینٹوٹا میں کھیلے جانے والے میچ کا ٹاس پاکستان نے جیت کر پہلے فیلڈنگ کا فیصلہ کیا۔

    سری لنکا نے اننگز کا آغاز کیا تو پانچویں اوور میں محمد عرفان نے اوپنر تلکرتنے دلشان کی اہم وکٹ حاصل کرلی۔ دلشان صرف چھ رنزبناکر ایل بی ڈبلیو ہوگئے۔ پاکستان کی فائنل الیون میں تین فاسٹ بولرز کو رکھا گیا ہے۔

    ذوالفقار بابر اور شرجیل خان ٹیم کا حصہ نہیں ہیں۔ ادھر سری لنکن کپتان ٹیسٹ کے بعد ون ڈے سیریز جیتنے کے لئے بھی پرعزم ہیں۔اب تک کی اطلاعات کے مطابق سری لنکا کے بیاسی رنز پر چار کھلاڑی آؤٹ ہوگئے جبکہ اس وقت انیسویں اوور کا کھیل جاری ہے۔

  • پاکستان بمقابلہ سری لنکا، پہلا ون ڈے آج ہمبنٹوٹا میں ہوگا

    پاکستان بمقابلہ سری لنکا، پہلا ون ڈے آج ہمبنٹوٹا میں ہوگا

    ہمبنٹوٹا :پاکستان اور سری لنکا کے درمیان تین ون ڈے کی سیریز کا پہلا میچ آج ہمبن ٹوٹا میں کھیلا جائے گا، آف اسپنر سعید اجمل آسٹریلیا میں بولنگ ایکشن کے ٹیسٹ کے سبب پہلے ون ڈے میں شرکت نہیں کریں گے۔

    ٹیسٹ سیریز میں قومی ٹیم ناکام ہوئی اور اب  قومی ٹیم کا ون ڈے میں امتحان ہونے جارہا ہے، طویل دورانیئے کی کرکٹ میں بیٹسمینوں نے مایوس کیا، قومی ٹیم کے پاس ٹیسٹ کی شکست کا بدلہ لینے کا وقت آگیا۔۔

    ٹیسٹ میچ میں گرین شرٹس کو ناکامی کا سامنا کرنا پڑا، بیٹسمینوں کی پرفارمنس نے مینجمنٹ کو تشویش میں مبتلا کردیا ہے، اسکواڈ میں فاسٹ بولر محمد عرفان کو شامل کیا گیا ہے، سعید اجمل برسبین میں ہونے والے بولنگ ایکشن ٹیسٹ کے سبب پہلے ون ڈے سے باہر ہوگئے ہیں۔

    سری لنکا کے خلاف پہلے ٹیسٹ میں امپائرز نےسعید اجمل کے بولنگ ایکشن پر اعتراض اٹھایا تھا، میزبان ٹیم ون ڈے رینکنگ میں تیسرے اور پاکستان چھٹے نمبر پر موجود ہے۔

    دونوں ٹیمیں ایک سو انتالیس مرتبہ ون ڈے میں مدمقابل آچکی ہیں، اسی میں پاکستان اور چون میں سری لنکا کامیاب رہا، کپتان مصباح الحق کا کہنا ہے کہ ٹیسٹ سیریز کی شکست کو بھلا کر ون ڈے کے لئے میدان میں اتریں گے۔

  • کولمبو ٹیسٹ: قومی ٹیم پہلی اننگزمیں تین سو بتیس رنزبناکرآؤٹ

    کولمبو ٹیسٹ: قومی ٹیم پہلی اننگزمیں تین سو بتیس رنزبناکرآؤٹ

    کولمبو ٹیسٹ میں سرفرازاحمد کی شاندار سنچری کی بدولت پاکستان سری لنکا کے خلاف پہلی اننگز میں برتری حاصل کرنے میں کامیاب رہا۔ قومی ٹیم پہلی اننگز میں تین سو بتیس رنزبناکر آؤٹ ہوئی۔میزبان ٹیم کی دوسری اننگز میں بیٹنگ جاری ہے۔

    کولمبو میں جاری ٹیسٹ کے دوسرے روز پاکستان نے پہلی نامکمل اننگز دو سو چوالیس رنز چھ کھلاڑی آؤٹ پر دوبارہ شروع کی تو سرفراز احمد اور عبدالرحمان نے اسکور آگے بڑھایا۔

    عبدالرحمان زیادہ دیر تک سرفراز کا ساتھ نہ دے سکے اور سولہ رنزبناکر پویلین لوٹ گئے۔۔ ایک اینڈ سے وکٹیں گرتی رہیں تو دوسرے اینڈ سے سرفراز سری لنکن بولرز کا ڈٹ کر مقابلہ کرتے رہے۔

