Tag: پاکستان میں سرمایہ کاری

اسلام آباد : چائنہ انرجی انجینئرنگ کارپوریشن نے پاکستان میں مزید سرمایہ کاری کا اعلان کردیا، کمپنی کے ایم ڈی نے بتایا کہ فنانشل کلوز کیلئے حکومت سے بات چیت جاری ہے۔

تفصیلات کے مطابق چائنہ انرجی انجینئرنگ کارپوریشن کا پاکستان میں مزیدسرمایہ کاری کا پلان سامنے آگیا، اس حوالے سے ایم ڈی نے بریفنگ دیتے ہوئے کہا کہ چین ہائیڈرو،قابل تجدیدتوانائی،ٹرانسمیشن لائن منصوبوں میں مزیدسرمایہ کاری کرے گا۔

ایم ڈی چائنہ انرجی وانگ ہوئیوا کا کہنا تھا کہ 700 میگا واٹ کےآزادپتن ہائیڈروپاورمنصوبےپر1.5ارب ڈالرلاگت کاتخمینہ ہے، فنانشل کلوز کیلئے حکومت سے بات چیت جاری ہے۔

وانگ ہوئیوا نے بتایا کہ 1.96 ارب ڈالر کا سکی کناری ہائیڈرومنصوبہ جلد آپریشنل ہوجائےگا، چائنہ انرجی کمپنی پاکستان میں 13ارب ڈالر سے زیادہ کے منصوبوں پرکام کررہی ہے جبکہ اس کی 16 ذیلی کمپنیاں بھی پاکستان میں کام کر رہی ہیں۔

ان کا کہنا تھا کہ مختلف منصوبوں سے پاکستان میں ایک لاکھ سے زیادہ مقامی ورکرز کو روزگار ملا ہے، داسو ہائیڈرو ، بھاشا ڈیم، بالا کوٹ اور مہمند ہائیڈرو پاور پر بھی کام جاری ہے، پاکستان میں ماحول دوست اور سستی توانائی کے لیے چین کی کمپنی بھرپور کوششیں کر رہی ہے۔

بیجنگ: چائنا انٹرنیشنل ڈویلپمنٹ ایجنسی نے پاکستان میں مختلف شعبوں میں سرمایہ کاری میں دلچسپی کا اظہار کردیا۔

تفصیلات کے مطابق چائنا انٹرنیشنل ڈویلپمنٹ کارپوریشن ایجنسی کے چیئرمین نے وزیراعظم شہباز شریف سے ملاقات کی، ملاقات میں پاک چین دوستی،مشترکہ ترقی، اعتماد، باہمی مفاد،عملی تعاون کے فروغ پر تبادلہ خیال کیا گیا۔

چیئرمین سی آئی ڈی سی اے نے کہا کہ خلا میں سیٹلائٹ بھیجنے سےپاک چین دوستی اب خلاؤں میں پہنچ چکی ہے۔

اس موقع پر وزیراعظم کا کہنا تھا کہ لوژاؤہوئی نےپاکستان میں بطورسفیراپنی ذمہ داریاں احسن طریقے سےانجام دیں، پاکستان میں مقیم چینی باشندوں کی سیکیورٹی حکومت پاکستان کی اولین ترجیح ہے۔

انھوں نے مزید کہا کہ چین سےزراعت،آئی ٹی،مواصلات سمیت دیگرشعبوں میں تعاون بڑھانےکی ضرورت ہے، پاکستان چین کی ترقی کےماڈل سےاستفادہ کرناچاہتاہے اور ایم ایل ون کی اپ گریڈیشن میں چینی سرمایہ کاری کے خواہاں ہیں۔

سی آئی ڈی سی اے نے پاکستان میں مختلف شعبوں میں سرمایہ کاری میں دلچسپی کا اظہار کردیا۔

اسلام آباد : وزیراعظم شہباز شریف نے چینی فرم کو پاکستان میں کان کنی کے شعبے میں سرمایہ کاری کی دعوت دے دی۔

تفصیلات کے مطابق پاکستان میں غیرملکی سرمایہ کاری کوفروغ دینے کیلئے وزیراعظم شہبازشریف نے چینی فرم کوپاکستان کے کان کنی کے شعبے میں سرمایہ کاری کی دعوت دی ہے اور اسے زیادہ سے زیادہ سہولیات فراہم کرنے کی یقین دہانی کرائی ہے۔

کان کنی اور معدنیات کا شعبہ ایس آئی ایف سی کےترجیحی شعبوں میں شامل ہے جس میں گزشتہ ایک برس میں کافی پیش رفت ہوئی ہے۔

چینی فرم ایک تحقیقی اور سرمایہ کاری کمپنی کےطورپرچائنامیٹالرجیکل گروپ کارپوریشن کا حصہ ہے، جس کا شمار دنیا کے بڑے میٹالرجیکل کنسٹرکشن کنٹریکٹر میں ہوتا ہے۔

