Tag: پاکستان زلزلہ

  • پاکستان  5.7  شدت کے زلزلے سے لرز اٹھا

    پاکستان 5.7 شدت کے زلزلے سے لرز اٹھا

    اسلام آباد : پاکستان کے مختلف شہر 5.7 شدت کے زلزلے سے لرز اٹھے ، جس سے شہریوں میں خوف و ہراس پھیل گیا۔

    تفصیلات کے مطابق پاکستان کے دارلحکومت اسلام آبادسمیت خیبرپختونخوا اور پنجاب کےمختلف شہروں میں زلزلے کے جھٹکے محسوس کئے گئے۔

    جس کے باعث لوگ خوفزدہ ہو کر گھروں سے باہر نکل آئے اور کلمہ طیبہ کا ورد کرنے لگے۔

    پیما مرکز نے بتایا کہ ریکٹراسکیل پرزلزلے کی شدت 5.7 ریکارڈ کی گئی اور زلزلےکامرکزڈی جی خان کےقریب تھا، گہرائی10 کلومیٹر تھی۔

    لاہور، ملتان، شیخوپورہ، ٹوبہ ٹیک سنگھ، جلالپور بھٹیاں، میانوالی ، چنیوٹ، کالا باغ، شاہ کوٹ، کمالیہ ، سکھیکھی، ننکانہ صاحب، شاہ کوٹ ، بھکر، سرگودھا، تاندلیانوالہ، جھنگ، جڑانوالہ، فاروق آباد، ساہیوال اور اوکاڑہ میں زلزلے کے جھٹکے محسوس کئے گئے۔

    اس کے علاوہ فیصل آباد،ملکوال،شورکوٹ ،عارف والا،پیرمحل،پنڈی بھٹیاں ، مخدوم پور، کبیروالا، لیہ، ٹبہ سلطان پور، محسن وال، دریا خان، میاں چنوں، خانیوال، جہانیاں، میلسی سمیت متعدد شہروں میں زلزلے کے جھٹکے محسوس ہوئے۔

    خیبرپختونخوا میں پشاور،ڈی آئی خان،لکی مروت، وزیرستان،سوات، مینگورہ میں زلزلے کے جھٹکے محسوس کئے گئے۔

    پی ڈی ایم اے کو پنجاب کے اضلاع سے زلزلے سے متعلق ابتدائی رپورٹ موصول ہوگئی ، جس میں بتایا کہ لاہور سمیت پنجاب کےدیگر علاقوں میں زلزلے کے جھٹکے آئے، ریکٹر اسکیل پر زلزلے کی شدت 5.7ریکارڈکی گئی اور زلزلے کا مرکزڈی جی خان شادی والا جبکہ گہرائی 10 کلومیٹر تھی۔

    پی ڈی ایم اے کا کہنا تھا کہ پنجاب بھرکی انتظامیہ عمارتوں کی چیکنگ میں مصروف ہے اور زلزلے کے آفٹر شاکس سے نمٹنے کیلئے مشینری اور عملے کو الرٹ کردیا ہے، زلزلہ سےنقصانات کی اطلاع ہیلپ لائن1129پردی جا سکتی ہے۔

    یاد رہے گذشتہ ماہ کے آخر میں بھی اسلام آباد، راولپنڈی پشاور اور لاہور سمیت ملک کے مختلف شہروں میں زلزلے کے جھٹکے محسوس کئے گئے تھے۔

  • خوفناک زلزلہ: اینڈرائیڈ فون صارفین کا محافظ بن گیا

    خوفناک زلزلہ: اینڈرائیڈ فون صارفین کا محافظ بن گیا

    پاکستان ، بھارت ، چین ، قازقستان ، افغانستان سمیت کئی ممالک میں گذشتہ روز 7.7 شدت کے زلزلے نے عوام میں سخت خوف وہراس پھیلایا۔

    زلزلے کے نتیجے میں اب تک متعدد افراد جاں بحق جبکہ سینکڑوزں زخمی اسپتالوں میں زیر علاج ہیں تاہم زلزلے سے چند لمحے ایںڈرائید فون پر زلزلے سے متعلق آگاہی پیغام شیئر کیا گیا تھا۔

    کئی سوشل میڈیا صارفین نے اس الارمنگ پیغام کا فائدہ اٹھاتے ہوئے خود کو محفوظ مقام پر منتقل کیا اور صارفین اب ٹوئٹر پر ایک دوسرے کے ساتھ گذشتہ روز کے واقعات اور اینڈرائیڈ سسٹم کے ارتھ کوئیک الرٹ سسٹم پر محو گفتگو ہیں۔

    اسلام آباد کی معروف یونیورسٹی کے طالبہ نے اینڈرائیڈ سسٹم کے ارتھ کوئیک الرٹ سے متعلق ایک پیغام ٹوئٹ کرتے ہوئے بتایا کہ مجھے اس ایپ کے ذریعے زلزلے کی اطلاع چند سیکنڈ پہلے ملی جس کے بعد زلزلے کے جھٹکے آئے۔

