خیال رہے کہ دو روز قبل اے آر وائی نیوز کے پروگرام دی رپورٹرز میں گفتگو کرتے ہوئے پاکستان عوامی تحریک کے سربراہ ڈاکٹر طاہرالقادری کا کہنا تھا کہ شریف برادران کا سیاسی جنازہ اٹھنے کے قریب ہے مارچ میں تدفین ہوجائے گی۔
سربراہ پاکستان عوامی تحریک کا کہنا تھا کہ احتجاج کرنے میں کسی کے محتاج نہیں جب کرنا ہوا باآسانی کریں گے اور محض 48 گھنٹے کے نوٹس پرخود مال روڈ بھرسکتے ہیں، ہمارےپاس عوام کا سمندر ہے، کسی کے محتاج نہیں۔
ڈاکٹرطاہرالقادری کا کہنا تھا کہ لاہور جلسے میں استفعوں سے متعلق آپشن پر بھی تبادلہ خیال ہوا تھا لیکن میں یہ حق نہیں رکھتا کہ سیاسی جماعتوں سے کہوں کہ ان کے اراکین اسمبلی مستعفی ہوجائیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : پاکستان عوامی تحریک کے سربراہ ڈاکٹر طاہرالقادری نے کہا ہے کہ قوم نئے شیخ مجیب الرحمان سے ملک کو بچانے کیلئے ایک ہوجائے، آج لوگ مظلوموں کی مدد کیلئے جمع ہوئے ہیں، ہم آئین نہیں سلطنت شریفیہ کو توڑنا چاہتے۔
ان خیالات کا اظہار انہوں نے مال روڈ لاہورپر ایک بہت بڑے جلسہ عام سے خطاب کرتے ہوئے کیا، ڈاکٹر طاہر القادری نے اپنی تقریر کا آغاز اجتماع میں آنے پر آصف زرداری کا شکریہ ادا کرتے ہوئے کچھ ترمیم کے ساتھ علامہ اقبال ؒ کی ایک مشہور رباعی سے کیا، ان کا کہنا تھا کہ
اٹھو میری دنیا کےغریبوں کو جگادو جاتی امراء کےدرو دیوار ہلا دو
سلطانیء مظلوم کا آتا ہے زمانہ جونقش ستم تم کو نظر آئے مٹادو
انہوں نے کہا کہ معاشرے میں اتنی تقسیم ہوچکی ہے کہ قومی ایشو پر مل بیٹھنے کو تیار نہیں، آج سب کے متحد ہونے میں میرا کمال نہیں۔
طاہرالقادری نے بتایا کہ ایک سیشن جاری ہے جس کی صدارت آصف زرداری نے کی، دوسرا سیشن کچھ دیر میں ہوگا جس کی صدارت عمران خان کرینگے۔
سربراہ پی اے ٹی نے کہا کہ ملک میں انسانی حقوق کچلے جارہے ہیں عوام کو انصاف فراہم نہیں کیا جارہا، نئے شیخ مجیب الرحمان سے ملک بچانے کیلئے قوم ایک ہوجائے، دیکھو، اٹھو اور پہچانو کہ ہمارا دشمن کون ہے؟
طاہرالقادری کا مزید کہنا تھا کہ میرا مقصد صرف دشمن سے پاکستان کو نجات دلانا ہے، آئین کے خلاف کوئی قدم اٹھایا نہ ہی ہم اٹھانا چاہتے ہیں، ہم تو آئین کی بحالی چاہتےہیں جس کی دشمن سلطنت شریفیہ ہے، ہم آئین نہیں سلطنت شریفیہ کوتوڑنا چاہتے ہیں۔
یہاں سب کو بلانےکا مقصد اپنی ذات کیلئے نہیں بلکہ مظلوموں کیلئے ہے، ہم نے جمہوریت کو نہیں تمہارے ظلم وجبر کو توڑنا ہے، ہماراشیوہ توڑ پھوڑ یا جلاؤ گھیراؤ کرنا نہیں بلکہ پرامن پاکستان ہے، اگر قانون ہاتھ میں لیتے تو شریف برادران کو جاتی امرا سے ایک قدم نکالنے کی جرات نہ ہوتی۔
