ARYNews.tv | Urdu – Har Lamha Bakhabar

Tag: پاکستان سپر لیگ

  • ’پی ایس ایل 10 کی کامیابی محفوظ پاکستان کی فتح اور بزدل دشمن کی ایک اور محاذ پر شکست ہے‘

    ’پی ایس ایل 10 کی کامیابی محفوظ پاکستان کی فتح اور بزدل دشمن کی ایک اور محاذ پر شکست ہے‘

    پاکستان سپر لیگ(پی ایس ایل) سیزن 10 کے شاندار اختتام پر پاکستان کرکٹ بورڈ (پی سی بی) کے چیئرمین محسن نقوی نے تشکر کا اظہار کیا ہے۔

    پاکستان سپر لیگ (پی ایس ایل) 10 کے فائنل میں لاہور قلندرز نے کوئٹہ گلیڈی ایٹرز کو شکست دے کر تیسری بار ٹائٹل جیت کر کروڑوں روپے کی انعامی رقم حاصل کر لی۔

    پی ایس ایل 10کے شاندار اختتام پر چیئرمین پی سی بی محسن نقوی نے کہا کہ پی سی بی و پی ایس ایل کی پوری ٹیم کا دن رات محنت پر شکریہ ادا کرتا ہوں۔

     

    View this post on Instagram

     

    A post shared by Pakistan Super League (@thepsl)

    انہوں نے کہا کہ یہ پاک  فوج، رینجرز، پولیس اور انتظامیہ کی انتھک محنت کا نتیجہ ہے، آرمی، ائیر فورس اور نیوی کی جرات اور بہادری کو یادگار خراج تحسین پیش کیا گیا، فیلڈ مارشل عاصم منیر، ایئر چیف ظہیر احمد بابر اور نیول چیف نوید اشرف کا خصوصی شکریہ اداکرتا ہوں۔

    محسن نقوی کا کہنا تھا کہ پی ایس ایل 10 کا  کامیابی سے انعقاد پر امن پاکستان کی جیت ہے، شائقین کرکٹ کے نظم و ضبط اور جوش و خروش کا کوئی جوڑ نہ تھا نہ ہے۔

    چیئرمین پی سی بی نے مزید کہا کہ راولپنڈی اسٹیڈیم کے قریب دشمن کے حملے کے بعد پی ایس ایل کا دوبارہ آغاز چیلنج تھا، پی ایس ایل 10کی کامیابی محفوظ پاکستان کی فتح اور بزدل دشمن کی ایک اور محاذ پر شکست ہے۔

  • محمد عامر کا پی ایس ایل کے فائنل سے قبل بڑا بیان

    محمد عامر کا پی ایس ایل کے فائنل سے قبل بڑا بیان

    پاکستان سپر لیگ پی ایس ایل 10 کی فرنچائز کوئٹہ گلیڈی ایٹرز کے فاسٹ بولر محمد عامر کا فائنل میچ سے قبل اہم بیان سامنے آیا ہے، جس میں اُن کا کہنا ہے کہ فائنل میں غلطی کی گنجائش نہیں ہوتی، اسی وجہ سے دباؤ ہوتا ہے۔

    کوئٹہ گلیڈی ایٹرز کے فاسٹ بولر محمد عامر کا لاہور میں میڈیا سے گفتگو کرتے ہوئے کہنا تھا کہ ہر ٹیم کا فائنل میں پہنچنا خواب ہوتا ہے، اس مرتبہ ہم فائنل کھیل رہے ہیں، ہمیں امید ہے ہم فائنل جیتیں گے۔

    عامر کا کہنا تھا کہ فائنل نارمل میچ نہیں ہوتا یہ ایک مختلف مقابلہ ہوتا ہے، فائنل میں غلطی کی گنجائش نہیں ہوتی، جس کے باعث ہر کوئی دباؤ میں ہوتا ہے۔

