Tag: پاکستان میں ڈینگی

اسلام آباد: نیشنل ڈینگی کنٹرول سیل کی وائرس کیس اسٹڈی رپورٹ تیار کر لی گئی، ذرایع وزارتِ صحت کا کہنا ہے یہ کیس اسٹڈی وزارت قومی صحت کو ارسال کی جائے گی، رپورٹ این آئی ایچ کے اشتراک سے تیار کی گئی ہے۔

تفصیلات کے مطابق قومی ڈینگی کنٹرول سیل نے ایک کیس اسٹڈی تیار کر لی ہے جس میں کہا گیا ہے کہ پاکستان میں ڈینگی وائرس کا پہلا کیس 1994 میں سامنے آیا، ملک میں ڈینگی نے وبائی صورت 2005 میں کراچی میں اختیار کی، جب کہ پنجاب میں ڈینگی نے 2011 میں وبائی صورت اختیار کی تھی۔

رپورٹ میں کہا گیا ہے کہ 2011 میں پنجاب میں 22 ہزار ڈینگی کیس رپورٹ ہوئے جب کہ 350 اموات ہوئیں، 2017 میں خیبر پختون خوا میں 25000 ڈینگی کیس اور 70 اموات ہوئیں، رواں سال جڑواں شہروں میں 16 ہزار ڈینگی کیس سامنے آئے جب کہ 24 اموات ہو چکی ہیں، رواں سال ملک میں تا حال 34 ہزار ڈینگی کیسز اور 50 اموات ہو چکی ہیں۔

یہ بھی پڑھیں:  ڈینگی وائرس: ملک بھر میں مزید سیکڑوں کیسز رپورٹ، ایک نوجوان دم توڑ گیا

رپورٹ کے مطابق ڈینگی وائرس کی دنیا میں 4 اسٹیریو ٹائپ اقسام ہیں، ملک میں ڈینگی وائرس ٹائپ وَن، ٹو، تھری کیس سامنے آئے ہیں، پاکستان میں ڈینگی اسٹیریو ٹائپ فور وائرس تاحال سامنے نہیں آیا، رواں برس ملک میں بیش تر افراد ڈینگی اسٹیریو ٹائپ وَن کا شکار ہوئے، بلوچستان میں ڈینگی اسٹیریو ٹائپ ون وائرس سرگرم ہے، کے پی، پنجاب، اسلام آباد میں ڈینگی اسٹیرو ٹائپ ون، ٹو وائرس سرگرم ہیں۔

کیس اسٹڈی میں کہا گیا ہے کہ بلوچستان میں کوئٹہ، لسبیلہ، گوادر اور کیچ ڈینگی سے زیادہ متاثر ہیں، سندھ میں کراچی کے ضلع وسطی و جنوبی ڈینگی سے زیادہ متاثر ہیں، آزاد کشمیر کا ضلع مظفر آباد، اپر و لوئر چھتر ڈینگی سے زیادہ متاثر ہیں، پنجاب میں لاہور، راولپنڈی، سرگودھا، لیہ، اٹک، خیبر پختون خوا میں سوات، مانسہرہ، کوہاٹ، پشاور اور صوابی ڈینگی سے متاثر ہیں، جب کہ ضلع پشاور کی 8 یونین کونسلز شیخ محمدی، دیہ بہادر، سربند، شیخان، بڈھ بیر، بازید خیل، اچھنی، ماشو گگر ڈینگی سے زیادہ متاثر ہیں۔

رپورٹ کے مطابق وفاقی دارالحکومت کے دیہی علاقے ترلائی، کورال، بہارہ کہو، سوہان، اسلام آباد کے رہایشی سیکٹر جی سکس اور سیون ڈینگی سے زیادہ متاثر ہیں۔

راولپنڈی: ملک بھر میں ڈینگی وائرس کے وار جاری ہیں، مزید سیکڑوں کیسز رپورٹ ہوئے، ہولی فیملی اسپتال میں ڈینگی سے متاثرہ نوجوان دم توڑ گیا، جس کے بعد پنجاب میں ہونے والی اموات کی تعداد 11 ہو گئی ہے۔

تفصیلات کے مطابق پنجاب میں گزشتہ 24 گھنٹوں کے دوران ڈینگی کے 230 کیس رپورٹ ہوئے جب کہ 119 مریض ڈسچارج کیے گئے، محکمہ صحت کا کہنا ہے کہ پنجاب کے تمام اسپتالوں میں ڈینگی کے کل 391 کنفرم مریض زیر علاج ہیں۔

