Tag: پاکستان ویمنز ٹیم

پاکستان کی ویمنز کرکٹ ٹیم آئی سی سی ویمنز ورلڈکپ کےلیے کوالیفائی کرنے والی پہلی تیم بن گئی، تھائی لینڈ کو بڑے مارجن سے ہرایا۔

اے آر وائی نیوز کے مطابق پاکستان کی خواتین کرکٹ ٹیم نے آئی سی سی ویمنز ورلڈکپ کوالیفائر میں بہترین کارکردگی دکھائے ہوئے عالمی ایونٹ میں اپنی جگہ پکی کرلی، پاکستان نے تھائی لینڈ کی ویمنز کرکٹ ٹیم کو 87 رنز سے شکست دے دی۔

پاکستان کی جانب سے دیے گئے 206 رنز کے ہدف کے تعاقب میں تھائی لینڈ کی ٹیم 118 رنز پر ڈھیر ہوگئی، رامین شمیم، فاطمہ ثنا اور نشرح سندھو نے 3، 3 وکٹیں حاصل کیں۔

کوالیفائر میچ میں پاکستان ویمنز ٹیم نے پہلے کھیل کر 205 رنز بنائے تھے، قومی خواتین کرکٹ ٹیم نے ایونٹ میں لگاتار چوتھی کامیابی اپنے نام کی۔

https://urdu.arynews.tv/icc-womens-world-cup-qualifier-pakistan-beat-west-indies/

پاکستان ویمنز ٹیم کی کپتان ندا ڈار نے کہا ہے کہ ٹیم میں ہم شکلیں نہیں دیکھتے ٹیلنٹ دیکھتے ہیں۔ 

پاکستان اور ویسٹ انڈیز کی خواتین کرکٹ ٹیموں کے درمیان کل سے شروع ہونے والی ون ڈے سیریز کی ٹرافی کی رونمائی کردی گئی۔

ٹرافی کی رونمائی کے موقعے پر پاکستان ویمنز ٹیم کی کپتان ندا ڈار نے پریس کانفرنس میں کہا کہ جنوبی افریقا جب بھی پاکستان آئی تو سیریز اچھی رہی، سیریز آئی سی سی چیمپئن شپ کا حصہ ہونے کی وجہ سے بہت اہمیت کی حامل ہے ہم یہ سیریز جیتنے کی کوشش کریں گے۔

انہوں نے کہا کہ ویسٹ انڈیز کی ٹیم کے ساتھ سیریز سخت ہوگی، ہماری فٹنس پر بہت کام کیا گیا ہے ہم پلان کے مطابق میچ ٹو میچ تیاری کررہے ہیں۔

ندا دار کا کہنا تھا کہ ہوم گراونڈ پر سیریز ہے اچھا موقع ہے جیت کر پوائنٹس لیں گے، کاکول میں کیمپ لگ چکا ہے، رمضان میں روزے میں بھی کھلاڑیوں نے بھرپور فٹنس پر کام کیا۔

انہوں نے کہا کہ ویمنز کھلاڑیوں کا پول بڑھ گیا ہے جو خوشی کی بات ہے، ہم شکلیں نہیں دیکھتے ٹیلنٹ دیکھتے ہیں، ٹیم میں پول بڑھنے سے مقابلے کی فضا پیدا ہوگئی ہے۔

ان کا یہ بھی کہنا تھا کہ پی ایس ایل بہت جلد گرلز کا بھی ہوگا، لیگز کے انعقاد سے ٹیلنٹ ملتا ہے، پاکستان ویمن کے بارے میں تاثر غلط ہے کہ ہم چھکے نہیں مار سکتے، گذشتہ سیریز ہم نے چھکے لگا کر ہی کامیابی حاصل کی ہے۔

واضح رہے کہ پاکستان اور ویسٹ انڈیز کی خواتین کرکٹ ٹیموں کے درمیان پہلا ون ڈے کل کراچی میں کھیلا جائے گا۔