    اُن کا کہنا تھا کہ خرم شہزاد اچھی بولنگ کررہے ہیں، ڈومیسٹک سے سیکھ کر آئے ہیں۔ ہر کھلاڑی کو اپنے متعلق اندازہ لگانا چاہیے کہ کہاں غلطیاں ہو رہی ہیں، لاہور ہمارا ہوم گراؤنڈ ہے، یہ ہمارے لیے خوش قسمت رہا ہے۔

    اس سے قبل لاہور قلندرز کے کپتان شاہین شاہ آفریدی نے پی ایس ایل 10 کے فائنل سے قبل بڑا دعویٰ کرتے ہوئے کہا ہے کہ ہمیں مکمل یقین ہے کہ ہم فائنل جیتیں گے۔

    شاہین شاہ آفریدی نے پی ایس ایل کے فائنل میں رسائی حاصل کرنے پر پوری ٹیم کی کارکردگی کو سراہتے ہوئے کہا کہ تمام کھلاڑیوں نے اہم موقع پر زبردست کھیل کا مظاہرہ کیا۔

    واضح رہے کہ لاہور قلندرز نے قذافی اسٹیڈیم لاہور میں کھیلے گئے اہم میچ میں دفاعی چیمپئن اسلام آباد یونائیٹڈ کو 95 رنز سے شکست دیکر فائنل میں جگہ بنالی ہے۔

    لاہور کے قذافی اسٹیڈیم میں کھیلے گئے میچ میں لاہور قلندرز کی جانب سے دیے گئے 203 رنز کے تعاقب میں اسلام آباد یونائیٹڈ کی ٹیم 15.1 اوورز میں 107 رنز پر ڈھیر ہوگئی۔لاہور قلندرز اور کوئٹہ گلیڈی ایٹرز کے درمیان فائنل 25 مئی بروز اتوار کو کھیلا جائے گا۔

  • میرا دل کہہ رہا ہے اس بار کراچی کنگز ٹورنامنٹ جیتے گی، فہد مصطفیٰ

    میرا دل کہہ رہا ہے اس بار کراچی کنگز ٹورنامنٹ جیتے گی، فہد مصطفیٰ

    پاکستان شوبز انڈسٹری کے معروف اداکار و میزبان فہد مصطفیٰ نے کہا ہے کہ میرا دل کہہ رہا ہے کہ اس بار کراچی کنگز ٹورنامنٹ جیتے گی۔

    اے آر وائی نیوز کے پروگرام ہرلمحہ پُرجوش میں گفتگو کرتے ہوئے پاکستان کے مقبول ترین شو جیتو پاکستان کے میزبان فہد مصطفیٰ نے کہا کہ پی ایس ایل 10 میں ملتان سلطانز کےلیے اب صرف واٹر کولر ہی ہے۔

    فہد مصطفیٰ نے کہا کہ علی ترین سے بات ہوئی تھی، انھوں نے بتایا کہ بات کا مقصد کچھ اور تھا، علی ترین نے کہا تھا کہ وہ پی سی بی سے متعلق بات کرنا چاہ رہے تھے۔

    معروف شو جیتو پاکستان کے میزبان نے ہر لمحہ پُرجوش میں گفتگو کرتے ہوئے مزید کہا کہ میں نے اپنے شوز میں کبھی واٹرکولر نہیں دیے ہیں۔

    پی ایس ایل 10: کراچی کنگز نے پشاور زلمی کو شکست دے دی

    فہد مصطفیٰ نے کہا کہ قومی ٹیم میں مسئلہ یہ ہے کہ کھلاڑی سننے کو تیار نہیں ہیں، عامر لیاقت ہوتے تھے تو شوز کرنے کا مزہ آتا تھا۔

