Tag: پاکستان تحریک انصاف

اسلام آباد: وفاقی وزیر فواد چوہدری کا کہنا ہے کہ جب بی آر ٹی منصوبہ مکمل سامنے آئےگا تو پراپیگنڈا کرنے والے چھپتے پھریں گے۔

تفصیلات کے مطابق وفاقی وزیر برائے سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا کہ پشاور میں بی آر ٹی منصوبے کا روٹ دیکھا، اتنا بڑا پراجیکٹ کہ پورا پشاور اس منصوبے سے فائدہ اٹھائےگا۔

وفاقی وزیر فواد چوہدری کا کہنا تھا کہ حیران ہوں لوگوں نے منصوبہ دیکھے بغیر کیسی کیسی کہانیاں گڑیں۔

انہوں نے اپنے پیغام میں مزید کہا کہ حکومت کو چاہیے اپنا وقت لے دباؤ میں نہ آئے، جب منصوبہ مکمل سامنے آئے گا تو پراپیگنڈا کرنے والے چھپتے پھریں گے۔

پشاور میں BRT منصوبے کا روٹ دیکھا، اتنا بڑا پراجیکٹ کہ پورا پشاور اس منصوبے سے فائدہ اٹھائے گا، حیران ہوں لوگوں نے منصوبہ دیکھے بغیر کیسی کیسی کہانیاں گڑیں، حکومت کو چاہئےاپنا وقت لیں دباؤ میں نہ آئیں جب منصوبہ مکمل سامنے آئے گا تو پراپیگنڈہ کرنیوالے چھپتے پھریں گے

— Ch Fawad Hussain (@fawadchaudhry) February 28, 2020

‘ بی آرٹی کا افتتاح اپریل میں کردیا جائےگا’

یاد رہے کہ رواں ماہ 4 فروری کو وزیراطلاعات خیبرپختونخواہ شوکت یوسفزئی کا کہنا تھا کہ بی آر ٹی منصوبہ آخری مراحل میں ہے، بی آرٹی کا افتتاح اپریل میں کر دیا جائے گا،عدالت میں احتیاط کےطور پر جون کی تاریخ دی گئی ہے۔

لاہور: اسپیکر پنجاب اسمبلی چوہدری پرویز الہیٰ کا کہنا ہے کہ ہم سے کیے گئے وعدے پورے ہونے چاہئیں، چاہتے ہیں حکومت چلے اور اپنی مدت پوری کرے۔

تفصیلات کے مطابق اسپیکر پنجاب اسمبلی پرویز الہیٰ نے نئی حکومتی کمیٹی پر بابا بلے شاہ کا شعر پڑھا، اگلی توں نہ پچھلی توں، میں صدقے جاواں وچلی توں۔

چوہدری پرویز الہیٰ نے کہا کہ پہلی کمیٹی سے مذاکرات ہوئے معاملات بہتری کی طرف گامزن ہوئے تھے، اب حکومت کی نئی کمیٹی سامنے آگئی ہے۔

اسپیکر پنجاب اسمبلی کا کہنا تھا کہ ہم سے کیے گئے وعدے پورے ہونے چاہئیں، چاہتے ہیں حکومت چلے اور اپنی مدت پوری کرے۔

مسلم لیگ ق کے مرکزی رہنما نے کہا کہ ہم جس کے ساتھ چلتے ہیں، نیک نیتی کے ساتھ چلتے ہیں، کوشش کرتے ہیں کہ صبر کے ساتھ چلیں، طے شدہ چیزوں کی یقین دہانی کراتے رہتے ہیں۔

چوہدری پرویز الہیٰ کا کہنا تھا کہ احساس ہے کہ اگر حکومت کونقصان پہنچا تو ہمیں بھی پہنچے گا، ہم بھی اسی حکومت کے ساتھی ہیں، نقصان سے بچنے کے لیے اصلاح کی کوشش کر رہے ہیں۔

اسپیکر پنجاب اسمبلی نے مزید کہا کہ موجودہ حکومت نے کشمیر کا ایشو اچھے طریقے سے عالمی سطح پر اجاگر کیا، ذوالفقار بھٹو کے بعد عمران خان نے اچھے طریقے سے کشمیر کا مقدمہ لڑا۔

کراچی: پاکستان تحریک انصاف کے رکن سندھ اسمبلی خرم شیرزمان کا کہنا ہے کہ پیپلزپارٹی ملک دشمن جماعت ہے، جو ملک کا پیسہ کھائے گا وہ ملک دشمن ہے۔

تحریک انصاف کے رہنما خرم شیر زمان نے پیپلزپارٹی سے متعلق کہا کہ ہر گزرتے سورج کے ساتھ اس جماعت کے تماشے دیکھنے کو ملتے ہیں۔

