Tag: پاکستان بمقابلہ سری لنکا

پاکستان اور سری لنکا کے درمیان ون ڈے سیریز اب ایک ایک سے برابر ہوچکی ہے۔ سیریز کا تیسرا میچ آج شارجہ میں کھیلا جائیگا۔ دو میچوں میں پاکستانی بلے بازوں نے پرفارم کیا مگر بولرز جلد وکٹیں حاصل نہ کرسکے۔

متحدہ عرب امارات میں جاری سیریز کے دوسرے ون ڈے میں سری لنکا نے کامیابی حاصل کرکے قومی ٹیم کی برتری کا خاتمہ کردیا ہے۔ ابتدائی دو میچوں میں کانٹے کے مقابلے دیکھنے کو ملے۔ پاکستان نے پہلا میچ بڑی مشکل سے بچایا تھا مگر دوسرے مقابلے میں لنکن لائنز کے ٹیل اینڈرز بھی آخری دم تک ڈٹے رہے اور میچ جیت کے سیریز برابر کرڈالی۔

پاکستانی بلے بازوں نے کنڈیشنز کا فائدہ اٹھانا اب شروع کردیا ہے۔ مگر بولرز سری لنکن ٹیل اینڈرز کے سامنے بھی بے بس ہورہے ہیں جو کہ حیران کن بات ہے۔ تیسرے مقابلے کیلئے پاکستانی ٹیم کو ہوم ورک کرنا ہوگا۔

بیٹسمینو ں کو بڑا اسکور کرنے کی ضرورت ہے جبکہ بولرز کو کم رنز دیکر جلد وکٹیں حاصل کرنا ہونگی۔ شائقین کو بھی معلوم ہے کہ سری لنکا کے خلاف فتح سمیٹنا قومی ٹیم کے لئے اتنا آسان نہیں ہوگا۔

لیکن گرین شرٹس کو بھی منصوبہ بندی اور جارحانہ حکمت عملی کے ساتھ میدان میں اترنا ہوگا۔

دبئی میں جاری ون ڈے میں سری لنکا نے ٹاس جیت کر پہلے پاکستان کو بیٹنگ کی دعوت دی۔ قومی ٹیم نے اننگز کا آٖغاز کیا تو جارحانہ مزاج بیٹسمین شرجیل خان ملنگا کی گیند پر ایل بی ڈبلیو ہوگئے. احمد شہزاد اور محمد حفیظ نے محتاط اندا زمیں بیٹنگ کرتے ہوئے اسکور کو آگے بڑھایا۔ محمد حفیظ چوراسی کے اسکور پر رن آوٹ ہوئے۔ انہوں نے بتیس رنز اسکو رکیے۔ 

صہیب مقصود بھی زیادہ دیر وکٹ پر نہ ٹھیر سکے اور اٹھارہ رنز بنا کر کیچ آوٹ ہوگئے۔  احمد شہزاد اور مصباح الحق نے سر ی لنکن بولرز کی خوب ڈٹ کر پٹائی کی۔ دونوں کھلاڑیوں نے چوتھی وکٹ کی شراکت میں ایک سو پانچ رنز بنائے۔ احمد شہزاد کیرئیر بیسٹ ایک سو چوبیس رنز بناکر آوٹ ہوئے۔

یہ شہزاد کی ون ڈے کرکٹ میں چوتھی سینچری ہے، کپتان مصباح الحق اور آفریدی نے آخری کے اوور میں جارحانہ بیٹنگ کی اور اسکور دو سو چوراسی تک پہنچا دیا۔ مصباح نے ناقابل شکست انسٹھ رنز اسکور کیے۔ اور کلینڈر آئیر میں سب سے زیادہ رنز بنانے والے کھلاڑی بن گئے۔ جبکہ سال میں سب سے سب سے زیادہ چودہ نصف سینچریاں بنانے کا ریکارڈ بھی اپنے نام کرلیا۔  آفریدی نے پندرہ گیندوں پر دھواں دھار تیس رنز اسکور کیے۔ لستھ ملنگا اور پرسنا نے ایک ایک وکٹ حاصل کی۔

پاکستان اور سری لنکا کے درمیان پانچ میچز کی سیریز کا دوسرا ون ڈے آج دبئی میں کھیلا جائے گا، گرین شرٹس کو سیریز میں ایک صفر کی برتری حاصل ہے۔

سری لنکا کے خلاف ون ڈے سیریز کا پاکستان نے کردیا ہے فاتحانہ آغاز، جنرل ساؤنڈ شارجہ ون ڈے رہا ہائی اسکوررنگ، بیٹسمینوں نے کی بولرز کی جم کر دھلائی، اب دبئی میں  پنجہ آزمائی ہوگی، پاکستان نے شارجہ میں تو لنکا ڈھائی کیا اب دبئی میں بھی پاکستان کرپائے سری لنکا کی دھنائی، پاکستانی بیٹسمینوں کی فارم میں واپسی نے سیریز کو کانٹے دار بنادیا ہے۔

  دونوں ٹیموں کے درمیان دبئی ون ڈے میں بھی دلچسپ اور سنسنی خیز مقابلے کی توقع کی جارہی ہے، شرجیل خان ، حفیظ ، صہیب مقصود اور آفریدی توجہ کا مرکز ہوں گے تو دوسری جانب حریف بیٹسمین بھی مقابلے کے لئے پوری طرح تیار ہوں گے۔ 
   