    اس موقع پر کامران اکمل کا کہنا تھا کہ بیک اپ کھلاڑی تیار نہ ہونے کی وجہ سے آج قومی ٹیم کی یہ صورتحال ہے، ملتان سلطان پیپر کے حساب سے ٹھیک ہے لیکن ان کا مورال گرا ہوا ہے۔

    https://urdu.arynews.tv/psl-10-karachi-kings-captain-david-warner-3/

  • پی ایس ایل کی براڈ کاسٹ کمپنی میں شامل بھارتی عملے کو پاکستان سے نکال دیا گیا

    پی ایس ایل کی براڈ کاسٹ کمپنی میں شامل بھارتی عملے کو پاکستان سے نکال دیا گیا

    لاہور: پاکستان سپر لیگ (پی ایس ایل) کی براڈ کاسٹ کمپنی میں شامل بھارتی عملے کو پاکستان سے نکال دیا  گیا ہے۔

    تفصیلات کے مطابق پاکستان اور انڈیا کے درمیان حالیہ کشیدگی کے بعد دونوں ملکوں نے ایک دوسرے کے شہریوں کو 48 گھنٹوں کے اندر ملک چھوڑنے کی ہدایت جاری کی تھی جس پر عمل درآمد شروع ہوگیا ہے۔

    تاہم پولیس کا کہنا ہے کہ براڈ کاسٹ کمپنی کے 23 بھارتی شہریوں کو بھارت روانہ کر دیا گیا ہے، براڈ کاسٹ کمپنی کے ارکان کو واہگہ بارڈر کے راستے بھارت بھجوایا گیا ہے۔

    پاکستان کا بھارت کو کرارا جواب ، بھارتی شہریوں کو 48 گھنٹے میں ملک چھوڑنے کا حکم

    واضح رہے کہ پاکستان سپر لیگ سیزن 10 (پی ایس ایل) کے براڈکاسٹنگ عملے میں شامل 23 بھارتی شہری مختلف تکنیکی ذمہ داریاں سرانجام دے رہے تھے۔

    خیال رہے کہ مقبوضہ کشمیر کے سیاحتی مقام پہلگام میں 22 اپریل کو سیاحوں پر ہونے والے حملے میں 26 افراد ہلاک ہوگئے تھے، جس کے بعد بھارتی حکومت نے پاکستان پر الزامات کی بوچھاڑ کردی تھی۔

    جس کے بعد پاکستان نے بھارت کو کرارا جواب دیتے ہوئے پاکستان نے بھارتی شہریوں کو 48 گھنٹے میں ملک چھوڑنے کا حکم دیا تھا اور واہگہ کے راستے سے بھارت سے تمام سرحدپار آمدورفت معطل کردی تھی۔

  • پی ایس ایل10: اسلام آباد یونائیٹڈ نے فتوحات کی ہیٹ ٹرک کرلی

    پی ایس ایل10: اسلام آباد یونائیٹڈ نے فتوحات کی ہیٹ ٹرک کرلی

    راولپنڈی: پی ایس ایل10 میں اسلام آباد یونائیٹڈ نے فتوحات کی ہیٹ ٹرک کرلی، فاتح سائیڈ نے ملتان سلطانز کو 47 رنز سے شکست دی۔

    تفصیلات کے مطابق ملتان سلطانز کی ٹیم پاکستان سپر لیگ میں فتح کا ذائقی نہ چکھ سکی، اسلام آباد یونائیٹڈ کی طرف سے دیے گئے 203 رنز ہدف کے تعاقب میں پوری ٹیم 155 رنز پر ہمت ہار بیٹھی، کپتان محمدرضوان 38 رنز بناکر کچھ مزاحمت کرپائے۔

    کپتان ملتان سلطانز کے علاوہ افتخار احمد 32 اور عثمان خان 31 رنز بناسکے، کامران غلام 17 اور مائیکل بریسویل 16 رنز بناکر آئوٹ ہوئے۔

    اسلام آباد یونائیٹڈ کی طرف سے جیسن ہولڈر نے شاندار بولنگ کرتے ہوئے 4 اوورز میں 25 رنز کے عوض 4 وکٹیں حاصل کیں، عماد وسیم نے 33 رنز دے کر 2 وکٹیں حاصل کیں۔