پی ٹی آئی رہنما کا کہنا تھا کہ پیپلزپارٹی ملک دشمن جماعت ہے، جو ملک کا پیسہ کھائے گا وہ ملک دشمن ہے، بینظیر کے نام پرغریبوں کو چونا لگایا گیا، پیپلزپارٹی نے پورے ملک میں ہزاروں غیر مستحق لوگوں کو کارڈز دیے۔

بینظیر انکم سپورٹ پروگرام سے متعلق خرم شیر زمان کا کہنا تھا کہ 18،17 گریڈ کے افسران نے اپنی بیگمات کو فائدہ پہنچایا، بینظیر کے نام پر لوٹ مار کرنے والوں کی نشاندہی کریں گے۔ انہوں نے پروگرام میں غیر مستحق افراد کی نشاندہی کرنے پر ثانیہ نشتر کا شکریہ ادا کیا۔

تحریک انصاف کے رہنما نے استدعا کی چیف جسٹس آف پاکستان نوٹس لیں، ملوث افسران کو نوکریوں سے نکالا جائے، غریب کا حق مارنے والوں سے پیسے واپس لیے جائیں۔

اعلیٰ سرکاری افسران کا بینظیر انکم سپورٹ پروگرام سے فائدہ اٹھانے کا تہلکہ خیز انکشاف

یاد رہے کہ گزشتہ روز بینظیر انکم سپورٹ پروگرام سے فائدہ اٹھانے والے غیرمستحق افراد سے متعلق تہلکہ خیز تفصیلات سامنے آئیں تھی، جس میں بتایا گیا فہرست سے نکالے جانے والوں میں اعلیٰ سرکاری افسران بھی شامل ہیں جبکہ صوبوں، وفاق کے افسران بھی بینظیرانکم سپورٹ پروگرام سےفائدہ اٹھاتے رہے ہیں۔

اسلام آباد: وفاقی وزیر مواصلات مراد سعید نے کہا کہ ن لیگ کی بچھائی معاشی بارودی سرنگیں صاف کر کے ترقی کی راہ ہموار کی، کرپشن اور لوٹ مار کا حساب دینے کےعلاوہ کوئی چارہ نہیں ہے۔

تفصیلات کے مطابق وفاقی وزیر مراد سعید نے احسن اقبال کی پریس کانفرنس پر رد عمل دیتے ہوئے کہا کہ احسن اقبال کے بھائی کو متعدد بڑے منصوبوں کی تعمیر کے ٹھیکے دیے گئے، راولپنڈی میٹرو، لاہور میٹرو، لبرٹی مارکیٹ پارکنگ کے ٹھیکے دیے گئے۔

انہوں نے کہا کہ سارے عمل کے دوران پیپرا رولز کو یکسر اٹھا کرردی کی ٹوکری میں ڈالا گیا، سیاسی ارسطو نے کرپشن اور اقربا پروری کی بہتی گنگا میں ہاتھ دھوئے، احسن اقبال کی حکومت نے جو تباہی مچائی قوم اس کا خمیازہ بھگت رہی ہے۔

وفاقی وزیر نے کہا کہ احسن اقبال کی حکومت نے قوم کو بجلی کے مہنگے منصوبے، گردشی قرضوں کا بوجھ دیا، ن لیگ کی بچھائی معاشی بارودی سرنگیں صاف کر کے ترقی کی راہ ہموار کی۔

مراد سعید نے کہا کہ تمام حربوں کے باوجود قوم سے کیے گئے وعدے نبھائیں گے، تمام حربوں کے باوجود قوم سے کیے گئے وعدے نبھائیں گے، چوروں سے چوری کا مال بھی نکلوائیں گے ،معیشت کو بھی ترقی سے ہمکنار کریں گے۔

انہوں نے مزید کہا کہ قوم پاؤں سے سر تک کرپشن میں لتھڑے کرداروں سے لیکچرز نہیں لیں گے، کرپشن اور لوٹ مار کا حساب دینے کےعلاوہ کوئی چارہ نہیں ہے۔

اسلام آباد: معاون خصوصی برائے اطلاعات فردوس عاشق اعوان نے کہا کہ پاکستان تحریک انصاف قانون کے ساتھ کھڑی ہے، انصاف کے لیے تحریک انصاف مسلسل جدوجہد کرتی رہی ہے۔

تفصیلات کے وفاقی دارالحکومت اسلام آباد میں ڈاکٹر فردوس عاشق اعوان نے پریس کانفرس کے دوران کہا کہ پرویزمشرف کے فیصلے پر لیگل کمیٹی نے کورکمیٹی کو بریفنگ دی۔

