Tag: پاکستان عوامی تحریک

اسلام آباد : ڈاکٹر علامہ طاہرالقادری نے کہا ہے کہ پاکستان عوامی تحریک انتخابی سیاست میں حصہ لے گی، ایوانوں میں بیٹھ کر ایوان کا وقار بحال کریں گے۔

اسلام آباد میں انقلابی دھرنے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری نے اعلان کیا ہے کہ ان کی جماعت آئندہ ہونے والے تمام انتخابات میں حصہ لے گی اورعوام کو صاف ستھرے نمائندے مہیا کرکے پارلیمانی جماعت بن کر ابھرے گی تاکہ پارلیمنٹ کو مکمل طور پرعوام کی نمائندہ بنا کرعوامی فیصلے کئے جائیں۔

طاہرالقادری کا کہنا تھا کہ مزید ان چوروں اورلٹیروں کوملک کو لوٹنے کا موقع نہیں دیں گے، ہم موجودہ نظام سے سمجھوتہ نہیں کریں گے، انتخابات میں حصہ لے کر پارلیمنٹ میں آئیں گے اوراس نظام کو بدلیں گے،ہم پارلیمنٹ کے تقدس کو بحال کریں گے، انقلابی تحریک کا آغاز 12 اکتوبر کو فیصل آباد میں جلسے سے ہوگا، 19 اکتوبر کو لاہور میں بھی جلسہ کریں گے۔

انہوں نے کہا کہ ہمارا منشور بھی ان ظالموں سے ٹکرائے گا ، ٹکٹوں کا فیصلہ بھی عوام کریں گے اورعوامی تحریک کوملک کی سب سے بڑی سیاسی جماعت بنائیں گے۔

اسلام آباد: ڈاکٹرطاہرالقادری نے عید الاضحیٰ کے بعد انقلابی دھرنے کو ملک گیراحتجاج میں تبدیل کرنے کا اعلان کردیا۔

اسلام آباد میں انقلابی دھرنے کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ اب اس دھرنے کو ملک گیرتحریک بنانا ہوگا، انقلابی دھرنے کوگھرگھر پہنچانا ہوگا، دھرنے کو گلی گلی شہرشہر میں پہنچانا ہوگا، مظلوم آواز بلند کرنے کےلئے انقلاب مارچ کے دھرنے میں آرہے ہیں۔

انہوں نے کہا کہ پولیس کو معلوم ہے کہ حکمران انہیں کچھ نہیں کہیں گے، ملک پولیس اسٹیٹ بن گیا ہے اوردہشتگردی کی انتہا ہوگئی ہے، کوئی چوری پولیس کے سپورٹ کے بغیرنہیں ہوسکتی ہے، جس ملک سے عدل وانصاف اٹھ جائے اس ملک کا باقی رہ جانا ممکن نہیں ہوتا۔

طاہرالقادری نے اعلان کیا کہ عید الاضحیٰ کے بعد لوگوں کا سمندر لے کرشہرشہرجاؤں گا، دھرنا ملک گیراحتجاج میں تبدیل ہوگا، ن لیگ کے ایم پی اے سیلاب متاثرہ علاقوں میں گئے تو وہاں گونوازگوکے نعرے لگے۔

ان کا کہنا تھا کہ کہاں ہے جمہوریت جوغریبوں کوعلاج مہیا کرے، کیا جمہوری حکومت نےعوام کوتعلیم دی؟ جی ڈی پی میں تعلیم کا حصہ کسی نے بڑھایا ہے؟ جونظام عوام کو تحفظ نہیں دے سکتا اس پرقوم کیوں اعتماد کرے، جی ڈی پی میں کم ازکم 10 سے 12 فیصد تعلیم پرخرچ ہونا چاہئے، تعلیمی ایمرجنسی لگا کرتعلیم پر 20 فیصد حصہ بڑھانا چاہیئے، جمہوریت کا فرض ہے لوگوں کو انصاف ملے ،ہمیں ایسا نظام چاہیئے جہاں ظلم نہ ہو ۔