    اس سے قبل اسلام آباد یونائیٹڈ نے پہلے کھیل کر 6 وکٹوں کے نقصان پر 202 رنز بنائے، صاحبزادہ فرحان نے ایک بار پھر عمدہ بیٹنگ کا مظاہرہ کرتے ہوئے 53 رنز بنائے، کولن منرو 48 رنز بناکر نمایاں رہے۔

    حیدرعلی نے 33 رنز بنائے، جیسن ہولڈر نے 32 رنز کی جارحانہ اننگز کھیل کر اپنی ٹیم کا ٹوٹل 202 تک پہنچانے میں اہم کردار ادا کیا۔

    ملتان سلطانز کی جانب سے کرس جارڈن نے 41 رنز دیکر 2 وکٹیں حاصل کیں، ڈیوڈ ولی، محمد حسنین، اسامہ میر اور عبید شاہ ایک، ایک وکٹ حاصل کرنے میں کامیاب رہے۔

    دریں اثنا پی ایس ایل 10 کے ساتویں میچ میں ملتان سلطانز نے اسلام آباد یونائیٹڈ کیخلاف ٹاس جیت کر فیلڈنگ کرنے کا فیصلہ کیا گیا ہے۔

    ملتان سلطانز کے کپتان محمد رضوان کا ٹاس جیتنے کے بعد کہنا تھا کہ کنڈیشن کو دیکھتے ہوئے پہلے فیلڈنگ کا فیصلہ کیا ہے، پچھلا میچ بھول کرآج اچھا کھیلنے کی کوشش کریں گے۔

    کراچی کنگز کے ہاتھوں پچھلے مقابلے میں شکست کے بعد ملتان سلطانز کی ٹیم میں آج کے میچ کےلیے 2 تبدیلیاں کی گئیں۔

    ملتان سلطانز نے لیفٹ ہینڈ پیسر عاکف جاوید اور شاہد عزیز کی جگہ محمد حسنین اور عبید شاہ کو ٹیم میں شامل کیا۔

    اسلام آباد یونائیٹڈ کی ٹیم میں بھی 3 تبدیلیاں کی گئیں، کپتان شاداب خان کا کہنا تھا کہ پچ بیٹنگ کیلئے اچھی لگ رہی ہے، پہلے بیٹنگ ہی کرنا چاہتے تھے۔

  • محمد عامر نے میچ کے دوران گھورتے ہوئے کیا کہا؟ صائم ایوب نے بتادیا

    محمد عامر نے میچ کے دوران گھورتے ہوئے کیا کہا؟ صائم ایوب نے بتادیا

    پی ایس ایل کے دوسرے میچ میں صائم ایوب نے محمد عامر کیساتھ گراؤنڈ میں ہونے والی گفتگو کے بارے میں بتادیا۔

    پاکستان سپر لیگ (پی ایس ایل) کے 10ویں ایڈیشن کے دوسرے میچ میں پشاور زلمی کے اوپنر صائم ایوب اور کوئٹہ گلیڈی ایٹرز کے فاسٹ بولر محمد عامر کے درمیان جملوں کا تبادلہ ہوا۔

    میچ کے دوران گراؤنڈ میں اس گرما گرمی کی ویڈیو سوشل میڈیا پر وائرل ہوگئی تھی، ویڈیو میں دیکھا جاسکتا ہے کہ صائم ایوب، محمد عامر کی گیند پر شاٹ کھیلنے گئے اور ناکام رہے اس دوران دونوں کھلاڑیوں کے درمیان جملوں کا تبادلہ ہوا۔

    میچ کے بعد پشاور زلمی کے اہم کھلاڑی صائم ایوب نے پریس کانفرنس کی جہاں صحافی نے ان سے پوچھا کہ محمد عامر نے گراؤنڈ میں انہیں کیا کہا تھا؟

    جس پر صائم ایوب نے کہا کہ گراؤنڈ میں اس طرح کمنٹس پاس ہوتے رہتے ہیں، بولر کہتا ہے میری بال پر کھیل کر دکھاؤ اور بیٹر کہتا ہے تیز پھینک پر دکھاؤ۔

