دبئی : پاکستان سپرلیگ میں لاہور قلندرزکے فاسٹ بولر کیون کوپر کا بولنگ ایکشن مشوک قرار دے دیا گیا۔
تفصیلات کے مطابق پاکستان سپر لیگ کے گزشتہ روز کھیلے جانے والے میچ میں لاہور قلندرزکے فاسٹ بولر کیون کوپر پی ایس ایل میں مشکوک ایکشن قرار دیئے جانے والے پہلے بولر بن گئے۔
دبئی میں ہونے والے کوئٹہ گلیڈی ایٹرز کے خلاف میچ میں کیون کوپر کا بولنگ ایکشن مشکوک قرار دیا گیا ہے۔ پی ایس ایل انتظامیہ نے مشکوک باﺅلنگ ایکشن پر کوپر کو وارننگ دے کر چھوڑ دیا ہے۔
کوپر اب امپائرز کے ریڈار پر ہوں گے۔ اسلام آباد یونائیٹڈ کے خلاف کیون کوپر کھیل تو سکتے ہیں لیکن ایکشن دوبارہ رپورٹ ہوا تو ان پر پابندی لگ جائے گی۔
کیون کوپر نے کوئٹہ کے خلاف چار اوورز میں سینتیس رنز دے کر ایک وکٹ حاصل کی تھی۔