انہوں نے کہا کہ ایک بھائی کو سپریم کورٹ نے بد دیانت قرار دے کرنکالا، دوسرے بھائی نے 14 معصوم لوگوں کو شہید کردیا، نوازشریف شیخ مجیب الرحمان کو اپنا لیڈر اور مودی کو اپنا دوست مانتےہیں۔
سلطنت شریفیہ نے ذوالفقارعلی بھٹو کی قبرکا ٹرائل اور بینظیربھٹو کےخلاف بیان بازی کی، شریف برادران کے ہوتے ہوئے ملک میں جمہوریت اور خوشحالی نہیں آئےگی۔
انہوں نے کہا کہ ہم تمہیں سبق سکھانا چاہتے ہیں، میں نے اسلام کا پر امن چہرہ دنیا کو دکھایا ہے، جمہوریت امن اور ملک کیخلاف نہ کوئی قدم اٹھا سکتے ہیں اور نہ ہی اٹھانا چاہتے ہیں, آج احتجاج کی ابتدا ہے اسےانجام تک لیکرجانا ہے۔
شریف برادران سن لو ہم چاہیں تو تمہیں سبق سکھا دیں
ڈاکٹر طاہرالقادری نے جلسے کے دوسرے سیشن سے خطاب کرتے ہوئے کہا کہ اب میں کوئی فیصلہ اکیلے نہیں کروں گا، شریف برادران سن لو ہم چاہیں تو تمہیں سبق سکھادیں، قانون کو ہاتھ میں لینے کا فیصلہ نہیں کیا نہ کریں گے، پُرامن احتجاج سے حکمرانوں کے کانوں پرجوں تک نہیں رینگتی.
ان کا کہنا تھا کہ حکمرانوں ہماری قانون پسندی کو کمزوری نہ سمجھو، کارکنوں کو کہہ دوں تو تم جاتی امراء سے باہر قدم نہیں رکھ سکو گے، اگر کارکن جاتی امراء جاکر تھوک بھی دیں تو تمہارے محل سیلاب میں بہہ جائیں گے، ہم چاہیں تو تمھارے محلات کی اینٹ سے اینٹ بجادیں، ہم ٹکرا گئے تو بڑے بڑے سمندر شرما جائیں گے۔
انہوں نے کہا کہ یہ طے ہوچکا کہ اب تمہاری حکومت جائےگی، دنیا کی کوئی تمہیں بچا نہیں سکتی، اگلےلائحہ عمل کا اعلان جلد ہوگا، اس بار فتح اور کامرانی عوام کا مقدرہوگی، ماڈل ٹاؤن کے قاتلوں اور ملکی خزانہ لوٹنے والوں کا انجام پوری دنیا دیکھےگی۔
طاہرالقادری کا عمران خان کو مخاطب کرتے ہوئے مزید کہنا تھا کہ خان صاحب، اب ہماری مشترکہ جنگ ہے، ہم آئین اور جمہوریت کے پاسبان ہیں، اب جو فیصلہ ہوگا وہ مشترکہ ہوگا، ہم حادثاتی ماحول پیدا نہیں کرنا چاہتے، ضبط سے آگےبڑھیں گے۔
واضح رہے کہ مال روڈ لاہور میں ہونے والے جلسہ عام میں پاکستان پیپلز پارٹی پارلیمنٹیرین کے صدر آصف علی زرداری نے پہلے سیشن کی صدارت کرتے ہوئے اپنی تقریر میں نواز شریف کو کڑی تنقید کا نشانہ بنایا، جلسے کے دوسرے سیشن کی صدارت چیئرمین پی ٹی آئی عمران خان نے کی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : سانحہ ماڈل ٹاؤن کیخلاف احتجاج کی تیاریاں جاری ہے، کرسیاں پہنچا دی گئیں، لائٹیں لگ گئیں جبکہ حکومت نے کنٹینرز لگا کر مال روڈ کو بند کردیا، ڈاکٹر علامہ طاہرالقادری کا کہنا ہے کہ کل احتجاج کاآخری مرحلہ شروع ہوگا،احتجاج دھرنےمیں بھی بدل سکتا ہے۔
تفصیلات کے مطابق پاکستان عوامی تحریک کے حکومت مخالف احتجاج کیلئے مال روڈ پر تیاریاں جاری ہے، کرسیاں پہنچا دی گئیں اور لائٹیں بھی لگ گئیں، مال روڈ پر پاکستان عوامی تحریک ، پیپلزپارٹی اور تحریک انصاف کے بینیرز آویزاں کردیے گئے ہیں۔
