Tag: پاکستان تحریک انصاف

لندن: وزیر خارجہ شاہ محمود قریشی 2 روزہ کام یاب دورۂ برطانیہ مکمل کر کے وطن واپس روانہ ہو گئے، ہیتھرو ائیر پورٹ پر نفیس زکریا اور سفارت خانے کے حکام نے الوداع کیا۔

تفصیلات کے مطابق وزیر خاجہ شاہ محمود وطن واپس روانہ ہو چکے ہیں، وہ دو روزہ دورے پر برطانیہ گئے تھے جو نہایت کا یاب رہا۔

شاہ محمود نے برطانوی ہم منصب کی دعوت پر دولت مشترکہ اجلاس سے خطاب کیا، وزیر خارجہ نے آزادیٔ اظہار رائے پر منعقدہ سیمینار میں بھی شرکت کی۔

دورے کے دوران وزیر خارجہ نے پاکستانی ہائی کمیشن کی تصویری نمایش میں شرکت کی اور لندن میں کامن ویلتھ کے مرکزی دفتر کا دورہ کیا، جہاں انھوں نے سیکریٹری جنرل دولت مشترکہ سے ملاقات کی۔

یہ بھی پڑھیں:  وزیر خارجہ کی شہزادہ چارلس، سیکریٹری جنرل دولت مشترکہ اور وزیر خارجہ کینیڈا سے ملاقات

وزیر خارجہ نے اجلاس میں شریک وزرائے خارجہ سے ملاقاتیں کیں، آج وطن روانگی سے قبل انھوں نے برطانوی شہزادہ چارلس سے بھی ملاقات کی۔

شاہ محمود قریشی نے پاکستانی کمیونٹی سے ملاقات کی اور منعقدہ تقریب سے خطاب کیا، وہ میڈیا سے گفتگو میں پاکستان کا مؤقف کھل کر اور بہترین انداز میں پیش کرتے رہے۔

خیال رہے کہ برطانوی شہزادہ چارلس نے ملاقات میں کہا تھا کہ ان کی دورۂ پاکستان کی ابھی تک یادیں تازہ ہیں، وہ دوبارہ دورۂ پاکستان کے خواہاں ہیں۔ اس موقع پر شہزادہ چارلس نے وزیر اعظم عمران خان کے لیے نیک خواہشات کا بھی اظہار کیا۔

اسلام آباد: تحریک انصاف کے مرکزی رہنما عمر سرفراز چیمہ نے صادق آباد ٹرین حادثے پر حزب اختلاف کی تنقید پر جواب دیتے ہوئے کہا ہے کہ قوم سوگوار ہے جب کہ حزب اختلاف کو سیاست چمکانے سے فرصت نہیں۔

تفصیلات کے مطابق پی ٹی آئی رہنما عمر چیمہ نے کہا کہ صادق آباد اور حسن ابدال میں افسوس ناک ٹرین حادثات پیش آئے، قوم سوگواران اور متاثرہ خاندانوں کا دکھ بانٹ رہی ہے۔

عمر چیمہ کا کہنا تھا کہ حزب اختلاف کو سیاست چمکانے سے فرصت نہیں ہے، متاثرین سے ہم دردی کی بہ جائے اپوزیشن سیاسی بیان داغنے میں مصروف ہے۔

رہنما پی ٹی آئی نے مزید کہا کہ ریلوے نظام کو برباد کرنے میں پاکستان مسلم لیگ ن اور پاکستان پیپلز پارٹی ان دو جماعتوں کا بڑا حصہ ہے۔

یہ بھی پڑھیں:  آئے روز ٹرین حادثات، محکمہ ریلوے نے ڈرائیورز کو ذمہ دار قرار دے دیا

واضح رہے کہ آج صبح ولہار پھاٹک کے قریب مسافر ٹرین اکبر ایکسپریس اور مال گاڑی میں تصادم کے نتیجے میں 10 افراد جاں بحق جب کہ 32 زخمی ہوئے۔

اکبر ایکسپریس حادثے کے بعد ٹرین آپریشن معطل ہے، بزنس ایکسپریس، کراچی ایکسپریس کو مختلف اسٹیشنز پر روک لیا گیا تھا، گرین لائن، رحمان بابا ٹرین کا سفر بھی تعطل کا شکار ہو گیا تھا۔

ٹرین حادثے پر وزیر اعظم پاکستان نے ٹویٹر پر اظہار افسوس کرتے ہوئے کہا کہ کئی عشروں سے ریلوے کے انفراسٹرکچر کو نظر انداز کیا گیا ہے۔ انھوں نے متعلقہ حکام کو انفرا اسٹرکچر بہتر کرنے اور سیفٹی اسٹینڈرڈز یقینی بنانے کی ہدایت کی ہے۔

اسلام آباد: سابق وزیر داخلہ احسن اقبال کے بھائی پر شہباز شریف کی نوازشات کی تفصیلات تیار کر لی گئیں، یہ تفصیلات وزیر اعظم کے خصوصی کمیشن کو بھجوائی جائیں گی۔