فردوس عاشق اعوان نے کہا کہ علی ظفر اور بابراعوان نے کور کمیٹی کو عدالتی فیصلے پر بریفنگ دی، علی ظفراور بابراعوان نے فیصلے میں قانونی سقم سے آگاہ کیا۔

معاون خصوصی برائے اطلاعات نے کہا کہ ملکی مفاد ہرحال میں مقدم ہے، اداروں کو تقویت دینا ہے، کابینہ اور ہر سطح پر فیصلے کے جائزے کے بعد حتمی مؤقف دیا جائے گا۔

فردوس عاشق اعوان کے مطابق وزیراعظم عمران خان نے کہا ادارے ریاست کے ستون ہیں، ہم نے اپنے اداروں کو مضبوط کرنا ہے، ریاست کا مفاد ہرحال میں مقدم ہے۔

انہوں نے کہا کہ پاکستان کسی انفرادی ملک سے نہیں مسلم امہ سے یکجہتی کا خواہاں ہے، پاکستان مسئلہ نہیں مسائل کا حل بننا چاہتا ہے، مسلم امہ کو یکجا کرنے میں پاکستان اپنا کردار ادا کرتا رہے گا، پاکستان مسلم امہ میں اتحاد کے فروغ کے لیے کوشاں رہے گا۔

اسلام آباد: پی ٹی آئی کے بانی رکن حامد خان کو شو کاز نوٹس بھیجے جانے کے معاملے پر پارٹی رکن عون چوہدری نے ٹویٹ کرتے ہوئے کہا ہے کہ جب پارٹی پر مشکل وقت آیا تو حامد خان کو لیڈر کے ساتھ کھڑا نہیں پایا۔

تفصیلات کے مطابق پی ٹی آئی رکن عون چوہدری نے حامد خان سے متعلق ایک ٹویٹ میں کہا کہ حامد خان پی ٹی آئی کا نہیں بلکہ وکلا رہنما کہلوانا پسند کرتے ہیں، حامد خان صاحب اس وقت کہاں تھے جب دھرنا، لاک ڈاؤن جاری تھا، مشکل وقت آیا تو وہ لیڈر کے ساتھ کھڑے نہیں ہوئے۔

عون چوہدری نے ٹویٹ میں لکھا کہ کوئی بھی رکن پارٹی ڈسپلن توڑنے کا مجاز نہیں ہو سکتا، پارٹی ڈسپلن کی خلاف ورزی پر شو کاز نوٹس کا جواب دینا پڑے گا، پاکستان تحریک انصاف چیئرمین عمران خان کا نظریہ ہے، جو بھی چیئرمین کے نظریے کے خلاف ہے، وہ پارٹی کا وفادار نہیں۔

یہ بھی پڑھیں:  تحریک انصاف کا اپنے اہم رہنما کیخلاف بڑا ایکشن

یاد رہے کہ یکم دسمبر کو تحریک انصاف نے معروف قانون دان ایڈوکیٹ حامد خان کی بنیادی رکنیت معطل کر دی تھی۔ حامد خان پر جھوٹے بیانات کے ذریعے پارٹی کو بد نام کرنے کا الزام عائد کیا گیا تھا، انھیں پارٹی مخالف بیانات پر شوکاز نوٹس بھی جاری کیا گیا ہے، جس میں کہا گیا ہے کہ حامد خان نے الیکٹرانک اور پرنٹ میڈیا میں من گھڑت بیانات دیے، جواب نہ دینے کی صورت میں انھیں پارٹی سے بے دخل کیا جائے گا۔

اسلام آباد: وزیراعظم عمران خان پاکستان تحریک انصاف کی پارلیمانی پارٹی کا اجلاس آج طلب کرلیا، جس میں ملک کی سیاسی، معاشی اور سیکیورٹی صورت حال پر تبادلہ خیال کیا جائے گا۔

تفصیلات کے مطابق وزیراعظم عمران خان کی زیر صدارت پی ٹی آئی کی پارلیمانی پارٹی کا اجلاس آج شام 6 بجے پارلیمنٹ ہاؤس میں ہوگا۔ اجلاس میں ملک کی موجودہ سیاسی، معاشی اور سیکیورٹی صورت حال پر تبادلہ خیال کیا جائے گا۔

پاکستان تحریک انصاف کے تمام اراکین اسمبلی کو اجلاس میں حاضری یقینی بنانے کی ہدایت کی گئی ہے۔

ذرائع کے مطابق وفاقی کابینہ کی منظوری کے بعد سمری ایوان صدر ارسال کر دی گئی، صدر مملکت آرمی چیف کی ملازمت میں توسیع کی سمری کی منظوری دیں گے۔

