لاہور : سابق صدر آصف زرداری نے کہا ہے کہ طاہر القادری کے ساتھ مل کر شہباز شریف کے خلاف تحریک سڑک پر چلائیں گے اور اگر علامہ صاحب کا حکم ملا تو کنٹینر میں بھی پاکستان عوامی تحریک کے ساتھ کھڑے ہوں گے.

ان بعد اعلان انہوں نے ادارہ منہاج القرآن کے مرکزی دفتر میں سربراہ پاکستان عوامی تحریک طاہر القادری کے ہمراہ مشترکہ کانفرنس سے خطاب کرتے ہوئے کیا، آصف زرداری نے سانحہ ماڈل ٹاؤن پر شہباز شریف سے استعفیٰ کا بھی مطالبہ کردیا.

حکومت کے خلاف تحریک چلانے کے کا اعلان کرتے ہوئے سابق صدر کا کہنا تھا کہ ہم آئین کو توڑنے کی بات نہیں کر رہے بلکہ صرف حکومت سے لڑنے کی بات کر رہے ہیں جس کے لیے سڑکوں پہ آنا پڑا تو دریغ نہیں کریں گے.

انہوں نے مزید کہا کہ حکومت کی کارکردگی کا یہ عالم ہے کہ سی سی آئی کے اجلاس 6،6 ماہ نہیں ہوتے اور پورے ملک میں غیر یقینی صورت حال ہے جس میں پتہ ہی نہیں چل رہا ہے کہ کار حکومت کون چلا رہا ہے.

آصف زرداری نے کہا کہ ملک میں تبدیلی کا واحد طریقہ ووٹ ہی ہے اور ملک کے موجودہ مسائل کا حل صرف سیاسی قوتیں ہی حل کرسکتی ہیں چنانچہ اصولی بنیادوں پر طاہر القادری کے ساتھ کھڑے ہیں اسے سیاسی ڈیل کا نام نہیں دیا جائے۔

قبل ازیں پریس کانفرنس سے خطاب کرتے ہوئے سربراہ پاکستان عوامی تحریک طاہر القادری نے کہا کہ سانحہ ماڈل ٹاؤن نواز شریف کی ایما پر ہوا ہے جس کے کمانڈر رانا ثنا اللہ تھے اور جس کا حکم شہباز شریف نے دیا تھا چنانچہ نے شہباز شریف اور رانا ثنا اللہ فوری طور پر مستعفی ہوں۔

ڈاکٹر طاہر القادری نے کہا کہ مظلوموں کی مدد کیلئے جو بھی قدم اٹھانا پڑا تو اٹھائیں گے لیکن شہداء کے خون کا سودا نہیں کریں گے، مظلوموں کی آہ و بکا تخت رائے ونڈ کو ہلا دے گی اور جاتی امراء جلد اپنے منطقی انجام کو پہنچ جائے گا ۔

انہوں منہاج القرآن آمد پر سابق صدر آصف زرداری کا شکریہ ادا کرتے ہوئے کہا کہ یہ زرداری صاحب کا اپنا گھر ہے، مظلوموں کی دادرسی کے لیے ان کا جذبہ دیکھ کر بہت خوشی ہوئی ہے۔

لاہور : سربراہ پاکستان عوامی تحریک ڈاکٹرطاہرالقادری نے کہا ہے کہ حکومت عقیدہ ختم نبوت اور عوام کا تحفظ کرنے میں مکمل طور پر ناکام ہو چکی ہے چنانچہ فوری طور پر مستعفی ہوجائے۔

وہ لاہور میں اپنے مرکزی دفتر میں رہنماؤں سے ٹیلی فونک خطاب کر رہے تھے، علامہ طاپر القادری نے کہا کہ حکومت عوام کا دفاع کرنے اور جان و مال کی تحفظ میں مکمل طور پر ناکام ہو چکی ہے۔

انہوں نے مطالبہ کیا کہ حکومت عقیدہ ختم نبوت کے تحفظ میں مکمل طور ناکام ہو چکی ہے اس لیے فوری پر مستعفی ہوجائیں اور مسلمانوں کے ایمان کے بنیادی جز کے تقدس کو پامال کرنے والی حکومت کو کسی طور برداشت نہیں کیا جائے گا۔