    انہوں نے مزید لکھا کہ دلچسپ بات یہ ہے کہ مجھے اینڈرائیڈ ایپ کی اس خصوصیت کا اندازہ نہیں تھا،اس ایپ کے ذریعے زلزلے کی شدت اور گہرائی کتنی تھی یہ بھی معلوم ہو جاتا ہے۔

    واضح رہے کہ اینڈرائیڈ ارتھ کائیک الرٹس سسٹم ایک مفت سروس ہے جو دنیا بھر میں آنے والے زلزلوں کا پتہ لگاتی ہے اور زلزلہ شروع ہونے سے قبل اینڈرائیڈ صارفین کو آگاہ کر سکتی ہے۔

    یاد رہے کہ آج سے گیارہ سال قبل اسمارٹ فون پر زلزلے کے بارے میں انتباہ جاری کرنے کا سلسلہ شروع ہوا تھا جس میں اب مزید جدت آچکی ہے۔

  • ملک کے مختلف شہروں میں زلزلے کے جھٹکے

    ملک کے مختلف شہروں میں زلزلے کے جھٹکے

    اسلام آباد: پنجاب، خیبر پختون خوا اور آزاد کشمیر کے مختلف علاقوں میں زلزلہ آ گیا۔

    اے آر وائی نیوز کے مطابق پنجاب، خیبر پختون خوا اور میر پور آزاد کشمیر کے مختلف علاقوں میں زلزلے کے شدید جھٹکے محسوس کیے گئے۔

    زلزلے کے جھٹکے پنجاب میں وفاقی دارالحکومت اسلام آباد، لاہور، راولپنڈی، مری، فیصل آباد، ملتان، سرگودھا، گوجرانوالہ، ٹوبہ ٹیک سنگھ، جھنگ، ننکانہ صاحب، رینالہ خورد، عارف والا، پھول نگر میں محسوس کیے گئے۔

    پنڈدادن خان، قائد آباد، تاندلیانوالہ، سمندری، جڑانوالہ، شور کوٹ، دریا خان، محسن وال، لیہ، فورٹ عباس، ظفروال، شیخوپورہ، پاکپتن، خانیوال، ساہیوال، پتوکی، میاں چنوں، منچن آباد، ہارون آباد، شرقپور شریف، سکھیکھی، چیچہ وطنی، گجرات، اوکاڑہ، بہاولنگر، میلسی، کہروڑ پکا، پیر محل، فیروزوالا، قصور، جہانیاں، خانپور، دنیاپور میں بھی زلزلہ آیا۔

    پشاور، ایبٹ آباد، شانگلہ، بنوں، نوشہرہ، سوات، مانسہرہ، بٹگرام، ملاکنڈ اور لوئر دیر میں زلزلے کے جھٹکے محسوس کیے گئے، جب کہ شمالی وزیرستان، ضلع مہمند، ضلع کرم، بونیر اور اٹک میں بھی زلزلے کے جھٹکے محسوس ہوئے۔

    میرپور آزاد کشمیر، مظفر آباد، وادئ نیلم، وادئ جہلم، گلگت، اسکردو، ہنزہ، دیامر میں بھی زلزلے کے جھٹکے محسوس کیے گئے۔ اسلام آباد سمیت مختلف شہروں میں لوگ خوف زدہ ہو کرگھروں سے باہر نکل آئے اور کلمہ طیبہ کا ورد کرنے لگے۔

    زلزلہ پیما مرکز کا کہنا ہے کہ زلزلہ پاک افغان سرحد پر آیا، جس کی شدت 6.4 ریکارڈ کی گئی ہے۔ زلزلے کا مرکز تاجکستان میں تھا، جس کی گہرائی 80 کلو میٹر تھی۔

    ترجمان این ڈی ایم اے نے کہا ہے کہ وہ ملک بھر میں تمام صوبوں سے رابطے میں ہیں، زلزلے سے ابھی تک کسی جانی نقصان کی اطلاع نہیں ملی، ادارہ زلزلے کے بعد صورت حال کا جائزہ لے رہی ہے، صورت حال سے عوام کو بھی آگاہ رکھا جا رہا ہے، ہنگامی مراکز کو بھی ہائی الرٹ کر دیا گیا۔

    فیصل آباد شہر اورگرد و نواح میں زلزلے کے جھٹکوں سے عوام خوف زدہ ہو کر کلمہ پڑھتے ہوئے گھروں اور دفاتر سے باہر نکل آئے، زلزلے کے جھٹکے 10 سے 12 سیکنڈ تک محسوس کیے گئے تھے۔ ادھر لوئر دیر میں زلزلے کے باعث تیمرگرہ میں 2 خواتین بے ہوش ہو گئیں جنھیں اسپتال منتقل کیا گیا۔