پاکستان سپر لیگ (پی ایس ایل) کے 10ویں ایڈیشن میں پاکستانی اداکارہ نعیمہ بٹ نے اپنی پسندیدہ ٹیم کے حوالے سے بتادیا۔
اے آر وائی نیوز کے پروگرام ہر لمہ پرجوش میں نعیمہ بٹ نے بطور اسپیشل مہمان شرکت کی جہاں انہون نے پاکستان سپر لیگ 10 (پی ایس ایل 10) کی اپنی پسندیدہ ٹیم کا انکشاف کیا ہے۔
کبھی میں کبھی تم ڈرامے کی اداکارہ نے کہا کہ میرا تعلق لاہور سے ہے تو میں شروع سے لاہور قلندرز کو سپورٹ کرتی ہوں اور چاہتی ہوں نے پی ایس ایل 10 کا ٹائٹل لاہور قلندر ہی جیتے۔
اداکارہ نعیمہ بٹ نے مزید کہا کہ لیکن میں کچھ نامعلوم وجوہات کی بنا پر کوئٹہ گلیڈی ایٹرز کی بھی حمایت کرتی ہوں اور چاہتی ہوں کہ وہ جیتیں۔
واضح رہے کہ پاکستان سپر لیگ (پی ایس ایل) 10 کا آغاز جمعے کو پنڈی اسٹیڈیم سے ہوا، جہاں پہلے میچ میں اسلام آباد یونائیٹڈ نے لاہور قلندرز کو شکست دی جبکہ دوسرا میچ کوئٹی گلیڈی ایٹرز نے اپنے نام کیا۔
ایچ بی ایل پاکستان سُپر لیگ (پی ایس ایل) 10 کے تیسرے میچ میں کراچی کنگز نے ملتان سلطانز کو شکست دی، کراچی کنگز نے 235 رنز کا ہدف آخری اوور میں 6 وکٹوں کے نقصان پر حاصل کیا اور ملتان سلطانز کو 4 وکٹوں سے ہرایا۔
