Tag: پاکستان پر الزام

بھارت نے بنگلہ دیش میں اپنی ناکامی چھپانے کے لیے پاکستان پر الزام عائد کیا کہ بنگلہ دیش میں حکومت کی تبدیلی میں پاکستان کا ہاتھ ہے۔

بنگلہ دیش میں شیخ حسینہ واجد کی صورت میں اپنےاہم اثاثےکھونے کےبعد بھارت میں اوپر سے نیچے تک کھلبلی مچی ہوئی ہے۔

اب بھارت اپنی ناکامی کو چھپانے کے لیے میڈیا کے ذریعے الزام عائدکر رہا ہے کہ بنگلہ دیش میں حکومت کی تبدیلی میں پاکستان کا ہاتھ ہے۔

بھارت کے دفاعی تجزیہ کار پڑوسی ملک میں رونما اس حیرت انگیزسیاسی تبدیلی سےاتنےبوکھلائےکہ ایک ہی سانس میں امریکا، چین اور پاکستان کواس کاذمہ دارقرار دے دیا۔

بھارتی میڈیا نے الزام عائد کیا کہ پاکستانی فوج اورآئی ایس آئی کامقصدحسینہ واجدکی حکومت کو غیر مستحکم کرنااوراپوزیشن جماعت بی این پی کوبحال کرنا ہے جو کہ پاکستان کی حامی ہے۔

بھارتی میڈیا نے الزام عائد کیا کہ چین نے بھی آئی ایس آئی کے ذریعے مظاہروں کو بڑھانے میں کردار ادا کیا جس نے بالآخر حسینہ کو ہندوستان فرار ہونے پر مجبور کیا۔

اس حوالےسے سابق سیکرٹری خارجہ شمشیر مبین چوہدری نے بھارتی تجزیہ کار کی سازش کا منہ توڑ جواب دیتے ہوئے کہا کہ
’’شیخ حسینہ مخالف ہر فرد کو آئی ایس آئی کا ایجنٹ قرار دینا بنگلہ دیش کےبارےمیں آپ کی لاعلمی کو ہی بے نقاب کرتا ہے‘‘

سابق بنگلہ دیشی سیکرٹری خارجہ کا کہنا ہے کہ ’’بنگلہ دیش کےموجودہ حالات کاذمہ دار آئی ایس آئی کوٹھہرانہ اصل حقائق پرپردہ ڈالنےکےمترادف ہے‘‘ ،یہ تمام الزامات نہایت مَضْحَکَہ خیز ہیں، جن کامقصد بھارت کی بنگلہ دیش میں ناکام خارجہ پالیسیوں پرپردہ ڈالنا ہے۔

ان الزامات کے برعکس اصل میں بھارتی حکومت کی بےجا حمایت اور بنگلہ دیش کے معاملات میں مداخلت بھی شیخ حسینہ کے زوال کی وجہ بنی۔

بھارت 14 سال سے شیخ حسینہ واجد کی حکومت کی پشت پناہی کے باعث وہاں جمہوریت کی تباہی میں برابر کا حصہ دار ہے، یہی وجہ ہےکہ بنگلہ دیش میں حسینہ واجد کی شخصی آمریت کی زیر قیادت عوامی لیگ کی حکومت کی تبدیلی بھارت کا نیا دردِ سر ہے۔

بھارت افغانستان میں حادثے کا شکار مسافر طیارے پر پاکستان کیخلاف پروپیگنڈا کرنے میں مصروف ہیں، طیارہ صوبے بدخشاں کے ضلع زیباک کے پہاڑوں میں گر کر تباہ ہوا تھا۔

تفصیلات کے مطابق پاکستان پر بغیر کسی ثبوت کے الزام تراشی بھارت کا پرانا وطیرہ رہا ہے ، بھارت افغانستان میں حادثے کا شکار مسافر طیارے پر پروپیگنڈا کرنے میں مصروف ہیں۔

بھارت بغیر ثبوت کسی بھی واقعے کا الزام پاکستان پر لگانے میں ذرا بھی دیر نہیں کرتا، طیارہ افغانستان کے صوبے بدخشاں کے ضلع زیباک کے پہاڑوں میں گر کر تباہ ہوا ، بھارتی طیارے کا گزشتہ رات ریڈار سے رابطہ منقطع ہو گیا تھا ، طیارہ براستہ افغانستان ماسکو جا رہا تھا۔

بدخشاں افغانستان کا صوبہ ہے، جس کی ہر ملک کے ساتھ کشیدگی ہے، بدخشاں میں انصار اللہ کے وہ تاجک بھی موجود ہیں۔ جو IS میں شامل ہوئے۔

بھارت بغیر کسی قابلِ اعتماد ثبوت کے الزام پاکستان پر دھر دیتا ہے، حال ہی میں بھارتی خبر رساں ادارے ”دی وائر“ کو دیے گئے انٹرویو میں پاکستان میں بھارت کے سابق ہائی کمشنر اجے بساریہ نے اعتراف کیا کہ بھارت کے پاس صرف بیانیے ہیں لیکن 2019 کی بالا کوٹ سٹرائیک کی کامیابی کا کوئی ثبوت نہیں۔

انٹرویو میں اجے بساریہ نے اس بات کا بھی انکشاف کیا کہ ستیہ پال ملک کو سنگین ناکامی بارے آگاہ کیا تھا، یہ بات مودی کو بتائی گئی لیکن انہیں خاموش رہنے کو کہا گیا۔

پلوامہ یا بالاکوٹ کے بارے میں مکمل سچائی سے پردہ اٹھانا مشکل ہے، نریندر مودی کی قیادت میں بی جے پی کسی بھی ایسی چیز جو بھارت کی نااہلی ظاہر کرتی ہو یا پھر بالاکوٹ کی مبینہ کامیابی پر سوالیہ نشان ہے اور کبھی بھی سرکاری طور پر سامنے نہیں لائے گی۔