چینی فرم نے پاکستان میں کان کنی اور معدنیات کے شعبے میں اپنی سرمایہ کاری بڑھانے میں گہری دلچسپی کا اظہار کیا اور وزیر اعظم کو پاکستان میں کان کنی کے حوالے سے تفصیلی بریفنگ دی اور مزید سرمایہ کاری کے منصوبوں کے بارے میں آگاہ کیا۔

اس دورے کا مقصد چین کے ساتھ پاکستان کے تعلقات کو مضبوط بنانا اور بیجنگ کو یقین دلانا ہے کہ پاکستان، ملک میں کام کرنے والے چینی شہریوں کی سکیورٹی کو یقینی بنائے گا۔

چین نے اب تک سی پیک کے معاہدے کے مطابق توانائی اورانفراسٹرکچر کےمنصوبوں میں65بلین ڈالرسے زیادہ کی سرمایہ کاری کی ہے۔

حالیہ ہفتوں کے دوران اسلام آباد میں سعودی عرب، جاپان، آذربائیجان، قطر اور دیگر ممالک کے سفارت کاروں اور کاروباری وفود سے اعلیٰ سطح کے تبادلے دیکھنے میں آئے، ایس آئی ایف سی نے اس سرمایہ کاری کی ترغیب میں اہم کردار ادا کیا ہے۔

اسلام آباد : چینی کمپنی نے وزیراعظم شہباز شریف سے ملاقات میں پاکستان میں سرمایہ کاری بڑھانے میں دلچسپی کا اظہار کردیا۔

تفصیلات کے مطابق وزیراعظم شہباز شریف کی قیادت پر بیرونی سرمایہ کاروں کا اعتماد بحال ہورہا ہے۔

چینی کمپنی نے پاکستان میں سرمایہ کاری کو وسعت دینے میں گہری دلچسپی کا اظہار کیا۔

اس سلسلے میں وزیراعظم سےچیئرمین وانگ جائیچنگ کی زیرقیادت ایم سی سی ٹونگسن ریسورسز کے وفد کی ملاقات ہوئی۔

چینی کمپنی نے معدنیات و کان کنی کےشعبےمیں سرمایہ کاری بڑھانے میں دلچسپی کا اظہار کیا۔

چینی کمپنی نے وزیراعظم کو منرل پارک کے قیام اور مزید سرمایہ کاری کے منصوبوں پر بریفنگ دی۔

شہباز شریف نے بتایا کہ حکومت بیرونی سرمایہ کاری کےفروغ کیلئےترجیحی بنیادوں پراقدامات اٹھارہی ہے، چین پاکستان کا دیرینہ دوست اور ترقی میں اہم شراکت دار ہے، ہر مشکل وقت میں مددکرنےپرپاکستانی قوم چینی قیادت وعوام کی مشکور ہے۔

وزیراعظم نے چینی کمپنی کو برآمدی اشیا کی تیاری کیلئےسرمایہ کاری کرنے کی دعوت دیتے ہوئے متعلقہ وفاقی وزرا،افسران کوچینی کمپنی کے ساتھ مشاورت کی ہدایت کردی۔

انھوں نے کہا کہ مشاورتی عمل میں وزیراعلیٰ بلوچستان و دیگر اسٹیک ہولڈرز کو بھی شامل کیا جائے۔

چین کی سب سےبڑی الیکٹرک گاڑیوں کی کمپنی کی پاکستان میں سرمایہ کاری میں دلچسپی ظاہر کردی، بی وائی ڈی اپنی ای وی پیداوار کوپاکستان میں مقامی طور پر تیار کرے گا۔

تفصیلات کے مطابق چین کی سب سے بڑی الیکٹراک گاڑیوں کی کمپنی(BYD) نے پاکستان میں سرمایہ کاری میں دلچسپی کا اظہار کردیا۔

چین کی دنیا کی سب سے بڑی الیکٹرک گاڑیاں بنانےوالی کمپنی نے اپنے لوکل پارٹنرکےساتھ پاکستان میں جدیدالیکٹرک گاڑیاں بنانے کےلیےسرمایہ کاری میں دلچسپی ظاہر کیا۔

بی وائی ڈی نے2023میں دنیامیں سب سے زیادہ الیکٹرک گاڑیاں بنائیں، جس نے ٹیسلا کو پیچھے چھوڑ دیا۔

یہ اقدام ایک ایسے وقت میں سامنے آیا ہے جب پاکستان اپنے کاربن فوٹ پرنٹ کو کم کرنے اور صاف ستھری فضا کیلئے توانائی کے زیادہ موثر ذرائع نقل و حمل کو اپنانے کیلئے اقدامات کر رہا ہے۔

