ARYNews.tv | Urdu – Har Lamha Bakhabar

Tag: پاکستان سپر لیگ

  • پی ایس ایل 2018: فائنل میں پہنچنے کے لیے آج کراچی کنگز اور پشاور زلمی مدمقابل

    پی ایس ایل 2018: فائنل میں پہنچنے کے لیے آج کراچی کنگز اور پشاور زلمی مدمقابل

    لاہور: پاکستان سپر لیگ کے تیسرے ایڈیشن میں فائنل تک پہنچنے کے لیے آج کراچی کنگز اور پشاور زلمی آپس میں ٹکرائیں گے۔ اسلام آباد یونائیٹڈ پہلے ہی فائنل تک رسائی حاصل کرچکا ہے۔

    تفصیلات کے مطابق فائنل کی جنگ تک پہنچنے کے لیے آج کراچی کنگز اور پشاور زلمی آپس میں مدمقابل ہوں گے۔ جیتنے والی ٹیم 25 مارچ کو کراچی میں لیگ کا فائنل کھیلے گی۔

    پشاور زلمی کل کوئٹہ گلیڈی ایٹرز کو ایک رن سے شکست دے چکی ہے۔ کراچی کنگز بھی بہترین کارکردگی کا مظاہرہ کرتی آرہی ہے۔

    اسلام آباد یونائیٹڈ کی ٹیم اس سے قبل کراچی کنگز کو شکست دے کر فائنل میں رسائی حاصل کرچکی ہے۔ آج کے میچ میں جیتنے والی ٹیم فائنل میں اسلام آباد سے ٹکرائے گی۔

    میچ کا آغاز شام 7 بجے قذافی اسٹیڈیم میں ہوگا۔ میچ کے لیے شہر بھر میں سخت سیکیورٹی انتظامات کیے گئے ہیں۔ قذافی اسٹیڈیم کے آس پاس کا پورا علاقہ سیل کیا جاچکا ہے جبکہ پولیس کی بھاری نفری ڈیوٹی پر تعینات ہے۔

    میچ کے دوران بارش کی بھی پیشن گوئی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • قذافی اسٹیڈیم میں ہونے والے میچ کے لیے انتظامات مکمل

    قذافی اسٹیڈیم میں ہونے والے میچ کے لیے انتظامات مکمل

    لاہور: قذافی اسٹیڈیم میں پاکستان سپر لیگ کے آج ہونے والے میچ کے لیے انتظامات مکمل کرلیے گئے۔ میچ کا آغاز شام 7 بجے ہوگا جبکہ 3 بجے قذافی اسٹیڈیم کے دروازے کھول دیے جائیں گے۔

    تفصیلات کے مطابق پاکستان سپر لیگ کے دبئی اور شارجہ میں ہونے والا میچز کا مرحلہ ختم ہوگیا۔ لیگ کے بقیہ 2 میچز اب لاہور میں ہوں گے جس کے لیے تیاریاں اور انتظامات مکمل کرلیے گئے۔

    انتظامیہ کا کہنا ہے کہ 3 بجے قذافی اسٹیڈیم کے دروازے کھول دیے جائیں گے۔ شائقین اپنے ٹکٹ اور شناختی کارڈ لازمی ساتھ لائیں۔

    انتظامیہ کی جانب سے کہا گیا ہے کہ شائقین کے لیے 3 پارکنگ اسٹینڈ بنائے گئے ہیں۔ پنجاب یونیورسٹی کے گیٹ نمبر 4 کے گراؤنڈ میں پارکنگ ہوگی علاوہ ازیں قرشی پارک، لبرٹی مارکیٹ کے گراؤنڈ میں بھی پارکنگ ہوگی۔

    انتظامیہ نے کہا ہے کہ چنگچی، آٹو رکشہ اور سلنڈر والی گاڑیاں پارک نہیں ہوسکیں گی۔ اسٹیڈیم میں ماچس، کانچ کی بوتل اور چھری لانا ممنوع ہے۔ کھانے پینے کی اشیا اور پانی اسٹیڈیم کے اندر ہی دستیاب ہوگا۔

    یاد رہے کہ پاکستان سپر لیگ کے میچ میں آج پشاور زلمی اور کوئٹہ گلیڈی ایٹرز مدمقابل ہیں۔ میچ کا آغاز شام 7 بجے ہوگا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل سیمی فائنل ، جامع ٹریفک پلان مرتب

    پی ایس ایل سیمی فائنل ، جامع ٹریفک پلان مرتب

    لاہور : پاکستان سپر لیگ 3 کے حوالے سے شہریوں کی سہولت اور ٹریفک کی روانی کیلئے جامع ٹریفک پلان مرتب کر لیا گیا تاکہ شائقین کرکٹ کو ٹریفک کا کوئی مسئلہ نہ ہو۔

    تفصیلات کے مطابق سی ٹی او لاہور رائے اعجاز احمد کے مطابق پی ایس ایل میچز کے موقع پر شہریوں کی سہولت اور ٹریفک کی روانی کیلئے جامع ٹریفک پلان مرتب کر لیا گیا ہے، شائقین کرکٹ اور شہریوں کو ٹریفک کا کوئی مسئلہ نہیں ہوگا۔