    سرفراز نے چھکا لگا کر ٹیسٹ کیرئیر کی پہلی سینچری بنائی۔ ان کی سینچری میں سات چوکے بھی شامل تھے۔ وہ ایک سو تین رنزبناکر آؤٹ ہوئے۔ پاکستانی ٹیم پہلی اننگز میں تین سو بتیس رنزبناکر آؤٹ ہوئی۔ رنگانا ہیراتھ نے بہترین بولنگ کرتے ہوئے نو وکٹیں حاصل کیں

  • کولمبو ٹیسٹ:پاکستان نے چھ وکٹوں پردوسو چوالیس رنزبنالیے

    کولمبو ٹیسٹ:پاکستان نے چھ وکٹوں پردوسو چوالیس رنزبنالیے

    کولمبو ٹیسٹ میں سری لنکن ٹیم پہلی اننگز میں تین سو بیس رنز بناکر آؤٹ ہوگئی جبکہ پاکستان نے دوسرے روز کھیل کے اختتام تک چھ وکٹوں پر دو سو چوالیس رنزبنالیے ہیں۔ کولمبو میں جاری ٹیسٹ کے دوسرےروز سری لنکا نے پہلی نامکمل اننگز دو سو اکسٹھ رنز آٹھ کھلاڑی آؤٹ پر دوبارہ شروع کی توآخری دو بیٹسمینو ں نے ذمہ داری سے کھیلتے ہوئے انسٹھ رنز کا اضافہ کیا اور اسکور تیس سو بیس رنز تک لے گئے۔

    جنید خان نے پانچ اور وہاب ریاض نے تین شکار کئے۔ پاکستانی بیٹسمین رنگانا ہیراتھ کی بولنگ کے سامنے بے بس دکھائی دیئے۔ احمد شہزاد نے کیرئیر کی دوسری نصف سنچری بنائی مگر اٹھاون رنز پر پریرا کا شکار بنے۔ پاکستان کی نصف ٹیم ایک سو چالیس رنز پر پویلین واپس پہنچ چکی تھی۔تجربہ کار بیٹسمین یونس خان تیرہ رنز اور مصباح الحق پانچ رنز پر ہمت ہار گئے۔

    اظہر علی بتیس،خرم منظور تئیس بناسکے ۔ اسد شفیق نے سرفراز احمد کیساتھ چھٹی وکٹ کی شراکت میں ترانوے رنز اسکور میں جوڑے۔ ہیراتھ نے پارٹنر شپ توڑتے ہوئے اسد شفیق کو بیالیس رنز پر بولڈ کردیا۔ دن کے اختتام تک پاکستان نے چھ وکٹوں پر دو سو چوالیس رنزبنالیے۔ اپنی مسلسل تیسری نصف سنچری بناتے ہوئے وکٹ کیپر سرفراز احمد چھیاسٹھ رنز بناکر وکٹ پر موجود ہیں۔

  • کولمبو ٹیسٹ:سری لنکا پہلی اننگزمیں تین سو بیس رنزبناکرآؤٹ

    کولمبو ٹیسٹ:سری لنکا پہلی اننگزمیں تین سو بیس رنزبناکرآؤٹ

    کولمبو ٹیسٹ: سری لنکن ٹیم پہلی اننگز میں تین سو بیس رنز بناکر آؤٹ ہوگئی۔ پاکستان کی پہلی اننگز میں بیٹنگ جاری ہے۔ تفصیلات کے مطابق کولمبو میں جاری ٹیسٹ کے دوسرے روز سری لنکا نے پہلی نامکمل اننگز دو سو اکسٹھ رنز آٹھ کھلاڑی آؤٹ پر دوبارہ شروع کی تو آخری دو بیٹسمین اسکور میں انسٹھ رنز کا اضافہ کرسکے۔

    میزبان ٹیم تین سو بیس رنزبناکر آؤٹ ہوگئی۔ الوداعی ٹیسٹ کھیلنے والےمہیلا جے وردھنے صرف چار رنزبناسکے۔ اپل تھرنگا بانوے رنزبناکر ٹاپ اسکورر رہے۔ کوشلسلوا نے 41 اور انجیلو میتھیو نے 39 رنز بنائے، جنید خان نے پانچ اور وہاب ریاض نے تین شکار کئے۔

    سری لنکا کے تین سو بیس رنز کے جواب میں پاکستان کی پہلی اننگز میں بیٹنگ جاری ہے، تازہ ترین اطلاعات کے مطابق سینتالیس رنز پر پاکستان کا کھلاڑی آؤٹ ہوچکا ہے،خرم منظور 23 رنز بنا پویلین لوٹ چکے ہیں۔

