دبئی: پاکستان کے خلاف پہلے ٹی ٹونٹی میچ میں نیوزی لینڈ نے 136 رنز کا ہدف دیدیا ہے۔
میچ کا آغاز ہوا تو پاکستانی کپتان شاہد آفریدی نے نیوزی لینڈ کے خلاف ٹاس جیت کر باؤلنگ کا فیصلہ کیا تو انور علی کے پہلے اوور کی دوسری گیند پر ہی کیوی کپتان ولیم سن کوئی رن بنائے بغیر پویلین لوٹ گئے۔ پہلے بیٹنگ کرتے ہوئےکیویز نے مقررہ 20 اوورز میں7 وکٹوں کے نقصان پر135 رنز بنا ئے ۔نیوزی لینڈ کے اینڈرسن 48 رنز بنا کر نمایاں رہے جبکہ سہیل تنویر اور محمد عرفان نے دو، دو کھلاڑیوں کو آؤٹ کیا۔
اسلام آباد: رواں مالی سال 2014-15ءکی پہلی سہ ماہی (جولائی تا ستمبر 2014ء) کے دوران کھیلوں کے سامان کی برآمدات میں اضافہ ریکارڈ کیا گیا۔
پاکستان ادارہ شماریات (پی بی ایس) کے جاری کردہ اعداد و شمار کے مطابق جولائی سے ستمبر 2014ءکے دوران 8 کروڑ 20 لاکھ 15 ہزار ڈالر مالیت کی کھیلوں کی مصنوعات برآمد کی گئیں جبکہ گذشتہ مالی سال کی اس مدت کے دوران 8 کروڑ 15 لاکھ ڈالر مالیت کی کھیلوں کی مصنوعات برآمد کی گئی تھیں۔
مذکورہ عرصہ کے دوران فٹ بال اور دستانوں کی برآمدات میں نمایاں اضافہ ریکارڈ کیا گیا، اعداد و شمار کے مطابق مذکورہ عرصہ کے دوران تجارتی خسارہ 6 ارب 50 کروڑ 40 ہزار ڈالر ریکارڈ کیا گیا جو گذشتہ سال کی اس مدت کے دوران 4 ارب 48 کروڑ 20 ہزار ڈالر تھا۔
الیکشن کمیشن نے وزیر اعلی سندھ قائم علی شاہ کے حلقہ انتخاب پی ایس انتیس خیرپور کے تیرہ ہزار تین سو ارسٹھ ووٹ جعلی قرار دے دیے۔
نادرا نے پی ایس انتیس خیر پور سے متعلق نادار کی تصدیقی رپورٹ جاری کردی، نادرا رپورٹ کے مندرجات اے آروائی نیوز نے حاصل کرلیے، نادرا کی تصدیقی رپورٹ کے مطابق پی ایس انتیس کے کل چھیاسی ہزار چورانوے ووٹ تصدیق کے لیے بھیجے گئے ، جن میں سے صرف سولہ ہزار چھہ سو سینتالیس ووٹ درست قرار پائے گئے۔
رپورٹ میں کہا گیا ہے تیرہ ہزار تین سو ارسٹھ ووٹ فنگر پرنٹ میچ نہ ہونے پر جعلی قرار دیے گئے،جبکہ چھپن ہزار اناسی ووٹوں کی تصدیق ہی نہ ہوسکی،رپورٹ میں کہا گیا ہے کہ ووٹوں کی تصدیق نہ ہونے کی وجہ غیر معیاری سیاہی کا استعمال ہے۔
اسلام آباد: سپریم کورٹ آف پاکستان نے الیکشن دو ہزار تیرہ کو کالعدم قرار دیئے جانے سےمتعلق درخواستیں مستردکردیں۔ چیف جسٹس ناصرالملک کی سر براہی میں تین رکنی بینچ نےوکلا کےدلائل سُنے۔
جس کے بعد اعلیٰ عدالت نے درخواستوں کو ناقابل سماعت قرار دیتے ہوئے مسترد کردیا۔۔چیف جسٹس نے ریمارکس میں کہا کہ درخواست گزاروں کی جانب سے لگائے گئے الزامات کے ثبوت فراہم کرنا نا ممکن ہیں۔.