    سی ٹی او لاہور کا کہنا تھا کہ مال روڈ، جیل روڈ، کینال روڈ اور ایم ایم عالم روڈ ٹریفک کیلئے کھلی رہیں گی، ایس پیز، ڈی ایس پیز، انسپکٹرز اور ٹریفک وارڈنز تعینات کر دیئے گئے ہیں۔

    رائے اعجاز احمد نے کہا کہ غلط پارکنگ کے خاتمہ کیلئے27 فوک لفٹر اور 6 بریک ڈاؤنز دستیاب ہونگے جبکہ گاڑی خراب ہونے کی صورت میں مدد کیلئے موبائل ورکشاپ بھی موجود ہوگی۔

    مزید پڑھیں : پی ایس ایل کے میچز کے لیے خصوصی تیاریاں کی گئی ہیں: کمشنر لاہور

    سی ٹی او کے مطابق میچ کے لئے ٹریفک مانیٹرنگ روم اور کنٹرول روم بھی قائم کر دیئے گئے ہیں جبکہ آٹو رکشے، ایل این جی، ایل پی جی اور سی این جی گاڑیوں کا پارکنگ ایریا میں داخلہ ممنوع قرار دیا گیا ہے۔

    دوسری جانب لاہور میں کامیاب ایونٹ کیلئے سیکورٹی پلان مکمل کرلیے گئے، قذافی اسٹیڈیم لاہور کے اطراف سمیت داخلی اور خارجی راستوں پر سیکورٹی کیمرے نصب کر لئے گئے ہیں اور صورتحال کو جدید مانیٹرنگ سسٹم سے کنٹرول کیا جائیگا جبکہ بڑی تعداد میں قانون نافذ کرنے والے ادارے خدمات انجام دینگے۔

    واضح رہے کہ پاکستان سپر لیگ 2018 کا سیمی فائنل 20 اور 21 مارچ کو لاہور میں جبکہ فائنل 25 مارچ بروز اتوار کو کراچی کے نیشنل اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل کے میچز کے لیے خصوصی تیاریاں کی گئی ہیں: کمشنر لاہور

    پی ایس ایل کے میچز کے لیے خصوصی تیاریاں کی گئی ہیں: کمشنر لاہور

    لاہور: کمشنر لاہور عبداللہ کا کہنا ہے کہ پاکستان سپر لیگ کے میچز کے لیے خصوصی تیاریاں کی ہیں۔ سیکیورٹی کے بہترین انتظامات کیے گئے ہیں۔

    تفصیلات کے مطابق کمشنر لاہور عبداللہ کا کہنا ہے کہ پاکستان سپر لیگ کے میچز کے پیش نظر خصوصی تیاریاں کی ہیں اور شہریوں کی سہولتوں کا خصوصی خیال رکھا گیا ہے۔

    انہوں نے بتایا کہ اسٹیڈیم کے اطراف روشنی کے لیے بھی خصوصی انتظام کیا ہے۔ پارکنگ لائٹس کی بھی مرمت کی گئی ہے۔ پارکنگ لاٹس میں نگرانی کے لیے کیمرے بھی نصب کیے گئے ہیں۔ سیکیورٹی بہتر بنانے کے لیے مزید اقدامات کر رہے ہیں۔

    انہوں نے بتایا کہ اسٹیڈیم کے قریب 20 بستروں پر مشتمل اسپتال بنایا گیا ہے۔ مخصوص دائرے میں اسکول 11 بجے بند ہوں گے۔

    کمشنر کے مطابق شٹل پارکنگ لاٹ سے اسٹیڈیم لے کر آئے گی۔ موبائل سروس بند نہیں کی جا رہی۔ ہماری کوشش ہوں گی کہ کسی کو پریشانی نہ ہو۔

    خیال رہے کہ پاکستان سپر لیگ کے دبئی میں ہونے والے میچز کا مرحلہ اپنے اختتام کو پہنچ چکا ہے اور اب بقیہ میچز لاہور میں ہوں گے۔

    لاہور میں پاکستان سپر لیگ کے 2 میچز 20 اور 21 مارچ کو کھیلے جائیں گے۔ میچ کے لیے کراچی کنگز کی ٹیم لاہور پہنچ گئی ہے۔

    لیگ کا فائنل 25 مارچ کو کراچی میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کامران اکمل کی شاندار سنچری، زلمی کے ہاتھوں قلندرز کو شکست

    کامران اکمل کی شاندار سنچری، زلمی کے ہاتھوں قلندرز کو شکست

    شارجہ: پاکستان سپر لیگ کے تیسرے ایڈیشن کے 29ویں میچ میں کامران اکمل کی شاندار سنچری کی بدولت پشاور زلمی نے لاہور قلندرز کو 7 وکٹوں سے شکست دے کر پلے آف مرحلے تک رسائی حاصل کرلی۔

    تفصیلات کے مطابق پاکستان سپرلیگ کے 28ویں میچ میں پشاور زلمی اور لاہور قلندرز کی ٹیمیں مدمقابل تھیں، زلمی کی قیادت ڈیرن سیمی جبکہ قلندرز کی کپتانی کے فرائض برینڈین میکلوم نے ادا کیے۔

