Tag: پاکستان مسلم لیگ ن

اسلام آباد: پاکستان مسلم لیگ ن کے وفد نے سیکریٹری الیکشن کمیشن سے ملاقات کی، وفد نے سیکریٹری کو ضمنی انتخابات سے متعلق اپنے خدشات اور تحفظات سے آگاہ کیا۔

تفصیلات کے مطابق ن لیگی وفد نے سیکریٹری الیکشن کمیشن سے ملاقات کرتے ہوئے انھیں ضمنی الیکشن کے بارے میں پارٹی کے خدشات اور تحفظات سے آگاہ کیا۔

[bs-quote quote=”ووٹوں کی گنتی پولنگ ایجنٹس کی موجودگی میں ہونی چاہیے: وفد” style=”style-7″ align=”left” color=”#dd3333″][/bs-quote]

وفد میں مریم اورنگ زیب، چوہدری تنویر اور سردار یعقوب ناصر شامل تھے، مریم اورنگ زیب نے میڈیا سے گفتگو کرتے ہوئے کہا کہ عام انتخابات سے متعلق کافی تحفظات تھے، جن سے الیکشن کمیشن کو آگاہ کیا گیا۔

ان کا کہنا تھا کہ سیکریٹری الیکشن کمیشن سے کہا گیا کہ ووٹوں کی گنتی پولنگ ایجنٹس کی موجودگی میں ہونی چاہیے، دریافت کیا گیا کہ ضمنی انتخابات میں آر ٹی ایس کو کیسے بہتر بنایا گیا ہے۔

مریم اورنگ زیب نے کہا کہ سیکریٹری الیکشن کمیشن سے بیرون ملک مقیم پاکستانی ووٹرز کی فہرست سے متعلق بھی پوچھا گیا، عام انتخابات میں فارم 45 دینے میں تاخیر کی گئی تھی سیکریٹری سے پوچھا کہ اب ضمنی الیکشن میں اس کو کیسے دیکھا جا رہا ہے۔

یہ بھی پڑھیں:  ضمنی انتخابات، پاک فوج کےجوان آج سے پولنگ اسٹیشنز کی سیکیورٹی سنبھالیں گے

انھوں نے کہا کہ ضمنی انتخابات میں شہباز شریف کی گرفتاری سے متعلق بھی بات کی گئی، خدشہ ہے کہ ان کی گرفتاری الیکشن پر اثر انداز ہوگی، ان تمام تر تحفظات سے سیکرٹری الیکشن کمیشن کو آگاہ کیا گیا۔

مریم اورنگ زیب نے مطالبہ کیا کہ انتخابات پر اثر انداز ہونے والی چیزوں پر الیکشن کمیشن اپنے اختیارات کا استعمال کرے۔ انھوں نے مزید کہا کہ شہباز شریف کی گرفتاری سے متعلق الیکشن کمیشن نوٹس لے گا۔

لاہور: پاکستان مسلم لیگ ن کے اراکینِ پارلیمنٹ کی ہٹ دھرمی برقرار رہی، اراکین نے قومی اسمبلی کے باہر بیٹھ کر اپنی اسمبلی سجا لی۔

تفصیلات کے مطابق لیگی ارکان کی ہٹ دھرمی برقرار ہے، الزامات کی تکرار بھی جاری ہے، قومی اسمبلی کے باہر اپنی اسمبلی سجا لی، ایاز صادق اسپیکر گاؤن پہن کر شریک ہوئے۔

[bs-quote quote=”قومی اسمبلی کے باہر سجائی جانے والی اسمبلی میں سابق اسپیکر ایاز صادق اسپیکر کا کورٹ پہن کر شریک ہوئے” style=”style-7″ align=”left” color=”#dd3333″][/bs-quote]

قومی اسمبلی اجلاس کی طلبی اور شہباز شریف کے پروڈکشن آرڈر جاری ہونے کے باوجود مسلم لیگ ن کے ارکان احتجاج کر رہے ہیں۔

قومی اسمبلی کے باہر کیے جانے والے مظاہرے میں ن لیگی سینیٹرز اور ارکانِ اسمبلی شریک ہوئے، اپوزیشن رہنماؤں نے مظاہرے سے خطاب بھی کیا۔

رانا ثناء اللہ کہتے ہیں شہباز شریف پر دھیلے کی کرپشن ثابت نہیں ہوئی، حکومت کس بات سے خوف زدہ ہے، انتقام کی سیاست نہیں چلے گی۔

یہ بھی پڑھیں:  شہباز شریف کی گرفتاری ، اپوزیشن نے قومی اسمبلی کا اجلاس فوراً بلانے کا مطالبہ کردیا

خیال رہے کہ اپوزیشن نے شہباز شریف کی گرفتاری پر قومی اسمبلی کا اجلاس فوراً بلانے کا مطالبہ کیا تھا اور کہا تھا کہ گرفتاری سے پارلیمنٹ کا استحقاق مجروح ہوا۔

جس پر اسپیکر قومی اسمبلی اسد قیصر نے گزشتہ روز اپوزیشن لیڈر شہباز شریف کے پروڈکشن آرڈر جاری کر دیے ہیں، شہباز شریف 17 اکتوبر کے اجلاس میں شرکت کر سکیں گے۔

لاہور: سینیٹ کے ضمنی انتخاب کے لیے پنجاب میں پاکستان پیپلز پارٹی نے مسلم لیگ ن کی حمایت کا فیصلہ کر لیا، اپوزیشن جماعتوں میں فاصلے مزید کم ہو گئے۔

تفصیلات کے مطابق سینیٹ کے ضمنی انتخاب میں پی پی قیادت نے ن لیگ کی حمایت کرتے ہوئے اپنے ارکان کو لیگی امیدوار خواجہ احمد حسان کو ووٹ دینے کی ہدایت کر دی۔

[bs-quote quote=”شہباز شریف نے پیپلز پارٹی سے سینیٹ کے ضمنی انتخاب میں حمایت مانگی تھی” style=”style-7″ align=”left” color=”#dd3333″][/bs-quote]

پاکستان مسلم لیگ ن کے صدر میاں شہباز شریف نے پیپلز پارٹی سے سینیٹ کے ضمنی انتخاب میں لیگی امیدوار کے لیے حمایت مانگی تھی۔

خیال رہے کہ ایک ہفتہ قبل میاں شہباز شریف اور پی پی کے سینئر رہنما خورشید شاہ کے مابین ایک اہم ملاقات ہوئی تھی، جس میں مختلف معاملات پر باہمی گفتگو ہوئی اور دونوں جماعتوں میں فاصلہ کم ہوا۔

یہ بھی پڑھیں:  اپوزیشن جماعتوں‌ میں فاصلہ کم ہونے لگا، شہبازشریف اور خورشید شاہ میں اہم ملاقات

اس ملاقات کے اختتام پر خورشید شاہ نے پی اے سی کی چیئرمین شپ کے لیے شہباز شریف کی حمایت کرتے ہوئے کہا تھا کہ پبلک اکاؤنٹس کمیٹی کے چیئرمین اپوزیشن لیڈر ہوں گے۔

پی پی اور ن لیگی رہنماؤں نے ملاقات میں ضمنی انتخابات سے متعلق بھی بات چیت کی، دونوں رہنماؤں نے اتفاق کیا کہ سیاسی حکمت عملی کے تحت اپوزیشن کا مل بیٹھنا فائدہ مند ہوتا ہے۔