دھرنے کے شرکاء سے خطاب کے دوران طاہرالقادری نے کسانوں کے ساتھ اظہار ہکجہتی بھی کیا، انہوں نے کہا کہ پاکستان زرعی ملک تھا جیسے تباہ کردیا گیا، آج پنجاب کا کسان سڑکوں پرآگیا ہے، ایک ایکڑ میں کسان کو ساڑھے 22 ہزار کا نقصان ہوتا ہے، انقلاب مارچ میں کسانوں نے کپاس کو بھی آگ لگا دی۔

اسلام آباد: ڈاکٹر طاہرالقادری نے کہا کہ ہمارے صبرکاپیمانہ لبریز ہورہاہے،حکومت امتحان نہ لےجب یہ دھرنا تحریک میں تبدیل ہوگا تو شہر شہر انقلاب ہوگا۔

اسلام آباد میں انقلابی دھرنے سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہناتھاکہ دھرنے نے قوم کے بچے بچے کو شعور دیا ہے اسکول کے کلاس روم میں گو نواز گو کے نعرے لگ رہے ہیں،دھرنے کے باعث قوم اپنے آئین کی حقوق سے روشناش ہوئی، اس  وقت لاہور چیمبر آف کامرس  میں گو نواز گو کے نعرے بلند ہورہے ہیں، میں انہیں سلام پیش کرتا ہوں

ان کا کہنا تھا کہ پنجاب کے کسان کل پورے پنجاب کو بلاک کردیں گے، اپنے حقوق کے لئے کل ہاری اور کسان بھی نکلیں گے، دھرنوں نےعام آدمی کوآرٹیکل62اور63کاشعوردیا

انہوں دھرنے کے شرکاء سے کہا کہ آپ نے حقیقی انقلاب کی تاسیس رکھ دی ہے ، آپ جب بھی جائیں گےآپ کا سر فخر سے بلند ہوگا،انقلاب مارچ کا عظیم تاریخی نتیجہ یہ ہے کہ آج کابینہ میں بجلی کے اضافی بلوں پر بات ہورہی ہے، وہ وقت دور نہیں جب انقلاب اپنے آْخری لمحہ میں ہوگا۔

طاہرالقادری نے کہا کہ ہمارے صبرکاپیمانہ لبریز ہورہاہے،حکومت امتحان نہ لے، گھر بیٹھے کارکنوں کوپولیس تنگ کررہی ہے، پاکستان کی تاریخ میں ماڈل جیسی مثال نہیں ملتی ہے، اگر قوم 2013 کے انتخابات میں لبیک کہہ دیتی تو آج یہ دن دیکھنے کو نہیں ملتا۔

ان کا کہنا تھا کہ جب یہ دھرنا تحریک میں تبدیل ہوگا تو شہر شہر انقلاب ہوگا تب دنیا دیکھے گی انقلاب کیا ہوتا ہے، جب اعلان کروں گا دھرنا گلی گلی ہوگا، خونی انقلاب میں آخری رکاوٹ میں ہوں، وہ وقت آنے سے پہلے حکمران مستعفی ہوجائیں ۔

طاہرالقادری کا کہنا تھا کہ مجھے گنبد خضرا کی کی قسم میں اپنی جنگ نہیں لڑھ رہا ہوں میں کڑوڑوں پاکستانیوں کی جنگ لڑھ رہا ہوں، ہم غریبوں کی حق کی جنگ لڑھ رہے ہیں،قوم کو وہ نظام دینا ہے جو ملک کو بدل دے ۔

اسلام آباد: طاہرالقادری نے کہا کہ کشکول توڑنے کی بات کرنے والوں نے پوری قوم کے ہاتھ میں کشکول تھمادیا ہے۔

اسلام آباد میں انقلابی دھرنے سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ ہماری جدوجہد رنگ لارہی ہے ایک فقیر آواز لگا رہا تھا کہ اللہ کے نام پر دو ، گو نواز گو ۔ جس پر عوام نے اس پر پیسوں کی بارش کردی ۔