    صائم ایوب نے مزید کہا کہ اس طرح کے کمنٹ پاس ہونا کوئی بڑی بات نہیں ایسا گرانڈ میں چلتا رہتا ہے اس میں سیریس ہونے والی کوئی بات نہیں۔

    PSL 10- پی ایس ایل کی تمام خبریں

    واضح رہے کہ راولپنڈی میں کھیلے گئے پی ایس ایل کے دوسرے میچ میں کوئٹہ گلیڈی ایٹرز نے پشاور زلمی کو 80 رنز سے شکست دے دی تھی۔ کوئٹہ گلیڈی ایٹرز کی جانب سے دیے گئے 217 رنز کے تعاقب میں پشاور زلمی کی ٹیم 15.1 اوورز میں 136 رنز پر ڈھیر ہوگئی تھی۔

  • پی ایس ایل میں شریک ٹیموں کے کپتان ٹائٹل جیتنے کیلئے پُرعزم، شائقین کیلئے اہم پیغام

    پی ایس ایل میں شریک ٹیموں کے کپتان ٹائٹل جیتنے کیلئے پُرعزم، شائقین کیلئے اہم پیغام

    پاکستان سپر لیگ (پی ایس ایل) سیزن 10 میں شریک ٹیمیوں کے کپتان ٹائٹل جیتنے کے لیے پُرعزم ہیں۔

    لاہور قلندرز کے کپتان شاہین شاہ آفریدی اور پشاور زلمی کے کپتان بابر اعظم، کوئٹہ گلیڈی ایٹرز کے کہتان سعود شکیل، کراچی کنگز کے نائب کپتان حسن علی اور اسلام آباد یونائیٹڈ کے کپتان شاداب خان نے مشترکہ پریس کانفرنس مین پاکستان سپر لیگ (پی ایس ایل) کے آئندہ 10ویں ایڈیشن پر اپنے خیالات کا اظہار کیا ہے۔

    ملتام سلطان کے کپتان محمد رضوان نے کہا کہ لیگ کوئی بھی جیتے، جیت پاکستان کی ہوگی، پی ایس ایل نہ کھیلنے کے بعد کپتان بننا میرے لیے یادگار لمحہ تھا اور فائنل ہارنے کے بعد بھی ٹیم اونر محمد علی سے گلے ملنا بھی یادگار لمحہ تھا۔

    اسلام آباد یونائیٹڈ کے کپتان شاداب خان نے کہا کہ میرے لیے گزشتہ سیزن یادگار لمحہ تھا، راولپنڈی ہمارا ہوم گراؤنڈ ہے اور راولپنڈی میں کھیلنے کیلئے پرجوش ہیں۔

    کوئٹہ گلیڈی ایٹرز کے کپتان سعود شکیل نے کہا کہ کوئٹہ کے کچھ سیزن اچھے نہیں گئے لیکن اس سال ہم نے اپنی غلطیوں پر فوکس کیا اور چیزیں بہتر کیں۔

    ڈیوڈ وارنر کی جگہ نائب شرکت کرنے والے حسن علی نےکہا کوشش ہوگی فینز کو بھرپور انٹرٹین کریں، کراچی کنگز نے کمبی نیشن تبدیل کیا ہے۔

    حسن علی نے کہا کہ گزشتہ سال محسوس ہوا فائر پاور اور فاسٹ بولنگ بہتر ہونی چاہیے تو ہم نے فائر پاور لانے کی کوشش کی ہے، ساتھ ہی فاسٹ بولنگ پر بھی فوکس کیا ہے۔

    لاہور قلندرز کے کپتان شاہین شاہ آفریدی نے کہا کہ مشین بھی کبھی کبھی خراب ہو جاتی ہے ہم تو پھر انسان ہیں، غلطیوں سے سیکھنا ہوتا ہے، لیگ کا 10واں سال ہے، یہ ہماری اپنی لیگ ہے، ہمارا بنیادی مقصد پاکستان کو پروڈکٹ دینا ہے، حارث رؤف لاہور قلندرز اور پی ایس ایل کی پروڈکٹ ہے۔