    لاہور قلندرز نے بیٹنگ کا آغاز کیا تو فخر زمان اور آن ٹن ڈیوچچ نے کیا، میکولم الیون کی پہلی وکٹ 19 کے مجموعی اسکور پر گری، بعد ازاں 40 پر میکولم، 95 پر آغا سلمان اور 119 پر ڈیوچچ آؤٹ ہوئے۔

    میکولم الیون نے مقررہ 20 اوورز میں بیٹنگ کرتے ہوئے پشاورزلمی کو 173رنزکا ہدف دیا، ڈیوچچ 42 گیندوں پر 70 رنز بنا کر نمایاں بلے باز رہے جبکہ حسن علی 2 وکٹیں حاصل کر کے سرفہرست رہے۔

    ہدف کے تعاقب میں پشاور زلمی نے بیٹنگ کا آغاز کیا تو کامران اکمل اور رکی ویسلز میدان میں اترے اور 20 کے مجموعی اسکور پر گری، بعد ازاں 61 کے مجموعی اسکور پر ڈیوائن اسمتھ پویلین روانہ ہوئے۔

    محمد حفیظ اور کامران اکمل نے 87 رنز کی شاندار شراکت داری کر کے ٹیم کو فتح دلوانے میں اہم کردار ادا کیا جس کے بعد پشاورزلمی نےپلےآف مرحلے کے لیے کوالیفائی کرلیا

    کامران اکمل نے61 گیندوں پر 7چھکوں اور 11 چوکوں کی مدد سے 107رنزکی ناقابل شکست اننگزکھیلی اور پی ایس ایل کے تیسرے ایڈیشن کی پہلی سنچری اپنے نام کی، پاکستان سپر لیگ کے دوسرے ایڈیشن میں بھی اکمل نے ہی 100 رنز بنائے تھے۔

    پلے آف تک رسائی حاصل کرنے والی ٹیموں میں اسلام آبادیونائیٹڈ، کوئٹہ گلیڈی ایٹرز، پشاورزلمی کی ٹیمیں شامل ہیں چوتھی ٹیم کا فیصلہ کراچی کنگز اور ملتان سلطانز کے میچ کے بعد ہوگا۔

    پشاور زلمی اننگز

    محمد حفیظ سولہویں اوور کی آخری گیند پر یاسر شاہ کے ہاتھوں کلین بولڈ ہوئے انہوں نے 27 رنز کی شاندار اننگز کھیلی، اٹھارویں اوور میں پشاور زلمی نے 176 رنز کا ہدف حاصل کر کے پوائنٹس ٹیبل پر دوسری پوزیشن حاصل کی اور پلے آف تک رسائی حاصل کرلی۔

    پشاور زلمی کے اوپنر کامران اکمل اور محمد حفیظ نے شاندار بیٹنگ کا مظاہرہ کرتے ہوئے ٹیم کا مجموعی اسکور 135/2 تک پہنچایا۔

    ساتویں اوور کی تیسری گیند پر ڈیوائن اسمتھ 14 کے انفرادی اسکور پر یاسر شاہ کی گیند پر کلین بولڈ ہوئے، دسویں اوور کے اختتام پر زلمی کا مجموعی اسکور 87/2 تک پہنچا۔

    ہدف کے تعاقب میں زلمی کی جانب سے اوپننگ کا آغاز کامران اکمل اور رکی ویسلز نے کیا، سیمی الیون کی پہلی وکٹ 20 کے مجموعی اسکور پر گری، پانچ اوورز کے اختتام پر ٹیم کا مجموعی اسکور 51/1 تک پہنچا۔

    لاہور قلندرز اننگز

    قلندز کے نئے آنے والے بیٹسمینوں گلریز صدف اور سہیل اختر نے آخری پانچ اوورز میں ٹیم کے مجموعی اسکور میں 53 رنز کا اضافہ کیا، مقررہ اوورز میں میکولم الیون نے چاروکٹوں کے نقصان پر 172 رنز بنائے۔

    پندرہویں اوور میں قلندرز کے اوپنر ڈیوچچ 42 گیندوں پر 70 رنز بنا کر حسن علی کی گیند پر کیچ آؤٹ ہوئے، اوور اختتام پر ٹیم کا مجموعی اسکور 120/4 تک پہنچا۔

    ڈیوچ اور آغا سلمان نے شاندار بیٹنگ کرتے ہوئے 10 اوورز کے اختتام پر ٹیم کا مجموعی اسکور 80/2 تک پہنچا۔

    لاہور قلندرز کی جانب سے اننگز کا آغاز فخر زمان اور آن ٹن ڈیوچچ نے کیا جبکہ حسن علی نے پہلا اوور کرایا، تیسرے اوور میں زلمی کو پہلے نقصان کا سامنا کرنا پڑا، پانچویں اوور کے اختتام پر ٹیم کا مجموعی اسکور 40/2 تک پہنچا،  فخر زمان اور میکولم آؤٹ ہوکر پویلین لوٹے۔

