ARYNews.tv | Urdu – Har Lamha Bakhabar

Tag: پاکستان مسلم لیگ ق

  • ن لیگ کو ووٹ دینا نریندرمودی کو ووٹ دینے کے مترادف ہے،پرویزالٰہی

    ن لیگ کو ووٹ دینا نریندرمودی کو ووٹ دینے کے مترادف ہے،پرویزالٰہی

    اسلام آباد: پاکستان مسلم لیگ ق کے سینئرمرکزی رہنما چوہدری پرویزالٰہی کا کہنا ہے کہ ن لیگ کو ووٹ دینا نریندرمودی کو ووٹ دینے کے مترادف ہے، عوام پاک فوج کے ساتھ ہے، بھارتی بیانیہ مسترد کرتے ہیں۔

    تفصیلات کے مطابق پاکستان مسلم لیگ ق کے سینئرمرکزی رہنما چوہدری پرویزالٰہی نے این اے65 تلہ گنگ میں جلسے سے خطاب کرتے ہوئے کہا کہ نوازشریف پاک فوج کے خلاف عالمی سازش کا حصہ ہیں، ن لیگ کو ووٹ دینا نریندرمودی کو ووٹ دینے کے مترادف ہے۔

    پرویزالٰہی کا کہنا تھا کہ فوج آئین کے تحت الیکشن کمیشن کی مدد کرنے کی پابند ہے، عوام پاک فوج کے ساتھ ہے، بھارتی بیانیہ مسترد کرتے ہیں۔

    انھوں نے مزید کہا کہ پاکستان کی سلامتی اور بقا کی علامت پاک فوج ہے، سیاست کا مقصد لوگوں کو بنیادی سہولتیں دینا ہے۔

    مزید پڑھیں : نواز شریف مودی کے منشور پر کام کرتے رہے ہیں، پرویز الہیٰ

    یاد رہے چند روز قبل کے سینئر رہنما چوہدری پرویز الٰہی کا کہنا تھا کہ عوام 25 جولائی کو نواز شریف کی سیاست کو دفن کردیں، الیکشن کے دن عوام ٹریکٹر اور بلے پر مہر لگائیں۔

    رہنما مسلم لیگ ق نے کہا کہ شریفوں نے شوخی سے کہا تھا لندن فلیٹس ہمارے ہیں، نواز شریف نے ملکی ترقی کے نام پر عوام کو بیوقوف بنایا ہے، وہ مودی کے منشور پر کام کرتے رہے ہیں۔

    ان کا مزید کہنا تھا کہ شریف فیملی اب جب پکڑ میں آئی ہے تو کہتی ہے گرمی لگ رہی ہے، نواز شریف کہتے ہیں جیل میں بیمار ہوگیا ہوں، میاں صاحب جیل میں کم کھائیں تو پیٹ نہیں بڑھے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اداروں کو لڑانے والے ملک داؤ پر لگا رہے ہیں، چوہدری شجاعت

    اداروں کو لڑانے والے ملک داؤ پر لگا رہے ہیں، چوہدری شجاعت

    لاہور: سربراہ مسلم لیگ (ق) چوہدری شجاعت حسین نے کہا ہے کہ اداروں کو لڑانے والے ملک کے مخلص نہیں، اداروں کو آپس میں لڑانے والے ملک کو داؤ پر لگا رہے ہیں۔

    میڈیا سے گفتگو کرتے ہوئے چوہدری شجاعت حسین نے کہا کہ حکمرانوں کے ایجنڈے سے ملکی ساکھ کو نقصان پہنچ رہا ہے، ملک دشمن عناصر کا ساتھ دینے کے بجائے مقابلہ کیا جائے۔

    انہوں نے کہا کہ آئندہ انتخابات ہوتے نظر نہیں آتے اور اگر ملک میں قومی حکومت بنتی ہے تو اس میں مسلم لیگ کا اہم کردار ہوگا جو بھرپور طریقے سے ادا کیا جائے گا۔

    چوہدری شجاعت حسین نے کہا کہ پاک فوج ملکی سلامتی کے لیے دن رات محنت کرتی ہے اور ملکی دفاع کی خاطر اپنی جانیں بھی دینے سے گریز نہیں کرتے چنانچہ پاک فوج اور عدلیہ مخالف بولنے والے اپنے گریبان میں جھانکتے ہوئے ملک دشمن قوتوں سے دوستی کے بجائے منہ توڑ جواب دیا جائے۔

