Tag: پاکستان تحریک انصاف

اسلام آباد: وزیر اعظم عمران خان نے پیپلز پارٹی کے سینئر رہنما قمر زمان کائرہ سے ٹیلی فونک رابطہ کر کے بیٹے کے انتقال پر تعزیت کی۔

تفصیلات کے مطابق وزیر اعظم عمران خان نے پی پی رہنما قمر زمان کو فون کر کے ان کے فرزند کے انتقال پر دکھ اور گہرے رنج کا اظہار کیا۔

خیال رہے کہ اس سے قبل وزیر اعظم عمران خان نے قمر زمان کائرہ کے بیٹے کی وفات پر تعزیتی بیان بھی جاری کیا تھا، جس میں انھوں نے گہرے دکھ کا اظہار کیا اور غم زدہ والدین اور خاندان کے لیے صبر جمیل کی دعا کی۔

یہ بھی پڑھیں:  پیپلزپارٹی کے رہنما قمر زمان کائرہ کے بیٹے ٹریفک حادثے میں جاں بحق

یاد رہے کہ 17 مئی کو لالہ موسیٰ میں ٹراما سینٹر جی ٹی روڈ کے قریب پیپلز پارٹی کے رہنما قمر زمان کائرہ کے بیٹے کی گاڑی درخت سے ٹکرا گئی تھی، جس کے نتیجے میں ان کا بیٹا اسامہ اپنے دوست سمیت جاں بحق ہو گیا تھا۔

اسامہ قمر طاہر گورنمنٹ کالج لاہور کا طالب علم تھا، قمر زمان کائرہ کو بیٹے کے انتقال کی اطلاع اسلام آباد میں دی گئی، قمر زمان کائرہ اسلام آباد میں پریس کانفرنس میں شریک تھے۔

قمر زمان کائرہ کے جواں سال بیٹے کی موت کی خبر سن کر پورے ملک میں لوگوں نے گہرے رنج و غم کا اظہار کیا۔

اسلام آباد: وزیر اعظم کے معاون خصوصی برائے اطلاعات افتخار درانی نے کہا ہے کہ جن کی لندن تو کیا پاکستان میں بھی کوئی جائیداد نہیں تھی، پتا نہیں کہاں کہاں سے ان کی جائیدادیں برآمد ہو گئیں۔

تفصیلات کے مطابق معاون خصوصی افتخار درانی نے ٹویٹ کرتے ہوئے کہا کہ جن کی کہیں بھی جائیداد نہیں تھی پھر ان کی جگہ جگہ سے جائیدادیں نکل آئیں۔

افتخار دارنی نے ٹویٹر پر اپنے پیغام میں ن لیگی رہنما پر تنقید کرتے ہوئے کہا کہ جن کے قطری خطوط اور کیلبری فونٹ کے چرچے عام تھے وہ دوسروں کو جھوٹ بولنے کا طعنہ دیتے ہیں۔

معاون خصوصی نے طنز کرتے ہوئے کہا کہ جب ڈھٹائی کا یہ عالم ہو، تب ہی انسان اپنے والد کو ’محفوظ مقام‘ پر منتقل کر کے نائب صدر بنتا ہے۔

یہ بھی پڑھیں:  پی ٹی آئی نے مریم نواز کو ن لیگ کا نائب صدر بنانے کا فیصلہ چیلنج کردیا

یاد رہے کہ 3 مئی کو مسلم لیگ ن کے صدر شہباز شریف نے پارٹی عہدے داروں کے ناموں کا اعلان کرتے ہوئے مریم نواز کو پارٹی کی نائب صدر مقرر کر دیا تھا۔

دوسری طرف پاکستان تحریک انصاف نے الیکشن کمیشن میں مریم نواز کو پارٹی عہدہ دینے کے فیصلے کے خلاف با ضابطہ درخواست دائر کر کے فیصلہ چلینج کیا، درخواست میں کہا گیا مریم نواز سزا یافتہ ہیں، احتساب عدالت نے مریم نواز کو عوامی عہدے کیلئے نااہل قرار دیا۔

لاہور: ترجمان وزیر اعلیٰ پنجاب شہباز گل نے حمزہ شہباز کے بیان پر رد عمل دیتے ہوئے کہا ہے کہ پی پی اور ن لیگ کا گٹھ جوڑ کرپشن بچانے کی نا کام کوشش ہے، اپنی کرپشن بچانے کے لیے ماہ مقدس کا تقدس پامال نہ کریں۔