تفصیلات کے مطابق سابق وزیر اعلیٰ پنجاب شہباز شریف نے احسن اقبال کے بھائی پر کیا کیا نوازشات کیں، اس کی تفصیلات تیار کر لی گئیں، ذرایع کا کہنا ہے کہ دستاویزات وفاقی وزیر مراد سعید کی جانب سے کمیشن کو بھجوائی جائیں گی۔

دستاویزات کے مطابق شہباز شریف نے مصطفیٰ کو پہلے چیئرمین ٹاسک فورس برائے ہارٹی کلچر بنایا، سابق وزیر اعلیٰ نے اختیارات کاغلط استعمال کر کے میٹرو بس کا ٹھیکا بھی دلوایا۔

دستاویزات میں کہا گیا ہے کہ لبرٹی مارکیٹ پارکنگ سمیت متعدد بڑے منصوبوں کے ٹھیکے بھی دیے گئے، اس عمل میں پیپرا رولز کو یکسر اٹھا کر ردی کی ٹوکری میں ڈال دیا گیا، پنجاب یونی ورسٹی کا کنٹریکٹ بھی شہباز شریف کے کہنے پر دیا گیا۔

مزید تازہ خبریں پڑھیں:  پیراگون اسکینڈل: خواجہ برادران کے خلاف سماعت 16 جولائی تک ملتوی کردی

ریکارڈ کے مطابق احسن اقبال کے بھائی مصطفی کو خلاف ضابطہ پانچ کنٹریکٹ دیے گئے، تمام ٹھیکے دینے میں پیپرا رولز کی واضح خلاف ورزی کی گئی۔

وفاقی وزیر مراد سعید کا کہنا ہے کہ سیاسی ارسطو نے کرپشن اور اقربا پروری کی بہتی گنگا میں ہاتھ دھوئے، پاکستان میں نظام سیاست اور حکومت تیزی سے بدل رہے ہیں۔

مراد سعید نے کہا کہ جمہوریت کی آڑ میں قوم کو لوٹنے کی رسم مزید نہیں چلے گی، جس نے بھی قومی وسائل پر ہاتھ صاف کیے اسے جواب دینا ہوگا۔

اسلام آباد: وزیر اعظم کے مشیر برائے تجارت عبد الرزاق داؤد نے کہا ہے کہ آیندہ سیزن میں کھاد کی طلب و رسد میں کوئی فرق نہیں، حکومت ایک لاکھ ٹن کھاد درآمد کرے گی۔

تفصیلات کے مطابق مشیر تجارت نے کہا ہے کہ دسمبر تک ملک میں کھاد کی طلب و رسد کا تجزیہ کیا گیا ہے، آیندہ سیزن تک اس میں کوئی فرق نہیں ہے۔

رزاق داؤد کا کہنا تھا کہ حکومت ایک لاکھ ٹن کھاد درآمد کرے گی، حکومتی اقدامات سے درآمدات میں 6 ارب ڈالر کمی ہوئی، درآمدات میں کمی سے تجارتی خسارہ 5.9 ارب ڈالر کم رہا، جب کہ اس وقت ملک کا تجارتی خسارہ 31 ارب ڈالر ہے۔

مشیر تجارت نے کہا کہ کھاد کی قیمت بڑھانے کا فیصلہ جمعرات کو کریں گے، ملک میں کھاد کی قلت کا کوئی خدشہ نہیں، ہم نے قطر کو چاول کی برآمدات شروع کر دی ہے، ایران نے 5 لاکھ ٹن چاول کا آرڈر کیا جو آیندہ ماہ سے شروع ہوگا۔

مشیر تجارت نے کہا کہ برآمدات گزشتہ سال کے برابر ہیں، گزشتہ سال برآمدات 23 ارب ڈالر تھیں، اس سال بھی اتنی ہیں۔

یہ بھی پڑھیں:  چین کے ساتھ آزادانہ تجارتی معاہدے کے معاملات

انھوں نے بتایا کہ تیار ملبوسات کی برآمدات میں 33 فی صد اضافہ ہوا، باسمتی چاول کی برآمدات میں 30 فی صد اضافہ ہوا، جب کہ سیمنٹ 46، فارماسوٹیکل 26 اور فٹ ویئر ایکسپورٹ 27 فی صد بڑھی ہیں۔

خیال رہے کہ چین ایک ارب ڈالر مالیت کی پاکستانی مصنوعات درآمد کرنے کا عزم ظاہر کر چکا ہے، چینی اور چاول کے برآمدی اہداف مکمل کیے جا چکے ہیں، سوتی دھاگا بھی برآمد کیا جا رہا ہے۔