ان کا کہنا تھا کہ اس ملک کرپشن کا عالم یہ ہے کہ صوبہ پنجاب نہیں پورا ملک تباہ ہو رہا ہے، 2007میں فوجی آمریت کا دور تھا،جب پنجاب سرفہرست تھا، اس وقت بھی شہباز شریف وزیراعلیٰ تھے، جس صوبے کی آمدنی سب سے زیادہ ہوتی تھی آج اس کی آمدنی کم کیسے ہوئی ۔ آج یہ صوبہ 452ارب روپے کا مقروض ہوگیا ہے ۔

طاہرالقادری نے کہا کہ جو لوگ کشکول توڑنے کی بات کرتے تھے انہوں نے چھوٹوں بڑوں سب کے ہاتھ مین کشکول تھمادیا ہے، موجودہ حکومت پر 94 فیصد بیرونی قرضہ ہے ،ملکی دولے کرپشن اور عیاشی پر خرچ ہورہی ہے،وفاق اور صوبے قرضوں پر چل رہے ہیں ، حکمران جمہوریت کا مطلب سمجھائیں، آئین کا مطلب سمجھائیں۔،

انہوں نے کہا کہ میری جنگ ایسی جمہوریت کے لئے ہے کہ جہاں ایک چھوٹا شخص بڑے شخص کا محاسبہ کر سکے ، غریب امیر سے سوال پوچھ سکے، ہر شہری کا حق ہے کہ بڑے بڑے طاقتور سے سوال پوچھ سکے، یہاں غلامی ہے جمہوریت نام کی کوئی چیز نہیں ہے، ہم اس غلامی کا خاتمہ چاہتے ہیں ۔

انہوں نے کہا کہ میں آج تک اپنے لئے کچھ نہیں بنایا سب منہاج کے نام کردیا ہے، ن لیگ میری برطانیہ میں کوئی جائیداد ثابت نہ کرسکی ۔

طاہرالقادری نے خطاب کرتےہوئے کہا کہ پورے پنجاب میں مرغی اور اس کے انڈوں کے قیمت یہ حکمران خود طے کرتے ہیں، حکمران جان بوجھ کر ریٹ اوپر کرتے ہیں، جب اپنا سارا مال بیچ دیتے ہی تب ریٹ سستہ کردیتے ہیں۔ان حکمرانوں نے پولٹی فارم ، سولر انرجی ، دودھ  کا کاروبار، اسٹیل کا کاروبار سب اپنے ہاتھ میں رکھا ہوا ہے ۔

ان کا کہنا تھا کہ بجلی مہنگی کردی گئی کیونکہ وہاں بھی کرپشن عروج پر ہے، نیپرا میں بے۔اے پاس کو کرپشن کرنے کے لئے نیپرا کا ممبرٹیرف لگا دیا گیا، نیپرا کا ریگولر چیئرمین آج تک نہیں لگایا گیا ۔ اس بے۔اے پاس کو ہی نگراں چیئرمین لگادیا گیا ہے ۔

طاہر القادری نے اسلام آباد میں دھرنے کے شرکاءسے خطاب کے دوران بتایا کہ لاہور میں ان کے بیٹے کے گھر بیٹی کی پیدائش ہو گئی ہے اور وہ دادا بن گئے ہیں۔

اسلام آباد: طاہرالقادری نے کہا کہ حکومت دھاندلی کے معاملےپربات ہی نہیں کرناچاہتی، حکومت کے پاس مینڈیٹ نہیں میڈک ہے ۔

اسلام آباد میں انقلابی دھرنے سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ دھرنے کے پیچھے آئی ایس آئی اور ایم آئی 6  کے الزام کو مکمل طور پر رد کرتے ہیں، ہم قانون اور دلیل کی بات کرتے ہیں،  الزام لگانے والے بتائیں طیارے کا رخ کس نے تبدیل کرویا، سانحہ ماڈل ٹاون کس کا پلان تھا حکمران جواب دیں کیا کارکنان کی گرفتاری کا پلان آئی ایس آئی نے بنایا تھا، میرے جہاز کا رُخ موڑنے کا حکم کیا ایم آئی 6  نے دیا تھا ، ان ممالک کے سفیروں کیوں طلب نہیں کرتے ۔الزام لگانا آسان ہے کٹھرے میں کھڑا ہونا مشکل ہے ۔