تفصیلات کے مطابق شہباز گل نے حمزہ شہباز کے بیان پر تنقید کرتے ہوئے کہا ہے کہ بلاول آج حمزہ اور مریم سے پوچھیں گے کہ زرداری کو سڑکوں پر کب گھسیٹنا ہے؟

انھوں نے کہا کہ بلاول والد کے پیسوں سے افطار ڈنر دے رہے ہیں، کرپشن بچانے کے لیے ماہ مقدس کا تقدس پامال نہ کریں۔

ڈاکٹر شہباز گل کا کہنا تھا کہ ملکی معیشت کو نقصان ان کی کرپشن اور ٹی ٹی ٹرانزیکشنز سے ہوا، 10 سال میں 50 ارب ڈالر قرضہ لے کر بیرون ملک جائیدادیں بنائی گئیں، آج سوئس بینک اور ایون فیلڈ جائیدادیں بچانے پر حکمت عملی طے ہوگی۔

ترجمان نے کہا کہ عوام نے دیکھ لیا ہے کہ زرداری اور شریف خاندان ایک ہی سکے کے دو رخ ہیں، چوروں کو بے نقاب کرنا اور ان کا گٹھ جوڑ عمران خان کی کام یابی ہے، کرپشن گُرو عوام کو گمراہ کرنے کی بجائے نیب کو اپنے کرتوتوں کا جواب دیں۔

یہ بھی پڑھیں:  اپوزیشن جماعتیں اکھٹی ہو رہی ہیں، ملکی معاملات پر بات چیت ہوگی: حمزہ شہباز

خیال رہے کہ پنجاب اسمبلی میں قائد حزب اختلاف حمزہ شہباز نے بلاول بھٹو کے افطار ڈنر میں شرکت کے لیے اسلام آباد روانگی سے قبل میڈیا سے گفتگو کرتے ہوئے کہا کہ اپوزیشن جماعتیں آج اکٹھی ہو رہی ہیں، ملکی معاملات پر بات چیت ہوگی۔

انھوں نے کہا ملک کو بدترین معاشی بحران کا سامنا ہے، عمران خان کو کارکردگی بہتر کرنا ہوگی یا گھر جانا ہو گا، موجودہ حکمران نا اہل ہیں، عوام ان کے جھوٹ پر توجہ نہ دیں۔

اسلام آباد: وزیر اعظم کے معاون خصوصی عثمان ڈار نے سیاسی مخالفین کو معاشی دہشت گرد قرار دیتے ہوئے کہا ہے کہ ان کا محاسبہ کیا جا رہا ہے اس لیے یہ اکھٹے ہو گئے ہیں۔

تفصیلات کے مطابق عثمان ڈار نے کہا ہے کہ پاکستانی ان رہنماؤں کی باتوں کو بھولے نہیں ہیں، ماضی میں یہ ایک دوسرے کے دست و گریبان تھے، آج بلاول اور مریم بہن بھائی کی شکل میں سامنے آ رہے ہیں۔

انھوں نے کہا کہ آصف زرداری کا کرپشن کے خلاف تحریک چلانا قیامت کی نشانی ہے، ن لیگ نے 5 سال پورا ملک سبسڈی کے ساتھ چلایا، کوئی عوامی سیکٹر کا ادارہ نہیں جس سے عوام کو فائدہ ہو رہا ہو۔

یہ بھی پڑھیں:  آصف زرداری کا عید کے بعد سڑکوں پرحکومت مخالف تحریک چلانےکااعلان

عثمان ڈار نے کہا کہ ان لوگوں نے کرپشن کے لیے باریاں لگا رکھی تھیں، افطار ڈنر کے پیسے فالودے والے کے اکاؤنٹ سے تو نہیں دیے؟ ان لوگوں کی کرپشن کا بوجھ مہنگائی کی شکل میں اٹھانا پڑ رہا ہے۔

معاون خصوصی کا کہنا تھا کہ یہ لوگ معاشی دہشت گرد ہیں، بوکھلاہٹ کا شکار ہیں، ان کو خوف ہے عمران خان سال ڈیڑھ سال میں معیشت کو مستحکم کر دیں گے، معاشی دہشت گردوں کا محاسبہ کیا جا رہا ہے اس لیے یہ سب اکٹھے ہیں۔