قومی ویمنز کرکٹ ٹیم نے تیسرے ون ڈے میں نیوزی لینڈ کو سنسنی خیز مقابلے کے بعد سپر اوور میں شکست دے دی۔

پاکستان ویمن کرکٹ ٹیم نے کرائسٹ چرچ کے گراؤنڈ میں تیسرے ون ڈے میچ میں میزبان ٹیم نیوزی لینڈ کو سپر اوور کے بعد تین رنز سے شکست دے دی۔

PAKISTAN WIN IN SUPER OVER! 🙌

Pakistan have defeated @WHITE_FERNS in ODIs for the first time in New Zealand 🤩#NZWvPAKW | #BackOurGirls pic.twitter.com/cTysIVh2vx

— Pakistan Cricket (@TheRealPCB) December 18, 2023

نیوزی لینڈ نے پہلے کھیلتے ہوئے پاکستانی ٹیم کو 251 رنز کا ہدف دیا، ہدف کے تعاقب میں قومی ٹیم نے سنسنی خیز مقابلے میں 251 رنز بنائے۔

میچ ٹائی ہونے پر سپر اوور میں پاکستان ویمنز ٹیم نے پہلے بیٹنگ کی اور گیارہ رنز بنائے، جواب میں میزبان ٹیم صرف آٹھ رنز بنا سکی جس کے بعد سیریز دو ایک سے کیویز کے نام رہی۔

 واضح رہے کہ ون ڈے سیریز سے قبل کھیلی گئی ٹی ٹوئنٹی سیریز پاکستان ویمنز ٹیم نے جیتی تھی۔

نیوزی لینڈ ویمن ٹیم نے دوسرے ون ڈے میچ میں پاکستان ویمن ٹیم کو 1 وکٹ سے شکست دے کر 3 میچوں کی سیریز میں دو صفر کی فیصلہ کن برتری حاصل کر لی۔

پاکستان اور نیوزی لینڈ کے درمیان کرائسٹ چرچ میں کھیلے گئے میچ میں نیوزی لینڈ ویمن ٹیم نے ٹاس جیت کر پہلے فیلڈنگ کا فیصلہ کیا، پاکستان ویمن ٹیم نے پہلے کھیلتے ہوئے مقررہ 50 اوورز میں 220 رنز بنا کر آؤٹ ہو گئی۔

پاکستان ویمن ٹیم کی بیٹر فاطمہ ثنا نے 90 رنز کی ناقابلِ شکست اننگز کھیلی جبکہ نتالیہ پرویز 39 اور نجیہہ علوی نے 32 رنز بنائے۔

220 رنز کے تعاقب میں نیوزی لینڈ ویمن ٹیم نے 9 وکٹ کے نقصان پر 7 گیندوں قبل حاصل کرلیا، نیوزی لینڈ کی میڈی گرین 83 رنز بنا کر نمایاں رہیں جبکہ سوزی بیٹس نے 74 رنز کی اننگز کھیلی۔

قومی ٹیم کی غلام فاطمہ نے 4 اور فاطمہ ثنا نے 2 کھلاڑیوں کو آؤٹ کیا۔

واضح رہے کہ سیریز کا پہلا میچ نیوزی لینڈ ویمن ٹیم نے 131 رنز سے جیتا تھا جبکہ دونوں ٹیموں کے درمیان تیسرا اور آخری میچ پیر کو شیڈول ہے۔

پاکستان کی ویمنز ٹیم نے نیوزی لینڈ ویمنز ٹیم کے خلاف ٹی ٹوئنٹی سیریز دو ایک سے اپنے نام کرلی۔

پاکستان اور نیوزی لینڈ ویمنز کرکٹ ٹیم کے درمیان کھیلا جانے والا تیسرا اور آخری ٹی ٹوئنٹی میچ ڈک ورتھ لوئس میتھڈ کے تحت کیویز نے اپنے نام کیا لیکن سیریز دو ایک سے پاکستان ویمن ٹیم نے جیت لیا۔

