Tag: پاکستان تحریک انصاف

اسلام آباد : پاکستان تحریک انصاف نے آئینی ترمیم کے دوران رابطےمیں نہ رہنے والے سینیٹرز کو شوکاز نوٹس جاری کرتے ہوئے وضاحت مانگ لی۔

تفصیلات کے مطابق آئینی ترمیم کے دوران رابطےمیں نہ رہنے والے پی ٹی آئی سینیٹرز کو شوکاز نوٹس جاری کردیا۔

پی ٹی آئی نے منحرف ارکان سے رابطہ ختم کرنے پر وضاحت مانگ لی گئی اور ارکان کو 7 روز میں جواب جمع کرانے کی ہدایت کی۔

اسلام آباد:نوٹسز فردوس شمیم نقوی کی جانب سے جاری کیے گئے، دونوں سینیٹرز آئینی ترمیم کے دوران رابطے میں نہیں تھے۔

گزشتہ روز پی ٹی آئی نے ارکان قومی اسمبلی کو نوٹسز جاری کئے تھے۔

اس سے قبل پاکستان تحریک انصاف (پی ٹی آئی) نے 26ویں آئینی ترمیم کے معاملے پر اپنے منحرف اراکین پارلیمنٹ زین قریشی، اسلم گھمن، مقداد علی خان اور ریاض فتیانہ کو شوکاز نوٹسز جاری کیے تھے۔

جن میں کہا گیا تھا کہ حکومت نے ترامیم متعارف کروا کر عدلیہ کی آزادی پر حملے کرنے کا منصوبہ بنایا، اپنے سینیٹرز اور ایم این ایز کو ہدایات جاری کیں کہ بل کی حمایت نہ کی جائے۔

نوٹسز میں کہا گیا تھا کہ پی ٹی آئی سینیٹرز اور ایم این ایز کو ہدایت کی گئی ترامیم کو ووٹ نہ دیں اور وہ محفوظ اور مخصوص جگہ پر رہیں، ارکان پارٹی کی ہدایات پر عمل کرنے کے پابند تھے۔

وزیراطلاعات پنجاب عظمیٰ بخاری نے کہا ہے کہ تحریک فساد نے ریاست پاکستان کے خلاف اعلان جنگ کیا ہے۔

پنجاب کی وزیر اطلاعات کا کہنا تھا کہ پاکستان تحریک انصاف ایس سی او اجلاس کے موقع پر پھر سے اسلام آباد پر یلغار کرنے کو تیار ہے، یہ جماعت اپنے ایجنڈے کی تکمیل کے لیے کسی بھی حد تک جاسکی ہے۔

عظمی بخاری نے کہا کہ اسلام آباد ہائیکورٹ نے کہا ہے کہ ایس سی او تک کوئی احتجاج نہیں ہو گا، لیکن انھوں نے کانفرنس کی تاریخوں میں احتجاج کی کال دے دی ہے۔

کل پی ٹی آئی نے خارجہ پالیسی اور خوشحالی کیخلاف اعلان جنگ کیا ہے، ان کی جماعت کا ایک ٹریک ریکارڈ ہے کہ ان کا کپتان ملک و قوم کی خوشحالی اور دوسرے ممالک کے ساتھ اچھے تعلقات کیخلاف ڈٹ کر کھڑا ہے۔

دریں اثنا آئینی ترامیم سے متعلق خصوصی کمیٹی کے اجلاس میں ارکان نے پی ٹی آئی کے پندرہ اکتوبر کے احتجاج کے اعلان پر اظہار تشویش کیا۔

خورشید شاہ کی زیر صدارت خصوصی کمیٹی کا اجلاس ہوا، کمیٹی ارکان نے کہا کہ کیسے ہو سکتا ہے ایک طرف اکٹھے بیٹھ کرترامیم کیلئے اتفاق رائے پیدا کریں اور دوسری طرف ایس سی او کانفرنس کے موقع پر انتشاری سیاست کی جائے۔

