Tag: پاکستان عوامی تحریک

اسلام آباد: ڈاکٹر طاہرالقادری کہتے ہیں دھرنا چھوڑ کرکہیں نہ جاکر کارکنوں نے نئی تاریخ رقم کی ، دنیا میں ہمارے کاکنوں کی قربانیوں کی مثال کوئی جماعت نہیں دے سکتی ، فیصل آباد دھرنے میں شرکت کے بعد اسلام آباد دھرنے میں واپس آئینگے۔

پاکستان عوامی تحریک کے سربراہ طاہرالقادری کا کہنا تھا کہ انقلاب کا قافلہ جس شہر میں جائے گا جلسہ عام کریں گے، کرپٹ سسٹم کو ختم کردیں گے، جلسوں سے قبل کارکنوں کو متعلقہ اضلاع میں کام کرنے بھیج رہا ہوں، پی اے ٹی کے کارکن یا تو جیل میں ہیں یا دھرنے میں، ڈی چوک اور سپریم کورٹ کے قریب سے خیمے لپیٹ دیے جائیں، عصر سے پہلے کارکنان پی ٹی وی چوک کے قریب منتقل ہوجائیں۔

انہوں نے کہا کہ دھرنے میں موجود افراد میرے پیچھے یہیں رہیں گے، لاہور جلسے کیلئے بھی اسلام آباد دھرنے سے ہی جاؤں گا میرا کنٹینر کھڑا ہے تو یہاں کوئی گلو بٹ نہیں آسکتا، مجھے گرفتار کرنا ہے تو  شوق پورا کرلیں، انقلاب کا نیا مرحلہ شروع ہو رہا ہے،دھرنا برقراررہےگا۔

اسلام آباد: طاہر القادری نے کہا کہ ہمارا انقلاب ملک سے انتہا پسندی کا خاتمہ ہے، ان کا کہنا تھا پاکستان عوامی تحریک کی جدوجہد کا اگلا پڑاوفیصل آباد ہوگا ۔

اسلام آباد میں انقلابی دھرنے کا شرکاء سے خطاب کرتے ہوئے پاکستان عوامی تحریک کے سربراہ ڈاکٹر علامہ طاہرالقادری نے کہا کہ پاکستان کے ادارے خسارے میں چل رہے ہیں اس حکومت کا پورا نظام کرپٹ ہے، حکمران میرٹ پر سرکاری نوکریاں نہیں دیتے اور لاکھوں کی تنخواہ پر سفارشی لوگوں کو بٹھا دیتے ہیں جس پر عوام کو سوال پوچھنے کا پورا حق ہے کہ سرکاری ملازمت کا میرٹ کیا ہے جبکہ پاکستان میں ڈاکٹرز اور انجینئرز کو بھی لاکھوں میں تنخواہ نہیں دی جاتی۔

انہوں نے کہا کہ اس ملک کے ستونوں میں سے کرپشن بھی ایک ستون بن چکا ہے جسے سب نے تسلیم کرلیا ہے جبکہ کرپشن اب پاکستانی سیاسی کلچر کا بھی حصہ بن چکی ہے لیکن ہمیں اس ملک سے کرپشن کی جڑوں کو کاٹنا ہے جس کے لیے سب کو ساتھ بیٹھنا ہوگا۔اس موقع پر ڈاکٹر طاہرالقادری نے دھرنے کے شرکاء کو نیا نعرہ بھی دے دیا ان کا کہنا تھا کہ ہمارےدوگوہیں، گونوازگو اورگونظام گو۔