     پشاور زلمی  کے لیےآج کا میچ انتہائی اہمیت کا حامل ہے کیونکہ فتح کی صورت میں ٹیم چوتھے جبکہ شکست کے بعد زلمی پوائنٹس ٹیبل پر پانچویں نمبر پر آسکتی ہے علاوہ ازیں سیمی الیون پشاور زلمی کی شکست کی صورت میں کراچی کنگز اور ملتان سلطانز پلے آف مرحلے میں پہنچ جائیں گے۔

    پوائنٹس ٹیبل پر پشاور 8 پوائنٹس کے ساتھ 5 ویں نمبر پر ار لاہور 6 پوائنٹس کے ساتھ آخری نمبر پر ہے۔

    لاہور قلندرز کے لیے ٹورنامنٹ میں اب بقیہ تمام میچز بے معنی ہوگئے ہیں۔ لاہور قلندرز کی ٹیم نے اب تک 9 میچز کھیلے جن میں سے انہیں صرف 3 میں فتح ملی اور 6 میں شکست کا سامنا کرنا پڑا۔

    پشاور زلمی

    پشاور زلمی کے کپتان ڈیرن سیمی ہیں جبکہ دیگر کھلاڑیوں میں رکی ویسلس، تمیم اقبال، محمد عارف، خوشدل شاہ، تیمور سلطان، ابتسام شیخ، محمد حفیظ، شکیب الحسن، حارث سہیل، ڈوائن براوو، حماد اعظم، سعد نسیم، خالد عثمان، کامران اکمل اور اینڈریو فلیچر شامل ہیں۔

    لاہور قلندرز

    لاہور قلندرز کی قیادت برینڈن مک کلم کر رہے ہیں۔ ان کے علاوہ ٹیم میں عمر اکمل، فخرزمان، نیوزی لینڈ کے اینٹن ڈیوسچ، بولر سہیل خان، یاسرشاہ، شاہین آفریدی، رضا حسن، سنیل نرائن، بلاول بھٹی، غلام مدثر، بلال آصف، عامر یامین اور کیمرون ڈلپورٹ شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018 : کراچی کنگز اوراسلام آباد یونائیٹڈ کا سنسنی خیز ٹاکرا

    پی ایس ایل 2018 : کراچی کنگز اوراسلام آباد یونائیٹڈ کا سنسنی خیز ٹاکرا

    شارجہ : پاکستان سپر لیگ کے دوسرے میچ میں آج کراچی کنگز اور اسلام آباد یونائیٹڈ کی ٹیمیں ٹکرائیں گی، سنسنی خیز ٹاکرا رات نو بجے شروع ہوگا۔

    تفصیلات کے مطابق پاکستان سپر لیگ سیزن تھری اختتامی مرحلے میں داخل ہوگیا، کراچی کنگز کی ٹیم اپنے آخری راؤنڈ میچ میں مصباح الحق کی اسلام آباد یونائیٹڈ کے مدمقابل آئے گی۔

    شارجہ میں دونوں ٹیموں کے درمیان سنسنی خیز ٹاکرا رات نو بجے شروع ہوگا۔

    پلے آف میں رسائی کیلئے کراچی کنگز کو آج لازمی فتح درکار ہے، کامیابی کی صورت میں نہ صرف اگلے مرحلے میں انٹری بلکہ اسلام آباد یونائیٹڈ سے راؤنڈ میچ کی ہار کا بدلہ بھی لے سکتا ہے۔

    اسلام آباد یونائیٹڈ اور کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے، اسلام آباد یونائیٹڈ14 پوائنٹس کے ساتھ سر فہرست ہے۔

    کراچی کنگز کے کپتان عماد وسیم کی انجری کے باعث کراچی کی ٹیم ٹی 20 اسپیشلسٹ مورگن کی قیادت میں میدان میں اترے گی، کراچی کنگز 9 پوائنٹس کے ساتھ تیسرے نمبر پر ہے۔

    کراچی کنگز

    آئن مورگن کراچی کنگز کی قیادت کررہے ہیں جبکہ دیگر کھلاڑیوں میں جوئے ڈین لے، بابر اعظم، کولن انگرام، روی بوپارا، شاہد آفریدی، محمد رضوان، اسامہ میر، محمد عرفان (جونیئر)، محمد عامر، عثمان خان شنواری شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل فائنل کے لیے سیکیورٹی انتظامات مکمل

    پی ایس ایل فائنل کے لیے سیکیورٹی انتظامات مکمل

    کراچی: پاکستان سپر لیگ کے فائنل کے لیے سیکیورٹی انتظامات مکمل کرلیے گئے۔ رینجرز، پولیس اور دیگر متعلقہ اداروں نے سیکیورٹی پلان تیار کرلیا۔

    ذرائع کے مطابق پاکستان سپر لیگ کے فائنل کے لیے سیکیورٹی انتظامات مکمل کرلیے گئے ہیں۔ پولیس اور رینجرز کے متعلقہ افسران 19 مارچ کو میڈیا بریفنگ دیں گے۔

    بریفنگ میں مکمل سیکیورٹی اور ٹریفک پلان سے آگاہ کیا جائے گا۔ 19 مارچ کو بریفنگ سندھ گورنمنٹ سے مشاورت کے بعد رکھی گئی۔ میڈیا بریفنگ کے ذریعےعوام تک آگاہی پہنچائی جائے گی۔