 بارش کے باعث یہ میچ مکمل نہ ہو سکا تیسرے اور آخری ٹی ٹوئنٹی میں نیوزی لینڈ ویمنز نے چھ رنز سے کامیابی حاصل کی۔

No further play is possible in Queenstown 🌧️

New Zealand win the final T20I by six runs on DLS after scoring 101-2 in 15 overs. Pakistan take the series 2-1 🏏#NZWvPAKW | #BackOurGirls pic.twitter.com/XoUe4v2qeV

— Pakistan Cricket (@TheRealPCB) December 9, 2023

پاکستان ویمنز نے پہلے کھیلتے ہوئے مقررہ اوورز میں پانچ وکٹ پر 137 رنز بنائے، 138رنز کے ہدف کے تعاقب میں نیوزی لینڈ ویمنز نے 15 اوورز میں دو وکٹ پر ایک سو ایک رنز بنائے۔

لیکن خراب موسم اور بارش کے باعث میچ کو پہلے ختم کرنا پڑا، میچ کا فیصلہ ڈی ایل سسٹم کے تحت ہوا جس میں نیوزی لینڈ ویمنز ٹیم کو 6 رنز سے فتح حاصل ہوئی۔

Match-defining spells in the first two T20Is 👏@imfatimasana is named player of the series for bagging 6️⃣ wickets at 9.33 across the three games 🌟#NZWvPAKW | #BackOurGirls pic.twitter.com/2O30F8cQrJ

— Pakistan Cricket (@TheRealPCB) December 9, 2023

نیوزی لینڈ کی کھلاڑی سوزی بیٹس پلیئر آف دی میچ قرار پائیں جب کہ پاکستانی بولر فاطمہ ثنا نے پلیئر آف دی سیریز کا ایوارڈ حاصل کیا۔

پاکستان ویمنز کرکٹ ٹیم نے نیوزی لینڈ ویمنز کے خلاف تاریخی کامیابی حاصل کرتے ہوئے پہلے ٹی ٹوئنٹی میچ میں میزبان نیوزی لینڈ کو 7 وکٹوں سے ہرا دیا۔

ڈونیڈن میں کھیلے جانے والے پہلا ٹی ٹوئنٹی پاکستان ویمنز کرکٹ ٹیم کے لیے تاریخی کامیابی اس لیے ہے کیوں کہ  ٹیم نے 9 ٹی ٹوئنٹی میچز میں نیوزی لینڈ کے خلاف پہلی کامیابی حاصل کی ہے۔

نیوزی لینڈ کے خلاف پہلے ٹی ٹوئنٹی میچ میں فاطمہ ثنا کی شاندار بولنگ اور شوال ذوالفقار کی ذمے دارانہ بیٹنگ نے پاکستان ویمنز کی تاریخی کامیابی میں اہم کردار ادا کیا۔

 

View this post on Instagram

 

A post shared by ICC (@icc)

نیوزی لینڈ ویمنز نے ٹاس جیت کر پہلے بیٹنگ کا فیصلہ کیا تھا اور مقررہ 20 اوورز میں 6 وکٹوں پر127 رنز بنائے تھے۔

بعدازاں پاکستان ویمنز نے 18.2 اوورز میں 3 وکٹوں کے نقصان پر ہدف حاصل کیا، فاسٹ بولر فاطمہ ثنا نے 18 رنز دے کر 3 وکٹیں حاصل کیں، شاندار بولنگ پر انہیں پلیئر آف دی میچ کا ایوارڈ دیا گیا۔

واضح رہے کہ دونوں ٹیموں کے درمیان دوسرا ٹی ٹوئنٹی میچ منگل کو اسی گراؤنڈ میں کھیلا جائے گا۔