انھوں نے کہا کہ شہباز شریف صحت کا بہانہ بنا کر لندن میں بیٹھ گئے ہیں، ان کو پہلے سے ہی نظر آ رہا ہے کہ تحریک ناکامی سے دوچار ہوگی، دیکھتے ہیں آج یہ لوگ کیا اعلان کرتے ہیں، ن لیگ تاش کے پتوں کی طرح تتر بتر ہو چکی ہے۔

انھوں نے کہا کہ مولانا کو حلقے کے لوگ مسترد کر چکے، وہ سیاست کے 12 ویں کھلاڑی ہیں، فضل الرحمان اپنی سیاسی دکان چمکانے کے لیے سب کچھ کر رہے ہیں۔

اسلام آباد: وزیر اعظم عمران خان نے کہا ہے کہ پاکستان تمام شعبوں میں سرمایہ کاری کے لیے جاپانی سرمایہ کاروں کو خوش آمدید کہتا ہے۔

تفصیلات کے مطابق آج اسلام آباد میں وزیر اعظم عمران خان سے جاپانی سفیر کنینوری متسودا نے ملاقات کی، جس میں پاکستان، جاپان دو طرفہ تعاون بڑھانے اور علاقائی صورت حال پر تبادلۂ خیال کیا گیا۔

وزیر اعظم عمران خان نے ملکی ترقی میں جاپان کے کردارکی تعریف کی اور کہا کہ جاپان پاکستان کی ترقی میں بہ طور شراکت دار ساتھ رہا۔

ملاقات سے متعلق جاری سرکاری اعلامیے میں کہا گیا ہے کہ ملاقات میں جاپان کے ساتھ سرمایہ کاری بڑھانے اور انسانی وسائل کے فروغ پر گفتگو کی گئی، آئی ٹی، سیاحت اور زراعت کے شعبے میں بھی تعاون کے فروغ پر تبادلۂ خیال کیا گیا۔

یہ بھی پڑھیں:  جاپان پاکستان کو سات ارب چالیس کروڑ روپے دےگا

وزیر اعظم عمران خان نے اس موقع پر کہا کہ حکومت معاشی چیلنجز سے نمٹنے کے لیے پوری طرح تیار ہے، اقتصادی چیلنجز سے نمٹنے کے لیے سرمایہ کار دوست ماحول کو فروغ دیں گے۔

انھوں نے کہا کہ عوامی فلاح و بہبود ملکی ترقی کا بنیادی مرکز ہوگا، تمام شعبوں میں جاپانی سرمایہ کاروں کو خوش آمدید کہتے ہیں۔

دریں اثنا دونوں رہنماؤں نے پاک جاپان موجودہ تعلقات پر اطمینان کا اظہار کیا، جاپانی سفیر نے دو طرفہ تعلقات کی مضبوطی میں بھرپور تعاون کی یقین دہانی کرائی۔

لاہور: پاکستان تحریک انصاف کے رہنما عبد العلیم خان نے کہا ہے کہ ایک روپے کی بھی اگر کرپشن کی ہو تو سیاست چھوڑ دوں گا۔

تفصیلات کے مطابق پی ٹی آئی رہنما علیم خان نے لاہور ہائی کورٹ سے آمدن سے زائد اثاثے اور آف شور کمپنی کیس میں ضمانت پر رہائی ملنے کے بعد میڈیا سے گفتگو کی۔

انھوں نے کہا کہ نیب پہلے تفتیش کرے، کیس پہلے بنائے، پھر اگر کوئی مجرم لگے تو ضرور پکڑے، ایسا نہیں ہونا چاہیے کہ پہلے پکڑ کر جیل میں ڈال دیں اور پھر سوچیں کہ کیس کون سا ڈالنا ہے۔

علیم خان کا کہنا تھا کہ مجھ سے کسی نے نا انصافی کی تو انصاف مجھے اللہ ہی دیں گے، قانون میں سقم ہے، تفتیش تک جیل میں ڈالنا بہت بڑا ظلم ہے۔

یہ بھی پڑھیں:  عبدالعلیم خان کی ضمانت منظور، رہائی کا حکم

پی ٹی آئی رہنما نے کہا کہ حکومت سے اپیل کروں گا کہ نیب کے قوانین کو دیکھا جائے، گھر والوں اور خود اس پر کیا گزرتی ہے یہ جیل میں موجود شخص ہی جانتا ہے۔

علیم خان نے کہا کہ ان کے خلاف جنوری 2019 میں تفتیش شروع ہوئی، اور 17 ماہ میں بھی شواہد اکٹھے نہیں ہوئے، کیوں، کسی کے بھی خلاف ایسی تحقیقات ہوئیں تو وہ غلط ہوئیں۔

