لاہور: پاکستان ون ڈے ٹیم کے کپتان اظہر علی نے کہا کہ سینئر کھلاڑیوں کی غیرموجودگی میں نئی ٹیم تیار کرنا آسان نہیں، ہدف چیمپیئنز ٹرافی میں جگہ بنانا ہے۔
قذافی اسٹیڈیم لاہور میں پریس کانفرنس کرتے ہوئے پاکستان ٹیم کے کپتان اظہر علی نے کہا کہ ہر میچ جیتنا ضروری ہے تبھی رینکنگ بہتربنا کر چیمپیئنز ٹرافی کھیل سکتے ہیں۔
انکا کہنا تھا کہ زمبابوے کی ٹیم پرفارم کررہی ہے،دباؤ میں آئے بغیر کھیلنا ہوگا،کھلاڑیوں سے ایک سو دس فیصد بہتر نتائج کی امید ہے۔
سیریز کے آخری دو میچز کیلئے مہمان ٹیم کے کپتان ہملٹن ماسکاڈزا نے کہا کہ ایلٹن چگمبورا کے نہ ہونے سے زمبابوے ٹیم کو نقصان ہوا ہے۔
ماساکاڈزا نے کہا کہ وکٹ بیٹسمینوں کیلئے سازگار ثابت ہورہی ہے۔امید ہے دوسرے میچ میں اچھی کارکردگی دکھائیں گے۔