عدالت کو ایسے مقدمات کی سماعت کا اختیار حاصل نہیں۔ واضح رہے کہ مذکورہ درخواستیں پاکستان تحریک انصاف کی جانب سے سپریم کورٹ میں دائر کی گیئں تھیں۔
اسلام آباد: سپریم کورٹ میں الیکشن دوہزارتیرہ کالعدم قراردینے کےلئے دائردرخواست کی سماعت انتیس اکتوبرکو ہوگی۔
سپریم کورٹ نے الیکشن دوہزارتیرہ کالعدم قراردیئےجانے سے متعلق دائر درخواست کی ابتدائی سماعت کےلئے تاریخ مقرر کردی ہے، درخواست ریٹائرڈ جسٹس شاہد محمود صدیقی نے دائرکی ہے۔ درخواست میں الیکشن شفاف نہ ہونے کی بنا پرکالعدم قراردینے کی درخواست کی گئی ہے۔ درخواست کی سماعت چیف جسٹس کی سربراہی میں تین رکنی بنچ انتیس اکتوبر کو کرے گا۔
شاہد آفریدی کافی عرصے سے اپنی بیٹنگ کو لےکر پریشان ہیں،خراب بیٹنگ کے سبب وہ ہمیشہ تنقید کی زد میں رہتے ہیں،گزشتہ دنوں سابق چئیرمین پی سی بی اعجاز بٹ نے بھی انہیں تنقید کا نشانہ بنایا تھا،تاہم شاہد افٓریدی نے ان کی بات کا بلکل برا نہیں مانا۔
بوم بوم افریدی نے اے آر وائی نیوز سے خصوصی بات کرتے ہوئے کہا کہ وہ اعجاز بٹ کے بیان پر کوئی تبصرہ نہیں کرنا چاہتے،ان کا کہنا تھا کہ بیٹنگ کی خامیوں کو دور کرنے کے کیلئے انہوں نے فرسٹ کلاس کرکٹ میں واپسی کا فیصلہ کیا ہے،آفریدی سیزن میں اپنی ڈیپارٹیمنٹل ٹیم کی نمائندگی کریں گے،بوم بوم بطور کپتان کھیلیں گےیا کھلاڑی یہ فیصلہ نہیں ہوا ہے،آفریدی نے آخری مرتبہ ڈومیسٹک کرکٹ دوہزار دس میں کھیلی تھی۔
سوات: وادی تیرہ اورسوات میں فورسزکی کارروائی میں تیرہ دہشت گرد ہلاک ہوگئے،جیٹ طیاروں کی بمباری سے دہشت گردوں کے چار ٹھکانے تباہ، تفصیلات کے مطابق وادی تیرہ اورسوات میں سیکیورٹی فورسز کی کارروائی جیٹ طیاروں کی بمباری سے شدت پسند ہلاک کردئیے گئے۔
بمباری سے چارٹھکانے بھی تباہ ہوئے ۔ذرائع کا کہنا ہے کہ دہشت گردوں کی مزید ہلاکتوں کا بھی خدشہ ہے۔ سوات کے چار باغ کے بالائی علاقے میں سیکیورٹی فورسز کے سرچ آپریشن کے دوران متعدد دہشت گرد مارے گئے ۔
دہشت گردوں کے قبضے سے بھاری اسلحہ برآمدہوا۔ سرچ آپریشن کے دوران دہشتگردوں نے فائرنگ کی،جوابی کارروائی میں دہشتگرد مارے گئے ۔ سرچ آپریشن امن کمیٹی کے مقامی رہنما ایوب کے قتل کے بعدشروع کیا تھا۔
اپنے اعزاز کا دفاع کرتے ہوئے ایشین گیمز میں گولڈمیڈل جیتنے والی پاکستانی ویمن کرکٹ ٹیم لاہور پہنچ گئی،نیشنل کرکٹ اکیڈمی میں میڈیا سے گفتگو کرتے ہوئےکپتان ثناء میر کا کہنا تھا کہ دوسری بار گولڈ میڈل جیتنے پر پوری قوم کو مبارکباد دیتے ہیں،اپ سیٹ کے خطرے کے باعث میچز آسان نہ تھے مگر مشترکہ کوششوں اور محنت سے کامیابی ممکن ہوئی ۔