اجلاس میں اپوزیشن لیڈر عمرایوب نے کہا کہ احتجاج کرنا ہمارا آئینی حق ہے، حکومت نے فسطائیت کی انتہا کردی، حکومت نے ہمارے کارکنوں کا جینا دوبھر کر رکھا ہے۔

پاکستان تحریک انصاف اور جے یو آئی (ف) کے سربراہ مولانا فضل الرحمان کےدرمیان آئینی ترمیم کا معاملے پر ایک بار پھر رابطہ ہوا ہے۔

ذرائع کا کہنا ہے کہ دونوں جماعتوں کی قیادت کے درمیان ملاقات طے پاگئی ہے، پی ٹی آئی کا وفد ملاقات کیلئے مولانا فضل الرحمان کے گھر پہنچےگا، اس ملاقات میں پی ٹی آئی کی قانونی ٹیم بھی ساتھ ہوگی،

موجودہ سیاسی صورتحال میں پی ٹی آئی اور مولانا کی پھر سے کے حوالے سے ذرائع کا کہنا تھا کہ تحریک انصاف کا وفد آئینی ترمیم کے مسودے پر بات کرےگا۔

اس سے قبل26 ویں آئینی ترمیم پر جے یو آئی کو منانے کے حکومتی دعوے جھوٹےنکلے تھے، راشد سومرو کا کہنا تھا کہ حکومتی اے پی سی میں کوئی سیاسی بات ہوئی ہی نہیں۔

پروگرام آف دی ریکارڈ میں گفتگو کرتے ہوئے جمیعت علمائے اسلام سندھ کے رہنما راشد سومرو کا کہنا تھا کہ آل پارٹیز کانفرنس میں مولانا فضل الرحمان نے وزیراعظم شہباز شریف یا نوازشریف سے اس حوالے سے کوئی بات نہیں کی۔

راشد سومرو کا کہنا تھا کہ جے یو آئی آئینی اصلاحات کی حامی ہے، عوامی مفاد سے ٹکراؤ نہ ہو تو آئینی اصلاحات پر کوئی اعتراضات نہیں۔

واضح رہے کہ میڈیا پر شائع ہونے والی خبروں کے مطابق 26ویں آئینی ترمیم سے متعلق حمایت حاصل کرنے کے لیے حکومتی اتحاد کا وفد گزشتہ روز مولانا فضل الرحمان سے ملاقات کے لئے ان کے گھر پہنچا تھا۔

اسلام آباد : پاکستان تحریک انصاف (پی ٹی آئی) نے اراکین پارلیمنٹ کو کسی بھی سیاسی احتجاج میں شامل ہونے سے روک دیا۔

تفصیلات کے مطابق چیئرمین پی ٹی آئی بیرسٹر گوہر  نے اراکین پارلیمنٹ کوہدایات جاری کر دیں ، جس میں پی ٹی آئی اراکین پارلیمنٹ کو کسی بھی سیاسی احتجاج میں شامل ہونے سے روک دیا گیا ہے۔

اس حوالے سے پاکستان تحریک انصاف کی جانب سےباقاعدہ نوٹیفکیشن جاری کر دیا ہے ، جس میں چیئرمین پی ٹی آئی نے کہا ہے لپ حالیہ دنوں میں کسی بھی مظاہرےاورجلسےمیں تاحکم ثانی شامل نہ ہوں۔

خیال رہے پی ٹی آئی کو خدشہ ہے کہ حکومت آئینی ترمیم کے لیے اپنے نمبر پورے کرنے کی خاطر ان کے اراکین کو خریدنے کی کوشش کی جائے گی۔

چیئرمین پاکستان تحریک انصاف بیرسٹر گوہر خان نے اے آر وائی نیوز کے پروگرام ’آف دی ریکارڈ‘ گفتگو کرتے ہوئے کہا تھا کہ آئینی ترامیم کیلیے ہمارے بندے ان کے ہاتھ نہیں آئیں گے۔

ان کا کہنا تھا کہ اس ملک میں جتنی آئینی ترامیم ہوئیں کسی حکومت کے پاس دوتہائی اکثریت نہیں تھی، 1984 کے بعد کسی جماعت کے پاس دوتہائی اکثریت نہیں آئی۔