    پشاور زلمی کے کپتان  بابر اعظم نے کہا کہ ہم نے اپنی خامیوں پر توجہ دی ہے، ہم نے تمام شعبوں میں بہتری کیلئے کام کیا ہے، سب ٹیمیں بیلنس ہیں۔

    کپتان بابر اعظم نے کہا کہ آئیں اور اپنی ٹیموں اور لیگ کو سپورٹ کریں، ہم نے بھی کنڈیشنز کے حساب سے بہترین کمبی نیشن بنایا ہے، آن پیپر تمام ٹیمیں مضبوط ہیں، شائقین کو اچھے مقابلے دیکھنےکو ملیں گے۔

  • ایچ بی ایل پی ایس ایل 10 کے کمنٹری پینل کا اعلان

    ایچ بی ایل پی ایس ایل 10 کے کمنٹری پینل کا اعلان

    پاکستان سپر لیگ (پی ایس ایل) سیزن 10 کے کمنٹری پینل کا اعلان کردیا گیا۔

    ایچ بی ایل پی ایس ایل 11 اپریل سے 18 مئی تک لاہور کراچی راولپنڈی اور ملتان میں کھیلی جائے گی، اس سال پہلی بار ایچ بی ایل پی ایس ایل میں انگلینڈ کے سابق کپتان سرالیسٹرکک کمنٹری پینل میں کا حصہ ہونگے۔

    مارک نکولس، ڈومینک کارک، جے پی ڈومینی، مائیک ہیزمین، مارٹن گپٹل اور اطہر علی خان بھی پی ایس ایل کمنٹری پینل کاحصہ ہیں جبکہ آسٹریلوی خاتون کرکٹر لیزااسٹالکر بھی پہلی بار پی ایس ایل میں کمنٹری کریں گی۔

    پاکستان کے چار سابق کپتان رمیز راجہ، وسیم اکرم، وقاریونس اور عامر سہیل کے علاوہ بازید خان عروج ممتاز اور کرکٹ انالسٹ سکندر بخت بھی ایچ بی ایل پی ایس ایل کمنٹری پینل میں شامل ہیں، یاد رہے کہ وسیم اکرم بھی پہلی بار پی ایس ایل میں کمنٹری کرتے نظر آئیں گے۔

    ایچ بی ایل پی ایس ایل میں پہلی بار مکمل اردو کمنٹری ہوگی، اردو کمنٹری پینل میں طارق سعید، علی یونس، عقیل ثمر، مرینہ اقبال اور سلمان بٹ شامل ہیں، ایرن ہالینڈ اور زینب عباس میچوں کے دوران پریزینٹرز ہونگی۔

    کمنٹری پینل کا اعلان کرتے ہوئے پی ایس ایل کے سی ای او سلمان نصیر نے کہا کہ کرکٹ کی دنیا کے بڑے ناموں کی کمنٹری سے کوریج کا بہترین معیار نظر آئیگا، پہلی بار اردو کمنٹری سے شائقین کے بہت قریب  پہنچ  سکیں گے۔

  • پاکستان سپر لیگ کے دوران اسکولوں میں کب چھٹی ہوں گی؟ طلبا کے لیے اہم خبر

    پاکستان سپر لیگ کے دوران اسکولوں میں کب چھٹی ہوں گی؟ طلبا کے لیے اہم خبر

    لاہور : پاکستان سپر لیگ کے میچز کے دوران اسکولوں میں کب چھٹی ہوں گی؟ اس حوالے سے شیڈول جاری کردیا گیا۔

    تفصیلات کے مطابق پاکستان سپر لیگ کرکٹ سیریز شروع ہونے والی ہے، جس کے پیش نظر اسکولوں کے اوقات کار میں تبدیلی کردی گئی اور نوٹیفیکیشن جاری کر دیا گیا۔

