Tag: پاکستان مسلم لیگ ن

اسلام آباد: قومی اسمبلی میں اپوزیشن لیڈر شہباز شریف نے کہا ہے کہ ساہیوال میں بے گناہ لوگوں کو قتل کیا گیا، واقعے کو سیاسی رنگ نہیں دینا چاہتا۔

قومی اسمبلی کے اجلاس میں حزب اختلاف کے رہنما شہباز شریف نے قومی اسمبلی میں اظہارِ خیال کرتے ہوئے کہا ’اس طرح کے واقعات پر ماضی میں سیاست کی جاتی رہی، میں اس واقعے کو سیاسی رنگ نہیں دینا چاہتا۔‘

[bs-quote quote=”میں یہ نہیں کہتا کہ اب ہم دھرنا دیں، لیکن ہم اب بیٹھیں گے بھی نہیں۔” style=”style-7″ align=”left” color=”#dd3333″ author_name=”شہباز شریف” author_job=”اپوزیشن لیڈر”][/bs-quote]

انھوں نے کہا کہ سانحہ ساہیوال میں ظلم و بربریت نظر آئی، نہتے والدین پر گولیاں برسائی گئیں، سی ٹی ڈی نے ایک بار پھر کہا کہ ڈرائیور دہشت گرد ہے، پنجاب حکومت نے بھی پہلے کہا وہ دہشت گرد ہے، حقائق ضرور سامنے آئیں گے مگر اس ظلم کی مثال نہیں ملتی۔

شہباز شریف نے کہا کہ قوم سوگوار ہے، سانحہ ماڈل ٹاؤن اور قصور کی زینب کے کیس پر سیاست چمکائی گئی، لیکن پنجاب فرانزک لیب نے قصور کیس حل کیا اور کے پی کے کیسز کو بھی دیکھا، جے آئی ٹی کی سفارشات قوم کے سامنے لائیں گے۔

یہ بھی پڑھیں:  قوم کو یقین دلاتا ہوں قطرسےواپس آکر ساہیوال واقعے کے قصورواروں کوعبرت ناک سزا دی جائے گی،وزیراعظم

اپوزیشن لیڈر کا کہنا تھا کہ عوام ساہیوال واقعے کے حقائق جاننا چاہتے ہیں، اس نے پورے پاکستان کو ہلا کر رکھ دیا ہے، ساہیوال واقعے پر اپنا مؤقف پیش کرنے کے لیے ایوان کی کارروائی معطل کی جائے۔

شہباز شریف نے کہا ’میں یہ نہیں کہتا کہ اب ہم دھرنا دیں، لیکن ہم اب بیٹھیں گے بھی نہیں جب تک قوم کو اصل حقائق نہیں بتائے جاتے، واقعے میں بد ترین سفاکی دکھائی گئی، ان سی ٹی ڈی کے پاس واقعے پر کوئی جواز نہیں۔‘

لاہور: سابق وفاقی وزیر ریلوے خواجہ سعد رفیق کے بے نامی اکاؤنٹس بھی سامنے آ گئے، قومی احتساب بیورو نے تحقیقات شروع کر دیں۔

تفصیلات کے مطابق مسلم لیگ ن کے رہنما خواجہ سعد رفیق کے بے نامی اکاؤنٹس سامنے آنے کے بعد نیب نے ان کے بے نامی اکاؤنٹس کی تفصیلات اکٹھا کرنا شروع کر دی ہیں۔

[bs-quote quote=”جعلی اکاؤنٹ میں پیراگون سے 6 ارب 20 کروڑ 12 لاکھ روپے کی رقم منتقل ہوئی۔” style=”style-7″ align=”left” color=”#dd3333″][/bs-quote]

نیب نے کہا ہے کہ سعد رفیق نے خالد حسین نامی شخص کے اکاؤنٹ سے اربوں روپے منتقل کیے۔

نیب رپورٹ کے مطابق اکاونٹ میں پیراگون سے 6 ارب 20 کروڑ 12 لاکھ روپے کی رقم منتقل ہوئی، پیراگون میں ایگزیکٹو بلڈرز نے 6 ارب سے زائد رقم جمع کرائی۔