علامہ طاہر القادری کا کہنا ہے کہ کل احتجاج کاآخری مرحلہ شروع ہوگا،احتجاج دھرنےمیں بھی بدل سکتا ہے۔
پاکستان عوامی تحریک کا ساتھ دینے کیلئے اپوزیشن جماعتوں نے بھی کمرکس لی، پیپلزپارٹی اورتحریک انصاف نے بھی احتجاج میں بھرپورشرکت کااعلان کیا ہے۔
دوسری جانب حکومت کی جانب سے بھی احتجاج سے نمٹنے کیلئے کنٹینرز لگا کر مال روڈ کو ٹریفک کیلئے بند کردیا گیا ہے۔
اس سے قبل سربراہ پاکستان عوامی تحریک طاہر القادری کا کہنا تھا کہ سانحہ ماڈل ٹاؤن کے شہداء کے خون نے قومی قیادت کو اکٹھا کردیا ہے اور ایسا ملک کی سیاسی تاریخ میں پہلی مرتبہ ہونے جا رہا ہے۔
انکا کہنا تھا کہ 17 جنوری کو شہباز شریف کا قاتل چہرہ دنیا کو دکھائیں گے اور سترہ جنوری کے احتجاج سے زینب سمیت دیگر معصوم بچیوں کو بھی انصاف ملے گا اور ماڈل ٹاؤن کے شہداء کے لواحقین بھی انصاف لے سکیں گے، مجھ سمیت تمام کارکنان سانحہ ماڈل ٹاؤن کے قاتلوں شہباز شریف اور رانا ثنا کے استعفے لیے بغیر چین سے نہیں بیٹھیں گے۔
یاد رہے کہ پاکستان عوامی تحریک کے سربراہ علامہ طاہر القادری نے میاں شہباز شریف اور رانا ثنا اللہ کے استعفوں کیلئے دی جانے والی ڈیڈ لائن ختم ہونے پر کہا تھا اب استعفے مانگے نہیں، لیے جائیں گے۔
طاہر القادری کا کہنا تھا کہ 17 جنوری سے احتجاجی تحریک شروع ہوگی، ہمارے پاس تمام آپشنز کھلے ہیں، ہم ظلم کا خاتمہ کریں گے حکومت کے خاتمے تک اب یہ تحریک نہیں رکے گی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : سربراہ پاکستان عوامی تحریک طاہر القادری نے کہا ہے کہ سانحہ ماڈل ٹاؤن کے شہداء کے خون نے قومی قیادت کو اکٹھا کردیا ہے اور ایسا ملک کی سیاسی تاریخ میں پہلی مرتبہ ہونے جا رہا ہے.
وہ لاہور میں اپنے مرکزی دفتر میں میڈیا سے گفتگو کر رہے تھے، طاہر القادری کا کہنا تھا کہ ایسا پاکستان چاہتے ہیں جہاں قوم کی بیٹیاں محفوظ ہوں اور معصوم زینب جیسی بیٹیوں کو پورا انصاف ملے.
انہوں نے کہا کہ 17 جنوری کو شہباز شریف کا قاتل چہرہ دنیا کو دکھائیں گے اور سترہ جنوری کے احتجاج سے زینب سمیت دیگر معصوم بچیوں کو بھی انصاف ملے گا اور ماڈل ٹاؤن کے شہداء کے لواحقین بھی انصاف لے سکیں گے.
طاہر القادری نے کہا کہ جسٹس باقر نجفی رپورٹ نے شہباز حکومت اور حواریوں کا گٹھ جوڑ بے نقاب کیا جس سے قاتل کھل کر سامنے آگئے ہیں جن کا استعفیٰ اب ہمارا اولین مطالبہ ہے.
انہوں نے کہا کہ ماڈل ٹاؤن سانحہ کے تمام ملزمان کو شہباز شریف نے اعلیٰ عہدوں پر ترقیاں دی گئیں جب کہ مرکزی ملزم گلو بٹ کی رہائی کا مقدمہ بھی شہباز حکومت نے لڑا تھا اور سفاک ملزم کو رہائی دلائی.