    ذرائع کا کہنا ہے کہ 25 مارچ کو گلشن ٹاؤن کا مخصوص حصہ ریڈ زون قرار دیا جائے گا۔ نیشنل اسٹیڈیم کے چاروں طرف سڑکیں مکمل بلاک کردی جائیں گی۔ الیکٹرانک اور پرنٹ میڈیا کے ذریعے ٹریفک روٹس کی تشہیر کی جائے گی۔

    فائنل کے دن 8 ہزار سے زائد اہلکار ڈیوٹی انجام دیں گے۔ اسٹیڈیم کے اندر اور باہر رینجرز، پولیس اور ایس ایس یو کمانڈوز ہوں گے۔ کار پارکنگ سے اسٹیڈیم داخلے تک 3 سے 4 مقامات پر اسکینرز ہوں گے۔ اسٹیڈیم کے اندر جانے کے لیے واک تھرو اور جامع تلاشی لی جائے گی۔

    ذرائع کا کہنا ہے کہ اسٹیڈیم کے اندر اور اطراف میں مخصوص پارکنگ لاٹ بھی بنائے جا رہے ہیں۔ مخصوص پارکنگ کے لیے اسٹیکرز اور پاسز کا اجرا کیا جائے گا۔ پارکنگ کی درجہ بندی اسٹیکرز کے کلر کے حساب سے کی جائے گی۔

    یاد رہے کہ پاکستان سپر لیگ سیزن 8 کا فائنل 25 مارچ کو کراچی کے نیشنل اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پشاور زلمی نے کراچی کنگز کو شکست دے دی

    پشاور زلمی نے کراچی کنگز کو شکست دے دی

    شارجہ: پاکستان سپر لیگ میں کے 27ویں میچ میں پشاور زلمی نے کراچی کنگز کو 44 رنز سے شکست دے کر فتح اپنے نام کرلی، سیمی الیون کے پلے آف میں پہنچنے کے امکانات مزید روشن ہوگئے۔

    تفصیلات کے مطابق پاکستان سپر لیگ کے 27ویں میچ میں کراچی کنگز اور پشاور زلمی کی ٹیمیں مدمقابل تھیں، کنگز کی قیادت مورگن جبکہ زلمی کی کپتانی ڈیرن سیمی نے کی۔

    ٹاس جیت کر پشاور زلمی نے پہلے بیٹنگ کا آغاز کیا تو 3 کے مجموعی اسکور پر محمد حفیظ بغیر کھاتہ کھولے پویلین روانہ ہوئے، بعد ازاں 47 پر ڈیوائن اسمتھ، 81 پر رکی ویسلز، 118 پر کامران اکمل، 160 پر سعد نسیم، 181 لیام ڈاؤسن آؤٹ ہوئے۔

    پشاورزلمی نے مقررہ 20 اوورز میں 6 وکٹوں کے نقصان پر 181 رنز بنائے کراچی کنگزکو جیت کے لیے 182رنزکا ہدف دیا، کامران اکمل 75 ڈیرن سیمی 36 اور سعد نسیم 35 رنز کے ساتھ نمایاں بلے باز رہے جبکہ عثمان شنواری نے شاندار باؤلنگ کرتے ہوئے 4 اوورز میں صرف 11 رنز دیے اور تین وکٹیں حاصل کیں علاوہ ازیں محمد عامر، شاہد آفریدی اور روی بوپارا ایک ایک وکٹ لے سکے۔

    ہدف کے تعاقب میں کراچی کنگز نے بیٹنگ کا آغاز کیا تو 15 کے مجموعی اسکور پر ڈین لے آؤٹ ہوئے بعد ازاں دوسری وکٹ 27، تیسری 40، چوتھی 62، پانچویں 92، چھٹی 118 اور ساتویں 137 کے مجموعی اسکور پر گریں۔

    کراچی کنگز کے بابر اعظم 66 رنز بنا کر نمایاں بلے باز رہے اس کے صرف دو کھلاڑی ڈبل ہندسے میں داخل ہوئے، لیام ڈیواسن 3، وہاب ریاض، عمید آصف 2 ، 2 اور حسن علی ایک وکٹ لینے میں کامیاب رہے۔ کراچی کنگز کی ٹیم مقررہ 20 اوورز میں صرف 137 رنز بنا سکی۔

    کراچی کنگز اننگز

    بیسویں اوور میں کراچی کنگز کے دو کھلاڑی آؤٹ ہوئے، یوں مقررہ اوورز کے اختتام پر ٹیم 137 رنز ہی بناسکی۔

    انیسویں اوور میں مجموعی اسکور میں صرف 6 رنز کا اضافہ ہوسکا۔

    اٹھارویں اوور میں کراچی کنگز کی ٹیم مجموعی اسکور میں صرف چار رنز کا اضافہ کرسکی۔

    سترہویں اوور میں بابر اعظم  66 کے انفرادی اسکور پر پویلین روانہ ہوئے، اوور اختتام پر ٹیم کا مجموعی اسکور 122/6 تک پہنچا۔