محکمے کے مطابق راولپنڈی میں ڈینگی کے سب سے زیادہ 188 کیس سامنے آئے، ڈینگی ایکسپرٹ ایڈوائزی گروپ کے مطابق رواں سال پنجاب میں ڈینگی سے 10 اموات ہوئیں۔

ادھر ڈینگی رسپانس یونٹ کے پی کے مطابق صوبے میں 46 نئے کیسز رپورٹ ہوئے جس کے بعد ڈینگی کیسز کی تعداد 5835 ہو گئی، صرف پشاور شہر میں ڈینگی کے 2329 نئے کیسز رپورٹ ہوئے، جب کہ اسپتالوں میں اس وقت ڈینگی کے 168 مریض زیر علاج ہیں۔

سوات، مینگورہ میں مزید 10 افراد میں ڈینگی کی تصدیق ہو گئی ہے، جس کے بعد ضلع سوات میں ڈینگی سے متاثرہ افراد کی تعداد 475 ہو گئی۔

رواں ماہ سندھ میں ڈینگی سے متاثرہ افراد کی تعداد 3 ہزار سے تجاوز کر گئی ہے، سندھ میں سال 2017 اور 2018 کا ریکارڈ ایک ماہ میں ٹوٹ گیا، رواں ماہ سندھ میں سب سے زیادہ ڈینگی کیس کراچی سے سامنے آئے، رواں ماہ سندھ میں 3114 افراد ڈینگی سے متاثر ہوئے، ڈینگی سرویلنس سیل کے مطابق رواں سال ڈینگی سے اموات کی تعداد 20 ہو چکی ہے۔

ڈینگی سرویلنس سیل کے مطابق اکتوبر میں کراچی کے 2889 افراد ڈینگی کا شکار ہوئے، رواں سال سندھ میں ڈینگی سے متاثرہ افراد کی تعداد 6331 ہے، متاثرین میں سے 5931 افراد کا تعلق کراچی سے ہے۔

ترجمان وزارت قومی صحت کا کہنا ہے کہ جڑواں شہر سے ڈینگی کے خاتمے کے لیے بڑا منصوبہ تیار کر لیا گیا ہے، انسداد ڈینگی منصوبے کا آغاز جڑواں شہروں کے حساس علاقوں سے ہوگا، منصوبے سے 2 لاکھ سے زائد افراد مستفید ہوں گے، منصوبے کے لیے 19.64 ملین روپے مقرر کیے گئے ہیں۔

ڈاکٹر ظفر مرزا نے کہا جڑواں شہروں میں ڈینگی کے حساس علاقوں میں رضا کاروں کی ٹریننگ ہوگی، ڈینگی لاروا تلف کرنے کے لیے گھر گھرعوام کو آگاہی دی جائے گی، تعلیمی اداروں میں ڈینگی سے متعلق آگاہی مواد فراہم کیا جائے گا، جب کہ لاروے کے ذرایع پر قابو کے لیے 3 ہزار مریضوں کو بھی آگاہی مواد دیا جائے گا۔

راولپنڈی: ڈینگی نے پنجاب میں پنجے گاڑ لیے ہیں، آج راولپنڈی میں ڈینگی میں مبتلا بچے سمیت مزید 2 مریض انتقال کر گئے۔

تفصیلات کے مطابق ڈینگی نے آج پنجاب میں مزید دو افراد کی جان لے لی، 12 سال کا ساجد بے نظیر بھٹو اسپتال جب کہ بزرگ شخص ہولی فیملی میں زیر علاج تھے، ایک کا تعلق راولپنڈی دوسرے کا مانسہرہ سے ہے۔

اسپتال ذرایع کا کہنا ہے کہ ڈینگی سے شہر میں اب تک 28 اموات ہو چکی ہیں۔

ذرایع محکمہ صحت کا کہنا ہے کہ ملک بھر میں ڈینگی کیسز کی تعداد 21997 تک پہنچ گئی، جب کہ ملک بھر میں ڈینگی سے جاں بحق افراد کی تعداد 49 ہو گئی۔

پاکپتن میں بھی باپ بیٹے سمیت چھ مریضوں میں ڈینگی کی تصدیق ہوئی ہے، میانوالی میں ڈینگی وائرس سے متاثرہ مریضوں کی تعداد 7 ہو گئی، یہ متاثرہ مریض راولپنڈی، لاہور میں ڈینگی کا شکار ہوئے تھے۔