انہوں نے کہا کہ آئین پاکستان کو اس ملک میں غلام بنا دیا گیا ہے، انقلاب کے زریعے پاکستان کے آئین کو آزادی دلانا چاہیتے ہیں ۔

طاہرالقادری ہے کہا کہ ن لیگ کے پاس قومی خزانہ لوٹنے کے سوا کوئی کام نہیں ہے، حکومت میری کوئی بات دلیل سے رد نہیں کرسکتی ہے، الزام لگانا آسان ہے کٹھرے میں کھڑا ہونا مشکل ہے، غربت خیرات سے نہیں انصاف سے ختم ہوتی ہے ۔

ان کا کہنا تھا کہ  سیلاب متائژرین کی بحالی کی مدد کر رہے ہیں ۔ہماری جماعت فلسطین کے مسلمانوں کی بھی مدد کر رہی ہے، آئی ڈی پیز بھی گو نواز گو کے نعرے لگا کے دھرنے میں شامل ہوگئے ہیں، کھیل کے میدان بھی گونواز گو کے نعرے لگ رہے ہیں ۔

اسلام آباد :  طاہرالقادری نے کہا کہ قومی خزانہ تعلیم کےبجائےحکمرانوں کی عیاشیوں پرخرچ ہورہاہے، ہم پرغیرملکی فنڈنگ کا الزام لگنے والے امریکہ اور برطانیہ کے سفیر کو طلب کرکے احتجاج کیوں نہیں کرتے۔

اسلام آباد میں انقلاب مارچ کے دھرنے سے خطاب میں پاکستان عوامی تحریک کے سربراہ ڈاکٹرعلامہ طاہرالقادری کا کہنا تھا کہ نوازشریف قومی ایئرلائن کےہوٹل کےبجائےآٹھ لاکھ یومیہ پرمہنگے ترین ہوٹل میں کیوں ٹہرے، بارک اوبامہ نے زیارت کا موقع نہیں دیا تو کوئی بات نہیں،صرف ان سے ملنے کے لئے نواز شریف امریکہ کے مہنگے ترین ہوٹل میں قیام پزیر ہوئے ہیں، ایسی چیزوں سے قوم کا وقار نیچے آتا ہے۔

انہوں نے کہا کہ دھرنے پر فنڈنگ کا الزام لگانے والوں کو چیلنج کرتا ہوں کہ میدان میں آجائیں اگر الزام ثابت ہوجائے تو مجھے سزا دی جائے،انہوں نے کہا کہ ایک قانون بنایاجائے جس نے بھی کبھی بھی فنڈنگ لی ہو اُسے سزائے موت دی جائے ۔

طاہرالقادری کا کہنا تھا کہ کہا جا رہا ہے دھرنے کے پیچھےسی آئی اے اور ایم آئی 6 کا ہاتھ ہے وہ فنڈنگ کر رہے ہیں ، میں دوبارہ ان لوگوں کو چیلنج کرتا ہوں، سی آئی اے اور ایم آئی 6 کی سپوٹ کا الزام لگانے والوں اگر سی آئی اے کا ہاتھ ہے تو ثابت کرو اور مجھے سزا موت دے دو ۔

انہوں نے کہا کہ یہ ٹھوکا ٹھاکی کیاہے اگر مجھ سے بات کرنی ہے تو لوہار کی طرح بات کرو، امریکی سفیر کو طلب کرو اورثابت کرو اوراگر ایسا نہیں کرسکتے تو تمہیں کوئی حق نہیں پہنچتا کہ الزام لگاو، الزام تراشی کی سزا اسلام میں 80 کوڑے ہیں، اگر الزام ثابت نہ کرسکو تو انقلابی دھرنے میں آوٗ ہم تمیں 80 کوڑے لگاتے ہیں۔