    سولہویں اوور میں کراچی کنگز کا مجموعی اسکور 5 وکٹوں کے نقصان پر 60 تک پہنچا، بابر اعظم نے اپنی ففٹی مکمل کی۔

    پندرہویں اوور میں کراچی کنگز نے مجموعی اسکور کی ففٹی مکمل کی۔

    چودہواں اوور (لیام ڈاؤسن): شاہد آفریدی نے ایک چھکا اور مارا تاہم اگلی ہی گیند پر وہ 26 کے انفرادی اسکور پر آؤٹ ہوئے، اختتام پر مجموعی اسکور 96/5 تک پہنچا۔

    تیرہواں اوور (ثمین گل): شاہد آفریدی نے یکے بعد دیگرے 3 چھکے لگائے جس کے بعد ٹیم کا مجموعی اسکور 85/4 تک پہنچا۔

    بارہواں اوور کراچی کنگز کے لیے اچھا ثابت نہ ہوا کیونکہ روی بوپارا 7 کے انفرادی جبکہ 62 کے مجموعی اسکور پر پویلین روانہ ہوئے، اوور اختتام پر ٹیم کا مجموعی اسکور 64/4 تک پہنچا۔

    گیارہواں اوور (عمید آصف): پانچ رنز اضافے کے بعد ٹیم کا مجموعی اسکور 57/3 تک پہنچا۔

    دسواں اوور (لیام ڈاؤسن): چار رنز اضافے کے بعد مجموعی اسکور 52/3 تک پہنچا۔

    نواں اوور (عمید آصف): مجموعی اسکور 48/3 تک پہنچا

    آٹھواں اوور (لیام ڈاؤسن): کراچی کنگز کے کپتان مورگن 5 کے انفرادی اسکور پر آؤٹ ہوکے پویلین روانہ ہوئے، اختتام پر مجموعی اسکور 41/3 تک پہنچا۔

    ساتواں اوور (وہاب ریاض): 5 رنز اضافے کے بعد مجموعی اسکور 40/2 تک پہنچا۔

    چھٹا اوور (ثمین گل) ایک چوکے کی مدد سے ٹیم کا مجموعی اسکور 35/2 تک پہنچا۔

    پانچواں اوور (وہاب ریاض): کولن انگرام بغیر کھاتہ کھولے 27 کے مجموعی اسکور پر پویلین لوٹے، یوں اوور اختتام پر ٹیم کا مجموعی اسکور 27/2 تک پہنچا۔

    چوتھا اوور (ثمین گل): پانچ رنز اضافے کے بعد کراچی کنگز کا مجموعی اسکور 20/1 تک پہنچا۔

    تیسرا اوور (حسن علی): تیسری بال پر ڈین لے بغیر کھاتہ کھولے پویلین لوٹے یوں 15 کے مجموعی اسکور پر کراچی کنگز کو پہلے نقصان کا سامنا کرنا پڑا، اختتام پر ٹیم کا مجموعی اسکور ایک رن اضافے کے بعد 15/1 تک پہنچا۔

    دوسرا اوور (ثمین گل): ایک چھکے اور تین سنلگز کے بعد ٹیم کا مجموعی اسکور بغیر کسی نقصان کے 14 تک پہنچا۔

    ہدف کے تعاقب میں کراچی کنگز کی جانب سے اننگز کا آغاز بابر اعظم اور ڈین لے نے کیا جبکہ پہلا اوور حسن علی نے کرایا، اوور اختتام پر ٹیم کا مجموعی اسکور بغیر کسی نقصان پر 5 تک پہنچا۔

    پشاور زلمی اننگز

    بیسواں اوور: پشاور زلمی نے مقررہ اوورز میں 6 وکٹوں کے نقصان پر 181 رنز بنائے

    انیسواں اوور (عثمان شنواری): مجموعی اسکور 168/5

    اٹھارواں اوور (محمد عامر): مجموعی اسکور 160/4

    سترہواں اوور (محمد عرفان): 147/4

    سولہواں اوور (عثمان شنواری): کامران 75 رنز کی اننگز کھیلنے کے بعد کیچ آؤٹ ہوئے، دو رنز اضافے کے بعد ٹیم کا مجموعی اسکور 119/4 تک پہنچا۔

    پندرہواں اوور (روی بوپارا): پشاور زلمی کے بیٹسمینوں نے تیز کھیل پیش کرتے ہوئے اوور میں 17 رنز حاصل کیے، مجموعی اسکور 117/3 تک پہنچا۔

    چودہواں اوور (شاہد آفریدی): کامران اکمل اور سعد نسیم نے دو چھکوں اور ایک چوکے کے بعد ٹیم کا مجموعی اسکور 103/3 تک پہنچا۔

    تیرہواں اوور (روی بوپارا): رکی ویسلز 11 کے انفرادی اور 81 کے مجموعی اسکور پر آؤٹ ہوئے، اختتام پر ٹیم کا مجموعی اسکور 3 رنز اضافے کے بعد 82 تک پہنچا۔

    بارہواں اوور (شاہد آفریدی): پشاور زلمی کا تیزی سے بڑھتا رک گیا اور اختتام پر ٹیم کا مجموعی اسکور 79/2 تک پہنچا۔