کوئٹہ میں بھی ڈینگی کے 6 مریض سامنے آ گئے ہیں، یہ سارے افراد ایک خاندان سے ہیں، محکمہ صحت کا کہنا ہے یہ سب کراچی سے سفر کر کے کوئٹہ آئے، مریضوں کے لیے فاطمہ جناح اسپتال میں خصوصی یونٹ قائم کر دیا گیا ہے۔

لسبیلہ میں بھی ڈینگی کے مزید 78 کیسز سامنے آ گئے، بلوچستان میں رواں سال ڈینگی کیسز کی تعداد 2905 ہو گئی، محکمہ صحت کے مطابق 917 افراد میں ڈینگی وائرس کی تصدیق ہوئی جب کہ 988 مشکوک مریض ہیں۔

یہ بھی پڑھیں:  ڈینگی سے متاثرہ کراچی کارہائشی چل بسا، رواں سال اموات کی تعداد چودہ ہوگئی

محکمہ صحت بلوچستان کا کہنا ہے ڈینگی سے اب تک 3 افراد جاں بحق ہوئے ہیں، کیچ میں سب سے زیادہ 1747 کیسز رپورٹ ہوئے، گوادر میں 872 اور لسبیلہ میں 204 ڈینگی کے کیسز رپورٹ ہوئے۔

خیبر پختون خوا میں ڈینگی سے متاثرہ مریضوں کی تعداد 4 ہزار 363 ہوگئی، 24 گھنٹوں کے دوران 38 مزید ڈینگی کیسز رپورٹ ہوئے، پشاور سے 24 گھنٹوں میں 13 مزید ڈینگی کیسز رپورٹ ہوئے جب کہ پشاور میں ڈینگی سے متاثرہ مریضوں کی تعداد 2049 ہو گئی ہے۔

ادھر اسلام آباد میں معاون خصوصی ڈاکٹر ظفر مرزا کی زیر صدارت ڈینگی سے متعلق جائزہ اجلاس منعقد ہوا، انھوں نے کہا 24 گھنٹوں میں اسلام آباد سے ماحولیاتی نمونے اکٹھے کیے گئے ہیں، ڈینگی کے لاروے کی افزایش میں کمی آ رہی ہے۔

واضح رہے کہ عالمی ادارہ صحت (ڈبلیو ایچ او) کی ٹیم بھی پاکستان آ گئی ہے، گزشتہ روز ٹیم نے ریلوے اسٹیشن راولپنڈی کا دورہ کیا، ڈائریکٹر پالیتھا ماہی پالا نے کہا کہ عالمی ادارہ صحت ڈینگی کے خلاف ہر ممکن مدد کرے گا۔

خیال رہے کہ گزشتہ روز کراچی میں بھی ڈینگی سے ایک اور مریض چل بسا تھا، ڈینگی سرویلنس سیل کا کہنا تھا ڈینگی سے جاں بحق افراد کی تعداد 13 ہو گئی۔

اسلام آباد: حکومت پاکستان نے ملک بھر میں ڈینگی کے پھیلاؤ کی تحقیقات کرانے کا فیصلہ کر لیا ہے، ذرایع کا کہنا ہے کہ ڈینگی پھیلاؤ کی تحقیقات عالمی اداروں سے کرائی جائیں گی۔

ذرایع کے مطابق حکومت ڈینگی پھیلنے کی تحقیقات کے لیے جلد عالمی اداروں سے رابطہ کرے گی، اس سلسلے میں عالمی ادارۂ صحت (ڈبلیو ایچ او)، سی ڈی سی امریکا، سری لنکا سے رابطہ کیا جائے گا۔

[bs-quote quote=”کراچی میں ڈینگی کے مزید 103 کیسز سامنے آ گئے۔” style=”style-8″ align=”left”][/bs-quote]

ذرایع وزارتِ قومی صحت کا کہنا ہے عالمی ماہرین پاکستان کے صوبوں اور آزاد کشمیر کا دورہ کریں گے، اور اس دوران پاکستان میں ڈینگی لاروا اور وائرس پر تحقیق کریں گے، راولپنڈی اور اسلام آباد میں ڈینگی پھیلاؤ کی وجوہ تلاش کی جائیں گی۔