ڈاکٹر طاہر القادری نے کہا کہ 17 جنوری کا احتجاج دھرنے میں بھی تبدیل ہوسکتا ہے اور مجھ سمیت تمام کارکنان سانحہ ماڈل ٹاؤن کے قاتلوں شہباز شریف اور رانا ثنا کے استعفے لیے بغیر چین سے نہیں بیٹھیں گے.
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : سربراہ پاکستان عوامی تحریک ڈاکٹر طاہر القادری نے کہا ہے کہ ظالم حکمرانوں کو کٹہرے میں لانے کے لیے 17 جنوری کے احتجاج میں ملک کی تمام جماعتیں شرکت کریں گی۔
وہ ماڈل ٹاؤن میں اپنے مرکزی دفتر میں پریس کانفرنس سے خطاب کر رہے تھے، علامہ طاہر القادری کا کہنا تھا کہ یہ ملکی تاریخ کا پہلا احتجاج ہو گا جس میں پاکستان بھر کی سیاسی و مذہبی جماعتیں محض انصاف کے حصول کے لیے شرکت کریں گی۔
انہوں نے کہا کہ 17 جنوری کو پاکستان عوامی تحریک کے احتجاج کا مقصد سانحہ ماڈل ٹاؤن کے شہداء کے لواحقین کو انصاف دلوانا ہے جس کے لیے ہم وزیراعلیٰ پنجاب شہباز شریف اور وزیر قانون رانا ثناء اللہ کے مستعفی ہونے تک چین سے نہیں بیٹھیں گے۔
انہوں نے مزید کہا کہ حکومت زینب کے قاتل کو گرفتار کرنے میں ناکام ہے جب کہ 10 سال میں 11 ہزار ارب روہے کا بجٹ استعمال کرنے کے باوجود شہباز شریف کی حکومت زینب کے قاتل کو گرفتار کرنے میں ناکام رہی ہے۔
طاہر القادری نے بتایا کہ شہباز شریف نے پولیس کو حکومتی خزانے سے 10 سال میں ساڑھے7 سو ارب مزید دیے لیکن ان
خطیر رقوم کو استعمال کرنے والی پولیس انسانوں کا شکارکر رہی ہے اور یا تو مظلوموں کا خون بہارہی ہے یا جاتی امراء اور شاہی خاندان کا تحفظ کرنے میں مشغول ہے۔
تحریک انصاف کا اظہار یکجہتی، احتجاج میں بھرپور شرکت کا اعلان
دوسری جانب تحریک انصاف نے ماڈل ٹاؤن میں قتل عام کرنے والوں کیخلاف17جنوری کو ہونے والے احتجاج کے پیش نظر اسی دن ہونے والے اپنے پارلیمانی بورڈ کا طے شدہ اجلاس منسوخ کردیا ہے جب کہ چیئرمین عمران خان نے تحریک انصاف کے ذمہ داروں اورعلاقائی صدور کو احتجاج میں شرکت کی ہدایت کی ہے۔
خیال رہے پاکستان تحریک انصاف کے پارلیمانی بورڈ کا اجلاس 16 جنوری کو اسلام آباد میں طلب کیا گیا تھا جو اب چیئرمین پی ٹی آئی کی ہدایت پر منسوخ کردیا گیا ہے تاہم ابھی اجلاس کی نئی تاریخ کا تعین کیا گیا ہے جس کے بعد تحریک انصاف کے ذمہ داروں نے احتجاج میں شرکت کے لیے حکمت عملی طے کرنا شروع کردی ہے۔
پیپلز پارٹی نے بھی احتجاج میں شرکت کے لیے کمر کس لی
اسی طرح پاکستان پیپلز پارٹی پنجاب کے صدر قمر زمان کائرہ نے اپنے ایک بیان میں کہا ہے کہ آصف زرداری اورعمران خان ایک ہی کنٹینر پر ہوں گے، 17 جنوری کے احتجاج میں بھرپور شرکت کریں گے اور پنجاب کے حکمرانوں کوعہدہ چھوڑنے پر مجبورکردیں گے کیوں کہ لاتوں کے بھوت باتوں سے نہیں مانتے۔
انہوں نے مزید کہا کہ ایک روزہ احتجاج کا کوئی سیاسی ایجنڈا نہیں ہے بلکہ یہ محض انصاف کے حصول کی ایک کوشش ہے جہاں تمام جماعتیں جسٹس باقر نجفی رپورٹ کی روشنی میں ذمے داروں کو کیفر کردار تک پہنچانے کے اپنے مطالبے کا اعادہ کریں گی اور اگر احتجاج کے روکنے کے لیے طاقت کا استعمال کیا گیا تو پیپلزپارٹی جواب دینا جانتی ہے۔
