Tag: پاکستان نیول اکیڈمی

اسلام آباد : پاکستان نیول اکیڈمی میں مڈشپ مین کی پاسنگ آؤٹ پریڈ میں چیف آف نیول اسٹاف ایڈمرل نوید اشرف کا کہنا ہے کہ پاکستان نیوی سمندری حدود کی حفاظت کیلئے جدید ٹیکنالوجی سے لیس ہے۔

تفصیلات کے مطابق پاکستان نیول اکیڈمی میں ایک سو اکیسویں مڈشپ مین کی پاسنگ آؤٹ پریڈ ہوئی، چیف آف نیول اسٹاف ایڈمرل نوید اشرف نے بطور مہمان خصوصی شرکت کی۔

70مڈشپ مین اور28ایس ایس سی کیڈٹس فارغ التحصیل ہوئے، بہترین کارکردگی پر کیڈٹس کو مختلف اعزازات سے نوازا، لیفٹیننٹ نویداحمد کومجموعی بہترین کارکردگی پر قائداعظم گولڈمیڈل دیاگیا جبکہ مڈشپ مین عبداللہ وحید نے اعزازی شمشیر، مڈشپ مین آفتاب احمد نے اکیڈمی ڈرک حاصل کی۔

اسی طرح آفیسر کیڈٹ محمد خبیب کو چیئرمین جوائنٹ چیفس آف اسٹاف کمیٹی گولڈ میڈل اور سری لنکا سےتعلق رکھنےوالےآفیسرکیڈٹ کوچیف آف دی نیول اسٹاف گولڈ میڈل دیاگیا۔

سربراہ پاک بحریہ ایڈمرل نوید اشرف نے تقریب سے خطاب میں کرتے ہوئے کہا مڈشپ مین اور شارٹ سروس کمیشن کو کامیابی پر دلی مبارکباد پیش کرتا ہوں، پاکستان نیول اکیڈمی معیاری تربیت فراہم کرتی ہے اور امید ہے دوست ممالک کے کیڈٹس تعلقات کےفروغ کیلئے کردار ادا کریں گے۔

ایڈمرل نوید اشرف کا کہنا تھا کہ بحر ہند اپنی جیو اسٹرٹیجک خصوصیات اور مختلف ہاٹ اسپاٹ کی وجہ سے ممکنہ تنازع کا باعث بن سکتا ہے۔

انھوں نے کہا کہ پاک فوج دہشت گردی سے نمٹنے کی صلاحیت رکھتی ہے اور اپنی سرزمین کیخلاف شدت پسندانہ سوچ اور جارحیت سے ہر قیمت پر نمٹنے کیلئے تیار ہے۔

نوید اشرف کا مزید کہنا تھا کہ پاکستان کوکثیرالجہتی چیلنجزکاسامناہے , پاکستان نیوی سمندری حدود کی حفاظت کیلئے جدید ٹیکنالوجی اور اسٹیٹ آف دی آرٹ پلیٹ فارمز سے لیس ہے۔