  • کولمبو ٹیسٹ: سری لنکا کی ٹاس جیت کر بیٹنگ جاری

    کولمبو ٹیسٹ: سری لنکا کی ٹاس جیت کر بیٹنگ جاری

    کولمبو : کولمبو ٹیسٹ میں سری لنکن بیٹسمینوں کی پر اعتماد بیٹنگ جاری ہے، میزبان ٹیم نے کھانے کے وقفے تک بغیر کسی نقصان کے انہتر رنز بنالئے۔

    کولمبو میں شروع ہونے والے سیریز کے دوسرے اور آخری میچ میں کا ٹاس سری لنکا نے جیت کر پہلے بیٹنگ کرنے کا فیصلہ کیا۔ میزبان ٹیم میں دو تبدیلیاں کی گئیں انجرڈ شامیندہ ایرنگا کی جگہ چناکا ولیگدرا جبکہ ویتھاناگے کی جگہ لہیرو تھیرمانے کو ٹیم میں شامل کیا گیا ہے۔

    قومی ٹیم نے ناکامی کے باوجود دونوں اوپنرز کو برقرار رکھا جبکہ فاسٹ بولر محمد طلحہ کی جگہ وہاب ریاض کو موقع دیا گیا ہے۔

    سری لنکن بیٹسمینوں نے پر اعتماد بیٹنگ کرتے ہوئے وکٹ کے چاروں اطراف شاٹس لگائے، میزبان ٹیم نے کھانے کے وقفے تک بغیر کسی نقصان کے انہتر رنزبنالئے تھے۔ میزبان ٹیم کے تجربہ کار بیٹسمین مہیلا جے وردھنے کے کیرئیر کا یہ آخری ٹیسٹ ہے۔

  • پاکستان بمقابلہ سری لنکا،ٹیسٹ میچ کل سے کولمبو میں ہوگا

    پاکستان بمقابلہ سری لنکا،ٹیسٹ میچ کل سے کولمبو میں ہوگا

    پاکستان اور سری لنکا کے درمیان دو میچز کی سیریز کا آخری ٹیسٹ کل سے کولمبو میں کھیلا جائے گا۔سری لنکا کو سیریز میں ایک صفر کی برتری حاصل ہے۔ گال میں میزبان ٹیم نے پاکستان کو سات وکٹوں سے زیر کیا تھا۔ پاکستان دوسرا ٹیسٹ جیت کر آئی سی سی رینکنگ میں تیسری پوزیشن بچاسکتا ہے۔

    ناکامی کی صورت میں قومی ٹیم رینکنگ میں تین درجہ تنزلی کے بعد چھٹے نمبر پر چلی جائے گی۔ گال ٹیسٹ میں سری لنکا کی جیت میں اہم کردار ادا کرنے والے رنگانا ہیراتھ سے نمٹنے کے لئے قومی ٹیم حکمت عملی بنارہی ہے۔  سری لنکن بورڈ نے انجرڈ فاسٹ بولر شمندا ایرنگا کے کور کے طور پر لہیرو گماج کو طلب کرلیا ہے۔

    میزبان ٹیم دوسرے ٹیسٹ دو فاسٹ بولرز کے ساتھ میدان میں اترسکتی ہے۔ تجربہ کار بیٹسمین مہیلا جے وردھنے الوداعی ٹیسٹ کھیلیں گے۔ ادھر سعید اجمل بولنگ ایکشن پر اعتراض کئے جانے کے بعد دباؤ میں ہوں گے۔ سعید اجمل کولمبو کے میدان میں آئی لینڈز پاکستان کے خلاف کوئی کامیابی حاصل نہیں کرپائے ہیں۔ دونوں ٹیمیں چھٹی مرتبہ اس گراؤنڈ میں آمنے سامنے آرہی ہیں۔ چار میچز ڈرا رہے ایک میچ پاکستان کے نام رہا۔

  • شکست کے بعد پاکستانی ٹیم کولمبو ٹیسٹ جیتنے کیلئے پرعزم

    شکست کے بعد پاکستانی ٹیم کولمبو ٹیسٹ جیتنے کیلئے پرعزم

    کولمبو: پاکستان کرکٹ ٹیم سری لنکا کے خلاف دوسرے ٹیسٹ کی تیاریوں میں مصروف ہے۔ سر ی لنکا نے گال ٹیسٹ سات وکٹوں سے اپنے نام کیا تھا۔ پاکستان آئی سی سی ٹیسٹ رینکنگ میں تیسری پوزیشن بچانے اور سری لنکا رینکنگ بہتر بنانے کے لئے کولمبو کے میدان میں اترے گا۔ گال ٹیسٹ میں شکست نے ٹیم مینجمینٹ کو تشویش میں مبتلا کردیا ہے۔