کپتان ثناء میر نے حکام سے شکوہ کرتے ہوئے کہا کہ حکومت کی جانب سے 2010 میں کرکٹ گراونڈ دینے کا اعلان کیا گیا تھا جو تاحال پورا نہیں کیا گیا انکا کہنا تھا کہ ٹیم نے کسی بھی میچ کو آسان نہیں لیا محنت سے فتح حاصل کی،اس موقع پر کوچ محتشم رشید کا کہنا تھا کہ ڈومیسٹک کرکٹ کی مضبوطی سےنئے کھلاڑیوں کو موقع ملے گا، انکا کہنا تھا کہ ڈومیسٹک کرکٹ کا ڈھانچہ جتنا زیادہ مضبو ط ہوگا اتنا ہی نیا ٹیلنٹ سامنے آئے گا۔
اسلام آباد: وفاقی وزیر تجارت انجینئر خرم دستگیر خان نے کہا ہے کہ ملکی تجارت دوگنا کرنے کیلئے مقامی اور عالمی تجارتی ماہرین کی خدمات حاصل کر رہے ہیں،معروف ماہر معاشیات اور سابق گورنر اسٹیٹ بینک شاہد کاردار سے ملاقات کے دوران انہوں نے کہا کہ وزارت نے مستقبل کے ترجیحی تجارتی پراڈکٹس اور نئی تجارتی منڈیوں کے چناﺅ کیلئے تفصیلی اسٹڈی کا آغاز کر دیا ہے۔
جلد دنیا کے کامیاب تجارتی ماڈلز کے تجزیے کے بعد پاکستان میں تجارتی اصلاحات لائیں گے ، جس کے بعد حکومت اپنی تمام تر مشینری اور وسائل بروئے کار لاتے ہوئے پاکستانی مصنوعات کی بین الاقوامی ما رکیٹنگ پر اپنی توانائیاں صرف کرے گی، وفاقی وزیر نے ملاقات کے دوران بتایا کہ ملکی تجارت میں اضافے اور تجارت کی راہ میں حائل رکاوٹیں دور کرنے کیلئے فیڈرل بورڈ آف ریونیو ،وزارت خزانہ اور متعلقہ صوبائی اداروں سے مستقل رابطے میں ہیں اور وزارت تجارت انھیں ملکی تجارت کے فروغ کیلئے مفید تجاویز سے آگاہ کرتی ہے۔
سابق گورنرا سٹیٹ بینک نے کہا کہ پاکستان کی تجارت میں اضافے کیلئے برآمدی اشیاءمیں تنوع لانا وقت کا اہم تقاضا ہے، مزید برآں مشرق بعید کی ابھرتی ہوئی تجارتی منڈیوں سے تجارتی تعلقات میں اضافہ پاکستانی تجارت کیلئے مفید ثابت ہو سکتا ہے۔
یروشلم: غزہ پراسرائیلی حملوں کاسلسلہ چوبیس ویں روز بھی جاری ہے۔اسرائیلی کی سفاکانہ کارروائیوں میں شہید فلسطینیوں کی تعداد ایک ہزارتین سوچونسٹھ ہوگئی ہے۔سلامتی کونسل نے غزہ کی صورتحال پرغورکے لئے ہنگامی اجلاس طلب کرلیا ہے جبکہ اسرائیلی وزیراعظم نیتن یاہونے حملے جاری رکھنے کا اعلان کیا۔
نہتے فلسطینیوں کے خلاف اسرائیل کی سفاکانہ کارروائیاں پوری شدت سے جاری ہیں اورعالمی برادری اسرائیل کی کھلی جارحیت کے خلاف بے بسی کی تصویربنی امن کی اپیلیں کرنے میں مصروف ہے۔اسرائیل کا جنگی جنون اسکولوں،اسپتالوں، امدادی کیمپوں کونشانہ بنانے کے باوجود کم ہونے کا نام نہیں لے رہا اورنام نہاد جنگ بندی کا اعلان کرنے کے بعد بھی اسرائیل غزہ کے گلی کوچوں اوربازاروں پربموں کی بارش کرنے میں مصروف ہے۔
غزہ کے بازارپراسرائیلی حملے میں سولہ افراد شہید اورڈیڑھ سو سے زیادہ زخمی ہوگئے۔ بدھ کےروزاسرائیلی حملوں میں ایک سو سے زیادہ فلسطینیوں نے جام شہادت نوش کیا۔اسرائیل نے مزید سولہ ہزارریزرو فوجیوں کو طلب کرلیا ہے جس کے بعد غزہ حملوں میں حصہ لینے والے اسرائیلی ریزروفوجیوں کی تعداد چھیاسی ہزارہوگئی ہے۔حماس کی جوابی کارروائیوں میں اب تک تین شہریوں سمیت چھپن اسرائیلی فوجی مارے گئے ہیں۔