نیب رپورٹ میں یہ بھی کہا گیا ہے کہ شمع ندیم کے اکاونٹ میں 9 کروڑ 69 لاکھ ایگزیکٹو بلڈرز کے اکاؤنٹ سے منتقل کیے گئے۔

رپورٹ کے مطابق رضیہ پروین نامی خاتون کے اکاؤنٹ میں بھی 13 کروڑ 74 لاکھ روپے منتقل ہوئے، نیب کا کہنا ہے کہ بینک اکاؤنٹس ہولڈرز اور سعد رفیق سے اس معاملے پر تحقیقات کی جائیں گی۔

یہ بھی پڑھیں:  ریلوے خسارہ کیس: خواجہ سعد رفیق سپریم کورٹ میں پیش

خیال رہے کہ خواجہ سعد رفیق ریلوے خسارہ کیس میں بھی نیب کی تفتیش پر عدالت کے چکر کاٹ رہے ہیں، 26 دسمبر 2018 کو وہ سپریم کورٹ میں سابق چیف جسٹس ثاقب نثار کے روبرو پیش ہوئے۔

عدالت میں خواجہ سعد رفیق نے بتایا کہ انھوں نے ریلوے میں گراں قدر کام کیا ہے، شیخ رشید نے لوکوموٹیو کے بارے میں عدالت میں غلط بیانی کی، لوکوموٹیو نہ 22 کروڑ میں آتا ہے نہ ہی ہم نے 45 کروڑمیں خریدا، قیمت خرید اور جس قیمت پرہم نے لیا دونوں غلط بتائے جا رہے ہیں۔

لاہور: قائدِ حزب اختلاف اور صدر مسلم لیگ (ن) میاں شہباز شریف نے سالِ نو پر اپنے پیغام میں کہا ہے کہ خدا کرے نیا سال پاکستان کے لیے خیر و برکت کا باعث ہو۔

تفصیلات کے مطابق میاں شہباز شریف نے نئے سال کی آمد پر پیغام جاری کیا ہے، انھوں نے کہا ’پوری قوم کو نئے سال کی آمد مبارک ہو۔‘

[bs-quote quote=”دعا کریں کہ امت مسلمہ اتحاد اور اتفاق سے ہم کنار ہو۔” style=”style-7″ align=”left” color=”#dd3333″ author_name=”شہباز شریف”][/bs-quote]

آشیانہ ہاؤسنگ اسکینڈل کیس میں جوڈیشل ریمانڈ پر جیل جانے والے شہباز شریف نے کہا اللہ سے دعا ہے نیا سال پاکستان کے لیے خیر و برکت کا باعث ہو۔

میاں شہباز شریف نے اس موقع پر دعا میں کشمیر و فلسطین کو بھی یاد رکھا، کہا ’خدا کرے نیا سال کشمیر، فلسطین کی آزادی کا سورج بن کر طلوع ہو۔‘

انھوں نے کہا ’ہمیں عہد کرنا چاہیے کہ ملکی تعمیر و ترقی، استحکام اور سالمیت کے لیے مل کر جدوجہد کریں گے۔‘

شہباز شریف نے کہا اللہ سے دعا کریں کہ نیا سال پوری دنیا میں امن کا سال ثابت ہو، اللہ سے دعا کریں کہ امت مسلمہ اتحاد اور اتفاق سے ہم کنار ہو۔

یہ بھی پڑھیں:  شہبازشریف کی زیرصدارت پبلک اکاؤنٹس کمیٹی کا اجلاس

خیال رہے کہ گزشتہ روز اپوزیشن لیڈر شہباز شریف کی زیرِ صدات پبلک اکاؤنٹس کمیٹی کا اجلاس منعقد ہوا، جس میں آڈیٹر جنرل پاکستان نے بریفنگ دیتے ہوئے کہا کہ گزشتہ مالی سال میں 160 ارب روپے ریکور کیے گئے۔