    تبدیل شدہ تدریسی اوقات کا اطلاق قذافی اسٹیڈیم اور ملحقہ علاقوں میں قائم 50 تعلیمی اداروں پر ہوگا۔

    پی ایس ایل میچز کی وجہ سے ان اسکولز کے اوقات تدریسی اب صبح 7 بجے سے 12 بجے تک ہوں گے، فیصلے کا اطلاق ایونٹ کے اختتام تک تمام سرکاری و نجی اسکولز پر ہوگا۔

    گلبرگ، ماڈل ٹاؤن، اچھرہ، جیل روڈ، فیروز پور روڈ، شادمان، کینال روڈ، اپر مال اور ظہور الٰہی روڈ سمیت قذافی سٹیڈیم کے قریب کے علاقوں کے اسکولز شامل ہیں۔

    اس تبدیلی سے متاثرہ علاقوں میں ٹریفک کی روانی کو یقینی بنانے میں مدد ملے گی۔

    یاد رہے کہ لاہور میں پی ایس ایل کے میچز 24 اپریل سے 18 مئی تک مختلف دنوں میں کھیلے جائیں گے۔

  • حسن نواز پی ایس ایل میں کونسی ٹیم کی نمائندگی کریں گے؟

    حسن نواز پی ایس ایل میں کونسی ٹیم کی نمائندگی کریں گے؟

    نیوزی لینڈ کیخلاف پاکستان کو تاریخی فتح دلانے والے نوجوان اوپنر حسن نواز پاکستان سپر لیگ (پی ایس ایل) میں کوئٹہ گلیڈی ایٹرز کی نمائندگی کریں گے۔

    حسن نواز کو پاکستان سپر لیگ (پی ایس ایل) ڈرافٹس میں پی ایس ایل کی سابق چیمپئین ٹیم کوئٹہ گلیڈی ایٹرز نے پلئیرز ڈرافٹس میں اپنے اسکواڈ میں شامل کیا تھا۔

    نوجوان بلے باز کو فرنچائز نے ایمرجنگ کیٹیگری میں منتخب کیا تھا، جو 2025 کے ایڈیشن میں گلیڈی ایٹرز کی نمائندگی کا اعزاز حاصل کریں گے۔

    نوجوان بلے باز نے اس سے قبل 2023 میں اسلام آباد یونائیٹڈ کی نمائندگی کی تھی تاہم انہیں محض 3 میچز مل سکے تھے جہاں وہ اپنی صلاحیتوں کا اظہار کرنے میں کامیابی حاصل نہیں کرسکے تھے، نوجوان اوپنر نے 3 میچز میں 100 کے اسٹرائیک ریٹ اور 9.33 کی اوسط سے 28 رنز بنائے تھے۔

    یاد رہے کہ نوجوان بلے باز نے نیوزی لینڈ کیخلاف اپنے تیسرے ٹی20 میچ میں پاکستان کیلئے تیز ترین ٹی20 سنچری کا ریکارڈ اپنے نام کیا تھا، اس سے قبل یہ کارنامہ بابراعظم کے پاس تھا جنہوں نے 49 گیندوں پر سینچری بنائی تھی۔

    حسن نے نیوزی لینڈ کے خلاف یہ کارنامہ محض 44 گیندوں پر سرانجام دیا، انکی اننگز میں 10 چوکے اور 7 چھکے شامل تھے۔

    حارث رؤف نے نیوزی لینڈ کے خلاف میچ میں اہم اعزاز حاصل کرلیا

    اے آر وائی نیوز سے گفتگو کرتے ہوئے حسن نواز کی والدہ کا کہنا تھا کہ صبح سے بچوں کو دعائیں کرنے مسجد بھیجا ہوا تھا، بیٹے کو کرکٹ سے جنون کی حد تک پیار ہے اس لیے کامیاب ہوا۔

    والد نے کہا کہ ہم پسماندہ علاقے کے لوگ ہیں، یہاں سے انٹرنیشنل کرکٹر کا آنا بہت بڑی بات ہے، اللہ نے عزت دی ہے۔