    پاکستانی بلے بازوں کی ناکامی کے سبب میزبان ٹیم نے پہلا ٹیسٹ سات وکٹوں سے اپنے نام کیا تھا۔ پاکستانی کھلاڑی دوسرے ٹیسٹ کے لئے بھرپور تیاری کررہے ہیں۔ ہیڈ کوچ وقار یونس سمیت تمام آفیشلز گال ٹیسٹ میں کھلاڑیوں کی خامیوں کی نشاندہی کررہے ہیں۔ کولمبو کی وکٹ پر رنگانا ہیراتھ سے نمٹنے کیلئے حکمت عملی ترتیب دی جارہی ہے۔

    ہیراتھ نے گال ٹیسٹ میں سری لنکا کی کامیابی میں اہم کردار ادا کیا تھا۔ وکٹیں ادھر تجربہ کار بیٹسمین مہیلا جے وردھنے کیرئیر کا آخری ٹیسٹ میچ کھیلیں گے۔ سری لنکن کپتان اینجلو میتھیوز کا کہنا ہے وہ دوسرا ٹیسٹ بھی جیت کر جے وردھنے کا الوداعی تحفہ دینا چاہتے ہیں۔ دوسری جانب پاکستانی کپتان مصباح الحق سیریز برابر کرنے کے لئے پرعزم ہیں۔

  • گال ٹیسٹ: پاکستانی ٹیم دوسری اننگز میں ایک سو اسی بنا کر آؤٹ

    گال ٹیسٹ: پاکستانی ٹیم دوسری اننگز میں ایک سو اسی بنا کر آؤٹ

    سری لنکا کیخلاف گال ٹیسٹ کے دوران پاکستانی ٹیم پر شکست کے بادل منڈلانے شروع ہوگئے ہیں۔ پوری ٹیم پویلین واپس پہنچ گئی ہے۔ سری لنکا کیخلاف گال ٹیسٹ کے آخری روز پاکستان ٹیم کو دوسری اننگز میں مشکلات کا سامنا کرنا پڑا۔ گال میں کھیل جارہے ٹیسٹ میچ کے آخری دن پاکستان ٹیم نے نامکمل اننگز چار رنز ایک کھلاڑی آؤٹ سے دوبارہ شروع کی لیکن یکے بعد دیگرے مزید تین وکٹیں گرگئیں۔

    نائٹ واچ مین سعید اجمل چار،احمد شہزاد چودہ اور پہلی اننگز میں شاندار اننگز کھیلنے والے یونس خان تیرہ رنز بناکر پویلین لوٹ آئے۔ کھیل کے چوتھے روز خرم منظور تین رنز پر وکٹ گنوا بیٹھے تھے۔پاکستان کی پوری ٹیم ایک سو اسی رنز بنا کر آل آؤٹ ہوگئی جبکہ سری لنکا کی ٹیم کونناوے رنز کا ٹارگٹ دیا ہے ، سری لنکا نے پاکستان کی پہلی اننگز کے جواب میں پانچ سو تینتیس رنز پر اننگ ڈکلیئرڈ کردی تھی

  • گال ٹیسٹ:سری لنکن بیٹسمین سنگاکارا وکٹ پر ڈٹ گئے

    گال ٹیسٹ:سری لنکن بیٹسمین سنگاکارا وکٹ پر ڈٹ گئے

    گال ٹیسٹ : پاک سری لنکا ٹیسٹ میچ کے چوتھے روز سری لنکا کی پر اعتماد انداز میں بیٹنگ جاری ہے۔سری لنکن بیٹسمین سنگاکارا وکٹ پر ڈٹ گئے ہیں۔ پاکستانی بولرز جلد وکٹیں حاصل کرنے میں ناکام ہورہے ہیں۔ گال میں جاری ٹیسٹ کے چوتھے روز سری لنکا نے پہلی نامکمل اننگز دو سو باون رنز دو کھلاڑی آؤٹ پر دوبارہ شروع کی تو پانچ رنز کے اضافے کے بعد مہیلا جے وردھنے انسٹھ رنز بناکر آؤٹ ہوگئے۔

    جے وردھنے نے کیرئیر کی انچاسویں نصف سنچری اسکور کی۔ جے وردھنے کیرئیر کی آخری ٹیسٹ سیریز کھیل رہےہیں۔ سنگاکارا اور اینجلو میتھیوز اسکور میں اضافہ کررہے ہیں۔ سنگاکارا سینچری بناچکے ہیں اور پاکستانی بولرز کا ڈٹ کر مقابلہ کررہے ہیں۔