Tag: پاکستان ٹیم

بھارت کے سابق آف اسپنر ہربھجن سنگھ نے گرین شرٹس کی شکست پر کہا ہے کہ میں نے سالوں سے پاکستان کی ایسی ٹیم نہیں دیکھی۔

چییمپئنزٹرافی میں بھارت نے پاکستان کو شرمناک شکست سے دوچار کیا، میزبان ہونے کے باوجود یہ بات تقریباً واضح ہے کہ ایونٹ میں پاکستان ٹیم کا سفر ختم ہوچکا ہے، اگر مگر کی کوئی بہت بڑی انہونی ہوجائے تو پاکستان ٹیم سیمی فائنل میں جاسکتی ہے مگر اس کے چانسز بھی ناممکن نظر آتے ہیں۔

سابق بھارتی کرکٹر اس طرح کی پاکستانی ٹیم دیکھ کر حیران ہیں، انھوں نے پاکستانی چینل سے گفتگو کرتے ہوئے کہا کہ پہلے پاکستان سے جب بھی مقابلہ ہوتا تھا تو لگتا تھا یہ ٹیم ہمیں ہرا سکتی ہے۔

ہربھجن سنگھ نے کہا کہ جب پاکستانی ٹیم آتی تھی تو ہمیں لگتا تھا کہ یہ ٹیم ہمیں لتاڑ سکتی ہے، ان کے پاس وہ اسٹار پلیئر تھے وہ پاور پیک کھلاڑی اور بولرز ہوا کرتے تھے، بولنگ بہت اچھی تھی، پہلے کی ٹیم متحد دکھتی تھی۔

بھارتی کرکٹر نے کہا کہ اس ٹیم میں اسٹار کرکٹر تو ہونگے مگر مجھے یہ ٹیم متحد نہیں دکھتی، ٹیم میں 6، 7 کھلاڑی ایسے ہونے چاہیئں جو آپ کو چیمپئن شپ جتواتے ہیں۔

مجھے پاکستان کی ٹیم ویسی نظر نہیں آرہی، اگر اس ٹیم کا 90 یا 2000 کے اوائل کی ٹیم سے مقابلہ کیا جائے تو وہ بہت مضبوط ٹیم ہوتی تھی، ہمیشہ ان کے سامنے کھیلنے میں لگتا تھا کہ میچ ہوگا۔

انھوں نے کہا کہ پہلے سامنے دم دار ٹیم نظر آتی تھی، جو ٹیم پہلے برابری پر کھڑی ہوتی تھی اب بھارت کی ٹیم مجھے اکثر پاکستان سے آگے لگتی ہے۔

https://urdu.arynews.tv/champions-trophy-pakistan-suffers-another-defeat-india-icc-event/

بھارت کے نامور اسپورٹس صحافی وکرانت گپتا نے کہا ہے کہ باڈی لینگویج دیکھ کر نہیں لگ رہا تھا کہ پاکستان کی ٹیم بہت پریشر میں ہے۔

چیمپئنزٹرافی میں پاک بھارت اہم میچ سے قبل دبئی سے تجزیہ کرتے ہوئے وکرانت گپتا کا پاکستانی ٹیم کے حوالے سے کہنا تھا کہ ٹھیک ہے پاکستان کی ٹیم ہار کر آئی ہے وہ جانتے ہیں کہ بھارت ایک مشکل ٹیم ہے اور اگر وہ ہارے گئے تو وہ اس ٹورنامنٹ سے باہر ہوجائیں گے جس کے وہ خود میزبان ہیں۔

وکرانت گپتا نے کہا کہ ایک تو عام پریکٹس ہوتی ہے لیکن پاکستان ٹیم کی پریکٹس میں ایک مقصد مجھے دکھا، دو تین دن پہلے بھارت کی ٹیم یہاں پریکٹس کرنے آئی تھی اور اس میں بھی ایک مقصد دکھا تھا۔

انھوں نے کہا کہ بھارتی ٹیم کا ایک مقصد تھا کہ کیا کرنا ہے، کب کرنا ہے اور کیسے کرنا ہے، وہی چیز مجھے پاکستان کی ٹیم میں بھی دکھائی دی ہے۔

چیمپئنز ٹرافی: پاک بھارت ہائی وولٹیج میچ کے دوران بارش کا کتنا امکان ہے؟ اہم خبر آگئی

بھارتی صحافی نے کہا کہ مگر بھارتی ٹیم اس وقت جہاں کھڑی ہے اور پاکستان ٹیم جہاں کھڑی ہے تو ایک ہار آپ کو ایونٹ سے باہر کرسکتی ہے اور یہ پاکستان کرکٹ ٹیم کےلیے آسان نہیں ہوگا۔

انھوں نے بتایا کہ سنیل گواسکر نے کہا ہے کہ ہرشت رانا نے بھلے تین وکٹیں لی ہیں مگر ان کی جگہ آپ ورون چکرورتی کو کھلاؤ اور اگر پچ اسپن کو مدد کرے تو آپ چار اسپنرز کے ساتھ میدان میں اترو۔

وکران کے مطابق بھارتی لیجنڈ سمجھتے ہیں کہ یہ پاکستانی ٹیم دبئی کی پچ پر اسپنرز کے سامنے زیادہ جدوجہد کرتی دکھائی دے گی کیوں کہ بھارتی ٹیم کو بیچ کے اوورز میں دقت پیش آرہی ہے۔