صحرا میں بلے بازوں نے رنز کے دریا بہادیئے۔ پہلے پاکستان اور پھر سری لنکن بیٹسمینوں نے بولرز پر خوب لاٹھی چارج کیا۔ پاکستان کے شرجیل خان ڈیبیو پر نصف سینچری بنانے والے آٹھویں پاکستانی کھلاڑی بن گئے۔ شارجہ کا میدان بولرز کا امتحان بن گیا،چوکوں اور چھکوں کی برسات ہوئی۔

بولرز پرلاٹھی چارج کی ابتدا کی شرجیل خان نے اور ڈیبیو میں ہی اپنی صلاحیتوں کا لوہا منواڈالا۔ شرجیل خان پاکستان کی جانب سے ڈیبیو پرنصف سینچری بنانے والے آٹھویں کھلاڑی بن گئے۔ شرجیل کے بعد حفیظ، صہیب مقصود اور شاہد آفریدی نے بھی لنکن بولرز کی جم کر دھلائی کرڈالی۔ 

پاکستان نے بنائے تین سو بائیس رنز جو شارجہ میں قومی ٹیم کا تیسرا بڑا اسکور ہے۔ پاکستانی ٹیم شارجہ کے میدان میں ایک اننگز میں سب سے زیادہ چھکے لگانے والی ٹیم بھی بن گئی۔ لنکن بیٹسمینوں نے حساب چکانے میں کوئی کثر نہیں چھوڑی ،پاکستان کے پہاڑ جیسے ہدف کے سامنے سری لنکن بیٹسمنوں نے ہتھیار نہیں ڈالے۔

ایک موقع پر مہمان بلے بازوں کے آگے پاکستانی بولرز کے ہاتھ پاؤں پھول گئے تھے  انچاسویں اوور میں میچ پاکستان کے ہاتھ میں آگیا اور سیریز میں گرین شرٹس نے سنسنی خیز مقابلے کے بعد ایک صفر کی برتری  حاصل کرلی۔

شارجہ کے تاریخی میدان میں پاکستان بلے باز سری لنکن ٹائیگرز پر جم کر برسے۔پہلا میچ کھیلنے والے شرجیل خان نے جارحانہ بیٹنگ کرتے ہوئے کیرئیر کی پہلی ففٹی بنائی۔ شرجیل خان اکسٹھ رنز بناکر آؤٹ ہوئے۔

صہیب مقصود نے محمد حفیظ کے ساتھ مل کر ٹیم کی بھاگ دوڑ سنھمبالی، دونوں سری لنکن بولرز کے سامنے ڈتے رہے اور کسی بولر کو حاوے نہ ہونے دیا۔ صہیب مقصود اکہتر رنز رن آؤ ٹ ہوگئے، لیکن دوسری جانب محمد حفیظ سری لنکن بولرز کے سامنے ڈتے رہے اور شاندار سنچری بناتے ہوئے پاکستانی شاہینوں کی میچ میں گرفت مضبوط بنائی۔

بوم بوم نے بھی لنکن ٹائیگرز کی جم کر پٹائی کی اور صرف بارہ گیندوں پر برق رفتاری سے کھیلتے ہوئے چونتیس رنز بنائے۔ پاکستانی بیٹسمینوں کی شاندار پرفارمنس کے باعث قومی ٹیم نے نو مہینے بعد تین سو سے زائد کا اسکور بنایا ، پروفیسر ایک سو بائیس رنز کی عمدہ اننگز کھیلنے میں کامیاب رہے۔

پاکستان اور سری لنکا کے درمیان پانچ میچز کی سیریز کا پہلا ون ڈے کل شارجہ میں کھیلا جائے گا۔ دونوں ٹیموں کے کپتان سیریز کا آغاز کامیابی کے ساتھ کرنے کے لئے پرعزم ہیں۔ شارجہ کا میدان پاکستان کے لئے ہوم گراؤنڈ جیسا ہی ہے۔

اس گراؤنڈ پر قومی ٹیم کی کئی سنہری یادیں بھی وابستہ ہیں۔ سری لنکا کے خلاف بھی پاکستان کا شارجہ میں ریکارڈ کافی اچھا ہے۔ دونوں ٹیموں کے درمیان شارجہ میں مجموعی طور پر تینتیس میچز کھیلے گئے۔ بیس میں پاکستان اور بارہ میں سری لنکا نے میدان مارا۔

اس ریکارڈ کو مزید بہتر کرنے کے لئے پاکستانی ٹیم پانچ میچز کی سیریز میں سری لنکا کے مدمقابل آرہی ہے۔ پہلے میچ کی تیاری کے لئے دونوں ٹیمیں بھرپور پریکٹس کررہی ہیں۔ شارجہ میں دونوں ٹیموں کے کپتانوں کی پریس کانفرنس سے قبل ٹرافی کی تقریب رونمائی کے موقع پر کپتان مصباح الحق کا کہنا تھا کہ ون ڈے سیریز میں بیٹسمینوں کا کردار بہت اہم ہوگا۔ ٹاپ چھ بلے بازوں کو پچاس اوورز کھیلنا ہوں گے۔

ادھر سری لنکن کپتان اینجلو میتھیوز نے سیریز کا آغاز کامیابی کے ساتھ کرنے کا عزم ظاہر کیا ہے۔ حیران کن طور پر دونوں ٹیمیں ڈیڑھ سال کے بعد ایک روزہ کرکٹ میں مدمقابل آرہی ہیں۔ اس سے قبل کھیلی گئی سیریز سری لنکا کے نام رہی تھی۔