    انہوں نے کہا کہ حکمرانوں کے ایجنڈے سے ملکی ساکھ کو نقصان پہنچ رہا ہے جو مسلسل فوج اور عدلیہ کے خلاف سخت بیانات دے رہے ہیں جس سے ملک میں انتشار پھیلنے کا اندیشہ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تین چارماہ میں تبدیلی کا عمل شروع ہو جائے گا، چوہدری شجاعت

    تین چارماہ میں تبدیلی کا عمل شروع ہو جائے گا، چوہدری شجاعت

    لاہور : پاکستان مسلم لیگ کے سربراہ چوہدری شجاعت حسین نے کہا ہے کہ ن لیگ اور پیپلز پارٹی میں مک مکا ہے، آئندہ تین چار ماہ کے دوران تبدیلی کا عمل شروع ہو جائے گا۔

    یہ بات انہوں نے لاہور میں خانیوال کی معروف سیاسی شخصیت سردار احمد یار ہراج کی پاکستان مسلم لیگ میں شمولیت کے موقع پر صحافیوں سے گفتگو کرتے ہوئے کہی۔

    چوہدری شجاعت حسین کا کہنا تھا کہ ملک میں آئندہ تین، چار ماہ میں تبدیلی کا عمل شروع ہو جائے گا۔حکومت کے غبارے سے ہوا نکل چکی ہے اب صرف اشتہاروں سےکام چلایا جا رہا ہے۔

    انہوں نے کہا کہ ملک بھر میں تنظیم سازی شروع کر دی ہے۔ چوہدری شجاعت حسین نے کہا کہ وزیر اعظم نے نیب کو اپنے مد مقابل لاکر کمزوری کا اظہار کیا ہے۔

    انہوں نے کہا کہ چیئرمین نیب کا تقررمتفقہ فیصلے سے ہوانیب میں موجود کالی بھیڑوں کا بھی احتساب ہونا چاہئیے لیکن نیب کے اوپر ادارہ بنایا گیا تو انصاف کا عمل مشکوک ہوجائے گا۔

    اس موقع پر چوہدری پرویز الٰہی نے کہا کہ کسانوں کو نام نہاد پیکیج سے کچھ نہیں ملا، دیہات کے فنڈز بھی جنگلہ بس اور نمائشی منصوبوں پر لگائے جا رہے ہیں۔

     

  • حکومت نے مہنگائی کے ڈرون نہ روکے تو بحران بے قابو ہو جائیگا، چودھری شجاعت حسین

    حکومت نے مہنگائی کے ڈرون نہ روکے تو بحران بے قابو ہو جائیگا، چودھری شجاعت حسین

    پاکستان مسلم لیگ ق کے صدر چوھدی شجاعت حسین نے کہا ہے کہ حکومت نے مہنگائی کے ڈرون نہ روکے تو بحران بے قابو ہو جائیگا، ملک میں حکومت نام کی کوئی چیز نہیں خود کچھ کرتے ہیں نہ کسی کو کرنے دیتے ہیں فوری طور پر اے پی سی بلائی جائے۔

    لاہور میں میڈیا سے گفتگو کرتے ہوئے چودھری شجاعت حسین نے کہا کہ اگر حکومت ڈرون حملے نہیں روک سکتی تو مہنگائی کے ڈرون کو ہی روک لے، انہوں نے کہا کہ مہنگائی کو کنٹرول کر لیاجائے تو سارے معاملات کنٹرول ہو جائیں گے، اس سلسلے میں ہم حکومت کو ایک بار پھر مشورہ دیتے ہیں کہ وہ مہنگائی کے مسئلہ پر آل پارٹیز کانفرنس بلائیں.

    اس سے قبل پاکستان سول سوسائٹی آف پیس کی دعوت پر یہاں آنے والے سول سوسائٹی آف امریکہ کے وفد نے چودھری شجاعت حسین اور چودھری پرویزالٰہی سے ملاقات کی، پاکستان مسلم لیگ کے سیکرٹری جنرل مشاہد حسین سید، سینیٹر کامل علی آغا، ایس ایم ظفر اور چودھری سالک حسین نے معزز مہمانوں کو خوش آمدید کہا۔