خیال رہے جون 2014 میں پاکستان عوامی تحریک کے مرکزی دفتر واقع ماڈل ٹاؤن پر پولیس اور شرکاء کے درمیان جھڑپ میں درجن سے زائد افراد جاں بحق ہو گئے تھے جن میں بزرگ، بچے اور خواتین بھی شامل تھے، علا مہ طاہر القادری نے جسٹس باقر نجفی کمیشن رپورٹ کی روشنی میں نے شہباز شریف اور رانا ثنا سے مستعفی ہونے کا مطالبہ کیا تھا۔
تاہم وزیراعلیٰ شہباز شریف اور وزیر قانون پنجاب رانا ثنا اللہ نے مستعفی ہونے سے انکار کرتے ہوئے موقف دہرایا تھا کہ رپورٹ میں ذمہ داروں کا تعین ہے تو اس پر عدالت کے ذریعے عمل درآمد کرایا جائے اور چوں کہ رپورٹ میں ایسی کوئی بات نہیں اس لیے طاہر القادری عدالت جانے کے بجائے احتجاج میں فرار کا راستہ ڈھونڈ رہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: سانحہ ماڈل ٹاؤن پر پاکستان عوامی تحریک کے زیراہتمام آل پارٹیز کانفرنس آج لاہور میں ہوگی جس میں 40 سے زائد سیاسی ومذہبی جماعتیں شریک ہوں گیں۔
تفصیلات کے مطابق سانحہ ماڈل ٹاؤن پر ڈاکٹرطاہرالقادری کی جماعت پاکستان عوامی تحریک کی آل پارٹیز کانفرنس آج لاہور میں ہوگی جس میں 40 سے زائد جماعتیں شرکت کریں گی۔
آل پارٹیز کانفرنس میں پیپلزپارٹی، پاکستان تحریک انصاف، مسلم لیگ ق، ایم کیوایم ، پی ایس پی، ایم ڈبلیو ایم سمیت دیگر مذہبی جماعتوں کے نمائندے بھی شریک ہوں گے۔
سانحہ ماڈل ٹاؤن متاثرین کوانصاف دلوانے کے لیے لائحہ عمل کا اعلان ہوگا جبکہ اے پی سی کے اختتام پرمشترکہ اعلامیہ جاری کیا جائے گا۔
خیال رہے کہ گزشتہ روز سابق صدر آصف علی زرداری کا کہنا تھا کہ شہباز شریف اور رانا ثنا اللہ کو ماڈل ٹاؤن سانحے کا حساب دینا ہوگا، وہ تحقیقات پراثرانداز ہوئے، انہیں استعفیٰ دینا پڑے گا۔
یاد رہے کہ گزشتہ ہفتے پاکستان عوامی تحریک کے سربراہ ڈاکٹر طاہرالقادری نے آل پارٹیز کانفرنس کی تاریخ تبدیل کرکے 28 کی بجائے 30 دسمبرطے کی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور : وفاقی وزیر ریلوے خواجہ سعد رفیق نے کہا ہے کہ پاکستان میں جمہوریت ہی آگے بڑھے گی، بروقت انتخابات اور ووٹ کی طاقت اور تقدس کے ذریعے نیا پاکستان بنائیں گے
وہ لاہور میں ایک جلسہ عام سے خطاب کر رہے تھے، خواجہ سعد رفیق کا کارکنان کو طاہر القادری کے خلاف نعرے بازی سے منع کرتے ہوئے کہنا تھا کہ ماڈل ٹاؤن میں بہت غلط ہوا ہے جو نہیں ہونا چاہئے تھا البتہ عدالتی نظام پراعتماد کرتے ہوئے باقرنجفی رپورٹ کو عدالت لے کر جائیں
خواجہ سعد رفیق نے کہا کہ دھرنا دینا کوئی بہادری نہیں ہے اور پورا یقین ہے طاہر القادری ہماری بات پرغور کریں گے اور جمہوری نظام کو نئی آزمائش سے دو چارنہیں کریں گے بلکہ اپنے خدشات اور تحفظات کو لے کر عدلیہ جائیں گے