وزیراعظم عمران خان کی سربراہی میں گزشتہ روز ہنگامی اجلاس ہوا جس میں حکومتی وزراء، ماہرین قانون اور آرمی چیف جنرل قمر جاوید باجوہ بھی شریک ہوئے۔ اجلاس میں سپریم کورٹ میں ہونے والی سماعت پر مشاورت کی گئی اور سپریم کورٹ کے اٹھائے گئے سوالات پر غور کیا گیا تھا۔

سپریم کورٹ نے آرمی چیف کی مدت ملازمت میں توسیع کا نوٹیفکیشن معطل کردیا

یاد رہے کہ دو روز قبل سپریم کورٹ آف پاکستان نے آرمی چیف جنرل قمر جاوید باجوہ کی مدت ملازمت میں توسیع کا نوٹیفکیشن معطل کر دیا تھا۔

اسلام آباد: پاکستان تحریک انصاف کے رہنما فرخ حبیب کا کہنا ہے کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں۔

تفصیلات کے مطابق اسلام آباد میں پارلیمانی سیکریٹری فرخ حبیب نے میڈیا کو بریفنگ کے دوران بتایا کہ ن لیگ، پی پی فنڈنگ سے متعلق پٹیشن دائر کی، کل پارٹی فنڈنگ اسکرونٹی کمیٹی سماعت کرے گی۔

فرخ حبیب نے کہا کہ سیاسی پارٹیزکے گوشواروں کی جانچ الیکشن کمیشن کا اختیار ہے، خدشہ ہے ن لیگ نے پارٹی اکاؤنٹ منی لانڈرنگ کے لیے استعمال کیا۔ انہوں نے کہا کہ ن لیگ یوکے لمیٹڈ کمپنی کے طور پر رجسٹرڈ ہے، ن لیگ یوکے لمیٹڈ کمپنی برطانوی قانون کے مطابق کاروبارکرسکتی ہے۔

انہوں نے کہا کہ ن لیگ یوکے لمیٹڈ کمپنی برطانوی قانون کے مطابق تجارت کرسکتی ہے، ن لیگ یوکے لمیٹڈ کمپنی کے سربراہ زبیر گل ہیں، ن لیگ یوکے سے کتنا پیسہ پاکستان آیا ن لیگ نے جواب نہیں دیا۔

پارلیمانی سیکریٹری نے کہا کہ پارٹی فنڈنگ کیس پر ن لیگ راہ فرار اختیار کر رہی ہے، ہوسکتا ہے تاخیر کی وجہ کسی اور قطری خط کی صورت میں سامنے آئے، نوازشریف نے ن لیگ کو 10کروڑ دیے، اگلے دن 4 کروڑ اپنے اکاؤنٹ منتقل کیے۔

فرخ حبیب نے کہا کہ پی پی اور ن لیگ کے وکلاعدالت میں پیش تک نہیں ہوتے، پی پی کی یوکے میں کمپنی کا سربراہ امریکی شہری مارک سیگل ہے، مارک سیگل بینظیر شہید کیس میں بھی خط لے کر آئے تھے، آصف زرداری پیپلزپارٹی کی اس کمپنی کے پرنسپل ہیڈ ہیں۔

انہوں نے کہا کہ جو گڑھا پی ٹی آئی کے لیے کھودا گیا یہ لوگ خود اس میں گرنے جا رہے ہیں، پی ٹی آئی نے 40 ہزار ڈونرز کا ڈیٹا فراہم کردیا ہے، پی ٹی آئی سے جو جواب مانگا جائے گا وہ الیکشن کمیشن کو دیں گے۔

پارلیمانی سیکریٹری نے کہا کہ ن لیگ، پی پی عوام کو مزید گمراہ نہیں کرسکتی، 2013 سے 2018 تک حکومت ن لیگ کی تھی، ن لیگ یہ کیسے کہہ سکتی ہے کہ 5 سال سے جواب نہیں دیا، ن لیگ کی حکومت انہوں نے پی ٹی آئی پر کیس کیوں نہیں کیا۔

فرخ حبیب نے کہا کہ الیکشن کمیشن کی اسکروٹنی کمیٹی پر بڑی ذمہ داری ہے، تمام سیاسی جماعتوں کے کیس کی روزانہ سماعت ہونی چاہیے، جن ٹی او آرز پر پی ٹی آئی کیس سنا جا رہا ہے ن لیگ اور پی پی کا کیس بھی سنا جائے۔

تحریک انصاف کے رہنما نے کہا کہ پی پی، ن لیگ کی جگہ جگہ ٹی ٹیز، منی لانڈرنگ کے ثبوت موجود ہیں، پی پی اور ن لیگ کو رسیدیں، منی ٹریل دینا ہوگی۔ انہوں نے کہا کہ عمران خان نے ہر دور میں اپنے اثاثے ڈکلیئر کیے، عمران خان نے کرکٹ سمیت ہر آمدن کی تفصیلات دیں۔