ذرایع کا یہ بھی کہنا ہے کہ راولپنڈی اور اسلام آباد میں ڈینگی لاروا مقامی نہیں ہے۔

ڈاکٹر ظفر مرزا نے ڈینگی وائرس پر عالمی ماہرین سے تحقیقات کی منظوری دے دی ہے۔ خیال رہے کہ رواں سال ملک میں ڈینگی کے 16 ہزار سے زاید کیسز سامنے آ چکے ہیں، جب کہ راولپنڈی، اسلام آباد میں 6 ہزار سے زاید ڈینگی کیسز رپورٹ ہوئے۔

واضح رہے کہ اس سے قبل سندھ میں ایڈز کے پھیلاؤ کی تحقیقات بھی عالمی اداروں سے کروائی جا چکی ہے۔

دریں اثنا، ملک بھر میں ڈینگی وائرس سے متاثرہ مریضوں کی تعداد میں اضافہ مسلسل جاری ہے، سرویلنس سیل کے مطابق کراچی میں ڈینگی کے مزید 103 کیسز سامنے آ گئے ہیں، رواں ماہ کراچی میں ڈینگی کیسز کی تعداد 1618 ہو گئی ہے، سندھ بھر میں ڈینگی کیسز کی مجموعی تعداد 3120 ہو گئی، سندھ کے دیگر اضلاع میں آج ڈینگی کے 15 نئے کیسز رپورٹ ہوئے، جب کہ رواں سال ڈینگی وائرس سے سندھ میں 11 اموات ہوئیں۔

اسلام آباد میں بھی ڈینگی وائرس کے وار جاری ہیں، گزشتہ 24 گھنٹوں میں 596 افراد میں ڈینگی کی تصدیق کی گئی، وفاقی سرکاری اسپتالوں میں 526 افراد میں جب کہ نجی اسپتالوں میں 70 افراد میں ڈینگی کی تصدیق ہوئی۔ ذرایع کے مطابق پولی کلینک 307، پمز میں 162، ایف جی ایچ 53، سی ڈی اے میں 4 افراد میں ڈینگی کی تصدیق کی گئی۔ 24 گھنٹوں میں پولی کلینک میں زیر علاج ایک مریض جاں بحق ہوا۔

ادھر ملتان کے نشتر اسپتال میں ڈینگی وائرس میں مبتلا مزید 10 مریض داخل کیے گئے، نشتر اسپتال آئسولیشن وارڈ میں 28 مریض زیر علاج ہیں، محکمہ صحت کا کہنا ہے زیر علاج مریضوں میں 18 میں ڈینگی وائرس کی تصدیق ہو چکی ہے جب کہ مزید لائے گئے 10 مریضوں کے ٹیسٹ لیے گئے ہیں۔

لاہور اور راولپنڈی میں بارش کے بعد ڈینگی کی بگڑتی صورت حال میں مزید شدت کا خدشہ پیدا ہو گیا ہے، بارش کے بعد کے حالات سے نمٹنے کے لیے سیکریٹری پرائمری اینڈ سیکنڈری ہیلتھ کئیر نے کمشنر لاہور اور راولپنڈی کو خط لکھ کر ہدایت کی ہے کہ بارش کے بعد پانی کھڑا نہ ہونے دیں ورنہ ڈینگی مچھر کی افزایش کا خطرہ بڑھ جائے گا۔

معاون خصوصی برائے صحت ظفر مرزا نے آج میڈیا سے گفتگو میں کہا پوٹھوہار میں روزانہ کی بنیاد پر ڈینگی کی صورت حال مانیٹر کی جا رہی ہے، متاثرہ علاقوں میں اسپرے کیا جا رہا ہے، آیندہ 24 گھنٹوں میں انسداد ڈینگی مہم میں مزید تیزی لائیں گے۔

اسلام آباد: ملک بھر میں ڈینگی وائرس کے حملے بدستور جاری ہیں، حکومت کی جانب سے انسدادی اقدامات ناکام ہو گئے ہیں، ذرایع کا کہنا ہے کہ ملک میں ڈینگی کے مریضوں کی مجموعی تعداد 16011 ہو گئی ہے۔

ذرایع کے مطابق ملک بھر میں گزشتہ 24 گھنٹوں میں 690 افراد میں ڈینگی کی تصدیق ہوئی، ڈینگی کے حوالے سے صوبہ پنجاب 3475 کیسز کے ساتھ پہلے نمبر پر ہے۔