    گیارہواں اوور (اسامہ میر): کامران اکمل نے چوکے کی مدد سے اپنی نصف سنچری مکمل کی، ایک چھکے کی مدد سے ٹیم کا مجموعی اسکور 72/2 تک پہنچا۔

    دسواں اوور (شاہد آفریدی): پانچ رنز اضافے کے بعد ٹیم کا مجموعی اسکور 58/2 تک پہنچا۔

    نواں اوور (اسامہ میر): کامران اکمل خوش قسمت رہے کہ اُن کا کیچ ڈراپ ہوا، اوور اختتام پر ٹیم کا مجموعی اسکور 53/1 تک پہنچا۔

    آٹھواں اوور ( شاہد آفریدی): ڈیوائن اسمتھ 15 رنز بناکر کیچ آؤٹ ہوئے، دو رنز اضافے کے بعد مجموعی اسکور 48/2 تک پہنچا۔

    ساتواں اوور (اسامہ میر): ایک چھکے کے بعد پشاور زلمی کے مجموعی اسکور میں 10 رنز کا اضافہ ہوا یوں اختتام پر اسکور 46/1 تک پہنچا۔

    چھٹا اوور (محمد عامر): کراچی کنگز کے کپتان نے حکمت عملی تبدیل کی جو بہتر ثابت ہوئی، یوں چھٹے اوور میں زلمی کی ٹیم صرف 6 رنز بنا سکی اور اختتام پر اسکور 31/1 تک پہنچا۔

    پانچواں اوور (محمد عرفان): یہ اوور کراچی کنگز کے لیے مہنگا ثابت ہوا، کامران اکمل نے اوور میں دو چھکے لگائے اور اختتام پر ٹیم کا مجموعی اسکور 25/1 تک پہنچا۔

    چوتھا اوور (عثمان شنواری): تین رنز اضافے کے بعد زلمی کا مجموعی اسکور 11/1 تک پہنچا، کامران اکمل اور ڈیوائن اسمتھ وکٹ پر موجود رہے۔

    تیسرا اوور (محمد عرفان): ایک چوکے اور ایک رن کے بعد زلمی کا مجموعی اسکور 8/1 تک پہنچا۔

    دوسرا اوور (عثمان شنواری): دوسرے اوور کی چوتھی گیند پر محمد حفیظ بغیر کوئی رن بنائے کلین بولڈ ہوئے، اوور اختتام پر ایک رن اضافے کے بعد مجموعی اسکور 3/1 تک پہنچا۔

    پہلا اوور (محمد عامر): اختتام پرٹیم کا مجموعی اسکور 2/0 تک پہنچا۔

    زلمی نے بیٹنگ کا آغاز کیا تو محمد حفیظ اور کامران اکمل اوپننگ کے لیے میدان میں اترے اور پہلا اوور محمد عامر نے کرایا۔

    کراچی کنگز کے کپتان عماد وسیم کی انجری کے باعث کراچی کی ٹیم ٹی 20 اسپیشلسٹ مورگن کی قیادت میں میدان میں اتری، دونوں ٹیموں کے لیے میچ جیتنا انتہائی ضروری ہے، کراچی کے شیر زلمی کو پہلے مرحلے میں شکست سے دو چار کر چکے ہیں۔

    پوائنٹس ٹیبل کی تازہ صورتحال

    اسکواڈ کراچی کنگز:

    جوئے ڈین لے، بابر اعظم، آئن مورگن (کپتان)، کولن انگرام، روی بوپارا، شاہد آفریدی، محمد رضوان، اسامہ میر، محمد عرفان (جونیئر)، محمد عامر، عثمان خان شنواری شامل ہیں۔

    اسکواڈ پشاور زلمی:

    کامران اکمل، ڈیوائن اسمتھ، محمد حفیظ، رکی ویسلز، سعد نسیم، لیام ڈاؤسن، ڈیرن سمی (کپتان)، عمید آصف، وہاب ریاض، حسن علی، ثمین گل شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل 2018 : کوئٹہ گلیڈی ایٹرز اور اسلام آباد یونائیٹڈ کا ٹاکرا

    پی ایس ایل 2018 : کوئٹہ گلیڈی ایٹرز اور اسلام آباد یونائیٹڈ کا ٹاکرا

    شارجہ : پاکستان سپر لیگ کے دوسرے میچ میں آج کوئٹہ گلیڈی ایٹرز اور اسلام آباد یونائیٹڈ کی ٹیمیں ٹکرائیں گی۔

    تفصیلات کے مطابق پاکستان سپر لیگ میں سنسنی خیز اور اعصاب شکن مقابلے جاری ہے، آج دوسرے میچ میں کوئٹہ گلیڈی ایٹرز اور اسلام آباد یونائیٹڈ کی ٹیمیں آمنے سامنے ہوںگی۔

    دونوں ٹیموں کے درمیان مقابلہ رات نو بجے شروع ہوگا۔

    پاکستان سپر لیگ سیزن تھری میں اسلام آباد یونائیٹڈ اور کوئٹہ گلیڈی ایٹرز نے پلے آف مرحلے کیلئے کوالیفائی کرلیا ہے، اسلام آباد یونائیٹڈ 12 پوائنٹس کے ساتھ سر فہرست ہے جبکہ کوئٹہ گلیڈی ایٹرز نے دس پوائنٹس حاصل کرکے دوسری پوزیشن پر قبضہ جمالیا ہے۔