وفاقی وزیر نے کہا کہ ختم نبوت پرسیاست کرنا خطرناک عمل ہے جب کہ استعفیٰ دینے والے تمام افراد کا اس معاملے سے کوئی تعلق نہیں تھا چنانچہ ختم نبوت پر سیاست کرنے والے افراد عاشقان رسول کے درمیان تفریق سے گریز کریں
انہوں نے مزید کہا کہ اب ووٹ کا فیصلہ چلے گا بند کمرے کیے گئے فیصلے نہیں چلیں گے اور آئندہ الیکشن میں بھی مسلم لیگ (ن) نوازشریف کی قیادت میں انتخابی مہم چلائے گی
وفاقی وزیر خواجہ سعد نے کہا کہ ایم کیو ایم پاکستان کو دیوار سے لگانے کا عمل افسوسناک ہے، سیاسی جماعتوں کو طاقت کے ذریعے ختم کرنے کا عمل ختم ہونا چاہیے اور اپنے لیڈر اور سیاسی جماعت کا چناؤ عوام کو خود کرنے دیا جائے
لاہور: پاکستان عوامی تحریک کے سربراہ ڈاکٹر طاہرالقادری نے آل پارٹیز کانفرنس کی تاریخ تبدیل کردی، عوامی تحریک کی آل پارٹیز کانفرنس اب 30 دسمبر کو ہوگی۔
تفصیلات کےمطابق پاکستان عوامی تحریک کے سربراہ ڈاکٹر طاہرالقادری نے سانحہ ماڈل ٹاؤن پربلائی گئی آل پارٹیز کانفرنس موخرکردی۔
پاکستان عوامی تحریک کے زیراہتمام آل پارٹیز کانفرنس اب 28 کے بجائے 30 دسمبر کو ہوگی۔
ترجمان پاکستان عوامی تحریک کا کہنا ہے کہ سیاسی جماعتوں کی مصروفیات پرکانفرنس کی تاریخ تبدیل کی گئی۔
خیال رہے کہ دو روز قبل پاکستان عوامی تحریک کے سربراہ ڈاکٹر طاہرالقادری نے سانحہ ماڈل ٹاؤن کے معاملے پر 28 دسمبر کو آل پارٹیز کانفرنس بلانے کا اعلان کیا تھا۔
یاد رہے کہ 19 دسمبر کو طاہرالقادری نے وزیراعلیٰ پنجاب شہبازشریف کو سانحہ ماڈل ٹاؤن کا مورد الزام ٹہراتے ہوئے وزیراعلیٰ پنجاب سمیت پنجاب حکومت کو 31 دسمبر تک مستعفی ہونے کی مہلت دی تھی۔
واضح رہے کہ رواں ماہ 5 دسمبر کو لاہور ہائی کورٹ نے سانحہ ماڈل ٹاؤن رپورٹ شائع کرنے کے حکم کے خلاف حکومتی اپیل مسترد کرتے ہوئے سانحہ ماڈل ٹاؤن انکوائری رپورٹ شائع کرنے کا حکم دیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔
لاہور : پاکستان عوامی تحریک کے سربراہ ڈاکٹر طاہرالقادری نے کہا ہے کہ سانحہ ماڈل ٹاؤن میں ملوث حکمرانوں کے استعفے ناگزیر ہیں، آج نہیں تو کل قاتلوں کو عہدوں سے ہٹنا ہوگا۔
ان خیالات کا اظہار انہوں نے لاہور میں پاکستان عوامی تحریک کی سینٹرل کور کمیٹی کےاجلاس سے خطاب کرتے ہوئے کیا۔
انہوں نے کہا کہ سانحہ ماڈل ٹاؤن کے قاتل اپنے عہدوں پر زیادہ دیر نہیں رہ سکتے، ڈاکٹر طاہر القادری نے اجلاس سے خطاب میں مزید کہا کہ حکومتی دباؤ پر سانحہ ماڈل ٹاؤن رپورٹ کی نقول نہیں دی جارہی۔
ختم نبوت کے قوانین پر حملہ آور اشرافیہ اب عدلیہ پرحملہ آورہیں، شریف خاندان کی عدلیہ مخالف مہم کا بار اور بینچ دونوں کو نوٹس لینا چاہیے، لوگ سچ اگلنے کےلئے بے تاب ہیں۔
انہوں نے واضح طور پر کہا کہ حکمرانو! جلد استعفے دے دو ورنہ آج نہیں تو کل تمہیں عہدوں سے ہٹنا ہی ہے۔
لاہور : سربراہ پاکستان عوامی تحریک ڈاکٹر علامہ طاہر القادری نے کہا ہے کہ شہبازشریف اور پنجاب حکومت کے حقائق چھپانے کے لیے حربے ناکام ہوئے اور نجفی کمیشن رپورٹ نے سانحہ ماڈل ٹاؤن کے حقائق کو بے نقاب کردیا.