رواں سیزن میں کے پی کے میں 3412 ڈینگی کیسز سامنے آ چکے ہیں، سندھ میں ڈینگی کے 2904 کیسز سامنے آئے، بلوچستان 2681، اسلام آباد میں 2777 ڈینگی کیس سامنے آئے، آزاد کشمیر 373، قبائلی اضلاع میں 312 جب کہ گلگت بلتستان میں ڈینگی کا کوئی کیس سامنے نہیں آیا۔

رواں سیزن کے دوران ملک بھر میں ڈینگی سے 29 افراد جاں بحق ہو چکے ہیں، سندھ میں11، پنجاب میں 8، اسلام آباد میں 7، بلوچستان میں 3 اموات ہو چکی ہیں۔

گزشتہ چوبیس گھنٹوں میں عمر کوٹ کے سول اسپتال میں مزید 6 مریضوں میں ڈینگی وائرس کی تصدیق کی گئی، متاثرہ افراد میں ایم ایس سمیت سول اسپتال کے 4 ملازم شامل ہیں۔ شیخوپورہ کے گاوں ہچڑ کے رہایشی محمد اسحاق میں ڈینگی کی تصدیق ہوئی، لاہور میں مزید 12 افراد ڈینگی کا شکار ہوئے۔ فیصل آباد الائیڈ اسپتال میں ڈینگی کے شکار مزید 8 افراد داخل کیے گئے جب کہ ڈینگی کا ایک مریض 64 سالہ سعید جاں بحق ہوا جسے اسلام آباد میں بخار ہوا تھا، بیٹا بھی زیر علاج ہے۔

راولپنڈی میں وزیر اعلی پنجاب کی ہدایت پر موبائل ہیلتھ یونٹس فلٹر کلینکس مکمل فعال کر دیے گئے ہیں، 2 دن میں 493 مردوں اور 355 خواتین کے ٹیسٹ کیے گئے، تشخیصی عمل میں 38 ڈینگی کے مریض سامنے آئے۔ اسلام آباد میں ڈینگی کی افزایش کی ممکنہ جگہوں سیکٹر جی 11، سیکٹر آئی 8 اور سیکٹر 9 کے ذمہ داران کے خلاف کارروائیاں کی گئیں،

اسسٹنٹ کمشنرز نے 14 ایف آئی آرز درج کیں، دفعہ 144 کی خلاف ورزیوں پر 30 ہزار روپے جرمانے عاید کیے گئے، 5 سروس اسٹیشنز، 3 ٹائر شاپس، 4 کباڑ خانے سیل کیے گئے۔

محکمہ صحت پنجاب کی جانب سے ڈینگی سے متعلق ایک سال کی تفصیلات جاری کی گئیں، سالانہ ڈینگی تفصیلات میں اسلام آباد کا دیٹا شامل نہیں کیا گیا، اسلام آباد کو پنجاب کے روز کی ڈینگی تفصیل سے علیحدہ کر دیا گیا۔ بتایا گیا کہ پنجاب میں رواں سال ڈینگی کے کل 3377 مریض سامنے آئے، گزشتہ 24 گھنٹوں میں پنجاب میں ڈینگی کے 199 کیس رپورٹ ہوئے، پنجاب میں رواں سال یکم جنوری سے 27 ستمبر تک ڈینگی سے 8 اموات ہوئیں، جن کا تعلق راولپنڈی سے تھا۔

آج اسلام آباد میں انسداد ڈینگی پر وزارت صحت میں ظفر مرزا کی زیر صدارت اجلاس منعقد ہوا، انھوں نے کہا آیندہ سال کے لیے انسداد ڈینگی پر حکمت عملی ترتیب دی جا رہی ہے، ڈینگی کے تدارک کے لیے قومی سطح پر پالیسی بنائی جائے گی۔ وزیر اعظم کے معاون خصوصی کی ہدایت پر آج ڈسٹرکٹ ہیلتھ افسر اسلام آباد نجیب درانی کو عہدے سے ہٹا دیا گیا، ذرایع کے مطابق ظفر مرزا ڈی ایچ او کی کارکردگی سے خوش نہیں تھے۔