شہباز شریف نے آڈیٹر جنرل سے ان افراد کے خلاف کارروائی کی رپورٹ مانگی جن سے ریکوری کی گئی، منصوبوں کی تکمیل میں مقررہ مدت سے زیادہ وقت صرف ہونے کے حوالے سے بھی شہباز شریف نے پیپرا قوانین کی کاپی طلب کی۔

لاہور: سابق وزیرِ اعظم شاہد خاقان عباسی نے کہا ہے کہ پارٹی کے صدر اب بھی شہباز شریف ہیں، ان کے جیل جانے سے قیادت کا اتنا بڑا خلا پیدا نہیں ہوا جسے بھرا جائے۔

اے آر وائی کے پروگرام میں گفتگو کرتے ہوئے شاہد خاقان عباسی نے کہا کہ شہباز شریف جیل سے اسمبلی آتے ہیں تو بات ہو جاتی ہے، ان کی غیر موجودگی میں پارٹی کا ایڈوائزری گروپ مل کر فیصلے کرتا ہے، میں پرانا کارکن ہوں مگر سب مل کر فیصلے کرتے ہیں۔

[bs-quote quote=”پیپلز پارٹی سے قربت اپوزیشن میں ہونے کی وجہ سے ہے۔” style=”style-7″ align=”left” color=”#dd3333″][/bs-quote]

لیگی رہنما نے شہباز شریف کے علاج کے حوالے سے بتایا کہ ان کی طبیعت جیل میں خراب نہیں ہوئی بلکہ وہ شہباز شریف 18 سال سے روزانہ کی بنیاد پر علاج کرا رہے ہیں۔

انھوں نے کہا ’پیپلز پارٹی سے قربت اپوزیشن میں ہونے کی وجہ سے ہے، اپوزیشن ملک کے مفاد میں مل کر کام کرتی ہے، مہنگائی جیسے معاشی مسائل پر اپوزیشن میں مکمل اتفاق ہے۔‘

شاہد خاقان نے کہا کہ دوست ممالک پاکستان کو قرضہ ماضی میں بھی دیتے رہے ہیں، ہر قرضے کے ساتھ کوئی نہ کوئی شرائط ہوتی ہیں، ان قرضوں کے اثرات نظر نہیں آ رہے ہیں۔ متذبذب رویوں سے سرمایہ کاروں کا اعتماد خراب ہو سکتا ہے۔

لیگی رہنما کا کہنا تھا کہ اپوزیشن چاہتی ہے کہ حکومت اپنی پالیسی پر نظرِ ثانی کرے، ملک مشکل حالات میں گرفتار ہے، مسائل موجود ہیں، ہر حکومت کو چیلنجز کا سامنا ہوتا ہے، اگرچہ اب توانائی کا مسئلہ ویسا نہیں ہے جیسا ماضی میں تھا، دہشت گردی پہلے جیسی نہیں ہے۔

یہ بھی پڑھیں:  نوازشریف کو قیدی نمبر الاٹ، ملاقات کا دن مختص

شاہد خاقان عباسی نے کہا ’ہمیں انتظار ہے کہ حکومت کی پالیسی یا پھر ڈائریکشن سامنے آئے، جو بات وزیرِ اعظم یا وزیرِ خزانہ کرتا ہے وہ مارکیٹ پر اثر انداز ہوتی ہے۔‘

احتساب کے سوال پر ان کا کہنا تھا کہ احتساب بالکل ہونا چاہیے ن لیگ کی کابینہ سے ہی احتساب شروع کریں، ہمیں جیل میں ڈالنا ہے تو ڈال دیں ہم جیل جانے کو بھی تیار ہیں، تاہم ملک میں اس وقت احتساب کے تین معیار چل رہے ہیں۔

[bs-quote quote=”نواز شریف نے 30 سال پہلے مل لگائی، اتنا پرانا منی ٹریل کون پاکستانی دے سکتا ہے۔” style=”style-7″ align=”right” color=”#dd3333″][/bs-quote]

لیگی رہنما نے کہا کہ ایک احتساب سوموٹو پر ہو رہا ہے، ایک احتساب نیب کر رہا ہے، ایک احتساب کا اعلان وزیرِ اعظم نے کر رکھا ہے۔