 طاقت کا استعمال معاملے کا حل نہیں، قبل از وقت انتخابات ضروری ہوگئے ہیں، عمران خان

علامہ طاہر القادری نے کہا کہ حکومت نے ٹی وی چینل اورسوشل میڈیا پر پابندی لگا دی ہے آخر یہ کیسی جمہوریت ہے جس میں آزادی اظہار رائے پر پابندی ہے اور سماجی رابطے کے تمام ذرائع بند کردیئے گئے ہیں۔

 فیض آباد آپریشن: 145 زخمی، 5 افراد جاں بحق

انہوں نے مزید کہا کہ اگر یہ حکومت مزید مسلط رہی تو حالات کنٹرول سے باہر ہو سکتے ہیں اس لیے حکومت از خود مستعفی ہو تاکہ کشیدہ حالات پر قابو پایا جا سکے اور ملک میں حالات نارمل ہو جائیں۔

خیال رہے آج صبح فیص آباد میں دھرنا مظاہرین کے خلاف آپریشن کے بعد ملک بھر میں حالات کشیدہ ہو گئے ہیں اور اب تک 4 افراد جاں بحق اور 170 افراد زخمی ہو گئے ہیں جب کہ مسلم لیگی رہنماؤں چوہدری نثار، زاہد حامد اور جاوید لطیف کے گھروں پر حملے بھی کیئے گئے۔

لاہور : سربراہ پاکستان عوامی تحریک ڈاکٹر طاہرالقادری نے کہا ہے کہ سپریم کورٹ کے تفصیلی فیصلے شریف خاندان کے تمام چور بازاری کو طشت ازبام کردیا ہے جس کے بعد انہیں عدالت کے خلاف مہم چلانے پر معافی مانگنی چاہیئے.

علامہ طاہر القادری سپریم کورٹ کی جانب سے پاناما پیپرز کا تفصیلی فیصلہ جاری کرنے پر تبصرہ کر رہے تھے انہوں نے کہا کہ تفصیلی فیصلہ آنے اور تمام مبہم سوالات کے ٹھوس جوابات ملنے کے بعد اب کیوں نکالا کی گردان کرنے والے جواب دیں کہ قومی خزانہ کیوں لوٹا؟

انہوں نے کہا کہ قوم ، پارلیمنٹ اور عدلیہ کے سامنے جھوٹ بولنے اور جعلی دستاویزات جمع کرانے والوں کواعلیٰ عدلیہ کے خلاف نفرت آمیز مہم جوئی کرنے پرشرم آنی چاہیے اور اپنے اس رویئے کی قوم و عدلیہ سے معافی مانگنی چاہیئے.

یہ پڑھیں : نوازشریف نے جان بوجھ کر اثاثے چھپائے، عدالت کا تفصیلی فیصلہ

ڈاکٹر طاہر القادری نے کہا کہ عدالیہ کا فیصلہ مستحسن ہے تاہم جعلی حلف نامے دینے والوں کو جیل نہ بھیج کر نرمی دکھائی گئی ہے اور نیب سے یہ سوال کیا جانا چاہیئے کہ شریف خاندان کا نام ای سی ایل میں ڈال کر انہیں گرفتار کیوں نہیں کیا گیا اور اب تک وہ جیل میں ہونے کے بجائے کے بجائے آزاد کیوں گھوم رہے ہیں.

خیال رہے سپریم کورٹ نے پاناما پیپرز کیس کا 23 صفحات پر مشتمل تفصیلی فیصلہ جاری کردیا ہے جس میں کہا گیا ہے کہ نوازشریف کی نااہلی سےمتعلق حقائق غیرمتنازع تھے، افسوس کی بات ہے کہ نواشریف نے بد دیانتی کے ساتھ جھوٹا بیان حلفی دے کر پارلیمنٹ، عوام اور عدالت کو بے وقوف بنایا اور دھوکہ دہی کے مرتکب ہوئے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