بیرسٹر گوہر خان نے کہا تھا کہ آئینی ترامیم کیلیے حکومت کی ٹائمنگ درست نہیں، یہ ججز کے تبادلے کیلیے جو آئینی ترامیم لانا چاہتے ہیں عدلیہ پر حملہ ہوگا، آئینی ترامیم کے ذریعے یہ عدلیہ کو آئسولیٹ کرنا چاہتے ہیں، آئینی ترامیم کیلیے اس حکومت کے پاس مینڈیٹ نہیں ہے۔

لاہور : پاکستان تحریک انصاف (پی ٹی آئی) کا لاہور میں جلسہ رکوانے کیلئے درخواست دائر کردی گئی۔

تفصیلات کے مطابق لاہورہائیکورٹ میں پاکستان تحریک انصاف کا لاہور میں جلسہ رکوانے کیلئے درخواست دائرکردی گئی، ہائیکورٹ میں درخواست مرزا واحد رفیق کی جانب سے دائرکی گئی۔

درخواست میں مؤقف اپنایا گیا ہے کہ پاکستان تحریک انصاف لاہور میں جلسے کے لیے لاہور ہائی کورٹ میں متعدد درخواستیں دائر کر چکی ہے، ڈپٹی کمشنر لاہور دہشت گردی کے پیشِ نظر جلسے کی اجازت نہیں دے رہے۔

درخواست میں حکومت پنجاب سمیت دیگر کو فریق بنایا گیا اور کہا گیا ہے کہ پاکستان تحریک انصاف اتھارٹیز کی منظوری کے بغیر جلسہ کرنا چاہتی ہے، جلسے میں عدلیہ مخالف تقاریر ہوسکتی ہیں، پاکستان تحریک انصاف آئین میں دی گئی رعایت کا غلط استعمال کررہی ہے۔

درخواست میں استدعا کی گئی کہ عدالت پاکستان تحریک انصاف کو اتھارٹیز کی منظوری کے بغیر جلسےسےروکنےکا حکم دے۔

خیال رہے پاکستان تحریک انصاف 21 ستمبر کو مینار پاکستان جلسہ کرنے جارہی ہے اور اجازت کے لئے ضلعی انتظامیہ کو درخواست بھی دے دی ہے۔

پاکستان تحریک انصاف کے گرفتار ایم این ایز کو رہا کردیا گیا، پی ٹی آئی رہنماؤں کو جوڈیشل حراست میں پارلیمنٹ لاجزمیں رکھا گیا تھا۔

اے آر وائی نیوز کے مطابق جوڈیشل حراست میں پارلیمنٹ لاجزمیں موجود رہنے والے پی ٹی آئی ایم این ایز کو رہا کردیا گیا ہے، جوڈیشل مجسٹریٹ کی جانب سے گرفتار ایم این ایز کی رہائی کے احکامات جاری کیے گئے تھے۔

رہا ہونے والوں تحریک انصاف کے ایم این ایززمیں شیر افضل مروت، شاہ احد، نسیم شاہ، شیخ وقاص اور اویس احمد چھٹہ شامل ہیں۔

خیال رہے کہ اسپیکرقومی اسمبلی ایاز صادق نے پارلیمنٹ سے پی ٹی آئی ایم این ایزکی گرفتاری پر سارجنٹ ایٹ آرمز اشفاق اشرف اور چار دیگر سیکیورٹی اہلکاروں کو معطل کردیا تھا۔

اسپیکر نے سارجنٹ ایٹ آرمزاشفاق اشرف کو 4 ماہ کےلیے معطل کیا تھا، معطل اہلکاروں میں اسسٹنٹ وقاص احمد اور 3 جونیئراسسٹنٹ، عبید اللہ، وحید صفدر اور محمد ہارون شامل تھے۔

ایاز صادق نے آئی جی اسلام آباد ناصر رضوی کو گرفتار ایم این ایزکو رہا کرنے کا حکم دیتے ہوئے پارلیمنٹ میں پیش آنے والے واقعے کی رپورٹ بھی طلب کی تھی۔