لاہور: ڈاکٹرطاہر القادری نے پاکستان عوامی تحریک کی چیئرمین شپ سے مستعفی ہونے کا اعلان کردیا ، کہتے ہیں کہ سیاست سے ریٹائرمنٹ کا فیصلہ حتمی ہے۔
تفصیلات کے مطابق ڈاکٹرطاہرالقادری نے پاکستان عوامی تحریک کی قیادت سے استعفے کا اعلان کرتے ہوئے کہا ہے کہ یہ فیصلہ ایک دن میں نہیں کیا بلکہ فیصلے میں پارٹی کی مرکزی شوریٰ اور مرکزی کونسل کی مشاورت شامل ہے ۔
ڈاکٹرطاہرالقادری کا کہنا تھا کہ قومی بیداری ، شعوراورفکر کے لیے رہنمائی کرتا رہوں گا لیکن اب باقی زندگی ماندہ زندگی تصنیف و تالیف اورامت کاشعور اجاگر کرنےپرصرف کروں گا۔پاکستان عوامی تحریک ختم نہیں کی وہ اپنا کام جاری رکھےگی۔
انہوں نے کہا کہ 10جلدوں پرقرآن انسائیکلوپیڈیاتیارکرلیاہے، 40جلدوں پرمشتمل سنت انسائیکلوپیڈیاکاکام جاری ہے جو کہ جلد پایہ تکمیل کو پہنچے گا۔
طاہر القادری کا مزید کہنا تھا کہ موجودہ نظام میں پارلیمنٹ صرف ایک ڈبیٹ کلب ہے،پارلیمنٹ میں بیٹھےلوگ صرف اپنےمفادات کادفاع کرتےہیں۔انتخابی نظام دھاندلی،کرپشن اورلوٹ مارکےسہارےکھڑاہے۔پارلیمنٹ میں جانےوالےپرندوں کی طرح پارٹیاں بدلتےہیں،جس تبدیلی کی باتیں کی گئیں وہ نظرنہیں آئی،احتساب کادروازہ کھلاہے۔
سانحہ ماڈل ٹاؤن پر گفتگو کرتے ہوئے ان کا کہنا تھا کہ خون کےآخری قطرے تک سانحہ ماڈل ٹاؤن کا مقدمہ لڑیں گے،پانچ سال میں پہلی بار سانحہ ماڈل ٹاؤن کی تحقیقات ہوئیں لیکن معاملہ وہیں کھڑا ہے جہاں5سال پہلےکھڑاتھا۔حکومت بتائے کس کے کہنے پررپورٹ معطل کرائی گئی،حکومت شہداءکےورثاکوانصاف دلانےکی ذمےداریاں ادا کرے۔
ان کا کہنا تھا کہ مجھے آئندہ ملک میں سزا نہیں سمجھوتہ نظر آرہا ہے ،سابق حکمران جو سزا بھگت رہے ہیں وہ غیر سنجیدہ ہے ۔اگر سزا سنجیدہ ہوتی تو اب تک لوٹی ہوئی رقم واپس آ چکی ہوتی۔
مسئلہ کشمیر پر تبصرہ کرتے ہوئے ان کا کہنا تھا کہ ایک ماہ سےکشمیری ذبح ہورہےہیں لیکن عالمی طاقتوں نےاس ظلم روکنےکےلیےایک جملہ تک نہیں کہامجھےتولگتاہےکہ معاملے پرعالمی طاقتیں آن بورڈ ہیں۔
انہوں نے یہ بھی کہا کہ انسانیت کاتعلق ختم ہوگیاہے اب دنیا میں مفادات کاتعلق ہے اوربڑی طاقتیں طاقتور ظالموں کےساتھ کھڑی ہیں۔