یہ اقدام گرین پراڈکٹس کو پاکستانی صارفین کے لیے مزید قابل رسائی بنانے کے ساتھ ساتھ پاکستان کی آٹو انڈسٹری کو ترقی کی راہ پر گامزن کرے گا۔

بی وائی ڈی اپنی ای وی کی پیداوار کوپاکستان میں مقامی طور پرتیار کرے گا جس سے پاکستان رائٹ ہینڈ ڈرائیو (RHD) گاڑیاں ایکسپورٹ کرسکے گا۔

بی وائی ڈی کی جانب سے پاکستان میں سرمایہ کاری، خصوصی سرمایہ کاری سہولت کونسل کا غیر ملکی سرمایہ کاری لانے کا ایک بڑا ثبوت ہے، اس سرمایہ کاری سے غیر ملکی سرمایہ کاروں کے اعتماد میں اضافہ ہو رہا ہے اور معروف غیر ملکی کمپنیاں پاکستان میں پیسے لگانے میں دلچسپی کا اظہار کر رہی ہیں۔

واشنگٹن :پاکستانی سفیر مسعودخان نے امریکی سرمایہ کاروں کو پاکستان میں سرمایہ کاری کی دعوت دیتے ہوئے کہا آئی ٹی، زراعت، توانائی اور معدنیات میں سرمایہ کاری کرے۔

تفصیلات کے مطابق امریکا میں پاکستان کے سفیر مسعودخان نے مقامی تھنک ٹینک سے خطاب کرتے ہوئے کہا کہ امریکاچین تعاون کے فروغ میں پاکستان اہم کرداراداکرسکتاہے،دونوں ممالک پاکستان کے مختلف شعبوں میں سرمایہ کاری کریں۔

مسعود خان کا کہنا تھا کہ انسداددہشت گردی کیلئے دفاعی آلات اور فنانسنگ بحالی کیلئےامریکی فیصلوں کے منتظر ہیں، غیرملکی سرمایہ کاری کیلئے پاکستان بہترین ملک ہے۔

پاکستانی سفیر نے کہا کہ امریکا میں مقیم 10لاکھ کے قریب پاکستانی سرمایہ پاکستان لانے میں اہم کردار کرتےہں، گزشتہ مالی سال میں امریکا میں مقیم تارکین وطن کی سرمایہ کاری3 ارب ڈالر رہی، امریکا پاکستان میں زراعت اور آئی ٹی شعبوں میں سرمایہ کاری کرے۔

ان کا مزید کہنا تھا کہ یورپ،مشرق وسطیٰ میں امریکا کی ترجیحات کو تسلیم کرتے ہیں، امریکا جنوبی ایشیا کی سلامتی سے متعلق بھی توجہ مرکوز کرے۔

اسلام آباد :نگراں وزیر تجارت گوہراعجاز کا کہنا ہے کہ الیکٹرک گاڑیاں بنانے والی دنیا کی معروف چینی کمپنی پاکستان میں سرمایہ کاری کے لئے تیار ہے۔

تفصیلات کے مطابق نگراں وزیر تجارت گوہراعجاز نے سماجی رابطے کی ویب سائٹ ایکس پر اپنے پیغام میں کہا کہ چین کی بی وائی ڈی کار کمپنی پاکستان میں سرمایہ کاری کرےگی، بی وائی ڈی دنیا کی بڑی الیکٹرک گاڑیاں بنانے والی کمپنی ہے۔

گوہر اعجاز کا کہنا تھا کہ بی وائی ڈی کار کمپنی کو پاکستان کی پالیسی ،ایس آئی ایف سی سے آگاہ کیا ، کمپنی کی پاکستان میں سرمایہ کاری کی بھرپور حمایت کریں گے۔

Had a productive meeting with BYD, the global leader in EVs. They’re considering investment opportunities in Pakistan . Informed them about our gov’s policy & #SIFC. Promised full backing for their new ventures. #InvestInPakistan #EVFuture pic.twitter.com/8JghoN1Kr5

— Dr Gohar Ejaz (@Gohar_Ejaz1) October 19, 2023

خیال رہے برطانوی نشریاتی ادارے کے مطابق الیکٹرک گاڑیاں تیار کرنے والی کمپنی ’ٹیسلا‘ کے مقابلے میں ایک چینی کمپنی سامنے آئی ، ’بلڈ یوئر ڈریمز‘ یا ’بی وائی ڈی‘ کے حصص کی مالیت میں رواں ہفتے اس وقت اچانک اضافہ ہوا جب ان کی جانب سے اعلان کیا گیا کہ گذشتہ سال کے مقابلے میں ان کا منافع تقریبا دگنا سے بھی زیادہ ہوا ہے۔

چین نے حال ہی میں دنیا بھر میں گاڑیوں کی برآمد میں جاپان کو بھی پیچھے چھوڑ دیا ہے اور دنیا میں سب سے زیادہ گاڑیوں کی برآمد کرنے والا ملک بن گیا ہے۔