    کوئٹہ کی ٹیم دو مرتبہ فائنل کھیل چکی ہے اور اب تیسری بار فائنل میں جانے کے لئے سرفراز الیون کو اور بہتر کھیل پیش کرنا ہوگا

    کوئٹہ گلیڈی ایٹر

    سرفراز احمد کوئٹہ گلیڈی ایٹرز کے کپتان ہیں جبکہ دیگر کھلاڑیوں میں کیون پیٹرسن، ریلے روسو، اسد شفیق، محمد اللہ، انور علی، عمر امین، شین واٹسن، کارلوس بریتھوٹ، راحت علی، رمیز راجہ جونیئر، سعد علی، سعود شکیل، حسان خان، جیسن روئے، راشد خان، محمد اعظم خان اور فراز احمد شامل ہیں۔

    اسلام آباد یونائیٹڈ

    مصباح الحق اسلام آباد یونائیٹڈ کے کپتان ہیں جبکہ دیگر کھلاڑیوں میں آندرے رسل، سیموئل بدری، محمد سمیع، رومان رئیس، شاداب خان، افتخار احمد، عماد بٹ، آصف علی، جے پی ڈومنی، لیوک رانچی، فہیم اشرم، سیم بلنگز، ظفر گوہر، صاحبزادہ فرحان، حسین طلعت، ایلکس ہیلز، ڈیوڈ ولی، محمد حسن اور محمد حسنین شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی کنگز:عماد وسیم تاحال ان فٹ، کپتانی اوئن مورگن کریں گے

    کراچی کنگز:عماد وسیم تاحال ان فٹ، کپتانی اوئن مورگن کریں گے

    دبئی: ڈاکٹرز نے کراچی کنگز کے کپتان عماد وسیم کو مزید آرام کا مشورہ دے دیا، وہ کل پشاور زلمی کے خلاف میچ کا حصہ نہیں بنیں گے.

    تفصیلات کے مطابق پشاور زلمی کے خلاف اہم میچ سے قبل کراچی کنگز کو دھچکا لگا ہے. لاہور قلندرز کے خلاف کیچ پکڑتے ہوئے ہیڈ انجری کا شکار ہونے والے عماد وسیم اگلے میچ کا بھی حصہ نہیں ہوں گے۔ اب ان کی جگہ انگلینڈ کی ٹیم کے مایہ ناز بیٹسمین اوئن مورگن کراچی کنگز کی قیادت کریں گے.

    اسٹار آل راؤنڈر ابھی مکمل فٹ نہیں ہوسکے ہیں. ڈاکٹرز کے مشورے پر وہ مزید آرام کریں‌ گے. عماد وسیم کی جگہ اوئن مورگن کراچی کنگز کی قیادت سنبھالیں گے. یاد رہے کہ مورگن کا پی ایس ایل سیزن تھری میں یہ پہلا میچ ہوگا.

    پشاور زلمی اور کراچی کنگز کے میچ کو تجزیہ کار دونوں‌ ٹیموں کے لیے اہم گردان رہے ہیں. کامیابی کی صورت میں کراچی کنگز کی پلے آف مرحلے میں انٹری یقینی ہوجائے گی.

    پی ایس ایل فائنل : کراچی کی قسمت جاگ گئی، انتظامات کیلئے21کروڑمنظور

    یاد رہے کہ انگلش ٹیم کے سابق کپتان آئن مورگن نے گذشتہ روز پاکستان سپر لیگ کھیلنے کے لیے کراچی کنگز کو جوائن کیا تھا.

    خیال رہے کہ پی ایس ایل کے تیسرے ایڈیشن میں 20 غیر ملکی کھلاڑی حصہ لے رہے ہیں، ساؤتھ افریقا کی ٹیم کے کھلاڑی مورکل، وینڈیز کے براوو، آسٹریلیا کے جون ہیشٹنگ انگلینڈ کے جیمز وینز اور وینڈیز کے جیسن ہولڈر شامل ہیں۔

    علاوہ ازیں نیوزی لینڈ کے لیوک رونچی، انگلش ٹیم کے ٹم بریسنین، عادل رشید، وینڈیز کے سیمنز، نیوزی لینڈ کے مچل مکلینگن،کولن منرو، بنگلا دیش کے مستفیض الرحمان اور ساؤتھ افریقا کے وائن پارنل بھی میگا ایونٹ کا حصہ بنے۔

    پی ایس ایل:‌ مورگن، کراچی کنگز کے اسکواڈ میں‌ شامل

    پی ایس ایل کا تیسرا ایڈیشن کھیلنے والے نامور کھلاڑیوں میں جے پی ڈومنی، مچل جونسن، مستفیض الرحمان ، وائن پارنل، کولن منرو، عمران طاہر، لیوک رانچی، اینجلومیتھوز، عادل رشید، جون ہیزٹنگ، کرس لئن اور مچل مکلینگن شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