طاہرالقادری نے کہا کہ ماڈل ٹاون شہداء کے لواحیقین کو ڈرایا دھمکایا جارہا ہے، ازبکستان کے صدر کی بیٹی پر کرپشن کا الزام ہے،ازباکستان میں کوئی اپوزیشن نہیں ہے اس کے باوجود وہاں کی پولیس نے صدر کی بیٹی کو نظربندکرلیا ہے اورموجودہ صدر اپنی بیٹی کوچھڑا نہیں سکتا ۔

انہوں نے کہا کہ انقلاب مارچ کا مقصد بھی یہی ہے کہ یہ ملک انسانی حقوق کا نمونہ پیش کرے یہ غریبوں کی جنگ ہے تاکہ بھوکوں کو کھانا ملے، سب کو تعلیم ، علاج اور روزگار ملے، غریب امیر سب کے لئے قانون برابر ہونا چایئےدیگر ممالک تعلیم میں اوپر چلے گئے پاکستانیوں کا کیا قصور ہے ؟ ملک میں دور دور تک کرپشن پھیلی ہوئی ہے، حکمران جھوٹے اعداد و شمار سے قوم کو گمراہ کرتے ہیں ۔

اسلام آباد: طاہرالقادری نے کہا کہ ملک میں انقلاب کی لہر آچکی ہےدو یا تین روز میں انقلاب کو طوفان میں تبدیل کر دیں گے۔

اسلام آباد میں انقلابی دھرنے سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ قوم کو معاشی طور پر پست کیا جارہا ہے، آمروں اور جاگیرداروں نے قوم میں مایوسی پیدا کیں ہیں، سیاسی آمروں نے قوم سے اٹھنے کی طاقت چھین لی ہے ۔

سربراہ عوامی تحریک نے دھرنے کے شرکاء سے کہا کہ آپ نے گونگے لوگوں کو زبان دی ہے، آپ نے 40 دن بیٹھ کر سوئی ہوئی قوم کو جگا دیا ہے، گو نواز گو قومی پیغام بن چکا ہے، نواز شریف کے اپنے حلقے میں بھی گو نواز گو کے نعرے لگ رہے ہیں، ایشین گیمز میں بھی گو نواز گو کے نعرے لگتے رہےاورآئی ڈی پیز بھی گو نواز گو کے نعرے لگارہے ہیں، ہمارے انقلاب کی فتح ہوچکی ہے ۔

ان کا کہنا تھا کہ قائد اعظم کہتے تھے ان کے جیب میں کھوٹے سکے ہیں، انقلاب کی لہر آتی ہے تو کئی کھوٹے سکے ساتھ چلتے ہیں، انقلاب کی لہر آچکی ہےدو یا تین روز میں انقلاب کو طوفان میں تبدیل کر دیں گے۔ متوسط طبقہ اس ملک کے اقتدار پر نہیں آسکتا، متوسط طبقہ اس ملک  میں طاقتور طبقے کو چیلینج نہیں کر سکتا، قوم زہنی طور پر مایوس ہوجائے تو کوئی اسے اٹھانہیں سکتا ۔

طاہرالقادری کا کہنا تھا کہ ساڑھے نو ماہ تک الیکشن کمیشن کی رپورٹ چھپائی گئی، رپورٹ میں الیکشن کمیشن کی بے ضابطگیوں کا اعتراف کیا گیا ہے، الیکشن کمیشن کا سکورٹنی کا عملہ ٹھیک کام نہیں کرسکا، اسمبلی میں چوروں کو آنے سے نہیں روکا گیا، امیدواروں کی جانچ پرتال کا صحیح وقت نہیں ملا، پولنگ کا وقت ایک گھنٹہ بڑھادیا گیا، انتخابات سے بنے والی حکومت غیر آئینی ہے ۔

طاہرالقادری کا کہنا تھا کہ حکومت نے دفعہ 144 کے تحت لوگوں کو گرفتار کرنے کا منصوبہ بنایا تھا، تاہم عدالت نے 29 ستمبر تک دفعہ 144معطل کردی ہے دھرنے کے شرکاء جاسکتے ہیں اور روز آسکتے ہیں۔