اسلام آباد : سعودی عرب نے پاکستان کو ماحولیات سے متعلق معاہدے کی پیشکش کردی، ملک امین اسلم نے کہا سعودی عرب گرین انیشیٹو میں پاکستان کو شراکت دار بنانا چاہتا ہے۔
تفصیلات کے مطابق پاکستان اورسعودی عرب کےدرمیان رابطوں میں تیزی آگئی، وزیراعظم عمران خان اور سعودی ولی عہد کی گفتگو کے بعد اہم پیش رفت سامنے آئی۔
سعودی عرب نے پاکستان کوماحولیات سےمتعلق معاہدےکی پیشکش کردی، اس سلسلے میں سعودی سفیر کی وزیراعظم کے معاون خصوصی ملک امین اسلم سے ملاقات ہوئی ، ملاقات میں ماحولیات سے متعلق 4 اہم شعبوں میں شراکت داری کا معاہدہ کرنے کی پیشکش کی گئی۔
معاون خصوصی ملک امین اسلم نے کہا سعودی عرب گرین انیشیٹومیں پاکستان کوشراکت دار بنانا چاہتا ہے، 10 بلین ٹری سونامی اب سعودی عرب میں بھی شروع کیا جارہا ہے۔
پاکستان اورسعودی عرب میں ماحولیاتی تحفظ کیلئے معاہدہ کیا جائے گا جبکہ پروٹیکٹڈ ایریا انیشیٹو اور قابل تجدید توانائی کے شعبوں میں بھی تعاون ہوگا۔
سعودی عرب نے بلین ٹری سونامی اور اولائیو ٹری سونامی میں دلچسپی کا اظہارکیا، اس حوالے سے دونوں ممالک کےدرمیان ٹیکنیکل وفود پر مشتمل اہم رابطے جلد شروع ہوں گے۔
یاد رہے چند روز قبل سعودی ولی عہد محمد بن سلمان نے وزیر اعظم عمران خان کو ٹیلیفون کرکے ان کی خیریت دریافت کی، ٹیلی فونک گفتگو کے دوران وزیر اعظم عمران خان نے ولی عہد کی جانب سے حال ہی میں اعلان کیے گئے ’گرین سعودی اقدام‘ اور ‘گرین مڈل ایسٹ اقدام‘ کی تعریف کی۔
عمران خان نے پاکستان کے’ 10 بلین ٹری سونامی‘ پراجیکٹ پر روشنی ڈالی اور کہا تھا کہ یہ ایکو سسٹم کو بحال کرنے اور ماحولیاتی تبدیلی پر قابو پانے میں مددگار ثابت ہوگا۔
جواب میں پی ٹی آئی امیدوار کے وکیل نے عدالت کو بتایا کہ لیگی امیدوار مفتاح اسماعیل نے اہلیہ کو ساڑھے تین کروڑ روپےکا گفٹ دیا، حلف نامے میں مفتاح اسماعیل نے ایک کروڑ کا تحفہ ظاہر کیا جبکہ باقی چھپادئیے، الیکشن ٹریبونل نے پی ٹی آئی امیدوار سے استفسار کیا کہ کیا ایف بی آر نےمفتاح اسماعیل کو کوئی نوٹس دیا؟۔
ملزمان کی فائرنگ کے نتیجے میں ایک شخص موقع پر ہی جاں بحق جبکہ دو وکلا سمیت سات افراد زخمی ہوئے، زخمیوں میں دو منشی اور ایک شہری بھی شامل ہے فائرنگ کے بعد ملزمان باآسانی فرار ہوگئے۔