دریں اثنا، آج عالمی ادارہ صحت (ڈبلیو ایچ او) کی جانب سے پمز اسپتال میں ڈینگی آگاہی مہم چلائی گئی جس میں سربراہ عالمی ادارہ صحت پاکستان ڈاکٹر پلیتھا ماہی پالا نے شرکت کی۔ ایگزیکٹو ڈائریکٹر پمز ڈاکٹر انصر مقصود نے کہا ملک بھر کے نصف ڈینگی کیسز کا تعلق خطہ پوٹھوہار سے ہے، اسپتال میں تاحال ڈینگی سے کسی مریض کی موت نہیں ہوئی، پلیتھا ماہی پالا نے میڈیا سے گفتگو میں کہا وفاقی اسپتالوں میں ڈینگی مریضوں کے انتظامات قابل تعریف ہیں، علاج کی بجائے احتیاط کے ذریعے ڈینگی سے بچا جا سکتا ہے۔

راولپنڈی: ڈینگی وائرس کے مریضوں کی تعداد میں ہول ناک اضافہ ہو گیا ہے، گزشتہ چوبیس گھنٹوں کے دوران راولپنڈی میں مزید دو افراد جان سے ہاتھ دھو بیٹھے۔

تفصیلات کے مطابق ڈینگی سے متاثر ہولی فیملی اور ڈھوک کھبہ میں 2 افراد چل بسے ہیں، جس کے بعد صرف راولپنڈی میں ڈینگی سے مرنے والوں کی تعداد 12 ہو گئی ہے۔

مردان میں بھی ایک مریض ڈینگی وائرس سے جان سے ہاتھ دھو بیٹھا ہے، مریض کا تعلق نوشہرہ سے تھا اور وہ مردان میڈیکل کمپلیکس میں زیر علاج تھا۔

12 شہریوں کی ہلاکت کے بعد گزشتہ روز وزیر اعلیٰ پنجاب عثمان بزدار بھی راولپنڈی پہنچ گئے، جہاں انھیں کمشنر اور ڈپٹی کمشنر نے انسداد ڈینگی اقدامات پر بریفنگ دی۔

دریں اثنا، پنجاب حکومت نے کمشنرز کو ڈینگی مہم تیز کرنے سے متعلق مراسلہ جاری کرتے ہوئے کہا ہے کہ ڈپٹی کمشنرز موبائل بریگیڈز اینٹی ڈینگی اسکواڈ قائم کریں، ضلعی انتظامیہ عوام میں علاج، احتیاط اور تدبیر کی آگاہی مہم چلائے، جب کہ افرادی قوت اور ادویات کی کمی کو بھی پورا کیا جائے۔

تازہ ترین:  ڈینگی وائرس: 9 ماہ پر مشتمل ایک اور سرکاری رپورٹ تیار، کیسز کی تعداد 11 ہزار سے بڑھ گئی

ادھر ذرایع کا کہنا ہے کہ راولپنڈی میں ڈینگی وائرس بے قابو ہو چکا ہے، سرکاری اسپتالوں میں ڈینگی مریضوں کے لیے جگہ کم پڑ گئی ہے، پنجاب حکومت نے ڈینگی مریضوں کو نجی اسپتالوں میں داخل کرنے کا فیصلہ کر لیا ہے۔

ذرایع کے مطابق ڈینگی مریضوں کو نجی ٹیچنگ اسپتالوں میں منتقل کیا جائے گا، پنجاب حکومت نے نجی اسپتالوں کی نشان دہی کے لیے 3 رکنی کمیٹی بھی قایم کر دی ہے، جس کے سربراہ وائس چانسلر یونی ورسٹی آف ہیلتھ سائنسز ہوں گے، یہ کمیٹی نجی ٹیچنگ اسپتالوں میں عملے اور طبی سہولتوں کا جائزہ لے گی۔

منتخب نجی ٹیچنگ اسپتال میں 100 بیڈز ڈینگی مریضوں کے لیے مختص ہوں گے، مذکورہ کمیٹی آیندہ 24 گھنٹوں میں صوبائی حکومت کو رپورٹ جمع کرائے گی۔

علاوہ ازیں، معاون خصوصی برائے صحت ڈاکٹر ظفر نے فیڈرل جنرل اسپتال چک شہزاد کا دورہ کر کے ڈینگی وارڈ میں مریضوں کی تیمارداری کی سہولیات کا جائزہ لیا، اور کہا کہ اسلام آباد کے اسپتالوں میں ہر 4 گھنٹے بعد مریض کو چیک کیا جاتا ہے، ڈینگی اور مریضوں کے معاملے پر سیاست سے گریز کیا جائے۔