شاہد خاقان نے کہا کہ نواز شریف نے مل اس وقت لگائی جب کسی بینک سے قرضہ نہیں لیا تھا، جو منی ٹریل انھوں نے دکھانی تھی دکھا دی، 30 سال پرانی بات ہے، اتنا پرانا منی ٹریل کون پاکستانی دے سکتا ہے، کاروبار کر کے مل لگائی، کرپٹ لوگ پیسا نہیں کماتے، کمپنی نے 88 فی صد منافع کمایا وہ پیسا پاکستان آیا تھا، مل اوورسیز میں لگی تھی اس کے لیے بھی پیسا پاکستان سے نہیں گیا تھا۔

انھوں نے کہا کہ میاں شریف پنجاب کے امیر ترین لوگوں میں تھے، انھوں نے جلا وطنی میں مل لگائی اور پیسا کمایا، جس ملک میں مل لگائی اسے اعتراض نہیں، یہاں اعتراض کیا جا رہا ہے۔

شاہد خاقان نے کہا کہ ایل این جی کیس میں مجھ سے پوچھا نہیں گیا، میں حاضر ہوں،پاکستان میں دنیا کے سستے ترین ٹرمینل نہیں ہوں تو میں ذمہ دار ہوں، بھارت میں ایل این جی ٹرمینل 50 فی صد سے کم کام کر رہے ہیں، فرنس آئل کو ایل این جی سے تبدیل کر دیں تو فائدہ ہوگا۔

اسلام آباد: پاکستان مسلم لیگ نے کے رہنما خواجہ سعد رفیق کے پروڈکشن آرڈر رکوانے کے لیے اسپیکر قومی اسمبلی کو خط لکھ دیا گیا۔

تفصیلات کے مطابق خواجہ سعد رفیق کے پروڈکشن آرڈر رکوانے کے لیے اسپیکر قومی اسمبلی کو خط لکھ دیا گیا، خط جوڈیشل ایکٹوازم پینل کے سربراہ اظہر صدیق کی جانب سے لکھا گیا۔

[bs-quote quote=”شہباز شریف کے پروڈکشن آرڈر بھی غیر قانونی طور پر جاری ہوئے۔” style=”style-7″ align=”left” color=”#dd3333″ author_name=”درخواست گزار”][/bs-quote]

خط کی کاپی الیکشن کمیشن، چیئرمین نیب اور ڈی جی نیب کو بھی بھجوائی گئی۔

خط کے متن میں کہا گیا ہے کہ رول 108 کے تحت زیرِ تفتیش مجرم اجلاس میں پیش نہیں کیا جا سکتا، شہباز شریف کے پروڈکشن آرڈر بھی غیر قانونی طور پر جاری ہوئے۔

درخواست گزار نے خط میں لکھا ہے کہ سعد رفیق کے پروڈکشن آرڈر آئین کے آرٹیکل 25 کی خلاف ورزی ہے، اسپیکر قومی اسمبلی نے ایکشن نہ لیا تو عدالت سے رجوع کریں گے۔

یہ بھی پڑھیں:  خواجہ سعد رفیق ریلوے خسارہ کیس میں سپریم کورٹ میں پیش

یاد رہے 11 دسمبر کو لاہور ہائی کورٹ نے خواجہ سعد رفیق اور ان کے بھائی سلمان رفیق کی عبوری ضمانت کی درخواست خارج کر دی تھی جس کے بعد قومی احتساب بیورو (نیب) نے دونوں بھائیوں کو حراست میں لے لیا تھا۔

لیگی رہنما کو اختیارات کے غلط استعمال، شواہد کو ٹمپر کرنے کی کوشش پر، اور اہلیہ، بھائی سلمان رفیق، ندیم ضیا اور قیصر امین کے ساتھ مل کر عوام کو دھوکا دے کر رقم بٹورنے پر گرفتار کیا گیا۔ ملزمان نے ایئر ایونیو سوسائٹی بنائی، بعد ازاں اس کا نام تبدیل کر کے پیراگون رکھ لیا۔