چین کے ساتھ آزادانہ تجارتی معاہدے پر معاملات جاری ہیں، جس کے بعد چین اپنے صنعتی یونٹ پاکستان منتقل کرے گا، چینی کمپنی پاکستان میں ٹیکسٹائل کی مصنوعات تیار کرے گی، ایک چینی کمپنی کی طرف سے ٹرک کے ٹائر کا پلانٹ لگانے کی بھی امید ہے۔

اسلام آباد: وزیر اعظم عمران خان نے کہا ہے کہ نیا پاکستان ہاؤسنگ اسکیم میں سمندر پار پاکستانیوں کی شرکت یقینی بنانے کے اقدامات کر رہے ہیں۔

تفصیلات کے مطابق وزیر اعظم عمران خان کی زیر صدارت نیا پاکستان ہاؤسنگ پروگرام پر جائزہ اجلاس منعقد ہوا جس میں ہاؤسنگ اسکیم پر عمل درآمد سے متعلق قانونی اور انتظامی معاملات کا جائزہ لیا گیا۔

وزیر اعظم عمران خان نے کہا کہ منصوبے میں سمندر پار پاکستانیوں کی شرکت یقینی بنانے کے اقدامات کر رہے ہیں، اوورسیز پاکستانی بھی ملکی ترقی میں بھرپور طریقے سے حصہ لے سکیں گے۔

وزیر اعظم کا کہنا تھا کہ حکومت کا نیا پاکستان ہاؤسنگ منصوبہ سب سے اہم پروگرام ہے، اس منصوبے سے گھروں کی کمی کو پورا کرنے میں مدد ملے گی، منصوبے سے معاشی عمل تیز، ہنر مندوں اور نوجوانوں کو روزگار بھی ملے گا۔

یہ بھی پڑھیں:  اسٹیٹ بینک پالیسی کے تحت کم لاگت گھروں کی تعمیر کے لیے قرضے دے گا: گورنر اسٹیٹ بینک

انھوں نے اجلاس میں کہا کہ ہاؤسنگ پروگرام کے تحت کم آمدن افراد اور غریب خاندانوں کا ذاتی رہایش کا خواب پورا ہوگا۔

اجلاس میں ہاؤسنگ منصوبے میں غیر ملکی سرمایہ کاروں کی دل چسپی پر بھی تفصیلی بریفنگ دی گئی۔

خیال رہے کہ اوورسیز پاکستانیوں کے لیے خصوصی اسکیم ’پاکستان بناؤ سرٹیفکیٹس‘ کا بھی اجرا کیا جا چکا ہے، ان سرٹیفکیٹس کے ذریعے بیرون ملک مقیم پاکستانی ملکی معیشت میں بہتری کے لیے سرمایہ کاری کر سکیں گے۔

اسلام آباد: وزیر اعظم عمران خان کے مشیر برائے تجارت رزاق داؤد نے کہا ہے کہ پاکستان اسٹیل مل میں غیر ملکی کمپنیاں دل چسپی لے رہی ہیں۔

تفصیلات کے مطابق مشیر تجارت رزاق داؤد کا کہنا ہے کہ روسی، چینی، فلپائن اور کوریا کی کمپنیاں اسٹیل مل میں دل چسپی لے رہی ہیں۔

رزاق داؤد نے کہا کہ اسٹیل مل کی مشینری پرانی ہے جسے چلانے کے لیے پیسا خرچ کرنا ہوگا، اسٹیل مل کو لیز پر دینے کی تجویز بھی ہے۔

مشیر تجارت کا کہنا تھا کہ نج کاری کمیشن ٹرانزیکشن ایڈوائزر کا تقرر کرنے والا ہے، چینی کمپنی نے اسٹیل مل کی صورت حال کا جائزہ مکمل کر لیا ہے، ٹرانزیکشن ایڈوائزر کے تقرر کے بعد صورت حال واضح ہوگی۔

یہ بھی پڑھیں:  اسٹیل مل سندھ کا اثاثہ ہے، اسے سندھ حکومت کو سونپا جائے: آصف علی زرداری

خیال رہے کہ آج قائمہ کمیٹی برائے صنعت و پیداوار کے اجلاس میں پی پی کے شریک چیئرمین آصف علی زرداری نے کہا کہ اسٹیل مل سندھ کا اثاثہ ہے، اسے حکومت سندھ کے حوالے کیا جائے۔

آصف زرداری نے کہا کہ اسٹیل مل کی زمین کی ویلیو بڑھ چکی ہے، یہ پرائیویٹ پارٹنر شپ پر چل سکتی ہے، چینی کمپنیوں کے پاس سرمایہ ہے، وہ یہ کام کر سکتی ہیں، لیکن صوبائی حکومت اس کی مالک ہے، وہ ہی اس کے بارے میں کوئی فیصلہ کرے۔

سابق صدر نے کہا کہ اسٹیل مل چل رہی ہوتی، تو کئی گنا منافع میں چلی جاتی، مقامی کمپنیوں کے پاس اتنی سرمایہ کاری کی صلاحیت نہیں کہ اسے دوبارہ چلا سکے۔