وہ ماڈل ٹاؤن میں واقع اپنی جماعت کے مرکزی دفتر میں پریس کانفرنس سے خطاب کررہے تھے اس موقع پر مسلم لیگ (قائداعظم) کے سربراہ چوہدری شجاعت اور متحدہ وحدت المسلمین کے رہنما راجہ ناصرعباس بھی موجود تھے.
طاہر القادری نے کہا کہ قانونی، عوامی اور سیاسی جنگ لڑی جس پر اللہ نے مدد کی اور بلآخر رپورٹ سامنے آ گئی جس نے رانا ثنا، شہباز شریف اور پنجاب حکومت کو قتل عام کا ذمہ دار ٹہرا کر وفاقی حکومت سے جواب طلب کیا ہے.
انہوں نے کہا کہ وفاقی حکومت نےخون خرابے کے لیے مشتاق سکھیرا کا 2 دن پہلے تبادلہ کرایا تا کہ خون کی ہولی کھیل کر طاہرالقادری کی تحریک کو کامیاب نہ ہونے دیا جائے اس لیے مطالبہ کرتے ہیں کہ ماڈل ٹاؤن کے شہدا کے لیے پانامہ طرز پر جے آئی ٹی بنائی جائے.
طاہر القادری نے پنجاب حکومت کو مخطاب کرتے ہوئے کہا ہے کہ جےآئی ٹی نہ بنی توعوامی احتجاج کے ذریعے آپ کو کک آؤٹ کرنا ہمارا حق ہے چنانچہ شہباز شریف اور رانا ثنااللہ استعفوں میں جتنی تاخیر ہو گی اُن کے لیے مشکلات اتنی ہی بڑھیں گی.
قبل ازین چوہدری شجاعت حسین نے پریس کانفرنس سے خطاب کرتے ہوئے کہا کہ نوازشریف تاریخ کا حصہ بن چکے ہیں اور اب شہباز شریف کی باری آئی ہے، سانحہ ماڈل ٹاؤن اب عوامی مسئلہ بن چکا ہے جس کے ذمہ دار جلد از جلد اپنے انجام کو پہنچیں گے.
انہوں نے مزید کہا کہ ہماری حمایت ڈاکٹر طاہر القادری کے ساتھ ہے جو مظلوموں کے لیے آواز اُٹھا رہے ہیں اور مہینوں نہیں بلکہ ہفتوں میں ملزمان کو کڑی سے کڑی سزا ملنی چاہیئے اور پوری امید ہے کہ سانحہ ماڈل ٹاؤن کے ذمہ داروں کا انجام بہت برا ہوگا.
اس موقع پر متحدہ وحدت المسلمین کے سیکرٹری راجہ ناصر عباس نے مختصر گفتگو میں پاکستان عوامی تحریک کے دھرنے کی حمایت کرتے ہوئے کہا کہ ہماری جماعت مظلوموں کو انصاف دلوانے کے لیے طاہر القادری کے ساتھ کھڑی ہے.