انھوں نے سوال اٹھایا کہ اگر کوئی کیس خلاف نہیں تھا تو مجھے سو دن تک جیل میں کیوں رکھا؟

واضح رہے کہ آج لاہور ہائی کورٹ نے آمدن سے زائد اثاثے اور آف شور کمپنی کیس میں پاکستان تحریک انصاف کے رہنما عبد العلیم خان کی ضمانت منظور کرتے ہوئے رہائی کا حکم دیا۔

اسلام آباد: لیگی رہنماؤں کی پریس کانفرنس کا پی ٹی آئی نے جواب دے دیا، عمر سرفراز چیمہ نے کہا کہ شاہد خاقان عباسی نے کرپشن کی وارداتوں میں سہولت کار کا کردار ادا کیا۔

تفصیلات کے مطابق مرکزی سیکریٹری اطلاعات پی ٹی آئی عمر سرفراز چیمہ نے کہا ہے کہ کرپٹ کردار کے محاسبے پر نام نہاد جمہوری واویلا کرتے ہیں۔

عمر چیمہ کا کہنا تھا کہ شاہد خاقان کو کرپشن کی تعریف آتی تو عدالتی مفرور کو فرار نہ کراتے، وہ قوم کو جمہوریت اور پارلیمان کی بالا دستی پر بھاشن نہ دیں۔

انھوں نے کہا کہ شاہد خاقان عباسی پہلے اسحاق ڈار کے فرار ہونے کی وضاحت کریں، جس نے بھی قومی خزانے پر ہاتھ صاف کیا اس کا محاسبہ ہو کر رہے گا۔

یہ بھی پڑھیں:  امیر مقام کے بیٹے کی گرفتاری سیاسی انتقام ہے: شاہد خاقان عباسی

عمر چیمہ نے مزید کہا کہ سیاسی انتقام کا ماتم کرنے یا دھکمیاں دینے سے معافی نہیں ملے گی، پارلیمان کو 2 خاندانوں کو بچانے کے لیے استعمال کی اجازت نہیں دی جا سکتی۔

مرکزی سیکریٹری اطلاعات کا کہنا تھا کہ جمہوریت اور چور بازاری میں تفریق واضح کرنے کا وقت آ گیا ہے، جتنا مرضی شور مچالیں، مال حرام واپس دینا ہی پڑے گا۔

کراچی: وفاقی وزیر برائے سائنس اور ٹیکنالوجی فواد چوہدری نے کہا ہے کہ 1962 میں پاکستان اس وقت سوویت یونین کے بعد دوسرا ملک تھا جس نے خلا میں راکٹ بھیجا، اسلامی دنیا میں اسپیس سائنس میں پاکستان سب سے آگے ہے۔

تفصیلات کے مطابق گزشتہ روز ڈاکٹر پنجوانی سینٹر جامعہ کراچی میں پریس بریفنگ میں فواد چوہدری نے کہا کہ اسلامی دنیا میں پاکستان اسپیس سائنس میں سب سے آگے ہے اور یہ برتری قائم رہے گی۔

انھوں نے کہا حکومت کے لیے معیشت اور گورننس دو بڑے چیلنج ہیں، سائنس اور ٹیکنالوجی پر مبنی معیشت کے قیام کے لیے کوششیں کی جا رہی ہیں، اور ملک میں بڑے سائنسی و تحقیقی اداروں کو مضبوط کرنے کی پالیسی پر عمل درآمد کیا جا رہا ہے۔

فواد چوہدری نے کہا کہ ہندو مت میں صرف برہمن ہی مذہب پر بات کر سکتا ہے اسلام میں ایسا نہیں ہے، ہر شخص اپنا خیال پیش کر سکتا ہے۔

یہ بھی پڑھیں:  فواد چوہدری کا چاند دیکھنے کے لئے ایپ تیار کرنے کا اعلان

دریں اثنا وفاقی وزیر برائے سائنس اور ٹیکنالوجی نے انکشاف کیا کہ ان کی وزارت کے تحت ماہرین ایک ایسی موبائل اپلیکیشن تیار کر رہے ہیں جس سے عوام براہ راست چاند کا مشاہدہ کر سکیں گے۔

انھوں نے کہا کہ وزارت سائنس اور ٹیکنالوجی کے تحت 15 رمضان تک قمری کلینڈر تیار کر لیا جائے گا جس کا اطلاق عید کے چاند پر بھی ہوگا۔