Tag: پاکستان بمقابلہ نیوزی لینڈ

کراچی: پاکستان اور نیوزی لینڈ کے مابین کھیلے جانے والے اب تک کے تمام ٹیسٹ میچز میں پاکستان ٹیم کا ریکارڈ حریف کے مقابل بہتر رہا ہے۔

تفصیلات کے مطابق پاکستان اور نیوزی لینڈ کے درمیان 58 ٹیسٹ میچز کھیلے جا چکے ہیں، جن میں پاکستان نے 25 جب کہ نیوزی لینڈ نے صرف 12 میچز جیتے، دونوں ٹیموں کے درمیان 21 ٹیسٹ میچز ڈرا ہوئے۔

دل چسپ بات یہ ہے کہ نیوزی لینڈ میں بھی دونوں ٹیموں کے درمیان کھیلے جانے والے ٹیسٹ میچز میں پاکستان نے سبقت حاصل کر رکھی ہے، نیوزی لینڈ کے اندر اب تک 31 ٹیسٹ میچز کھیلے جا چکے ہیں جن میں پاکستان نے 10 میں کامیابی حاصل کی جب کہ نیوزی لینڈ نے 7 میچز جیتے اور 14 میچز کا فیصلہ نہ ہو سکا۔

نیوزی لینڈ میں دونوں ٹیموں کے درمیان 13 سیریز ہو چکی ہیں، جن میں پاکستان نے 7 میں کامیابی حاصل کی اور نیوزی لینڈ صرف 2 سیریز ہی جیت سکا۔

قومی ٹیسٹ ٹیم کے کپتان محمد رضوان کا کہنا ہے

پاکستان کو نیوزی لینڈ میں پہلی بار کسی سیریز میں 1984-85 میں شکست ہوئی تھی، یہ دنیا کے مایہ ناز بولر وسیم اکرم کی ڈیبیو سیریز بھی تھی، تاہم پاکستان کو ہوم گراؤنڈ پر نیوزی لینڈ کے خلاف پہلا ٹیسٹ اور پہلی ٹیسٹ سیریز جیتنے کا اعزاز بھی حاصل ہے۔

نیوزی لینڈ میں پاکستان کی جیتی ہوئی آخری سیریز 2011 میں مصباح الحق کی قیادت میں کھیلی گئی تھی، تاہم 2 سال قبل یو اے ای میں کھیلی گئی اپنی ہوم سیریز میں پاکستان کو نیوزی لینڈ کے ہاتھوں دو ایک سے شکست کا سامنا کرنا پڑا تھا۔

واضح رہے کہ ‏پاکستان اور نیوزی لینڈ کی ٹیموں کے درمیان 2 ٹیسٹ میچز کی سیریز کا پہلا ٹیسٹ 26 دسمبر سے کھیلا جائے گا۔

کرائسٹ چرچ: نیوزی لینڈ کی وزارت صحت کے حکام نے کہا ہے کہ منگل کو قرنطینہ کا دورانیہ مکمل ہونے کے بعد ٹیم کو ٹریننگ کی اجازت ملے گی۔

تفصیلات کے مطابق نیوزی لینڈ میں پاکستان کرکٹ اسکواڈ کی کرونا وائرس ٹیسٹنگ مکمل ہو گئی، ٹیم کے 43 ارکان کے ٹیسٹ کرائسٹ چرچ میں جب کہ ایک رکن کا آکلینڈ میں ہوا۔

نیوزی لینڈ وزارت صحت کا کہنا ہے کہ کرونا میں مبتلا 10 ارکان کے دوبارہ ٹیسٹ نہیں ہوئے، منگل 8 دسمبر کو قرنطینہ کا دورانیہ مکمل ہو جائے گا، اس کے بعد ٹیم کو ٹریننگ کی اجازت دی جائے گی۔

واضح رہے کہ گزشتہ روز وسیم اکرم نے ایک بیان میں کہا تھا کہ پی سی بی کو چاہیے تھا کہ وہ کرکٹرز کو زیادہ وقت پاکستان میں آئسولیشن میں رکھتے، پاکستان میں ہی 14 روز کا آئسولیشن کرانا چاہیے تھا، ٹیم کو واپس بھیجنے کا نیوزی لینڈ بورڈ کا بیان پاکستان کے لیے کافی شرمندگی کا باعث بنا۔

نیوزی لینڈ میں کمروں میں بند کھلاڑیوں کے حوالے سے وسیم اکرم کا بیان

انھوں نے نیوزی لینڈ میں پاکستان ٹیم کی صورت حال پر تبصرہ کرتے ہوئے کہا کہ نیوزی لینڈ میں موجود قومی کھلاڑیوں کی ہمت ہے کہ وہ کمروں میں بند ہیں۔

یاد رہے کہ دو دن قبل نیوزی لینڈ کے وزیر صحت ڈاکٹر ایشلے بلوم فیلڈ نے کہا تھا کہ پاکستانی ٹیم میں کرونا کے کیسز ہیں جن کے پھیلنے کا خدشہ ہے، اس لیے ٹیم کو گروپس میں ہوٹل سے باہر جانے کی اجازت نہیں دے سکتے۔

کراچی: سابق کپتان وسیم اکرم کا کہنا ہے کہ نیوزی لینڈ میں اس وقت قومی ٹیم مشکل وقت سے گزر رہی ہے، کھلاڑیوں کی ہمت ہے کہ وہ کمروں میں بند ہیں۔

کراچی میں آج سابق کپتان وسیم اکرم نے میڈیا سے گفتگو کرتے ہوئے نیوزی لینڈ میں پاکستان ٹیم کی صورت حال پر تبصرہ کرتے ہوئے کہا کہ کہا جا رہا ہے کہ پاکستان ٹیم کو واپس بلا لیا جائے لیکن نیوزی لینڈ میں موجود قومی کھلاڑیوں کی ہمت ہے کہ وہ بند ہیں۔

انھوں نے کہا ایک ہفتے سے زائد ہوگیا کھلاڑی وہاں کمروں میں بند ہیں، قومی کھلاڑی اس وقت مشکل وقت سے گزر رہے ہیں، اس سے پاکستانی کرکٹرز کی کارکردگی پر سیریز کے دوران اثر پڑے گا۔

وسیم اکرم نے کہا کہ پی سی بی کو چاہیے تھا کہ وہ کرکٹرز کو زیادہ وقت پاکستان میں آئسولیشن میں رکھتے، پاکستان میں ہی 14 روز کا آئسولیشن کرانا چاہیے تھا، ٹیم کو واپس بھیجنے کا نیوزی لینڈ بورڈ کا بیان پاکستان کے لیے کافی شرمندگی کا باعث بنا۔

دورہ نیوزی لینڈ، پی سی بی کیا فیصلہ لینے جارہا ہے؟

واضح رہے کہ گزشتہ روز پاکستان کرکٹ بورڈ (پی سی بی) نے دورہ نیوزی لینڈ جاری رکھنے کے حوالے سے ٹیم انتظامیہ سے رائے طلب کی تھی، کپتان بابر اعظم اور ہیڈ کوچ مصباح الحق اس سلسلے میں کھلاڑیوں سے فیڈ بیک لے کر بورڈ کو بتائیں گے، جس کی روشنی میں چیئرمین پی سی بی مشاورت کریں گے۔

ذرایع کے مطابق ٹیم انتظامیہ اور کھلاڑیوں کے درمیان دورہ نیوزی لینڈ پر مشاورتی عمل جاری ہے، جلد اہم فیصلے ممکن ہیں۔